《飲酒》
♂:早
♀:訓未?�
♂:你又失蹤左一日
♀:做野,忙�
♂:所以依家得閒?
♀:沖緊涼�
♂:……溫馨提示,電話防水唔防蒸氣……不過你今日失蹤既事,我原諒你,你連沖涼都覆我msg,都算係咁
♀:咩料,我唔覆你幾時需要你原諒我�
♂:講下笑,咁你沖涼先,沖完再傾
♀:我有排沖,想搵人傾下計�
♂:……一路沖一路msg你小心冷親
♀:我浸浴(圖片)�
♂:……先唔講你對腳,但你都幾富貴,屋企有咁大個浴缸
♀:好唔好睇?�
♂:我諗無男人會係呢個時候講唔好睇
♀:有幾好睇?�
♂:令我一生中難以忘記既好睇
♀:呢個答案唔錯,本小姐心情好,比多兩張你(圖片)(圖片)�
♂:其實今晚我諗住只係一個平凡既晚上,受唔到咁大刺激
♀:腳姐,你上網都大把啦,唔好扮野好唔好�
♂:okok,咁今晚你想講乜topic,我覺得情況有少少失控
♀:乜你地男人唔係就係喜歡呢種失控咩?唔好扮野啦�
♂:男人係喜歡,我亦喜歡,但我唔喜歡你用呢個方式比我睇,感覺你依家情緒好似唔太正常,好唔似平時既你
♀:可能飲得多左,今日做野飲左唔少酒�
♂:飲完唔好浸浴,熱水會令你血液循環更快,令你更易醉
♀:醉其實又有乜唔好呢?�
♂:我唔講咩醉完都係要面對現實呢種無謂說話,我只講你可能會暈係浴室,可能會嘔,你係咪一個人?
♀:我一個人住�
♂:咁你暈左點算?
♀:放心,無咁易,我成日都係咁,咁今日講飲酒啦,你飲唔飲酒?�
♂:飲,我都算幾飲得,但我唔太喜歡飲酒
♀:點解?�
♂:酒要睇同邊個飲,同朋友飲,同鍾意既人飲,自己一個人飲,同憎既人飲都有唔同感覺,我係睇人先飲
♀:我今日同左一班好憎既人飲酒�
♂:所以令你咁唔開心?
♀:可以咁講,但我無辦法,做野需要�
♂:(音訊)
♀:你真係好無聊……不過多謝你�
♂:無,上次你話唔開心想人氹你開心,我準備左好耐,點知你咁快就用得著,點啊,聽完係唔係開心好多
♀:令我一生難忘咁好笑�
♂:咁就好,其實你有咩唔開心,可以同我講,我未必幫到你,但起碼你知道有人在乎你
♀:你在乎我做乜,你鍾意我?�
♂:唔,我答你唔到,但至少呢個時候,我唔想你唔開心,我想在乎你
♀:如果你話鍾意我,我應該會對你好感度大減�
♂:點解?
♀:你對我了解有幾多?如果單憑呢幾日傾計你就鍾意我,我會覺得你係一個見人就鍾意既人�
♂:咁我唔係呢種人,我只係覺得既然我地有緣傾到計,今日你唔開心我聽你講,到有日我唔開心你又可以聽下我講,有個可以講到心事既人係幾唔錯
♀:(圖片)�
♂:你醉喇……
♀:點解接近我既人,唔係有女朋友就係結左婚,搵個正常少少既男人都無?�
♂:網上交友既有幾多個係正常男人……唔係無既,少囉
♀:咁你係咪正常男人�
♂:我係,但你唔會鍾意我
♀:咁有自信?�
♂:我有自知之明姐
♀:所以你真係上網傾計?�
♂:我唔排除傾計以外既發展,但有個好傾既人傾計我都覺得好難得,其實你有冇諗過,你遇到咁既人係你既選擇呢?你話一個人住,咁應該你都幾有錢,而你又想搵個有錢過你既人,我唔知你幾多歲啦,但只要有呢個因素係度,即係荀盤啦,佢有女朋友或者老婆又好出奇咩?
