感謝❤️🙏🏻好有心嘅文章
記錄左我哋嘅青春😝
Thanks ❤️ @ga_cantopopstory
講起唱作人,你第一個諗起邊個?喺當今#香港樂壇「唱作」已經唔係一件稀有嘅事情,呢幾年出道嘅新人唔寫開歌都會識啲樂器。但以前,唱作人唔係咁普遍,甚至8,90年代好多#廣東歌 都由日本流行曲改編而成。直到千禧年代,本土唱作人先慢慢如雨後春筍湧現。而#唱作四小強 呢個朵,就喺2006年嘅#叱吒 誕生。
當晚#商台 邀請唱作人四強做一個表演,以#鋼琴、#電子琴、#鼓、#結他 合奏,唱盡四位嘅代表作 - 王菀之的《#詩情》、張繼聰的《#K型》張敬軒的《#笑忘書》及方大同的《#愛愛愛》。張繼聰更展現舞技,睇得觀眾相當投入。但叫得唱作人四強,即係有一位名落孫山。商台巧妙地安排第四名的張繼聰頒獎,到最後四位好朋友互相擁抱嘅場面莫明感動。值得一提嘅係,當年呢個item係由#細So 籌備,感激佢為香港唱作人文化種下一顆不可或缺嘅種子。
◼#方大同
最專注音樂但重心最唔喺香港樂壇嘅一位,出道多年全部都係國語歌,喺台灣已經成為金曲歌王。留喺香港樂迷心目中嘅必定要數到《#橙月》。個性低調嘅佢隨住減產已經慢慢遠離香港大眾嘅視線。近年創立自家音樂品牌「賦音樂」並簽下王詩安和孔藝弦2位創作女歌手,專心培養下一代音樂人。
◼#張敬軒
唔知有幾多人對佢嘅印象係一位唱作歌手呢?早年好多歌出自自己手筆,包括《#斷點》,《#只是太愛你》,《#笑忘書》等。近年創作作品大幅減少,多數同其他音樂人合作作曲,如Johnny Yim。
對音樂製作有追求嘅皇上曾花巨款喺廣州設立The Village Studios。Studios曾被列為世界前二十名錄音室,希望可培訓世界級華人錄音師,及吸引國際樂手或歌手錄製唱片。由此可見皇上係有幾有野心同愛音樂。可惜因為政府要收地清拆,錄音室喺2014年關門大吉。呢件事亦成為皇上永遠嘅痛。
◼#張繼聰
一樣姓張嘅張繼聰同張敬軒有冇關係呢?又真係有,張繼聰係張敬軒冇血源關係嘅表舅父。但凡任何人了解過張生嘅故事,都不得不深深佩服佢係一個#真男人,亦係四小強入面被低估嘅一個。出道幾年已經攞到#叱咤樂壇作曲人大獎(留意唔係唱作人)。《#木紋》同《#防不勝防》一直係佢最廣為人知嘅作品,但佢仲有好多值得留意嘅作品。其中 張繼聰x 小克呢個組合,創作咗大量諸如#生命之花 等經典作品。
佢同#謝安琪 嘅合唱版不能錯過:
https://www.youtube.com/watch?v=soEVL7qhePQ
隨住佢喺電視同電影搵到另一片天,佢已經擺低咗音樂好耐。直到上年終於推出一首佬味十足嘅David Harleyson。
◼#王菀之
同張繼聰一樣,自從拍電視電影發掘到喜劇細胞後,投放喺影視作品嘅時間越嚟越多。一嚟因為係興趣,二嚟係要借此賺取收入,支持自己整新歌。一直比人感覺係藝術家嘅Ivana唔會盲目寫符合大眾口味既歌,喺主流同藝術之間搵到屬於自己嘅風格。但留意,佢係有能力寫諸如#好時辰,#末日,#我真的受傷了等流行歌曲。近年已經冇出碟嘅佢最令我擔心有一日,佢可能唔再出歌。
最後,希望大家睇下Ivana憑末日第一次攞叱吒十大嘅片段:https://www.youtube.com/watch?v=rJzKcXhTtPs
喺呢個特別時刻,Ivana特別多謝四小強嘅每一位,睇得出四位真係一路走來互相扶持嘅好戰友。衷心希望佢地每一位嘅歌,假以時日可以得到更多人嘅喜愛。
樂壇四小強 在 谷Live Facebook 的最讚貼文
【民調一下✅】2006年,香港樂壇出現過「唱作四小強」,分別係方大同🎸、張敬軒🎤、王菀之🎹、張繼聰🕺,樂迷開始留意本地創作力量。隨住時代在轉變,「四小強」分別在不同範疇發展,作品亦開始減產,新一代嘅「唱作四小強」,五個當中,你又睇好邊個?🧐
On C AllStar - 新鮮滾熱辣唱作人金獎,單飛專輯《本原》六首作品包辦五首作曲,其實早於C Allstar年代,安仔已經有自己嘅創作作品,例如《一切從簡》、《2013的約定》、《陪你到世界終結》、《不知不覺已大個》、《總有離開的時候》、《上車咒》等等⋯又識創作,又練得一身肌肉嘅安仔,可以話係文武雙全呀!
林家謙 Terence Lam - 近年灸手可熱嘅作曲人,2014年開始擔當作曲人發表歌曲,最為人熟悉嘅作品有為JW打造嘅三步曲《矛盾一生》、《多少年》及《自由飛翔》。林宥嘉專輯《今日營業中》中,林家謙亦包辦四首作品,廣東歌《壞與更壞》就係出自佢手筆。上年,林家謙由幕後走到幕前,《下一位前度》大獲好評,更成為生力軍金獎!
