話說，未結婚前，哈士彬先生尊稱我娘親做「auntie」，一叫就叫咗五六年，有時候我同娘親傾緊計佢都會隔住個電話噓寒問暖，所以我娘親慣咗打俾我第一句就係問「彬仔呢？」好似佢先係我娘親嘅親生骨肉咁，而佢都會auntie前auntie後，逢年過節送禮，得閒幫手搞電腦電話嘅問題，深得我娘親寵信。但睇慣咗宮鬥劇嘅我，深明女主角係唔需要搏老命爭寵，終有一日個運氣落到我身上，我就可以扭轉局勢，做返娘親嘅親生女。
尋晚機會終於嚟啦。
我娘親問：食咗飯未？彬仔呢？
我遞個電話俾佢自己答，佢突然間失心瘋好精神爽利大大聲咁問：食咗啦！Auntie你呢？
我娘親幽幽地答咗一句：邊個嚟㗎？叫我做auntie嘅？
想補救已經補救唔切嘅哈士彬紅都面曬，再嗌媽已經嚟唔切了...
我望住我老公，真心覺得睇咁多年宮鬥劇原來都有啲用，btw佢又好似兜得幾好，佢話叫我娘親做外母好似好陌生喎。
大家救吓佢，點樣叫我娘親好？
#救救可憐嘅太子殿下😂
#一句錯步步錯 #真係步步驚心
#估唔到玩開外母攻勢嘅佢都有失手嘅一日
#我真係好衰 #睇人失勢最開心
#佢果吓嘅表情係帶住驚恐又徬徨
#我都救你唔到😂😆
#張相係19年影嘅
#當時佢仲叫緊auntie
#當時我隻腳仲係有線條
機會終於嚟啦 在 // 我信一天會遇上極光 // 這些機會終於嚟啦,... - Warner Music Hong ... 的推薦與評價
我信一天會遇上極光 // 這些機會終於嚟啦, 今天開始只做一件事, 狂聽#神奇之旅專輯, 為贏呢兩張免費冰島機票做好準備啦!!!! #冰島神奇之旅#多謝Alfred #多謝KKBOX ... ... <看更多>