【無劇透】睇完《#Dune #沙丘瀚戰》你問我答
Q: 值唔值睇IMAX呀？聲畫表現如何？
A: 值，一定要IMAX。我唔係IMAX崇拜者，一年冇幾多套戲會講明非IMAX不可，但呢套絕對喺名單上面。以慢打快嘅震撼畫面，有足夠時間俾你感受微小移動變化。戲裏面所有鏡頭都好靚好靚好靚，美術服裝道具佈景通通都製作得很令人想睇真啲睇清啲。音效亦感覺特別細緻，配樂風格與影像好夾，整個浩瀚沙丘世界喺視聽技術加持下設定得極高格調。
.
Q: 劇情故事又點？
A: 外媒形容為《星球大戰》+《權力遊戲》，我覺得都演繹得好精準。節奏大概係接近但快過劇集又慢過很多電影，相信不是每個人懂欣賞。藝術性還是劇情鋪排部署各方面都交足功課，世界觀很大很多東西要細述，要在背景交代與故事發展方面取平衡很有困難。假如是劇集再慢少少都可以，但如果電影需在156分鐘內講到有頭有尾高潮疊起比較完整故事，是否要爭取更加壓縮的空間？例如盡量安排同一幕交代幾個元素幾件事，設置多人物同場使關係寫得更緊密。
.
如果是其他電影，大概45分鐘應該已經做完整部《沙丘瀚戰》part 1的內容。電影以格局建構先行，意境為重，多過人物歷險做主。看到一大半，主角才開始踏上征途讓人感覺故事終於要開始了，觀眾一定要有定心理準備：大戰很少打鬥很少。男主角腦中偶爾閃現的未來景象，就好似看了一條兩個半小時的預告片，讓你為開續集打氣。
.
以現在進程，很難相信part 2能夠把餘下劇情拍完，甚至三部曲也可能不行。導演在下一盤很大的棋，亦在走很危險的路。續集未開綠燈，假如因為劇情太慢街客未夠耐性失去廣泛口碑而不能繼續拍下去，那就實在非常可惜。我很想看到這樣風格的後續故事，始終本集只是整個龐大系列剛剛開始。
.
Q: 演員表現怎樣？
A: 卡士陣容絕對係《沙丘瀚戰》吸引之處，荷里活最強一線紅星曬冷。喜歡Timothée Chalamet一定不會失望，故事極重點放落這位主角身上，演技顏值通通不缺。反而其他明星配角，一係很遲先現身，一係不多發揮便無下文，有點可惜。張震其實演得唔錯幾型，中英都有講，但唔知點解佢出場啲人就笑... 咁當然，佢飾演的角色可圈可點，雖重要但又有點令人不明所以。
.
有咩想問，都可以下面留言～ 盡量答！
.
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 影患有救！
權力遊戲 角色 在 权力的游戏角色列表- 维基百科，自由的百科全书 的相關結果
《權力的遊戲》（英語：Game of Thrones）是一部中世紀史詩奇幻题材的美國電視連續劇，该劇以美國作家喬治·R·R·馬丁的奇幻文學《冰與火之歌》系列作為基础改编創作，由 ... ... <看更多>