「福爾摩大叔」估估邊個係開膛手先！
祖迪費查斷估無痛苦都可以做「福爾摩師奶」，版主都可以估估下做個「福爾摩大叔」，估下邊個係開膛手。首先兇手只是模仿開膛手傑克，並非本人！目前首席嫌疑犯菲臘費查在港結婚超過廿年，這故事背景是1900年代，傑克在倫敦殺人是1888年，所以時間線上很難是同一人！他有可能搭成接近兩個月船到倫敦，特登殺人後回港，但如果係咁，祖迪一定記得他曾離家超過半年，會更有理由懷疑他，但至今沒有提到，(不過她的記憶同觀察力實在麻麻地，可能之後又醒起)，可以肯定他不是傑克，最多只是模仿犯。
估誰是真兇其實是估編劇點扭橋，咁易俾觀眾估到一定俾人駡，慿這個習慣，目前最大嫌疑的菲臘一定唔係開膛手，只是另有苦衷要避難。而第二號最有嫌疑是關一夫，這幾集明顯要大家懷疑佢，他的疑點由第二集道友(財）之死已經開始， 第三集第二個妓女死，令祖迪獲釋，亦整個他的大頭鏡頭，令人覺得同佢有關，之後他無原無故無薪水接近祖迪，肯定有古怪。另外的嫌疑位是他居然可以開到祖迪大宅那把難開的鎖，又知道地下室的事這個可以引申到，他偷了菲臘的眼鏡嫁禍佢，預先安排證據等祖迪懷疑老公等等，而這兩集更做到佢背景複雜又躁底，擺明想人懷疑佢係開膛手！
所以，基於編劇要扭橋，要令大家有意外驚喜，開膛手都不會是關一夫，而最大可能的兇手應該是陳嘉輝飾演的高明醫生，解剖醫生，最近仲黐埋白牡丹度，佢令人少懷疑的原因只是因為劇情少，大家唔知佢嘅過去，仲有成十集，補番劇情俾佢，解釋番件事好容易！版主雖然都係斷估，不過理性個祖迪㗎！
