「幾千天近況幸福嗎？每日忙碌嗎？」
原來當你偶然見返舊朋友噓寒問暖既時侯，
你第一句往往都會想知道佢近況點樣，
生活過得好唔好。都係一句起兩句止，
到底呢種係屬於相識一埸定還是泛泛之交呢？
不過點都好，都係果句，珍惜眼前人。
只要將利益擺係最後，將心比己，
好多時呢樣係更加難能可貴。今日適逢
朋友生日，就請佢去尖咀呢間墨西哥餐廳
「8Five2 Restobar」Chill下，呢到環境開揚，
型格裝潢配上熱情如火既氣氛，果然無揀錯！👇
-
📌Buffalo Chicken Wings · Pickled Celery - $98👉
👉真係「水牛城雞翼」就食得多啦，但第一次
見過最有心機既擺盤，就係呢到。佢用左一個
壘羅漢既手法將佢壘埋一齊，賣相相當吸引，
遠睇真係唔似雞翼。即叫即整，所以外層食起上黎
好夠脆口，味道加左醬汁亦唔會太膩，非常唔錯。
-
📌Crispy Fried Fish Taco · Chilli Lime Seasoning $118
👉墨西哥菜最著名之一既Taco一定要試，我揀左
呢個「炸魚塊墨西哥玉米餅」口味，脆片入口
真係有少少似平時食栗米片果種感覺。而意外驚喜既
係裡面既炸魚柳做到香口而唔油膩，搭配埋酸酸辣辣既
醬汁，特別醒胃。口感亦都好豐富，呢個係我重點推介！
-
📌Chilli Garlic Chicken · Green Onion · Quesadilla - $108
👉另一重點就係既「大蔥 · 大蒜雞肉墨西哥酥餅」，
亦係Staff誠意推介既一道招牌菜。外層鬆脆，
連埋餡料一啖過食，除左好有滿足感之外，
多種香料混合雞肉做到味道清新，但同時
亦有少少泰式果種香辣惹味既感覺，層次豐富。
而當中我最鍾意佢既牛油果醬同埋
Cream Cheese，非常好食。
-
📌Corn Cheese Croquette · Bloody Mary Relish - $78
👉另一必點既「玉米芝士炸丸子」，滿足哂
一眾芝士控呀，佢外表好似平時酒樓果種
紅燒獅子頭。不過呢個就係墨西哥版，
但外皮一樣炸到金黃惹味，裡面芝士落足料，
咬落啖啖香脆。配埋酸辣醬一齊食，
帶出玉米既香甜，呢點值得加分！
-
📌Hazelnut Latte - $38
👉估唔到呢到既Coffee既擺盤真係好有驚喜，
有我最鍾意既文青風格，呢杯Hazelnut Latte做到
口感柔滑，入口細膩。配合濃郁既榛果味，將味蕾
緊緊鎖住，完美終結左呢餐出乎意料既墨西哥菜。
-
📍 8Five2 Restobar
🎈尖沙咀天文臺道8號地下2號舖
