[列斯值幾錢?]班主話五年後要貼住Big Six,到時就值6-10億鎊。但呢一刻?應該3億鎊都唔值
擺明收視毒藥(我講我篇文,唔係列斯),只為自己過癮同教化世人先寫。順手賣下廣告,請支持本人Patreon(https://bit.ly/31QmYj7),等我多啲時間寫呢啲收視毒樂。睇到最尾先訂都得,因為會出多次廣告。但講明,Patreon唔寫足球文(暫時)
TLDR:全世界冇一間足球會收入多過維他奶,所以冇一間足球會值錢過維他奶。有幾難明?
1. 英超開鑼,我係冇睇嘅。但似乎利物浦同列斯踢咗場相當精彩嘅球賽。呢篇文亦由列斯講起,但同昨晚場波無關,一早已經打算寫。
2. 有位朋友講起,嘩,原來列斯聯已經唔再係Strongbow贊助。的確,好多人諗起列斯就諗起Strongbow(*),但我都係諗起維他奶。留意呢篇文會經常提維他奶。講真的。睇開文應該知點解。
3. 故事由列斯嘅新(?)班主講起,Financial Times訪問(**)。佢呢,就有個5年計劃,目標係將列斯打入頭七(睬!),在英超迫悉匙(***)打後。
4. 首先留意返,呢啲目標梗係宏大啲—但即使好宏大,班主都唔敢脫離現實,目標都只係敢話做迫悉匙之後,有自知之明係好的。大家學下嘢。
5. 但都話講錢,班主重點其實係講錢!佢話,如果做到迫悉匙之後呢,咁列斯應該值6-10億英鎊。堅唔堅?多得滯定少得滯?
6. 然後就帶到Financial Times 探討嘅問題,一間英超球會值幾錢?Especially 一間迫悉匙以外嘅英超球會,又值幾錢?
7. 答案:應該唔會值6-10億金鎊。班主太進取了吧。但當然,佢係諗住賣嘅。冇講明,但肯定唔排除,因為呢排已經有人買,但佢話未到價。
8. 講到呢度,一間球會值幾錢?就梗係唔係你啲網友講(佢比錢?)。甚至你睇坊間有啲傳媒都係亂鳩咁嚟。有啲收入同利潤都未識分,有啲又唔知邊度嘅估值。
9. 一句,FT都有講,The true worth of an asset is what a buyer is willing to pay for it. 有幾難明?特別係球會之間,雖然間間不同,但相似性高。至少比球員之間嘅相似性高。
10. 幸好,多得足球全球化,商業化,膠化(下刪一萬字),耐唔耐都有啲球會賣盤,甚至有少數係上市。咁咪有數比較咯,唔係你啲網友把口鳩up.
11. 咁講個好殘忍嘅事實你知:差不多所有足球會,都係唔多值錢嘅。量化?一間維他奶,應該值錢過全世界99%足球會。十年後唔知,但呢刻係。
12. 至於影響力?食得架?名氣?同上。求其一間濕鳩英超會都出名過維他奶,但,我地而家講值唔值錢下話。
13. 維他奶,高位跌咗四成。但都仲有300億港紙市值,40億美金。你估下有幾多間球會值呢個價錢?答案係,應該得一間,甚至係冇。
14. Financial Times由最近一單撻咗Q嘅刁講起。紐卡素賣盤失敗,但留意沙地阿拉伯佬都只係出3億鎊,仲要係肺炎前價錢。十份一間維他奶。非迫悉匙球會,就係咁上下價錢。同列斯班主估嘅6-10億鎊,有啲距離,但當然世上有通脹,佢講五年後。有啲窄,但未必完全做唔到。
15. 另外,FT亦訪問咗另一位仁兄,Jim Ratcliffe。原本想買車路士,但車路士班主(正係艾巴莫域治)開價20億鎊。做石油化工嘅Jim Ratcliffe話,你當我水魚?車路士都值20億鎊?睬佢都有味。結果佢走去用咗1億歐元,買咗法甲嘅尼斯(OSG Nice).佢認為性價比高好多。記住,車路士20億鎊都比人覺得天價,大半間維他奶咋。
16. 然後我地睇下上市公司,登登,曼聯。曼聯應該係最值錢嘅幾間球會之一。上市公司日日trade,夠公允,市值盛惠27億美金,亦係大半間維他奶。其實都係20億鎊左右,難怪Jim Ratcliffe覺得車路士話值20億鎊係搵佢笨。
17. 其他仲有一堆上市嘅,快手講下。意甲班霸祖雲達斯,市值12億歐元。其他嘅,全部係幾億歐貨仔。德甲多蒙特5億歐市值,荷超阿積士3億歐,意甲羅馬2億歐。
18. 我估就算收入又高財務又穩健嘅拜仁去上市,市值都應該唔會高得過間維他奶幾多。當然只係我估,你啲網友可以質疑,你估就係呀?但我呢啲係educate guess.你肯定你啲網友educated?
