[麥當勞是俄羅斯戰略企業]必定要救,國家有援助
正文其實兩句講完,但吹返幾千字水咁,一貫作風。
1. 話說,肺炎疫情不止,各國嘅公司都唔多掂,航空公司酒店郵輪固然係重災區,餐廳都十分大鑊。各地政府都支援企業,甚至有啲所謂「大得不能倒」嘅公司。雷曼年代你知道最後政府都救銀行(但冇救雷曼),之後亦都救過GM 通用汽車。而家侵侵講到明唔會畀波音爆煲(多謝先)。
2. 在俄羅斯呢?都有啲企業係「系統性重要」(咩中文?Systemically Important),其中一間,就係麥當勞!嚟自萬惡美帝嘅麥當勞!唔好講咩肺炎後世界點變,但肯定美式資本主義又一勝利,麥當勞兄弟睇到應該好開心(*)。
3. 「系統性重要」又點?其實都有幾百間,話啲重要公司,大僱主咁。話說俄羅斯都八百幾間老麥,係咪請好多人呢?我估唔係。但可能個象徵意義緊要。呢啲公司,就有機會申請政府救助啦,唔知係借定貼定點,唔識俄文。
4. 但主要想講嘅係,俄羅斯嘅麥當勞。我冇去過俄羅斯,但俄羅斯當然係有麥當勞的。唔止,就即係蘇聯年代已經有麥當勞!我等年紀就會知,因為當年都係大新聞。有冇留意我幫你圈住金拱門下面支蘇聯旗?有相為證的。
5. 講得蘇聯,就知年代久遠,老過好多讀者。而所謂嘅冷戰對手,紅到唔紅共到唔共嘅蘇聯,居然係比較早就有麥當勞嘅國家(相信係因為市場大,或者統戰)。90年頭已經有,頭50國家之一 —無巧不成話,之後開嘅就係,中國,90年,六四之後一年多啲嘅事。
6. 而麥當勞開嘅年代,仲係蘇聯,但改革嘅wind of change已一發不可收拾。89年有柏林圍牆倒下,羅馬尼亞壽西斯古畀人啪咗,波蘭匈牙利捷克都變天,「蘇東波」嘛。
7. 而麥當勞就係90年頭在莫斯科,普希金廣場開的。張相就係盛況。十分記得,因為當時老母係咁同我講(而我細個唔係特別鍾意食麥當勞的,反而扭計食烤雞大王,細細個就麻撚煩)
8. 見到了,開幕好大陣仗,人龍排幾公里。第一日就做咗三萬個客,當時嘅紀錄—之前紀錄係匈牙利布達佩斯,九千個。仲要(秘密?)警察維持秩序。聽聞警察自己都買埋一份,仲奉旨打尖添—但蘇聯人慣咗排隊,亦慣咗警察有特權。俄羅斯民族承受痛苦嘅能力,遠超你想像,甚至受苦難根本係佢地建構民族身份認同嘅一個主要元素,同啲聽《痛愛》嘅港女一樣。亦即係中國嘅「XX亡我之心不死」,或者坡國嘅「馬拉佬成日想斷我地水印尼佬成日想搞我地新加坡不能亂總之聽老豆話老豆冇害過你」,有機會再解。
9. 而同當年大陸一樣,做麥當勞呢啲外資公司,梗係人人爭住去。因為冇傳統啲官僚機構咁講出身又要刷鞋仲要潛規則,又夠潮。做得嘅全部都後生仔女,名牌大學,要識講英文(Le Big Mac咩 ),唔好西口西面。呢啲同傳統嘅「蘇聯式」「服務」當然係兩回事。
10. 甚至當年呢,因為啲客慣咗冷冰冰Poker Face嘅蘇聯式服務,見到有人咁熱情歡水,十分唔慣,做乜無啦啦對我笑?恰熟咁樣係咪有陰謀?同你好熟?(屌,我諗起香港)。結果餐廳經理要調教下,要啲員工唔好好似美國咁笑咁多。
11. 又,身體最誠實,西方資本主義當然萬歲。正如而家北韓人偷睇韓劇呀睇K Pop呀咁(所以孫藝珍咁款飄咗去北韓遇到軍佬仲有得剩?!我好難接受有人話我知啲劇情好真實),當年成堆東歐,當然地下都係睇西方嘅書,聽西方嘅流行曲,偷偷地睇偷偷地睇,即係在大陸佢地就聽Beyond 聽千千闕歌咁(咪講笑,冇十億都有幾億人識呢首歌!)。
12. 所以,麥當勞嚟到,仲要唔使偷偷摸摸,梗係爭住去!絶對唔平,但唔使畀人篤灰可以光明正大,梗係要去。蘇聯好窮,但麥當勞雖然係跟返國際價,但都仲係食得起嘅—等於一個月車錢喎。但,型嘛。等於而家啲小朋友又話悲慘世界但去食米芝蓮打卡咁咯。成個月忍你啲仆街廢老,就係月底豪呢餐。本質上同啲地盤佬出糧叫雞差不多(不過地盤佬好多係一個星期出一次糧嘅,甚至日日清都有)。日日做到冇停手喎,有壓力嘛。
13. 結果呢個麥當勞狂熱,由蘇聯過渡到去獨聯體(嘩!呢個名就更加有歷史感!)去到俄羅斯,排足幾年。
14. 而啲友呢,直頭係拎埋啲發泡膠盒(嗰個不環保年代真美好!)呀杯呀返屋企做紀念品,完全不能想像可以拎走的,甚至有人用完再用,拎嚟在屋企裝嘢飲咁咯。亦都所以,早期莫斯科啲垃圾桶係冇嘢的!因為啲友所有嘢都拎返晒屋企!
