Search
【$298/2人份下午茶😱💛】
唔係全香港，都絕對係全中環
CP值最最最高的下午茶！
甜點用上法國殿堂級朱古力 Chocolaterie de l'Opéra 的4款單一產地朱古力製作，款款都咁好食。尤其是包裹海鹽焦糖流心的Smoked Chocolate Mousse, 濃醇而不膩，是我最喜歡的♡
Dear Lily x Chocolaterie de l'Opéra 復活節下午茶
地址：中環IFC商場4樓平台花園4010號舖
價錢：$298/2位（加$98可以轉杯靚🍸）
供應期：4月1日至4月30日
*由於Dear Lily不設訂位，想坐心型涼亭要早D去喇*
#DearLilyHK #chocolateriedelopera
#無敵海景 #下午茶
成日都介紹餐廳～ 今之介紹大家食私房菜！有得度身訂造菜單😌菜色絕對唔係行野！而係樣樣都充滿心思又份量岩岩好！最緊要係好食！絕對會值回票價👍🏻👍🏻👍🏻
依間私房菜位於觀塘工廈內！地點就腳好易搵到介環境闊落又衛生！
之所以認識到依間私房菜都係男朋友安排為私慶祝生日～ 佢同我講要預早足足兩星期訂位再雙方夾菜單嫁，而且要先預付先會食到！
我甘大個女第一次見到餐牌上可以有自己個大名😍覺得好威威～～ 每位嘅價錢以菜式多少而定，當晚我地享用嘅係2人餐份量，由前菜到果盤共12樣，款款都一人一碟！份量係岩岩好唔會過多又唔會過少！每位$338 另需加一
前菜：有機菜伴麻醬，款式雖說比較普通但食得出菜好新鮮好嫩口清脆👍🏻、其次係涼拌杏鮑菇以及涼拌黑木耳，酸破甜好開胃，而且選用嘅杏鮑菇並無霉味，黑木耳介係用高檔價嘅「貓耳朵」十分爽口👍🏻👍🏻👍🏻👍🏻very good 😊 但最正嘅前菜係：「茶燻流心蛋伴黑魚子醬配厚切茄子」😍茶燻味適中唔會搶走蛋香、流心蛋做到半溏心半流心效果！茄子全熟走油外香內軟配搭魚子醬嘅咸香！簡直食過番尋味。
食完前菜就到飲湯喇 ，係燉湯呀😍我最愛呀！男朋友知我一向氣管唔好同左私房菜館講，所以安排左「川貝陳皮海底椰鱷魚肉燉湯」實行俾我補一補，而男朋友自己就一向愛濃味湯所以簡左「姖松茸淮山甘荀黑毛豬肉湯」！兩個湯都超足料又夠火喉完美燉出精華😍
主菜5款 ：
「蝦球水芙蓉」》 蛋白絲配以清雞湯汁再配上新鮮蝦球，蝦球大隻又彈口，雙方味道互帶出鮮香！
「蒸香芝士焗蠔」》隻蠔殼大過男人手掌！蠔肉有手心甘大仲好厚肉肥美！而且清甜！我自己就覺得少點蒜會好dd ! 略嫌蒜味有點點搶左蠔嘅鮮甜。
成晚得最愛就係依個「新會陳皮骨」》 排骨切以條狀以陳皮酒輕醃！再掌煎炸，最後會印滿發皮碎😍 口感酥香！排骨好juicy 再加埋陳皮碎，酸酸甘！勁好味！無油膩感仲會想勁食😂
食飯又點可以冇菜呢，點都要有我最愛嘅菜中和下清下腸胃！「米湯浸溫室菜苗」》以米磨成漿加入調味煮成汁，再用米汁煮菜苗！清淡而充米香！
黎到尾聲當然食個飽肚暖身嘅飯啦！「蒸蒸海班龍躉鴛鴦飯」以荷葉包住蒸令整體充滿荷葉嘅香氣！班片啖啖肉而且唔腥，而龍躉肉則滑口味比較濃！飯係生米蒸成熟飯！可以米飯粒粒分明！軟而不爛！