♀:但我唔會降低自己要求
♂:所以你都答左你自己啦,可能有日你搵到,但機會比較低,當你明白呢個條件而又接受,路係自己揀,仆街唔好喊
♀:我無喊,我好耐好耐都無喊過
♂:如果酒可以令你發洩到,令你聽日可以重新出發,咁飲酒對你都係有好處既
♀:酒對我講,就好似解藥咁
♂:我覺得係止痛藥,但藥有抗藥性,你只會愈食愈多
♀:可能啦,但至少呢刻我無咁唔開心�
♂:飲酒真係可以令你開心咩?我感覺你飲左仲唔開心
♀:……比起酒,頭先你令我更開心�
♂:如果你需要既,我可以盡力令你開心
♀:我地無可能……�
♂:所以呢?
♀:唔好對我咁好,我唔鍾意欠人野�
♂:我唔駛你欠我,亦唔駛你還比我
♀:咁你有乜好處?
♂:你開心就係我最大既好處
♀:嘩,娘子出黎睇上帝!��♂:……上帝係對所有人都好,我自問無咁既能力
♀:咁你點解要對我好,我諗唔明��♂:直覺
♀:你女人黎?��♂:有時我都幾女人
♀:咁我同你做姐妹��♂:我無見過有姐妹會send出浴照比人
♀:因為你唔係女人,所以你無見過姐
♂:好,咁請你以後send多少少比你呢個好姐妹
♀:你個人都幾賤格
♂:但你喜歡
♀:食屎��♂:沖完涼未啊?
♀:沖完,吹完頭
♂:咁你訓未?
♀:又叫我訓?
♂:你做左成日野,又飲左酒,仲唔訓做乜?
♀:同你傾計
♂:……你都幾識氹男人
♀:如果我想氹既,的確係幾出色
♂:但我唔想係氹,我想係真心
♀:我無話我唔係真心
♂:到你有日無飲酒,清醒都仲咁講先算啦
♀:如果我清醒既,我就一定唔會咁講
♂:所以係因為你醉你先會咁講
♀:我醉我先會講得出口,你太危險�
♂:成日都咁講……我明明無做過乜
♀:就係因為你無做過乜你先危險,好,如你所願,我訓,下次我清醒就唔會再講話想同你傾而唔訓
♂:但你已經講左出口,我聽到,我記得,你已經改變唔到,學你講,有好多野返唔到轉頭
♀:係,所以我一直都好小心�
♂:我想講,我都想同你傾落去,但比起傾,我覺得你更加需要訓
♀:好,我聽你話,訓,你唔好後悔�
♂:我後悔喇……繼續傾啦不如
♀:太遲喇,晚安
♂:晚安
♀:你真係訓左?
♀:真係訓左,我欣賞你!晚安啦,上帝
——-
長傾·不見@筆友
https://bit.ly/LongchatEP1
長傾·不見@緣份
https://bit.ly/LongchatEP2
長傾·不見@年齡
https://bit.ly/LongchatEP3
長傾·不見@拜金
https://bit.ly/LongchatEP4
長傾·不見@笑話
https://bit.ly/LongchatEP5
長傾·不見@外表
https://bit.ly/LongchatEP6
長傾·不見@等待
https://bit.ly/LongchatEP7
氹女朋友笑話 在 莎比亞 Facebook 的最佳貼文
唔知大家為咗氹女朋友,試過去到幾盡?
自彈自唱?講啲好浪漫嘅說話?定抑或好似我以下咁⋯⋯
早幾日我瞓瞓吓覺,女朋友叫我起身:「而家係夜晚,唔好瞓呀!」
我眼都未張開:「咩事呀⋯⋯」
佢答我:「而家瞓咗,聽日你咪好有精神?唔得!唔得!」
瞓夠聽日有精神!?呢句聽落好合理⋯⋯有咩問題?
當我坐咗起身之後,佢拎咗啲化妝品,幫我化到好白好白⋯⋯
佢:「Perfect!而家咁樣啱晒!」
我望一望鏡,嚇到彈起:「喂!成隻殭屍咁!」
佢露出一個好滿意嘅笑容:「我就係要你似一隻殭屍!由而家開始你要做『殭屍系男友』!」
「What!?乜依家網絡又多咗呢個Term?我真係老了⋯⋯」我伊起棚牙,作勢咁咬落女朋友條頸度。
所以,由依家開始,朝早嘅時候我都瞓覺,間房全黑,因為我唔可以接觸陽光。
另外,我女朋友準備咗一啲紅色嘅湯畀我飲,唔知咩嚟,可能係紅豆。
當女朋友返咗工,我應該做啲咩?係囉?殭屍平日做啲咩㗎呢?唔知⋯⋯所以我都係一直瞓一直瞓,瞓到佢番嚟!
