關於 正到喊 ，我們在網路上蒐集到這些相關的討論、資訊與評價

去九龍城唔一定食泰國菜嘅，嗰日我同朋友去咗食一間台式餐廳同樣咁正！🤩🤩🤩
.
呢間叫做等等HEA @waitwaithea 嘅台式餐廳我知道佢會不定期做唔同主題嘅放題，之前我有聽過佢有做芫荽主題食品放題，我呢個芫荽控已經好想來幫襯，不過Miss咗，而家見到佢做緊大閘蟹放題$3xx起咋，見到d人幾十隻幾十隻咁叫😆可惜嗰晚我哋有朋友唔食大閘蟹，所以我哋都係單點佢哋嘅一啲撚手台式美食，點知同樣正到喊！真心有台灣嘅味道👍💛
.
我哋叫咗個四人套餐（$398）可以揀兩個小食，三個主食，飯方面仲有可以upgrade做滷肉飯or蠔仔滷肉飯，同埋四杯餐飲，其實已經相當豐富🤩不過作為我呢個大胃王嘅朋友大家點會夠？我哋仲另外加點左一啲一堆小食😆
.
食台灣嘢點可以冇滷肉飯？佢嘅套餐只需要加$5就可以upgrade咗滷肉飯，我就見到佢有蚵仔滷肉飯只需要加$15蚊，好似好特別咁樣我就upgrade咗一碗蚵仔滷肉飯。我見到朋友們嗰三碗普通滷肉飯都好大碗，上面嘅滷肉份量好多肥瘦適中，而我嗰碗蚵仔滷肉飯更加不用說，份量非常之多，你見到面上嘅蚵仔超級幾多，配上滷肉飯一齊食又香又鮮，每一口都是滿足😋我覺得細食嘅朋友淨係食碗滷肉飯都飽咗一半，不過未完我哋嘅小食同埋餸菜陸續登場，上菜速度都算好快，好快就擺滿晒成張枱。
.
小食方面我哋點左大腸包小腸，對上果次食真係去台灣嘅夜市先至食過，差唔多兩年以上冇食過，咬去果下，真係感動到爭啲流出眼淚🥲媽呀，係台灣嘅感覺啊！上面嘅台灣腸真係同我響夜市食的一樣！加埋下面嘅煙韌糯米腸，同埋一定要加上蒜片一齊食個香味先會出，我哋另外再點左鴛鴦台灣香腸，有黑毛豬腸同埋普通香腸同樣一定要加上蒜片一齊食，嗰隻好味真係難以形容！😍👏bravo, 食完好想去台灣夜市啊！
.
要懷念台灣點行可以唔點鹽酥大雞扒同埋鹽酥雞？佢哋同樣係做到台式嗰隻外酥內嫩，真係好想問吓個師傅係咪台灣人？！不過其他嘅酥炸餃子同埋口水雞豆腐拼盤就普普通通，小食類我都係覺得佢哋嘅鹽酥雞同埋大腸包小腸出色一啲👍😋
.
主食方面我哋點左水蜜桃生炒骨，滷肉乾煸四季豆同埋台式三杯雞。水蜜桃生炒骨有啲似港式嘅做法，酸酸甜甜好開胃。另外佢用滷肉去炒四季豆相對清新健康，而且份量好多。台式三杯雞做得很出色，雞件炆非常入味而嫩滑。
.
另外佢呢度仲有一啲台式飲品同埋甜品，基本上種類都好多，應有盡有，我叫咗個四季春冷泡茶都好好飲👍套餐價都係加$9咋大大支。
.
最後我哋食埋芋圓仙草等台灣甜品就滿足離去啦😆真係好似去咗一趟台灣之旅咁，由頭食到尾都係好味地道嘅台式美食！我見佢哋不定期會舉行唔同嘅主題放題，食嗰個主題嘅美食之餘仲可以任叫呢啲台式嘅美食，例如最近就做緊大閘蟹放題，等我下次都約朋友過嚟食個大閘蟹放題，再狂點佢嘅台式美食先😆😋
.
店名：等等HEA
地址：九龍城福佬村道41號地下