15. 打後,當然就係蘇聯解體,冷戰結束,Wing of Change.中國未變天,但改革開放。全球化,世界大同,Liberal右翼萬歲,新自由主義,列根戴卓爾Milton Friedman 克林頓 格林斯潘 ,中國廉價勞工,個體戶變中產- 然後就種下2008禍根- 之後QE,買唔起樓,之後變反全球化,餓你唔死但社會不公,貧富懸殊,反精英,排外,本土優先,民粹,種族主義。呢度夠你寫返十幾萬字了。
(資料參考:https://bit.ly/39poLxv)
(*)其實唔係,一早激死咗,舊文有講過下,發揚光大嘅另有其人,仲過咗麥當勞兄弟一楝,好大楝(https://bit.ly/3bnpQHp)
楝篤笑英文 在 電影A-Z Facebook 的最佳貼文
☆Mr Wong☆
等到了等到了,我終於等到了在大銀幕好好看我的子華神。
即使是極忠實極迷妹,即使Mr Wong多次重申楝篤特工並不是一般賀歲片,我對於多張他不同造型的劇照和一個又一個客串名單流出去,仍然很擔心這會不會是柴娃娃的胡鬧戲,不過我的擔心真的是不必了。
楝篤特工很明顯是想向外國特工戲,如007或最近的皇家特工進發,Mr Wong其實從來演戲都很有個人風格,一舉手一投足甚至一句說話,你都立刻知道這就是黃子華,而這強烈的個人風格配上這些年的子華神形象,飾演這個極有自信又很有魅力的特工陳先生,就有如他那身剪裁合身的西裝一樣剛剛好。
沒有了大台味的佘詩曼很好,C君的綠葉作用亦佳,但再好也好不過那一個比一個令人驚喜的客串演出。平時看到群星拱照的電影總是覺得你劇本好就不要搞大龍鳳,難得楝篤特工內的客串居然意外地不突兀很合理。看到許冠文出現那刻很感動,沒有你就沒有當年拍神算的黃子華了。令我最捧腹大笑的絕對是吳君如那一場麻雀戲,加上欣宜、細細粒和麥玲玲,就是一枱師奶打牌的寫照。還有蔡少芬和張國強那幕我幾乎笑到噴飯,不過真的真的不能劇透大家自己去體會吧!
一向喜歡Mr Wong的極大原因就是他從不曾離地,作為一個邁向60歲的叔叔還跟你說一生推和失意體前屈,還有動員所有線上8/90後最熟悉的紅人(重點是他們還不是隨便茄哩啡而且有對白),這絕對比那些只會懷緬當年香港有多美好的製作人有誠意得多。
如果我要彈的話,可能就是我沒有預期蘇麗珊拿到一個這麼有發揮的角色卻完全不會脫角,鄧月平雖然從頭到尾我都不確定她嘴巴有沒有張開超過20度,但我還有印象她癲雞的狀態,但蘇麗珊呢?除了她的懶音之外我都很模糊,這也是令我最失望的地方。
Mr Wong應該自此不再是票房毒藥,聽說特工想繼續拍下去,雖然今次很好看,但我還是很想看到他有更多不同類型的演出,所以見好就收比較好吧。
#波多野結衣的廣東話好好好可愛
#MrWong的英文令我變佘詩曼一樣花痴
#心心眼狀態渡過了一百分鐘
#在九展看特別有歸屬感
#其實hydogen是不是參考了優獸大都會的夜咆哮
#如果MissMo也能出現我想我死而無憾
#楝篤特工
#黃子華
hmv Digital China Group
黃子華 - 子華本部