三年前嘅4月17號零晨時份，呢個Page嘅開始
（三周年網絡「鬥獸場」經歷分享，一年一次，比個面睇下。）
唔經唔覺已經三年，首先感謝大家新舊fans同followers嘅支持，正如我耐唔耐都會提到，自問為人好好記性（有人話係小氣），呢幾年黎唔同人對於呢個page或者本人嘅一切支持、幫助、鼓勵甚至踐踏誣衊都有好好記住，所以肉麻感受唔想多講，費事比大家覺得太過自我中心同矯情。作為其中一個Social Media「鬥獸場」嘅一份子，經歷三年嘅每日嘅試練，之後嘅些少經驗同感想，希望大家多啲了解依家嘅creators創作中嘅苦與樂、殘酷同無奈。
當年我開始呢個page嘅時候，頭幾個月得百幾人，每個post好似對住牆講嘢咁，like仲少過自己私人account嘅post。難受就緊㗎啦，我唔會比大家叻，不過我相信肯死力研究，總有突破嘅方法。而我嘅方法係放棄難受，堅持每日都出post，呃自己只要有質素，總有一日出到「公海」有人睇到。到幾千至一萬人嘅時候，因為無所謂忠實嘅fans，基本上每個post都要比人屌同串（話唔影響情緒就呃你，講緊日日無收錢比人屌）。人數忽上忽落，呢段為期成年，亦係最痛苦同氣餒嘅日子，甚至連親朋戚友都會話「算吧啦你，你寫啲咁嘢，點夠邊個邊個好吖？睇下人地幾多人？」（係攞同嗰啲靚太代購，食買玩比）。不過咁，就係經歷過咁嘅日子，只要用令一個角度思考，望返轉頭發覺嗰段時間學到嘅嘢就特別多，包括了解大家嘅心態、喜惡、反應之如些類。
經過三年嘅網絡洗禮，我絕對清楚大家鐘意睇乜，咩post可以呃到like同share，甚至好了解好多香港人都唔鐘意睇多過三段嘅文字添（唔代表我會完全迎合）。因為無論以前講英國移民生活，運動期間講國際媒體報導，到今日國際新聞分析，大家可能覺得我曲、賤格、mean、搞笑、就算有時忍唔住情緒化暴走出post鬧人，我都對自己有好苛刻嘅要求。首先就算點嬲都只可以對事不對人，指責嘅係行為同態度。第二，唔做暖氣軍師叫人做乜唔做物。最重要每個post都可以令大家有啲得著，一刻歡樂也好，思考角度更好，呢個係我嘅堅持同大家將我訓練出黎嘅嘢。要做到（唔敢講個個post都得㗎），話唔辛苦就滾大家，依家話比大家知我每日嘅準備工夫。
英國時間起身之後，先係睇晒全部英國報紙網媒，係全部八至九份（包括小報），攞個當日國際大事概念。然後就係Twitter，基本上我follow緊幾百個國際媒體同記者（乜國家語文都有），然後隔幾個鐘update下。跟住就係香港FB同連登，呢個係要自己唔好咁離地，因為自己始終响英國。大家都知我第一個post通常香港時間八點幾出，咁幾時寫㗎呢？出之前半個鐘（即係老婆同女瞓晒嘅十二點到），因為搞晒上面嗰堆嘢就諗足一日，包括出乜先，咩角度，次序等等，然後就開始「鏢童」。之後嗰啲一晚五個post，都係即寫即出（所以成日錯字囉），然後差唔多天光無電就瞓覺。
辛唔辛苦？辛㗎，好攰下添，三年黎無一日停過，由一日一個post去到依家五個。到今日仍然好想做埋YouTube，唔洗大家睇咁多字，不過一條十分鐘嘅片，要用二三十個鐘錄音剪片（唔計揾資料），不過都會做㗎！
講咗咁耐，只係想表達一樣嘢，以我呢咁嘅質地嘅page都要花咁嘅力氣，可想而知每個creator有幾辛苦。真心希望大家有餘力嘅話盡量支持下你地欣賞嘅creators，唔敢講文字有價，不過唔係每個都係仙人掌可以靠光合作用維生....
當然，最好支持本人嘅Patreon，等我可以繼續努力爭扎，因為已經為個page做得多過自己份正職，而個Patreon係有隔日更新獨家內容，即係玩多自己一嘢。你地每一位嘅支持係好重要！
Patreon連結：
https://www.patreon.com/goodbyehkhellouk
#GoodbyeHKHelloUK
#三年回顧
#感謝大家
欣賞嘅share吧 在 無題 的推薦與評價
Scroll for details … NaN / NaN. Filters. Open search filters. Including results for: 欣賞嘅share吧 Search only for #欣賞嘅share吧 · 4:43 Now playing ... ... <看更多>