[盂蘭節,金本位制五十歲死忌]話咗寫,而家找數。今日寫Patron寫嘅,正係尼克遜50年前做嘅嘢。肯定佢最初都唔知道造成咁大影響,最初佢只係諗住暫時,嚇一嚇你,點知就一發不可收拾。但對美國嚟講,焉知非福。
TLDR:簡單嘅,你睇呢四個圖已經見到幾咁大影響。
第一,美元霸權,高度金融化。1971年前,美國貨幣供應M3,大約同GDP一致。70年代尾開始越拋越遠,後來量化寬鬆QE只係去得更盡。
第二,政府可以不停借錢。1945年至到1971年,美國債務佔GDP,一路跌。亦係70年代尾開始不停升
第三,貧富不均。1970年前,人均GDP同美國男性收入差不多一樣,亦係70年代尾開始越拉越遠。啲錢去咗邊?
第四,不投資往下流。1971年之後嘅美股,回報好過1971年好多。但明明經濟增長仲要慢咗。事實1971年美國佔全球經濟40%,而家係24%。但當時美股佔全球市場60%,而家……都係60%。
======================
呢篇文夠晒長,7000字,你可以分幾日睇,唔急。但我差不多睇咗10萬字先煮埋一碗。亦好奇怪,咁大嘅課題,你見係冇乜人講嘅。你話好難明?我覺得唔係,但就個個都只係想睇完篇文畀冧把你發達。咁就抵你冇發達。
先講歷史,一戰之前行金本位制,冇得任印,一戰開打黃金都買唔到,當然人人貶值,打完又回復咗一排金本位,然後二戰。
二戰後,1944年至1971年,就係江湖新秩序,Bretton Woods System。戰敗國當然只能硬食,同盟國一齊傾,但個個打到稀巴爛,邊個冇比人打?美國。邊個經濟最強?美國。邊個最多黃金?都係美國
Bretton Woods就係人人同美元掛勾,然後美元同黃金掛勾,唔畀貶值,你外國嘅美金就保證可以用35美金一安士換返黃金。變相就返返去全球固定匯率,有金本位。但當然已經有微妙變化。
之後大家知,歐洲經濟好返,美國就越戰。仲要以前歐洲買美國貨(重建),之後就美國買歐洲嘢。歐洲佬覺得被搵笨,係咁拎晒啲美金換返黃金,計計下根本美國唔夠找數,原來搵笨實。同銀行一樣,擠提。咁美國做乜?就係落閘,唔再畀你換返黃金,吹咩。
呢個就係Nixon Shock嘅背照,當然文中有講。
打後最近呢50年,就係法幣fiat currency,你以為背後「冇任何嘢支持」?錯了,冇黃金支持唔等於「冇嘢支持」。你試下唔交稅咪知背後有乜支持。我唔明點解有人覺得法幣係「冇嘢支持」。如果人人可以任印,就唔會有津巴布韋。
金本位收皮嘅最大影響,就係奠定美元50年霸權。聽落奇怪,明明美金變咗任印,反而地位大升?好簡單,因為,其他人都印嘛!以前你就話馬克法郎美金都有黃金,其實差不多。但到大家都冇黃金,咁你話你揀邊樣?因為咁,美金亦因為default嘅貿易同儲備貨幣。當然呢啲唔係最初尼克遜諗到嘅
美元霸權有乜證據?呢度幾個圖咪睇到,再唔夠嘅,文入面仲有大把。
你可以留意,美國信貸評級唔係最高(你以為係?),美國舉債成本亦唔係最低(你以為係?),美國CDS(你當係國家爆煲有得賠嘅保險)保費亦唔係最低,但美債先係唯一嘅終極避風港。
副作用?當然係通脹,貧富不均,但有乜所謂?總有方法撚化你班平民。況且你又唔係餓到冇飯開,有福利,少少嘢吊住你,幾年等你選一次,得咗。
政府,當然發現金本位死亡係個好東西,美國固然係,但其他國家都係。所以你見美金根本唔係不停貶值,因為人人都貶。正係因為咁,政府可以不停咁高負債但又低息咁去借錢。
然後我亦有講,金本位制死亡後,金融先變成顯學。以前固定匯率,根本冇嘢炒,亦都冇咁多國際資本流通,國際貿易係真係買賣實貨。而家就掉轉,金融活動先係「實體經濟」,冇咗固定匯率,亦冇埋外匯管制,一般就係資本不停流動,先有真正嘅「國際金融市場」,先有咁多貿易,先有中國堀起。
仲有,以前做金融係好悶的,投資銀行股市當然一早有,但以前係幫人發下債咋。當時實業家做鋼鐵做鐵路做石油先係王道,而家另一回事。
然後你亦見到,資產價格狂升,絶對唔係QE之後先有嘅嘢。你話當時因為經濟好?咁你可以睇多次第一個圖。
人工冇得加?鬧尼克遜啦。買唔到樓?鬧尼克遜啦。實業唔受重視?鬧尼克遜啦。真的。
然後會點?你話呢?尼克遜只係屎忽撞棍,唔係水鏡八奇,但總之之後美國發現呢套嘢對佢咁著數,套嘢又係佢搞出嚟嘅,你話會唔會改?其他人?邊個迫到佢改?況且,全世界政府都幾歡迎。多咗咁大權力,唔受金本位約束,點會自己放返出嚟畀你?