Kiri T - 何韻詩口中的「大師姐」。早在14歲時,佢將demo寄給何韻詩,點知一擊即中,被何韻詩收歸旗下。第一首發表嘅作品係容祖兒《兩面》,其他作品包括何韻詩《無臉人》﹑林海峰《九號鞋》﹑吳雨霏《奉愛之名》、謝安琪《773312》等等⋯Kiri T嘅作品以英文為主,風格有別如一貫嘅Cantopop,鐘意聽新嘢嘅樂迷,Kiri T可能啱你口味!
陳蕾 Panther Chan - 09年從廣州隻身嚟到香港參加【亞洲星光大道】,星路一直平平,直至2017年終於搵到音樂上最佳戰友,MR.嘅MJ和Tom,成立 「自由意志 」,陳蕾嘅作品開始建立到自己嘅風格。上年加盟華納,《妖治時代》、《熒光》、《相信一切是最好的安排》亦獲得很好成績。期待其他歌手會問陳蕾邀歌(第一個諗到係小巧),相信一定會擦出火花!
Cath Wong 黃妍 - 帶住結他從街頭唱到唱片公司,正式當上歌手。首張專輯《黃妍說》個人包辦全碟作曲部份,如果樂壇有「勤力獎」,黃妍應該當之無慚,上年總共派咗五首歌,《貪睡的人》、《小鹿撞樹記》等等⋯亦舉行了首個售票音樂會,其小清新曲風,唱作實力得到不少網民認同!
#陳健安 #林家謙 #KiriT #陳蕾 #黃妍 #唱作人
#廣東歌 #MadeInHongKong #香港人撐香港音樂 #香港製造
樂壇四小強 在 谷Live Facebook 的最讚貼文
【民調一下✅】2006年,香港樂壇出現過「唱作四小強」,分別係方大同🎸、張敬軒🎤、王菀之🎹、張繼聰🕺,樂迷開始留意本地創作力量。隨住時代在轉變,「四小強」分別在不同範疇發展,作品亦開始減產,新一代嘅「唱作四小強」,五個當中,你又睇好邊個?🧐
On C AllStar - 新鮮滾熱辣唱作人金獎,單飛專輯《本原》六首作品包辦五首作曲,其實早於C Allstar年代,安仔已經有自己嘅創作作品,例如《一切從簡》、《2013的約定》、《陪你到世界終結》、《不知不覺已大個》、《總有離開的時候》、《上車咒》等等⋯又識創作,又練得一身肌肉嘅安仔,可以話係文武雙全呀!
林家謙 Terence Lam - 近年灸手可熱嘅作曲人,2014年開始擔當作曲人發表歌曲,最為人熟悉嘅作品有為JW打造嘅三步曲《矛盾一生》、《多少年》及《自由飛翔》。林宥嘉專輯《今日營業中》中,林家謙亦包辦四首作品,廣東歌《壞與更壞》就係出自佢手筆。上年,林家謙由幕後走到幕前,《下一位前度》大獲好評,更成為生力軍金獎!
Kiri T - 何韻詩口中的「大師姐」。早在14歲時,佢將demo寄給何韻詩,點知一擊即中,被何韻詩收歸旗下。第一首發表嘅作品係容祖兒《兩面》,其他作品包括何韻詩《無臉人》﹑林海峰《九號鞋》﹑吳雨霏《奉愛之名》、謝安琪《773312》等等⋯Kiri T嘅作品以英文為主,風格有別如一貫嘅Cantopop,鐘意聽新嘢嘅樂迷,Kiri T可能啱你口味!
陳蕾 Panther Chan - 09年從廣州隻身嚟到香港參加【亞洲星光大道】,星路一直平平,直至2017年終於搵到音樂上最佳戰友,MR.嘅MJ和Tom,成立 「自由意志 」,陳蕾嘅作品開始建立到自己嘅風格。上年加盟華納,《妖治時代》、《熒光》、《相信一切是最好的安排》亦獲得很好成績。期待其他歌手會問陳蕾邀歌(第一個諗到係小巧),相信一定會擦出火花!
Cath Wong 黃妍 - 帶住結他從街頭唱到唱片公司,正式當上歌手。首張專輯《黃妍說》個人包辦全碟作曲部份,如果樂壇有「勤力獎」,黃妍應該當之無慚,上年總共派咗五首歌,《貪睡的人》、《小鹿撞樹記》等等⋯亦舉行了首個售票音樂會,其小清新曲風,唱作實力得到不少網民認同!
#陳健安 #林家謙 #KiriT #陳蕾 #黃妍 #唱作人
#廣東歌 #MadeInHongKong #香港人撐香港音樂 #香港製造
樂壇四小強 在 O6叱吒頒獎禮唱作四小強表演 - PTT 娛樂區 的推薦與評價
2007年1月1日香港商業電台舉行叱吒樂壇頒獎典禮,大同與張敬軒,張繼聰,王菀之入圍了唱作人獎四強,頒獎前四人合作了一場表演,自此備受樂迷注目, ... ... <看更多>
樂壇四小強 在 陳慧嫻林憶蓮:那些年的天后之爭,最後贏家竟然是她 - Pinterest 的推薦與評價
陳慧嫻林憶蓮:那些年的天后之爭,最後贏家竟然是她| 夏小強的世界xiaxiaoqiang.net ... 陳慧嫻林憶蓮:那些年的天后之爭,最後贏家竟然是她| 香港樂壇,起風了。在這期間, ... ... <看更多>
樂壇四小強 在 廣東話資料館Cantonese Museum - 香港唱作四小強喺2006 ... 的推薦與評價
喺2006年度叱吒樂壇流行榜頒獎典禮上面,四位唱作人方大同、張敬軒、王菀之、張繼聰合唱,即時畀外界叫佢哋做「香港唱作四小強」。四個人都係份屬好友,曾經喺好多場音樂會 ... ... <看更多>