我哋前日去咗海洋公園水上樂園試玩啦！！以下會以家長嘅身份去分享水上樂園嘅玩樂資訊，希望啱大家睇🥰我哋係一家四口，帶埋陽陽一齊去嘅👨👩👦👦
免費穿梭巴士由海洋公園往來水上樂園
可以帶埋嬰兒車，大約10-15分鐘一班車，好密下，讚👍🏻車程大約10分鐘
租家庭儲物櫃，用家庭更衣室
因為儲物櫃需要額外租，所以建議減輕行裝，儲物櫃區係不分男女，所以執嘢時唔洗刻意分兩袋；更衣室有沐浴露提供，可以慳位唔洗自備；家庭更衣室（好似有8間）內係有洗手間及淋浴間，房間位置都幾大，推架BB車入去依然有足夠位置走動換衫；另外有育嬰室（1間），可換片/餵奶。
水上樂園有好多玩樂設施，而我覺得特別啱幼兒玩嘅有以下呢幾個…
涌浪灣/天海灣 人造浪池🌊
好似去咗沙灘咁休閒，小朋友係玩浪開心又安全，周圍都有不同尺寸嘅救生衣，可以自取嚟用。
威威水地帶💦 3/F室內
巨型水遊樂場，一條短滑梯，兩條中滑梯，兩條長滑梯，三層高，多個噴水口，重有個儲水後會倒水嘅大水桶🪣😆小朋友閒閒地玩一個鐘😅旁邊有BB戲水池，水淺好啱幼兒玩水👍🏻水應該有恆溫，所以唔凍，放心。
漂流探秘🛶 2/F室內
可以坐單人泳圈/雙人泳圈/幼兒雙人泳圈玩漂流，大人坐覺得好靚好休閒舒服，打卡一流；小朋友覺得好似坐船仔咁，好似探險咁好好玩；BB對沿途嘅流水設施可能會驚，家長可以盡量避開；好值得玩☺️幼兒雙人泳圈唔係太多，可能要排隊等。
激流旅程🌅 室外
著起救生衣，對住大海遊歷呢個激流旅程，水唔算急，但水力都幾大，唔係咁易企得穩，大人在旁一齊玩幾好玩，諾諾覺得好緊張刺激，叫我哋唔好放手🤣會沖走佢～
景色100分！建議黃昏時間玩，簡直係雙重享受😎
場內有兩間餐廳，2/F係飽肚d嘅食物，有飯麵等等；3/F餐廳可以欣賞住天海灣去食，食物係墨西哥卷🫔漢堡包🍔等等，價錢大約$65-$90。
重有幾個重點同大家分享…
✅建議細路著有䄂泳衣，玩設施更舒適同埋離開水無咁易冷親
✅真係好多救生員當值，亦有好多工作人員在幫提供協作，例如搵路
❎唔帶得私家水泡同水槍（唔知到正式開放係咪都一樣）
總結嚟講，水上樂園好大好大，如果玩晒所有設施，一定超攰，重有四周圍都係打卡位，影相拍片會影到無電🤣 #記得拎防水手機套同外置充電 ，水上樂園介紹到呢度，有問題可以留言問🥰鍾意我嘅分享請比個like我🙏🏻想睇片可以睇ig post 同story
https://www.instagram.com/p/CTvLI1Chevy/?utm_medium=copy_link
#水上樂園試玩 #水上樂園好唔好玩 #小朋友啱唔啱去水上樂園 #水上樂園試玩分享 #水上樂玩後感
#SplashintoAdventure
#365DaysAllWeather
#海洋公園水上樂園
#探索自然激浪無限
#全年365日全天候開放
#諾諾陽陽 #二寶媽 #hkkids #hkbaby #親子blogger #香港媽媽 #hkmama #媽媽日常 #hkmommyblogger #育兒分享 #hkfamily #sohappy◽️ #hkinfluencer
@waterworldoceanparkhk @hkoceanpark
香港海洋公園 Ocean Park Hong Kong
沙灘 淋浴 在 在沙灘上用雪碧淋浴是怎樣？#shorts - YouTube 的推薦與評價
雪碧#海灘#夏天#清涼#行銷#創意#廣告Brand：Sprite Sprite Giant Soda Machine Shower Agency：White Label - 【 製作團隊】 ｜監製：家瑜、64 ｜本集 ... ... <看更多>