#小編去開房 之 半島酒店住宿體驗報告 I
半島，我細細個就聽過呢個名啦！一直半島俾小編的感覺都係全港最top，好似有錢人先入得去咁！🤣 之前小編就見到半島做一價包四餐的優惠，覺得幾抵就本住「而家唔試可能之後冇機會」的心態，把心一橫book咗晚試下！😤
🍚午餐
Check in時間就三點，所以就食咗個lunch先啦～Lunch喺大堂食，去過半島都知佢個大堂係影相熱點，有英式典雅的感覺，喺度食飯都幾有feel（唯一唔好係好多人行嚟行去要長期保持儀態🤣）
Lunch係三道菜，有前菜+主菜+甜品！小編就叫咗煙蘇格蘭三文魚及配料+雞胸配鴨肝忌廉汁及雜錦椰菜花+栗子樹頭蛋糕配雲呢拿忌廉、肉桂脆餅及黑加侖子雪葩（啲名好長…），而飲品竟然有果汁揀！😳 小編就飲蜜瓜汁🍈
半島出品就當然有返咁上下啦，味道唔錯🤭，而且擺盤都好講究，打卡一流！🤗 但小編本身比較大食，而佢份量都唔算多，所以食完都唔係好飽😶（另一set的菜名及詳盡食評見圖片caption）
🛏️房間
食完周圍hea下等到三點就check in上房，小編今次好豪氣地book咗特級豪華海景客房（詳情：https://bit.ly/3otzXAy）荷包就有點傷，但難得機會就豪俾佢！😤 上房時又興奮又期待，一開門果然值得！間房大大個窗望住維港（正對住會展㗎！），而家天氣都唔錯，當然一見到就要瘋狂打卡啦！😍
個海景仲要對住張床，一起身開窗簾就見到呢個景，心情都好啲！🥰 講起開窗簾，間房係智能房間，不論係開閂窗簾、校電視音樂電台、開熄燈、叫room servie、搵housekeeping等等，都係一部tab搞掂，好先進㗎呢！🥳 （大鄉里…）值得一提係搵housekeeping係可以用訊息，唔使一定打電話，啱哂小編呢啲毒毒🥺🥺🥺
佢亦都喺飯枱準備咗welcome set，有支橙汁，有幾件cake咁，當一個light tea都得，佢仲有封手寫信歡迎你入住，超sweet，好有貴賓的感覺☺️
講下其他設施啦！電視都幾大部，而且可以拉出嚟校角度，向住飯枱又得，向住床又得，得咗！😎 電視台選擇尚算多，但可能半島aim外國客多，多以國際台為主（如BBC、CNN、半島電視台等），反而本地台得TVB、有線（電影台新聞台）、NOW（新聞台體育台），viutv、港台、開電視就冇得睇……😢 而且電視得youtube冇netflix，但就可以用Chromecast，或者自己用手提電話／手提電腦都得🥺
房內設有咖啡機，飲熱水、沖茶沖咖啡都得！🤩 佢除咗有免費咖啡同茶包之外，竟然有一個古色古香的茶壺set，俾大家用茶葉泡茶，成件事好chill！😌 而且佢好多櫃桶，幾乎每個櫃桶都有玄機（見圖），好有尋寶遊戲feel，值得一提係佢連整指甲的儀器都有，比較少見🧐
我哋去廁所睇睇，一入去就有個大浴缸，而浴缸執邊有得校浴缸電視，唔想睇可以㩒SPA模式，一㩒佢就會熄哂啲燈再播SPA的音樂（係冇按摩既），感覺係放鬆既，好易浸到巢皮都唔知😂 佢另外有一格廁所一格企缸，都係以雲石做主調，好grand的感覺，洗手盤都有兩個，唔使爭。牙刷沐浴露洗頭水等等當然就唔少得啦！☺️
講真間房呢，小編就真係好滿意！🥰 而家等dinner送上來，未完待續…