19. 唯一可能挑戰維他奶嘅,正係土豪球會曼城。舊文寫過的(https://fbook.cc/3FPK),曼城嗰時賣咗部份股份畀私募基金,計返成間公司估值就差不多48億美金。叫做大過間維他奶少少。但,兩樣嘢。首先呢個係肺炎前嘅價,而家賣仲有咁嘅價?另外,佢賣些少股份出去,推返成間嘢估值,就同真係成間拎去賣或上市唔同嘅。你睇WeWork上市前估值幾高?
20. 當然有人認為,英超球會仲係被低估嘅,但睇下你講10年後定而家。至少而家呢,你見美國啲球隊(NBA啦,其他冇睇唔知),就值錢好多。例如洛杉磯快艇,2014年已經賣超過20億美金(班主正係微軟嘅上任CEO Steve Ballmer)。但已經多年前,而家估計(係,估,但再講一次,educated,唔係鳩人鳩估),頂級嘅NBA隊,紐約人湖人金洲勇士嗰啲,冇40億美金你唔使買。
21. 點解NBA隊值錢咁多?當然因為收入都多好多,冇深究,但相信亦同成個Franchise 制呀,薪酬上限呀,唔會西甲同英超搶人呀,又十分商業化呀之類有關。
22. 講到尾,其實都係盈利—咁就算冇盈利(好多都冇),至少都係睇收入。你要班主長期自己荷包填數嘅,好難搵人買,除非係中東佬洗白。但你見馬拉加個班主都係玩幾嘢就算數,俄超咩安捷都好似係。
23. 點解球會唔值錢?好簡單,係好有影響力呀,係多人識,但收入唔多。(亦都代表,好多球迷嘅loyalty 十分廉價),更加唔好講利潤—收支平衡你已經還神,唔少係蝕錢嘅。
24. 又拎返維他奶出嚟講,舊文都寫過(https://fbook.cc/3FPK),維他奶,一間你覺得好豆泥嘅公司,一年收入10億美金!唔係好多?咁我話你知,冇一間足球會有呢個收入。5年後唔敢講,但而家一間都冇!收入最高嘅巴塞皇馬,講緊都係8億歐元收入。仲係肺炎前。利潤?更加唔好講,維他奶利錢唔算高,但至少有幾億港紙純利。球會?有幾多間有錢賺?
25. 點解球會搞嚟搞去都係唔賺錢?其實真係同個「行業」好大關係。正係因為好多公司都唔上市,仲有啲係私家雞(sorry 但諗唔到更好嘅形容),你啲對手係咁燒錢,咁你唔燒,點夠人鬥?你慳住嘅話,到頭嚟又係畀球迷鬧,越踢越差,就搞到歐聯都冇得踢,收入就更低!(即係阿仙奴!)。
26. 所以個遊戲,係注定冇乜得賺錢嘅。你可以想像你隔離間餐廳,係個有錢佬開,佢不停咁燒錢,出幾廿萬一個月請個廚,侍應佢又畀十皮八皮請晒啲靚仔靚女,賣佢就賣到平你一半。咁你點玩?
