呢個頒獎禮，會係經典。
真誠、靈活、純粹。
真心見到每個歌手都享受舞台，
無拘無束咁玩緊心愛嘅音樂。
無線唔係永遠嘅巨人，
Viu終將可以推倒歌利亞，
狹路相逢，勇者勝 !
歌利亞歌手 在 港唔斷戲 Facebook 的最佳解答
歌利亞歌手 在 陳心遙 Facebook 的最佳解答
《I Have A Dream》陳心遙
《信報》2018年12月12日《視線所及》專欄
睇過好多同學創作嘅故事；「夢想」係常見主題之一。最典型嘅思路係：主角有一個夢想，十居其九都係同體藝相關，例如做歌手、做Dancer、成為足球員之類，然後遇上父母或老師反對，然後堅持落去，最後得到體諒或支持作結。
首先我會認同同學對「追夢」嘅執着。不過寫故事嘅同學好多根本唔係識音樂、舞蹈、運動，只係一諗起「夢想」兩個字就會好自然去咗呢啲領域入面，而且都係將夢想等同成為職業，又或者係因為坊間太多同類思維嘅作品。
第一個建議：一係就寫自己真真正正嗰樣夢想啦，咁入嚟讀當然就係「拍電影」；一係就去查探下人哋有咩夢想。世界之大，會有意想不到嘅發現。
有人嘅夢想係帶自己患癌病嘅家人搭一次飛機；有人係聯繫食肆發起「待用便當」去幫助溫飽不得嘅人；有人係想去推廣Cosplay文化……呢啲夢想如果用嚟做故事，咁會有多啲獨特嘅畫面。
第二個建議：係一定要逆向思考。當人人心底裏都覺得追夢可貴，無可辯駁嘅時候，要諗更多有力嘅理由去反對：「夢想其實係微不足道嘅」。再因應呢啲理由設置障礙，畀你嘅主角去面對。
古往今來，最可歌可泣嘅夢想都係「雖千萬人，吾往矣」。但千祈唔好忽略上一句：「自反而縮」，反覆思量，判定自己要做嘅事真係理直氣壯，正因為理直氣壯，所以面對千軍萬馬，至唔會中途質疑自己，打退堂鼓。
人人都記得「黑人民權之父」馬丁路德金有一個「我有一個夢」嘅演說，但好少人會記得佢個「夢」嘅具體內容：「我夢想國家會崛起，真正實現國家信條：真理不言而喻，人人生而平等。」「我四個孩子將來喺一個係以品格而唔係膚色去評價人哋嘅國家生活。」而家睇落「阿媽都係女人」嘅道理，曾幾何時係少數人窮一生精力去說服人哋接受嘅目標。
個人嘅力量相當渺小，渺小到不斷要有人靠神話、小說、電影嚟說服我哋：個人力量可移山填海，力抗歌利亞。但現實就係我哋不斷遇上挫折、失敗同背叛，甚至要為夢想賠上青春、前途同幸福。人一世、物一世，如果咁易就可以放棄，其實係印證個夢想真係微不足道，戲中主角係自作多情。
第三個建議：個夢想要關於別人，多過關於自己。
如果你想做嘅事係關乎別人嘅幸福，四方八面會更加肉緊主角嘅成敗。或者會有更多同道中人願意伸出援手去幫助你。呢個主角先配得上成為故事真正嘅Hero。
#ihaveadream #馬丁路德金 #信報 #陳心遙
歌利亞歌手 在 陳心遙 Facebook 的最佳貼文
《只要勇敢足以打巨人》陳心遙
刊登於2014年7月30日《信報》副刊《視線所及》專欄
昨天有人在面書說：《主場》沒了，香港人的主場也沒了。
誠然，兩年的奮戰為香港網上媒體能力打下一支強心針。它忽然倒下總會令人有點悵惘，然後又總有人憂懷喪志，彷彿末日降臨。
吳靄儀公開對蔡東豪說：「你看戰爭歷史嗎？有時一隊兵死守橋頭堡，強弱懸殊，注定最後也會全數犧牲，但他們守住多一分鐘，傷敵多一名，就愈大機會讓救兵趕到，扭轉形勢。犧牲的士兵，泥土封閉了眼睛，永遠不會看到勝利與和平了，但他們的盡責不會因此而失去意義。我用這麼大的題目，只為謙卑地說，撐得一時是一時，我們不知道下一秒鐘會出現的事，能走一段路，就是令下一段路接得下去，不走這一段路，路就斷了。」
這段話，我第一個感受是「強弱懸殊」，現在何只是大衛挑戰歌利亞？簡直是南葛對巴西、悟空鬥菲利、星矢冒犯黃金座聖鬥士呀！我們從小看的動畫，不論是《足球小將》、《龍珠》、《聖鬥士星矢》其實都是重複同一種「以小搏大」、「下剋上」的桃太郎精神，也即是屢敗屢戰的半澤直樹精神。不懂？認命？那些年的卡通漫畫，你都是白看的。
第二個感受是，要「反敗為勝」，記唔記得林尚義有句金句：「波係圓嘅……」潛台詞可能係講緊一場上一代香港人都記得的經典球賽：「1976年精工對南華」。上半場三十分鐘南華連入四球，精工最後卻奇迹地連追五球逆轉勝出。一日未完場都未分勝負。現在就當是中場休息吧。
香港人都知道，日本語叫人加油係「頑張れ」（Ganbare）。有說這是「眼張れ」（Ganhare）轉借，意即叫人無論面對什麼困難，都要張開眼面對。就像《激戰》中的賤輝被打到口腫面腫，仍然直視對手，拒絕投降的樣子。
八年前，我給一位歌手寫了首歌叫《洛奇》，昨日有朋友放上她的面書，說這歌能有效為自己打氣。我本意是以拳賽喻不屈精神，如果晚幾年寫，歌名就或者會叫做《打擂台》或《激戰》。頭幾句歌詞是這樣的：「只要勇敢，足以打巨人。拳頭從未算最狠，憑無盡決心，臨亡命一剎，仍奮身擊出我掌印。」大家頑張、睜開眼加油。