https://www.patreon.com/posts/56270489
近排燒山唔知係咪食飽飯無屎痾，除咗依附極權政府走去鼓吹「邊個唔打疫苗有病就送去荒島度自生自滅」、「所有唔打疫苗嘅員工全部炒魷」之外，就係全力捉鬼。而同以前走去話「七一衝擊立法會果班大隻佬全部都係臥底」、「所有汽油彈都係大陸解放軍運落黎」、「響高等法院放火魔嘅人用心險惡」，專門抹黑勇武派幫和理非奪權唔同，今次燒山針對嘅好多唔少都係我討厭嘅政棍。
但重點從來唔係究竟被指係鬼嘅人我鍾唔鍾意佢，而係當你作出捉鬼呢個嚴重指控時，究竟係有無理據，定係純粹只係因為你睇人唔順眼而捏造出黎嘅陰謀論。而好明顯燒山就係屬於後者。
即係好撚離譜，嬲撚到我無辦法唔寫出黎屌嘅原因係，燒山所謂「共產黨內鬼」嘅邏輯係：「只要某人一直企響抗爭前線／被視為批評政府份子，而佢並無被拉／坐監的話，佢就已被共產黨收買，係共產黨嘅鬼」
近排第一個比佢捉嘅係鬼就係黃洋達，燒山話佢之前成日響抗爭前線但一直無比人拉過，所以熱狗一定係鬼云云。我先唔好講黃洋達當然係有比人拉過、仲告過幾十條罪，但之前兩年抗爭，大撚把前線勇武無被拉、身邊亦識得原先以為一定坐撚硬，但無啦啦因為某啲法庭程序令被告義士無罪釋放啦，唔撚通佢地全部都係鬼牙？
第二同第三個被佢話係鬼嘅則係蔡耀昌同張文光。我對呢兩條政棍垃圾嘅仇視程度，絕對比燒山憎佢地有過之而無不及，但唔代表燒山就可以無中生有亂潑污水。
首先燒山話咁多個支聯會常委被捕但蔡耀昌一直無事，所以一定係共產黨嘅鬼。跟大佬當日支聯會總共有14名常委，其中包括7名包括蔡耀昌在內嘅常委辭職；而家國安拉嘅全部都係現任嘅支聯會常委，咁依燒山邏輯，係咪呢其他6個無被拉嘅前常委，甚至再之前嘅前常委，全撚部都係鬼？
至於話張文光係鬼嘅「證據」就更加離譜：燒山認為之前六四集會案咁多人都要坐監，係張文光同少數幾人可以獲判緩刑，所以「一定係同共慘黨講掂數」──真係屌你老味，判緩刑如果就係鬼就係同共慘黨講掂數，李永達獲判緩刑點解唔係鬼？李柱銘吳靄儀獲判緩刑點解唔係鬼？你唔撚捉哂佢地出黎？
第四個則係大紀元珍姐梁珍。當然以珍姐比白紙更白嘅Record，燒山當然唔方便屈佢係鬼，於是佢又開始老作另一個故仔出黎：「拿梁珍即使無可能係鬼，但佢而家經已成為共產黨嘅餌，所以我警告所有人避免同梁珍聯絡，否則隨時被共產黨一網打盡！」
嘩，咁講法即係點？屈唔倒人地係鬼，就自我幻想一個故仔出黎話佢無被拉係因為陷阱黎，然後叫人同佢割席絕交？即係燒山有無諗過，話人係「共慘黨誘餌」，同話人地係鬼同樣係一種人格謀殺？
燒山呢條「捉鬼方程式」最卑鄙嘅地方，係面對佢抹黑指控嘅人根本無辦法澄明自己清白：你無坐監點可能唔係鬼？你點可能被政府判緩刑？之前港大學生會比佢老屈話同校方打龍通，一直到幾個幹事被拉去坐監先至假仁假義扮哂同情，但對於之前老屈人嘅事就只用一句「愛之心、責之切」輕輕帶過；
再者，因為燒山捉鬼方程式係「響前線抗爭同留響香港批評政府卻無被拉坐監嘅人一定係鬼」，即係話只要你匿響冷氣房做冷氣軍師、一見唔對路就走佬移民，就一定唔會係鬼。之前其實都講過，好似燒山、黃世七、劉細良之類嘅撚樣之所以咁熱衷捉鬼，除咗係為咗顯示響抗爭一事無成嘅自己對抗爭有所「貢獻」之外（拿，我都有份捉鬼架！），除係為咗打擊熱線勇武黎為自己龜縮抗爭大後方、永遠唔會以身犯險只會尻吹指點江山嘅自己搶奪光環。
喂，如果細良世七燒山沈旭暉真係好似佢地班FAN屎口中講到咁偉大，點撚解今時今日無一個有比國安處通緝呀？黃世七成日鼓吹港獨、沈旭暉力推35+兼講到明係奪權計劃、劉細良叫人坐響軒尼詩道阻止水炮車違法達義，而家全部無一個有比國安處點名違法，點解燒山唔話佢地係鬼？
當然更加要問嘅係，你號稱自己有被捕危險，點解響香港啲生意一直安然無恙？點解可以一邊叫人唔好再捐錢比612因為可能比用國安法捉你；但轉過頭就叫人幫襯你人X超市盤菜？依照燒山嘅捉鬼邏輯，點可能唔會你先係最撚大隻嘅鬼？
江山紀第一集 在 江山紀的影片 第1集 - YouTube 線上影音下載 的推薦與評價
【江山紀】「江山紀」#江山紀,江山纪TheImperialAge,明朝大劇《江山紀》正式官宣│主演真容首曝光新生代+老戲骨，這是要大火的節奏啊！,【2019追劇播單•超期待古装 ... ... <看更多>