27. 只剩低最後一個問題:咁點解仲有人做班主?好簡單,唔係為賺錢。冇人買球會係為賺錢。賺到固然好,但買嗰刻已經知唔會點賺,唔使佢不停填已經超額。
28. 點解做班主?好簡單,巴閉咯!英雄主義!過癮,為童年夢想,高級玩具。當然仲有部份係為咗政治(俄國佬買英超),洗白(卡塔爾佬)。但更重要嘅係宣傳,界外利益。呢個世界上有唔少東西都係咁,例如搞傳媒,拍戲,全部都係為界外利益。為幫班主其他嘢,買影響力,或者只係溝女明星
29. 而最重要正係,球會唔使用好多錢!我係維他奶老細,哦,邊位?但十份一價錢,你係紐卡素FC老細,件事係咪型好多?溝女明星係咪易啲?識政客係咪易啲?你想上武漢(all due respect)睇廠整檸檬茶,定係想入聖占士公園睇……是但啦。但如果買間球會要幾十億美金甚至百億,又要再諗下啦。
30. 講返列斯到底值幾錢?好簡單,班主話早排有人買但佢唔賣,未到價。但佢唔排除賣少量股份拎啲新資金,希望大約估值係3億鎊—其實咪話畀你知,佢覺得列斯值幾錢咯!甚至根本篇訪問就係畀啲潛在投資者睇的。呢刻,咪就係咁上下價錢,合理丫,咪紐卡素咁上下,埋枱肯定仲有價講。5年後如果做到迫悉匙之後?再計啦。
(*)但我諗起水晶宮會諗起TDK,富咸係Pizza Hut,曼聯當然係SHARP,阿仙奴係JVC,車路士係Autoglass,拜仁係OPEL,基達菲係Burger King,愉園係……中國銀行(有冇記錯?)。完全係出賣年紀。
(**)其實Financial Times 直頭成條新beat去間體育產業,上次世界盃嘅文章亦都相當好。堅持咩金融撚數撚唔識嘅,係活在自己世界啫。
(***)迫悉匙,曼聯曼城阿仙奴利物浦車路士熱刺,排名不分先後。點解係迫悉匙唔係迫科或迫快乎迫些焚?可能係因為戰績,但更加係因為財力—呢六隊嘅收入,明顯拋離打後其他會,甚麼愛華頓韋斯咸李斯特城之類。而當然收入就支持返戰績,十分簡單。正如巴塞皇馬係西甲最高收入球會,亦係戰績最好。
———————————————————
Ivan Patreon 狼耳街華人,一星期至少三篇港美市場評點,一個月一舊水唔使,開張一個月已500人訂!仲有兩篇免費試睇:https://bit.ly/31QmYj7
——————————————————————————
[收費短片第九擊]美股科技股是否泡沫爆破?價值投資之選
課程資訊:https://homebloggerhk.com/course_detail/?code=CC009
內容:
*美股急跌點算好
*科技股係咪泡沫爆煲?
*有乜價值投資之選?
