關於 水貨客犯法 ，我們在網路上蒐集到這些相關的討論、資訊與評價

［泛美客機］可以回憶。埃汾以前追個空姐都係做港龍。但追不成。

南早報導：Cathay Pacific ‘to axe 6,000 staff and Dragon brand’ in bid to stay afloat（https://bityl.co/42zJ）

未係官方，係南早爆料，但南早明顯有內線（又或者根本有人放料）。正如上次 新加坡travel bubble都係佢地最早爆，1:00左右就出咗。「如果12點前爆就有得買」（而你睇嗰日，國泰十一點幾股價炒晒上去，我打死唔信冇人知，但不是本文重點）

畢竟好多人被炒，就正經啲唔好傷口落鹽了。埃汾向來都唔鍾意跟紅頂白，相反係人人吹捧我先潑冷水。

想講幾樣嘢，應該互相無關係，排名不分先後

第一，許仕仁識食。貫徹佢住又要禮頓山，紅酒又要靚，歌劇又飛去歐洲睇嘅作風。再講一次，許仕仁好識食。仲唔明？咁睇文。（https://bityl.co/42x7）

第二，其實疫情之前，已經有討論係咪應該放棄港龍呢個Brand．買埋快運後仲有冇必要？但當然，當中又涉及大陸啲麻煩嘢，搞搞搞一大輪，而家當然係big bath kitchen sinking 一鑊過全部做晒，幾時都係咁玩。但當然唔要個Brand per se不等於要炒人（頂多炒幾件marketing），正如留個Brand亦不等於不炒人，兩者可以冇乜相關

第三，又其實，「國泰港龍」呢個Brand先用咗三年幾。之前係乜？「之前就咁叫港龍」。所以好難怪啲人覺得管理層開會真係so 戇鳩，出trip一大堆brainstorming又搵consulting firm搞一大輪就係做啲咁嘅嘢。然後3年又摺埋佢。成件事十分WeWork，十分欣榮花園購物商場（https://fbook.cc/3HLx）．「可能兩年有快運港龍出返嚟」

第四，當年嘅任天堂灰機（＊），係有「港龍」品牌（https://bityl.co/42xx）的，唔關Airline事？但我記得個logo好似差不多？

第五，有網友問，買乜好（香港精神！），買293定19？答案：梗係買有港龍logo嘅嘢，絶版啦，飛機又好，杯又好，飛機杯都好。笑？上次廚叉咪賣過二手飛機盃！埃汾有報導！（https://fbook.cc/3HM7）。遲下啲制服呀，袋呀，好似PamAm咁成為絶唱了。

第六，私人嘢放最後。我未結婚前追過個港龍空姐（有乜出奇？），打後我就refer佢as「50萬空姐」，自己意會下點解。想當年我係開咗佢Excel研究呢個計劃嘅可行性（好友廖博士對此半佩服半恥笑）。而早排Economist 有篇文講A growing number of people are organising their love and sex lives via spreadsheets. （https://bityl.co/42xO），我真係走在時代尖端。

（＊）灰機（＊＊）呢樣嘢，值得我打多篇文回帶講。首先，後生仔真係唔識，但任天堂紅白機你可能聽過。紅白機係水貨，唔suppose在外國賣，冇代理，但當然要買好易買到，全旺角都係。灰機就係拎正代理嘅「行貨」。日本當年係有呢啲出口垃圾好嘢留返本土嘅習慣。灰機就是好撚垃圾，成撚日都接觸不良，個撚個小朋友都要用吹濕佢．但凡有人同我講「水貨」係犯法，或者劣質，我必定講「紅白機」三個字回應。真自由L右翼冇理由唔支持「水貨」，代理根本就係暴政，rent seeking，收貴你仲要賣垃及。「水貨」冇保障？你都戇鳩。日本人啲工藝咁好，我部紅白機玩撚到變超任都冇撚壞過。行貨灰機？你老味我冇撚見過個代理幫我吹（Literally）