做完占多謝同事帶咗我去長沙灣食過一間超正超正超正嘅良心餃子店！💛佢叫甜記餃子，真係好正所以要講三次！😍🤩
.
佢啲餃子大概有10款，我哋決定每人叫一個餃子麵，然之後再另外再點十隻煎餃同埋醉雞。
.
湯餃子麵$38有5隻餃加麵，另加嘢飲加$4，我就加咗杯熱嘅洛神花茶。佢嘅湯底有雞湯或者蕃茄薯仔煲魚湯選擇，我揀咗香芹芫荽豬肉餃配上海麵，同埋蕃茄薯仔魚湯底。另外煎餃方面我哋揀咗菜心豬肉餃同埋芝士粟米豬肉餃。
.
我最先來嘅就係醉雞（$48），雖然話係小食加份量一啲都唔小，我見到佢起碼都有10幾件佢仲揀咗雞髀俾我哋，離遠都聞到嗰陣酒香，望見都覺得嫩，雞肉同埋骨已經深深浸滿酒嘅香味，酒香而不烈，食落都真心嫩滑！！👍👍👍我平時唔食雞皮都忍唔住要食埋，媽，好正啊！😍
.
點知好戲在後頭，佢嘅煎餃又係正到喊，10粒煎餃粒粒飽滿煎得酥脆又唔會好油，佢個皮好薄但係餡有超多，菜心豬肉餃好特別，清清地食到菜心同埋豬肉嘅鮮甜！好正！煎粟米芝士餃啲芝士爆漿超邪惡但係又係好正呀！😍😍😍
.
跟住我嘅香芹芫荽豬肉湯餃就到啦，第一啖試佢嘅湯底，佢嘅蕃茄薯仔魚湯將啲蕃茄同埋薯仔煲到溶晒，而且仲有魚嘅鮮甜，酸甜開胃好味，而且飲得出冇味精，我最後連個湯都飲晒😋餃子同樣係皮薄餡多，粒粒大粒飽滿，揀咗我鍾意嘅香芹芫荽豬肉真係好正，我覺得芫荽配豬肉餃真係人間嘅美味配搭，當然佢呢度真係整得好好食😋上海麵份量足之餘亦都好彈牙，朋友提醒我要試佢呢度嘅辣菜脯，一試之下，咦？佢係麻辣菜脯！勁爽食落超刺激開胃！😍😍
.
嘩！點解樣樣野都咁正嘅？我都唔知我全篇嘢講咗幾多個正字啦！🤣係咪我做完占零瀉覺得啲嘢好食咋？不過我依家清醒過後，我深知唔係幻象，真心覺得呢間睇落平平無奇甜記餃子🥟好正，全部野都好食，價錢合理又有良心之餘佢哋嘅服務態度又好好， 樣樣嘢冇得彈點算呀！？佢係今日短短嘅晚餐之間已經躍升為我心目中食過餃子最好味第一位了！！！😍🥰我竟然唔記得咗之前嗰啲我曾經話過好食嘅餃子舖了，我真係一個負心漢，我真抵打😭
.
好啦，我知我講到佢幾好都冇用㗎啦，如果你哋自己有興趣就跟着呢個地址去試吓啦👇🏻👇🏻👇🏻
.
店名：甜記餃子
地址：長沙灣昌華街23號富華廣場19號地舖

@ 甜記餃子

第五個星期Green Monday完成!😋
.
🌠今日食左4杯movenpick!!好滿足😋

-早餐🥣麥片+百香果（平時飲百香果飲品就多，食真係第一次！見樓下賣緊$10/6個，好奇買黎試下，切開用匙羹來食，酸酸甜甜仲有啲籽，不過啲籽照食可也，都幾好食😋不過好少嘅咋。
.
-午餐🍔幫襯石門良心小店入素💛安格斯牛肉漢堡套餐九折之後$72，包左沙律薯條仲有飲品都算幾抵，個安格斯牛肉聽講係用植物肉去整，都真係好似肉嘅口感😋而且我之前都幫襯過佢，佢其他嘅素食都好精緻整得好好，係一間高質嘅素食店👍我今日晏晝12:30去到，見到一個堂食嘅客都冇，係有幾個人等緊外賣疫情影響之下大家真係要多多支持呢啲良心小店啊！💛
.
店名：入素
地址：沙田石門安群街3號京瑞廣場1期2樓237號舖
.
另外今日同同事團購一齊買咗一啲movenpick雪糕，團購價$9.5一杯咋，出面賣成$3x, 唔係唔買下話？買來請人食都抵呀！不過就要買夠$1000先送貨，所以我同同事一齊夾，我買咗20杯，下午一口氣食咗4杯啊😋🥰好幸福呀！
.
-晚餐🍲做外賣仔送啲雪糕比朋友食順便去佢屋企黐餐，我話我Green Monday所以借咗佢廚房整咗個新豬肉麻婆豆腐，另外用佢嘅氣炸鍋整咗一啲牛蒡腐皮卷，兩樣都正到喊😋真心同食肉冇乜分別😍
.
Btw雖然今日食素但係個人好燥，我個人可以好Nice好似好易話為，但係有啲嘢唔係老馮，如果一旦踩到我底線感覺到不被尊重，我都會有脾氣同超燥底😒😡。

又喊又笑
呢個月心情好複雜！
好多搞笑開心分享...
... 但係講到呢樣真係唔開心，簡直傷心！