本星期內特惠售價: $80
課程編號:CC009
觀看期限:首次播放後一星期及限每影片4次
客服whatsapp: 63832145
另外想買返第八擊(美國總統大選股票部署)都仲可以:https://bityl.co/3NPn
沙地阿拉伯世界盃 在 君子馬蘭頭 - Ivan Li 李聲揚 Facebook 的最佳貼文
[卡塔爾真係好撚堅,比你想像中仲要堅]
卡塔爾真係堅,全勝捧亞洲盃,七場入19球,唯一美中不足係決賽破身失1球。贏南韓大炒東道主阿聯酋贏日本,全屆賽事冇一分鐘落後過。食半打蛋拎去勞改嘅北韓佬可以眼閉了。
但卡塔爾唔止戰果勁,仲係克服好多先天不利因素。換個講法:睇牌面根本唔應該咁勁。
每次講「喂點解中國亞洲盃八強就垃圾 英格蘭歐國盃八強就打飛機」甚至更傷心嘅「勁揪香港入四強未?」,總有人講「應該」乜乜乜,哦,中國應該乜乜乜。所以又貼返呢個圖。真實賽果同埋(根據一籃子因素估嘅)「合理戰力」。從來冇人話人多會勁(印度印尼?),要睇有幾多人踢波,經濟實力之類。
詳情睇返舊文,費事解多次(http://bit.ly/2K6bOQl 咩國家先會踢波叻?其實中國已經比預期好)
先自抽,德國咁多年,雖然係歐洲捧盃最多嘅國家(係呀可?),但其實表現係不如預期(又唔係差好遠,略為不及預期啦),留意呢個圖仲未計入2018年世界盃德國嘅恥辱出局。正如Simon Kuper話 拜仁慕尼黑underperform一樣。五屆歐聯冠軍都underperform?係喎,因為同佢「牌面」相比。德國作為歐洲最多人口,亦其中一個最富有,仲最多人睇波踢波嘅國家,有咁嘅成績其實都仲爭少少先勉強收貨,理應捧得更多盃。同樣地,Simon Kuper話頭,拜仁慕尼黑作為歐洲最強國嘅唯一班霸,理應捧得更多盃(所以你估到了,利物浦其實好撚堅抽,in this aspect)
好啦,重覆一次講,德國以外,其實多數列強都係outperform嘅 (好合理,有人不如預期就當然有人勝預期)。巴西阿根廷最誇張,西班牙葡萄牙克羅地亞都堅(再講一次,未計2018添),英格蘭其實亦都交足貨,冇欠球迷任何嘢。正如 Simon Kuper本書嘅吸睛副題: Why England Lose — 因為英國(或英格蘭)根本先天就不足,有咁嘅成績係合理嘅。經濟學人亦寫過無數文講,你睇返英格蘭嘅排名之類,八強貨仔偶然四強就係合理預期。
比較得意嘅係啲underpeformer,匈牙利啦(近年好似有啲起色?),東南亞越南同緬甸啦(而越南近來好似又係突飛猛進,我FB成日見啲越南妹貼),小國盧森堡啦(盧森堡個畸屎有得拗,人均GDP係高,但主要因為幾間大公司啫,係咪好富有都有得拗)。同埋最特別嘅,美國加拿大。事實美國真係唔爭氣(加拿大都係,但除咗孟晚舟外WFC?又,拜仁都簽咗個加拿大仔)。美國人口多,富裕,踢足球睇波嘅人亦多(「美國人唔睇波」係一個都市傳說,你不妨睇下MLS入座率,或者直播世界盃嘅收視),但偏偏未如預期。如果我冇記錯Simon Kuper 地係鬧MLS個大聯盟系統嘅,認為唔應該行NBA NHL 嗰套
然後又講另一堆outperformer.唔知係好消息定壞消息,但中國國足一樣交足貨,真係冇撚欠你半個人情。一來中國窮(人均GDP排幾多?),二來少人踢波(不過多人睇),你睇中國真係comfortably outperform 的。可惜搵唔到香港在邊,你可以去問作者,或者得閒我研究下點reverse engineer 啲data 出嚟 – 但to be honest,我整都整台灣先啦,你估我好鍾意香港?日本韓國亦唔知去咗邊。
仲有,中東孖寶,沙地阿拉伯同卡塔爾,其實都係outperform。沙地阿拉伯固然好多時係笑話,係歐洲隊大炒嘅對象,但畢竟都成日打入決賽周。
