［香港 旺角 ］原來朗豪坊對面開咗個新商場叫 MPM，呢晚就去咗1樓嘅 賞櫻 Hanami.Omakase食 #omakase 🍣 餐廳門外放咗櫻花，滿有氣氛🌸 入面亦有幾間包廂，適合三五知己把酒暢談，私隱度好高 ，我就坐喺吧枱，同師傅交流交流🤓
餐廳有4款 #廚師發辦 套餐，$800-$1500不等，我就試咗楓（$1200）🍁 含前菜、刺身4點、壽司8件、手卷、湯、2款一品料理及甜品，非常豐富🤩
前菜：
🔸白貝
刺身4點：
🔸北海道厚岸蠔
🔹池魚王
🔸油甘魚
🔹赤身
湯
壽司8件：
🔸鰈魚
🔹真鯛
🔸池魚仔
🔹赤貝
🔸紋甲海膽
🔹黑松露帶子
🔸大拖羅
🔹牡丹蝦配蝦膏
手卷：
🔸和牛海膽手卷
一品料理：
🔸牛舌
🔹黑松露茶碗蒸
🔹汁煮魚頭（師傅額外請我哋食🙏🏻）
甜品：櫻花和菓子🌸
－－－－－
呢度印象最深刻嘅係服務非常殷勤，師傅每道菜都會略作介紹，又會了解客人口味，每呈上一份壽司後，會根據食客意見再去微調下一份壽司的材料及次序，令食客食得更滿足，互動性好強😌 師傅甚至會根據食客食量「加碼」，例如佢覺得我哋唔夠飽，仲主動請我哋食一人一客汁煮魚頭，氹到我哋好開心😝 所有店員都主動有禮，不時更換濕紙巾及斟水，有賓至如歸嘅感覺🥰
刺身同壽司用料都好新鮮，師傅話每日都有飛機貨，第一次食 #新鮮吞拿魚赤身，無急凍過 ，原來口感非常柔軟，魚味亦好濃郁😋 #北海道厚岸蠔 新鮮即開，肉質肥美，口感Creamy，散發淡淡海水味 🌊 壽司方面，最欣賞 #牡丹蝦壽司，師傅特意將牡丹蝦起膠，食落略帶黏感，配上鮮甜惹味嘅蝦膏，雙重鮮味 🦐 帶子厚身大隻，口感柔軟😎 少少建議，赤貝即場拍打收縮，口感會更爽口！大拖羅如果可以先處理筋位都會比較好。同埋呢個價錢，我覺得多少少特別或季節當造嘅食材會更抵食😊 小店服務及師傅嘅互動性實在令我留下深刻印象，如果小店喺食材上改善一下，定必係熱店！
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk
💖MEWE Group: Mewe.com/join/missfoodieshk
氹仔茶餐廳 在 茶記（氹仔分店） | Macau - Facebook 的推薦與評價
茶記（氹仔分店）， 澳門。 519 個讚· 1 人正在談論這個。茶餐廳. ... <看更多>