【 #求婚大作戰系列 - 美國男子公園掘足25年終獲巨鑽】
「年青人，係咩驅使你喺呢個公園掘鑽石呀？係愛呀？定係責任呀？」美國一名男子Kevin Kinard，自從小學雞時期唔覺意喺鑽石坑州立公園去咗個field trip，就愛上咗公園嘅尋寶活動。因為所有訪客只要向園方租借工具，就可以喺園區內用「濕篩法」挖掘鑽石，仲可以帶呢粒鑽石返屋企！公園自1906年開始發現第一粒鑽石後，因為好多淘金者去掘，所以唔少人都相信園內已經無乜鑽石剩。雖然係咁，但Kevin徹底愛上咗呢個活動，所以由二年班（8歲嗰陣）開始一直到而家33歲，佢都堅持定期去尋寶，咁多年雖然一無所獲，但佢依然樂在其中！
.
不過奇蹟仲係會降臨到有恆心嘅人身上，而家已經係銀行經理嘅Kevin日前又同好朋友去尋寶，意外見到舊閃令令嘅石頭，講緊佢都未用工具掘，只係路過見到。Kevin認為只係塊玻璃碎片，但佢習慣係咪都袋住先，於是就放咗落袋。點知活動完結後，佢陪朋友去園內鑑定中心做鑑定，意外發現佢舊「戰利品」原來係一粒9.07卡大鑽石，Kevin形容嗰下真係差啲喊... 苦掘25年畀人當傻豬，但最後努力都無白費！
.
根據園區記錄，曾經有人喺90年代掘到並售出一粒一卡鑽石，結果賣到$34,700美金，所以專家估算今次呢粒野生巨鑽最高可以賣到30萬美金！Kevin就將其命名為「基納德友誼鑽石」，以紀念佢同朋友一齊尋寶嘅友誼～拿，原來鑽石戒指真係唔駛買㗎...下次女友再質問你幾時求婚，你就可以話自己仲掘緊，幫緊你幫緊你！有唔少網民得悉Kevin嘅故事後紛紛表示自己都要辭職，專心做全職尋寶師，有香港網民仲話可以去鑽石山try try，如果搵到就fatfat咁話喎...
.
#你辭先我跟尾 #自己戒指自己掘 #真男人咪呢啲 #今晚鑽石山山頂等不見不散 #尋寶師 #求婚 #禮物 #結婚 #美國 #鑽石坑州立公園 #香港 #戀愛 #曖昧 #情侶 #香港人 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙
求婚大作戰系列 在 哈日劇- 神劇之一的《求婚大作戰》到現在還是常常被拿出來 ... 的推薦與評價
《求婚大作戰》是富士電視台2008年的春季作品。 故事講述男主角岩瀨健（山下智久 飾）和女主角吉田禮（長澤正美）是一對 ... ... <看更多>