佢一開門,我即刻撲出去攬住佢,同埋扮咬佢。
佢笑住咁話:「哈!又扮得幾似喎⋯⋯但⋯⋯我唔會原諒你住!」
其實,前幾日我同女朋友鬧交,因為我成日都好夜瞓,又食埋啲垃圾食物,佢擔心我話:「你再咁,好快死!」
我一邊打機一邊講笑咁話:「點會呀,我殭屍嚟!」
激到佢當場嬲到要淘寶冷靜下。
所以,佢先會有呢個扮殭屍嘅遊戲⋯⋯
而除咗呢個原因,佢最近好沉迷一個殭屍愛情故事,所以我先講笑話自己係殭屍⋯⋯呢個故事有殭屍同人嘅愛情、九十年代嘅DJ Music、仲有 黎特 Knight Lai 嘅漫畫,你哋自己去睇啦:https://pr7d8.app.goo.gl/1dFL
#殭屍系男友
氹女朋友笑話 在 紙情 Lovestoryhk Facebook 的最佳解答
【男人都想比女朋友錫】
*相片來源 @Yosimichi Iwhata
唔知你地有冇睇近日hit爆嗰個post,有一個日本仔話拍過幾次拖,覺得總括黎講都係港女最難頂,聲稱同港女拍拖係「世界級災難」咁話。公道啲講句,邊個國家既女仔都有難頂既一面既,例如美國女仔成日比人話中意出軌、濫交;日本女仔對經濟嚴密監控,沒收老公所有洗費;台灣女仔又中意當男仔係工具人,有幾盡用幾盡 (只係講緊個氣侯,唔係針對某國家既女仔)。所以香港女仔有難頂既地方正常既,但如果真係比人講中左係港女格,咪做好自己囉。
你成日都話唔夠安全感,驚男朋友出軌又怕佢識女仔,所以想佢wallpaper set做你個樣不特只,仲想佢同朋友、屋企人介紹你既身份,手上面要求佢戴住你整既情侶手繩,總之好似黃狗屙尿畫地盤咁,要佢明示暗示比人睇到你就係佢女 朋 友。其實以上種種行為都冇問題,拍拖肯定想佢圍住自己轉架啦,最好就專一、錫自己、體貼溫柔、甜言蜜語。不過你要求男朋友做到你要求既同時,你有冇諗過佢都想你有同等付出?
男人受到傳統性別定型影響,自古以來男人就代表剛強、承擔、保護,所以扮演受照顧角色既責任就落喺女性身上,萬一男人遇到錯折同失敗又邊個安慰佢呢?冇架啦,自己忍 一味死頂都唔可以表現弱勢一面,正所謂「男兒膝下有黃金」、「大丈夫流血不流淚」......
嘩!如果你仲抱住呢種心態?容我同你影張相吖。你個腦可以話係珍貴既古代文物,過份少少話係食古不化亦一啲都冇錯。
男人係人,女人又係人,點解大家都係人類,只有女人先可以被痛錫?就係因為男人面子同怕醜唔肯講出口,女朋友又以為唔使氹先搞到有問題。其實就算男朋友唔講你都要識做啦,佢放工嗰陣拎隻耳仔出黎聽 唔好駁咀一邊聽一邊幫佢按摩。
你可能會問:「我係佢工人呀?呢啲都要做?」
喂呀姐,感情既野有得咁計架咩?你見到佢壓力少左、開心左、脾氣少左,到時得益嗰個咪又係你!同埋平時試下遷就佢多啲,跟佢意見做,假如你知道佢中意食咩、中意玩咩仲好,咁揀餐廳就專揀佢中意食既鋪頭,或者偷偷地買PS4比佢。唔使話要咩紀念日先送架 話明氹呀嘛,有分日子時限就唔係錫佢啦。
如果你仲係唔知點樣對男朋友好...,你睇下自己平時點對啲BB仔啦。你氹佢開心會做啲咩?講笑話?攬住佢?