「我和水蛭的日與夜」
旅行試過成身皮膚敏感紅腫要打針，拍節目去廢墟比蚤咬完腳流膿發燒。行山，梗係要比水蛭咬下啦。未試過你都唔好話比人知你黎過尼泊爾。
來過咁多次，第一次被咬！扮完型chok 完就出事。覺得痕痕地，就見到有條肥滋滋的水蛭在手指中間。好核突點用力都扯唔甩吸得勁實，整甩左係咁流血好難止血。
天氣潮濕整個森林都係，同行旅友都瘋狂被咬，包實曬亦照咬不誤，背脊、腰，頸，腳踝...... 而我明明右手拎住行山棍都被咬，應該係草地由慢慢爬上黎襲擊我的。
然後不要跟我說什麼用鹽用火，當呢條核突野在你身上，你只會九秒九用力扯甩先算。條蛭一跌落地，就被瘋狂用力踩死。不過下次我應該會用火烤，或用鹽焗。
登山路上好多血跡，活像凶殺案現場。
晚上在tea house 去個廁所都要重裝備，因要經過露天草地老L咁遠先去到@@ 落雨不止半夜要擔遮，仲要著鞋。有人去完個廁所腳板底被咬，血流一地差點成河。
人人自危用頭燈勁照，但有少數勇者豁出去短褲拖鞋，反正包實曬都會被咬。
晚上，喜瑪拉雅山下花園旅舍，充滿笑聲與尖叫聲。昏暗的走廊，在銀白月光隱約看到點點血斑。
好一個充滿詩意的畫面。
p.s. 感謝旅友提供標題
IG:MunMun_Travel
#ColumbiaHk 輕背包 Sherpas #nepal #Annapurna
#咬完變蛞蝓少女嗎 #伊藤潤二 #登山小隊長遇險記#水蛭is my new good Fd
FWD Hong Kong & Macau
Smart Digital Group Limited