卡塔爾先真係勁到離晒罩,重要嘅講三次,呢個表仲要係2018世界盃前,即係未計今屆卡塔爾嘅表現。卡塔爾冇錯係有錢(人均GDP 真係前列),但除咗錢真係冇乜嘢,人口極少,踢波少睇波亦唔多,兩百幾萬人,仲要九成(你冇睇錯)唔係卡塔爾人,痴膠線的。
所以,係真係值得研究的。就唔係一句「搞青訓」講完,鳩唔撚知咩。
當然啦,你可以質疑呢套方法評估「牌面」客唔客觀。同樣地,只睇咁多賽事「得失球」亦可以抽秤—畢竟有啲隊(例如意大利)太公波懶懶閒但打淘汰賽越戰越勇的。
沙地阿拉伯世界盃 在 君子馬蘭頭 - Ivan Li 李聲揚 Facebook 的最佳貼文
[經濟學人話世界盃同佢哋支持嘅普世價值一致,但其實唔少砂石)儘管俄羅斯世界盃同國際足協萬般不是,但經濟學人依然認為大家應該享受支持世界盃。原因係因為,世界盃同佢哋支持嘅普世價值吻合。
文章先幽自己一默,講返連尼加嘅名句:足球係個好簡單嘅遊戲,廿二個人追住個波,最後德國人總係贏(按:明顯冇在意可能加時射十二碼,呢個應該係德國強項,英格蘭死穴)。(不過第一輪,德國係輸波嘅)
經濟學人自己都好期待呢項盛事,但唔係因為覺得自己國家(英格蘭)會捧盃,再幽一默:we are too rational for that。支持世界盃嘅原因係:同佢哋嘅核心價值一致
固然國際足協千瘡百孔,醜聞不絶,俄羅斯亦都係極權國家,呢項盛事唔多唔少成為普京嘅政治宣傳騷。但即使係咁,世界盃本身係進步緊。而最重要係,世界盃獎勵(佢哋認為)好嘅政府,懲罰專制咁話。極權國家可以谷起奧運金牌榜,但一般在足球一無所獲。西德足球員遠勝於東德(按:但唯一一次國家隊交手東德贏,另外在球會層面都係一半半,而東德少人過西德,亦窮過西德喎),只有四個「不自由」國家參加今屆世界盃,正路冇一個會走得遠(按:俄羅斯,伊朗,埃及,沙地阿拉伯。後兩者應該出局,但俄羅斯應出線,伊朗亦拎咗三分)。對上一個捧盃嘅極權國家係1978年嘅阿根廷。而女子足球從來只有民主國家拎冠軍(但文中都有講,中國入過決賽)
國際足球嚟講,奬勵開放,擁抱全球化(按:而唔係本土優先)嘅國家。醒目嘅國家唔會盲目請本土英雄做教練,係會唯才是用,請在歐洲聯賽證明過自己嘅教練(按:即係中國?)。非洲球隊實力受惠於佢哋嘅海外兵團(外國落班,甚至外國出世嘅,例如摩洛哥成隊都係非摩洛哥出世的)。歐洲國家就可以受惠於移民同後代,法國1998年就係(居然唔講德國2014).
另外,足球應該係反對保護主義,鼓勵競爭嘅。正如佢哋之前篇文(http://bit.ly/2K6bOQl)提過,美國足球其實underachieve,佢哋認為原因之一係因為MLS係cartel壟斷聯盟,限制薪酬上限(按:NBA呢 ?),而較低組別嗰啲係冇得升班,永不超生嘅。
結論:自由國際主義者(即係包括我)理應支持世界盃。最後經濟學人不忘講返有個國家應該係足球王者,但表現其實未反映其潛力:就係擁抱移民人民又多又富貴嘅德國(按:結果揭幕戰就輸波)
後記:可能有人覺得我呢篇「按」得太多。但我覺得呢篇文係麻麻地。固然佢寫得出係幾好嘢,但同好多較低質素嘅文一樣,都係太單一化,企圖將太多嘢用文化經濟因素解釋。講就可能係,但踢出嚟並唔係咁(德國話咁快就輸波,極權俄羅斯兩場八球波,近N年咁多隊最強)。呢篇其實係佢哋另一篇文(http://bit.ly/2K6bOQl What makes a country good at football?)嘅短版兼變奏(佢哋一貫風格),但就真係有啲夾硬將自己嘅價值加入其他嘢度了。而即係我亦唔係咩愛黨憤青,但全球化退潮受質疑大家都見到,世界盃都講到全球化勝利,今屆好似冇乜說服力(不過話說回頭,好多高舉反全球化反企業嘅本土憤青又好鍾意睇英超,非常人格分裂)。