（＊＊）資深讀者聽過，但冇法唔回多次帶。而家啲小朋友都仲打緊「薩爾達傳說」（＊＊＊），對不？但元祖「薩爾達傳說」當然係在紅白機，好撚好玩。但，打灰機你就仆街了。點解？因為有一關迷宮，有款怪物，好難打，叫大耳怪。就咁打打撚到天光。但，有秘技的—因為紅白機個控制器有咪高峰，你對住個咪叫，啲大耳怪就會消失！不得不服日本人創意。但，你打灰機就仆街！因為灰機係冇呢個米高峰的！戇鳩到一個點！

（＊＊＊）而家資訊咁流通應該好多人知，但都介紹返，個遊戲叫「薩爾達傳說」，但「薩爾達」係個公主，唔係主角。文青講句，埃汾偶像F. Scott Fitzgerald（大亨小傳 The Great Gatsby），佢老婆就叫Zelda．「薩爾達傳說」遊戲個主角，笠綠帽拎盾牌嗰位，叫「林克」（＊＊＊＊）。正如科學怪人Frankenstein，Frankenstein係個科學家，唔係隻嘢！

（＊＊＊＊）「薩爾達傳說」二代就叫「林克冒險」，更加好玩。

--------------------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

--------------------------------------------
Instagram @ivanliresearch．七成金融（短打）兩成嘢食一成其他嘢。
--------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

【你正在被洗腦 請立即注意用詞】

大家成日話要反中反共，但你可能俾中共洗緊腦都唔知。語言唔係口舌之爭咁簡單，而係思想自由嘅鬥爭。

『語言控制思考模式』

喺喬治·奧威爾(George Orwell)嘅《一九八四》入面，極權創造咗一種人工語言 – 新語(Newspeak)。喺新語入面，只有「好」(good)，而「壞」(bad)就被「唔好」(ungood)取代咗。於是人民就唔可能話老大哥係「壞」，最多只可以話老大哥係「唔好」。極權透過定義詞彙、修改或扭曲意思，削弱人民嘅表達能力同思想空間。只要你同極權嘅「好思想」唔一致，就係「思想犯罪」。

點解中共嘅字典入面冇「武漢肺炎」，只有「新冠肺炎」？因為極權唔想呢個病毒被聯想到同中國有關，從而逃避隱瞞疫情嘅責任。示威者係暴徒，係想污名化所有抗爭者；鐳射筆係鐳射槍，係想誇大抗爭武力；催淚彈係催淚煙，係想掩飾黑警過度武力；施暴虐打係止暴制亂，係想合理化黑警濫權暴行。語言係會潛而默化咁影響我哋嘅思考模式，限制我哋嘅想像同表達能力。一旦接受咗極權嘅語言，我哋嘅思想就會被干預，慢慢失去理解真相嘅能力。

『大中華、統戰嘅語言』

中共早就透過大眾媒體、教育以及民間各種方式，利用極權嘅語言滲透我哋。目的係維穩同統戰，遏止反抗思想嘅形成，掩飾極權嘅惡行，扭曲歷史真相。以下我會講一啲常見嘅例子：

返大陸>>>去中國

以往好多人係由中國走難嚟香港，香港只係臨時避難所，中國先係佢哋嘅家鄉，所以會講「返大陸」，即係返去故鄉嘅意思。但六七暴動後，本土意識抬頭，開始有人視香港為家。新一代香港人好多都係土生土長，對中國大陸冇任何感情同記憶，香港先係我哋唯一嘅家鄉。「返大陸」一詞帶有強烈大中華意識，對香港新一代唔適用，而且容易被利用作血統論。所以應該用「去中國」，當中國係一個有別於香港嘅普通國家，唔帶有任何感情同身份認同。

阿爺>>>共狗/匪賊

以前香港人會叫英女王做「事頭婆」，中國政府就叫「阿爺」，就好似英國人係老闆，而中國政府就係有親咁。中共係殺人政權，所謂「阿爺」係狗都不如嘅匪賊，亦都冇任何血緣關係。我哋唔可能認賊作父，必須要摒棄大中華嘅幻想。