最後食埋個果盤埋尾！好滿足！
想食嘅朋友記得要預早book而且係只收現金～
榮哥廚房私房菜
地址：觀塘觀塘道436-484號官塘工業中心3期4樓L室
電話：23456389
黑松露與生俱來的香氣，令不少人趨之若鶩。因為身價高人一等，以前只會在高級餐廳品嘗得到。不過近年就開了一些走大眾化路線，兼且用黑松露做主題的餐廳。像這間開在銅鑼灣一棟食廈樓上的西餐廳，便是其一。雖然有噱頭，但網上亦有不少投訴，主要有四方面：
(1) 侍應生手，上完頭盤後，接着要等很久才有其他菜式上桌；
(2) 菜式上有很多松露，但半點香味都沒有；
(3) 食物質素有問題，例如湯似木魚水又有味精、牛扒又乾又韌，分量又少，吃完整個餐也不夠飽；
(4) 雖然訂位有折扣，但收費仍然太貴，一點也不值。
今次就請了一位入行超過三十年、做法國菜的大廚Peter(化名) ，跟我們去測試這家餐廳有多伏。
「餐廳用松露做主題，其實就像尖沙咀那間。這兒有單點又有套餐，不過就沒寫清楚哪款菜式有黑松露，菜單比較混亂。如果是一間用黑松露做主題的餐廳，應該款款都有些，這兒只有數道有。」Peter笑說。
單點的菜式不便宜，索性叫套餐，六道菜晚餐才不過$268/位，有松露菜式之餘，又比較抵食。
下單後不用十分鐘就上頭盤，「上面有一小片黑松露，非常細碎，沒甚麼黑松露味，汁裏面有少少黑松露油，不過薄切帶子跟黑松露不配合。」Peter說。
第二道菜是韃靼吞拿魚配醬油啫喱，賣相吸引，但是等了差不多四十分鐘。「節奏有問題，又不算旺場。」Peter說。韃靼吞拿魚沒甚麼味道，不過吞拿魚其實是魚蓉，而不是他他。
第三道菜是甘鯛鱗立燒，「連魚鱗一定好食，不過汁就奇怪，說下了黑松露，但是沒黑松露味。」Peter說。他估計店中所用的黑松露，或許是來自雲南的急凍貨色，所以香味比較遜色。
第四道菜是八丁味噌煮頂級和牛面頰，肉質軟腍，味道也濃稠。「配搭就差一點，有少少畫蛇添足，勉強加些黑松露。」Peter說。
第五道菜是松露飯，上面放了不少黑松露，雖然沒甚麼香味，但用牛肝菌的水去煲飯，也頗好吃。
他又嘗嘗另一個套餐的松露雜菌湯，「這個是普通日式湯底，沒甚麼香味，吃到少少豉油味及木魚精味。」Peter說。
反而主菜的美國頂級肉眼牛排不錯，火候恰當。「不過醬汁的配搭就較差，現在是一個濃縮意大利黑醋，味道酸到不得了，蓋過所有味道，應該做一個黑松露汁。」Peter說。
他認為食物其實不算差，只是配搭一般，如帶子薄切跟黑松露不配，應該配黑松露汁的牛扒卻配了醋。以分量來說也不算少，吃罷主菜更有甜品及餐飲，收費不算昂貴。總體來說，這間餐廳以黑松露做主打，但主角就不太突出。「黑松露應該是一拿出來，一刨已經芬芳撲鼻，但這一個就較差，要很仔細地去聞才嗅得出來。」Peter說。
採訪：黎詠詩
攝影：葉天榮
Truffle House
地址：銅鑼灣登龍街18號V Point 2樓2號鋪
電話：8118 1168
營業時間: 星期一至六12nn-3pm\6pm-10pm
詳情： http://bit.ly/2U7S6EY