最後感想?大學教你嗰啲嘢,真係廢的。我都係自學,睇書,睇報紙雜誌,睇勁人寫文,再加上一路工作學返嚟。不過,大學啲教科書都仲有用,只係教嗰個廢。更加廢就係你去睇宋鴻兵《貨幣戰爭》之類嘅垃圾,冇錯寫得幾認真,但都係垃圾,睇得兩睇你就日日羅富齊共濟會蜥蜴人Deep State。
講真的,出面當然有人認識多過我,但未必可以講得清楚過我,你一舊水月費,只係睇呢篇文都抵。
==============
一週年!比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1900人訂! 畀年費仲有85折,20/40年費VIP 送本人著作一本。
==============
同時也有7部Youtube影片,追蹤數超過2萬的網紅elsewhite,也在其Youtube影片中提到,06 乂明鄭仔a江湖新秩序乂 | 20161012 政大熱舞第22屆迎新舞展【大舞翁】...
江湖新秩序 在 Facebook 的最佳解答
【#Patreon隨緣家書✈️🎷】盧峯是資深傳媒人,做過很多不同機構,人脈橫跨左中右,senior而毫無架子。在《蘋果日報》之餘,他也長期在《信報》工作,近年也是《眾新聞》成員,自己醉心國際新聞,例如曾自費到波蘭寫集中營見聞。這樣的前輩,除了人緣好,昔日也有某種「唔會比人搞」的保護傘,現在證明,昔日的江湖規矩,在「美麗新香港」的「江湖新秩序」,已經蕩然無存...... 這些動作加在一起,無論政權的主觀意願如何,客觀效果很清楚,就是要邁向國安法的新階段:以言入罪。沒有經歷過這種窒息感覺的香港人,不要低估這種操作的恐怖......
⏺全文見Patreon
https://www.patreon.com/posts/53030829
▶️蘋果日報突然死亡與人質外交:何解連週日死線也挨不到?
https://www.youtube.com/watch?v=VXyKze1JolM
江湖新秩序 在 吳文遠 Avery Ng Facebook 的最佳貼文
香港嘅法治,一張圖講晒。
#周庭,冇案底,粗口都唔講句,是暴徒,立即還押,不准保釋,今晚喺監獄瞓。
#上海仔,江湖新秩序,案底成公里厚,梁振英啲friend,是愛國,着草兩年半,返嚟喺差館坐兩晚就有得保釋,今晚桑拿揼骨。
#我真係好撚鍾意法治
#梁振英你可唔可以講兩句
#官商鄉黑
江湖新秩序 在 elsewhite Youtube 的最佳解答
06 乂明鄭仔a江湖新秩序乂 | 20161012 政大熱舞第22屆迎新舞展【大舞翁】
江湖新秩序 在 memehongkong Youtube 的精選貼文
美國領TPP建立江湖新秩序〈蕭遙遊〉2015-10-08 e
即時聊天室:http://goo.gl/ToDqof
謎米香港 www.memehk.com
Facebook:www.facebook.com/memehkdotcom
江湖新秩序 在 memehongkong Youtube 的精選貼文
美國領TPP建立江湖新秩序〈蕭遙遊〉2015-10-08 e
即時聊天室:http://goo.gl/ToDqof
謎米香港 www.memehk.com
Facebook:www.facebook.com/memehkdotcom