九七回歸>>>九七主權移交/淪陷

香港本身就唔屬於中華人民共和國，又何來「回歸」呢？當初同英國簽約嘅係大清帝國，當時中華人民共和國都未成立。就算中華人民共和國繼承咗大清帝國嘅國際地位，國際正式講法應該係「主權移交」(Transfer of sovereignty)。中共用「回歸」呢個帶有感情色彩嘅詞彙，挑動大中華愛國情緒，漠視歷史事實同根據。相信對於好多香港人嚟講，九七「回歸」絕對唔值得慶祝，因為主權移交象徵住香港步向沉淪嘅開始，用「淪陷」去形容都唔過份。

內地>>>中國/鄰國

九七前我哋係會用「中國」或「中國大陸」，但主權移交後，港共政府喺官方文件同宣傳大量使用「內地」一詞，並喺法律上定義為除香港、澳門同台灣以外嘅中國一部分，強調大一統意識。「內地」係暗示緊香港係邊陲嘅「外地」，香港人就係化外之地嘅蠻夷，被「內地」所統治，隱含強烈大中華中心思想。所以應該用較中性嘅「中國」，如果想避免同中華民國同古代中國混淆，就可以用「鄰國」去稱呼北方嘅中華人民共和國。

中港矛盾/關係>>>港中矛盾/關係

鄰國成日強調「一國」大於「兩制」，所謂「一國兩制」喺語言上就係有大小先後之分。當我哋話「中港矛盾」、「中港關係」嘅時候，其實都隱含住大小先後之分。中國喺「矛盾」同「關係」上就係用一個不平等嘅方式去處理，係有貶低咗香港嘅地位。如今我哋講本土主義、港人優先，一定要放香港喺第一位，因為我哋唔要再被大國殖民，我哋要當家作主。

水貨客>>>水貨賊

喺港中矛盾下，呢班人搶奶粉搶尿片咩都搶，搶購有限嘅本土資源，禍及香港下一代，仲嚴重影響附近居民嘅日常生活。走水貨逃避關稅係犯法，變相搶劫香港庫房，蠻橫霸道嘅行為同匪賊無異，點解我哋仲要咁客氣叫佢哋做「客人」？

中央政府>>>中共政府

叫得「中央」，即係承認香港係其中一個「地區」，有從屬關係。如果真係「一國兩制」，「中央」係冇權干預香港事務。如果真係「港人治港」，香港政府唔應該係效忠「中央」，而係效忠香港人。香港唔應該係一個普通中國城市，決策唔需要請求「中央」首肯。我哋要認清所謂「中央政府」只係中國共產黨嘅政府。

特區政府>>>港共政府/殖民政府

如果一國兩制唔存在，特區亦唔存在，特區政府只係中共政府（香港分部），特首就係中共香港市委書記。再講白啲，香港係由宗主國控制同統治嘅地方，每日150個單程證係人口殖民、普教中係文化殖民、中資壟斷係經濟殖民，中共係從四方八面殖民緊香港。特別行政區只係殖民地，特區政府就係殖民政府。

『想像受限制嘅香港民族』

香港人多年被中共創造嘅語言潛而默化，受大中華、大一統意識束縛，所以只有好少人能夠「思想犯罪」。相信「回歸」、「內地」就好難挑戰大一統思想；相信「特區政府」、「中央」就好難承認一國兩制嘅失敗；相信「返大陸」、「阿爺」就好難走得出大中華情意結同狹隘嘅血統論；相信「中港關係」、「水貨客」就好難提倡本土、港人優先。

對於中共嚟講，本土思潮就係一種「思想罪」。幾年前本土派打破咗思想嘅界限，喺語言上擺脫咗中共嘅控制，為時代革命埋下種子。如今香港民族嚟到歷史嘅分叉口，如果要找尋出路，必先要重奪思想自由。只有透過不斷想像，我哋先能夠睇到漆黑中嘅黎明。

———————————————————————
想繼續睇多啲本土論述？Follow我哋嘅：
【Facebook】Gear噏
【Instagram】gearup_hongkong
【Telegram】gearup_hongkong

#Gear噏 #gearup_hongkong #香港人 #香港民族 #香港歷史 #香港文化 #民族自強 #香港獨立 #本土論述 #思想犯罪 #洗腦

【港豬同中共其實係百年難得一見嘅Perfect Match！】


港豬生活喺相比之下比較文明嘅香港，
但係佢哋根本就唔知道文明自由民主為何物
因為佢哋從來都只識向權力同制服退讓同屈服。


港豬喺政治同權力面前總係會突然謙卑
因為覺得自己唔識，就將自己嘅權利雙上乖乖奉上。


例如四年投一次票，投完從不過問自己投嘅議員做過咩
區議員亦如是，投完從未監察過佢哋嘅工作。


又例如每次乖乖交稅，但從不過問自己嘅稅去咗邊
大白象工程，明日大嶼，元朗天橋17億，幾百萬智能燈柱⋯
從來都無過問，只關心自己$4000入咗落戶口未。


又例如警察濫權唔跟警例知法犯法，
但佢哋從不過問、從不譴責，因為佢哋臣服權力
相信警察做事自有專業判斷，相信警察做事一定合法合理。


又例如香港政府一次又一次出賣港人
一次又一次將香港人嘅權益進貢畀北京
但佢哋只會用「政治我唔識」嚟說服自己


又例如港鐵年年加價
佢哋一邊鬧港鐵垃圾，一邊話最衰示威搞到無港鐵搭。


又例如樓價高企，地產商賺哂香港人錢
佢哋從來唔會反抗，只會一邊鬧樓價痴線
然後一邊又鬧示威破壞經濟，破壞樓市⋯


又例如租金高企、自由行水貨客橫行
佢哋一邊鬧條街好多人、日日對腳畀喼撞
一邊鬧示威嚴重打擊旅遊業⋯


又例如每日150個大陸人來港，公屋同醫療等福利被搶
佢哋一邊鬧睇醫生要排幾年，公屋無得住
一邊鬧示威破壞自己原本「安穩」生活⋯⋯


呢種有嚴重雙重人格嘅港豬
係最乖巧，煮食最適用嘅上等青蛙，
同極權政府乃係金童玉女，Perfect池。


傻豬豬，以為自己同政府係利益共同體
以為幫手維穩，經濟好時自己都會生活好有著數
經濟好時得益係你咩？你屋企開酒店咩？
你屋企係地產商咩？有幾層樓收租咩？
傻啦，幫手賣完香港，默許自己權利福利自由被剝削
咩都得唔到，而且失去更多。


最重要係政府唔會多謝你㗎，唔會分多$4000畀你㗎
親，最多幫你爭取下喺回鄉證上為扱番隻小白兔啦！
憑小白免番大灣區居住有優惠，手快有手慢無！搶！


IG：@hkgirlfriend
FB：港女友

昨晚沒有講反港獨法的問題。首先，如果立一條反港獨法，像這個馬恩國亂立反港獨法。立反港獨法，那一定是廿三條國安法的一部分。其實是不可能獨自立一個反港獨法。而且他的立法也很有問題。他的第一條是特別為陳雲而寫，我未聽過一個人主張港獨而是有計劃的，又有行動綱領，就叫做犯法。這是很可笑的事。舉例，如果我是贊成港獨，我話要娶多幾個情婦，每人生夠十個仔，然後要叫我的兒子每人生十個仔，一千年後，我們就成為香港的大部人，可以佔領香港，推動「港獨」。那是不是可以拘捕我呢？在西方法律下，這其實是要有實際行動去促使港獨，才能夠可以拘捕。那即是我要組織一隊人，預備去佔領政總，宣佈香港的獨立。那才可以拘捕。我真的不知那個人是怎麼寫。

第二點，那是專講反水貨客。任何人如果有本土意識，而不申請示威，而侮辱中國人，那就可以拘捕。沒有人會寫一條法例專針對水貨客。

第三，任何人意圖減弱中央政府對香港的管治。那就可以拘捕。於是有人提議單程證由香港批准，也可以拘捕。因為這都是減弱了中央政府在香港全面管治的能力。任何人提任何建議有關於中央政府和特區政府的權力界限，都可能導致減低中央政府的管治。那又可以拘捕了。

這個馬恩國寫的法例，他寫第二條可以判監五至十年。這是大陸法例才會這樣寫的。香港法例是沒有最低刑罰。判刑多少是由法官判的。法官可以判不用坐監，只判社會服務令，那是視乎不同情況而判的。只有成文法的國家，像中國才會規定最低判多少。只有一條罪會有最低判刑，就是謀殺，那一定要判死刑，但一定改為終身監禁。其他法例都沒有這最低刑罰，只有講最高刑罰。

馬恩國還要自比岳飛。我叫他首先叫老母在他的背刺青，再叫他去釣魚台打日兵倭寇吧。


即時聊天室：http://goo.gl/ToDqof
謎米香港 www.memehk.com
Facebook：www.facebook.com/memehkdotcom

其實去年張德江已講過檢討自由行，那時我覺得也會採取一些措施，他們想過把一簽多行設上限，但這措施其實沒有效用。我明天節目會從數目上跟大家分析這個問題，解釋為何無效。但結果也做不到，為何做不到呢？現有消息指，深圳市長聯結珠江三角洲所有城市一齊反對。我解釋過這問題，而且大家也可以想到。這牽涉到三個層次的問題。第一，這牽涉到珠江三角洲的物品供應，嚴厲打擊水貨，斷絕港貨供應，會令到居民不滿，而且他們的BB也沒有奶粉。這是他們海關一直不執法的原因。他們需要香港的食物和用品，平衝國內需要。而即使張德江講話也沒有用，因為下面的人帶頭，由廣州市、新會、東莞、深圳等城市都反對。
第二，他們又想到他們的失業問題，因為我們的貨運上去，經他們的港貨店，運到全中國，如果這生意鏈斷了，他們又會面臨失業的問題。即做港貨店的人沒有工作。

第三，港貨不存在，也少了貪污的途徑。基本上港貨店是有犯法，入口沒有付稅。若沒有港貨店，就不能再勒索。所以下級官僚全都反對。

他們講限制一簽多行或設上限。或者限制自由行都不能解決問題，因為都不是針對問題的方向。針對問題的方向只有一個。對這個問題，我想得愈來愈清楚，當然就是陸路入境稅。

陸路入境稅是合情合理，而最有效地有經濟條件篩選了不能來港的人。這也是最容易執行的。我明晚會在節目中跟大家再詳細講如何可以執行。怎樣豁免一些人，令整件事更加合情合理。而它的好處是有其彈性。如果一百元不夠力的話，可以加到二百元，甚至再加到三百元，終於有一點會令到最消費力最低的遊客不來港，令到香港的承載力能夠接受到。推行了之後，只是有調節金額的問題。

對付水貨客的問題。第一，我提出入境稅。第二，我提出旅遊區商業租值徵稅，他們因為自由行而得益，把得益回饋給香港人。那可以減少怨恨。第三，我贊成嚴厲執法。對於大陸人的不文明行為嚴厲執法，對所有阻街行為等加以限制。作出那些行為的人會被放入黑名單，一段時間內如十年不能來香港。但是政府不做之前，那可以做甚麼呢？就是組織市民糾察隊在街上、巴士站等地方加以勸喻和叫警方執法，直至秩序恢復為止。


即時聊天室：http://goo.gl/ToDqof
謎米香港 www.memehk.com
Facebook：www.facebook.com/memehkdotcom