【阿公講鬼】《十年未晚》（７）
（１～６集）https://bit.ly/3xr2n3D
＝＝下半部分是繁中華語＝＝
＝＝下半部分是繁中華語＝＝
家寶嘅父親李卓榮，聽從潘叔吩咐打咗兩個電話。
「喂，你、你哋即刻過嚟…」
「關於小鈞同婷婷！快啲嚟啦！」
關乎到自己嘅子女，兩人好快就出現喺荔園門前，身為律師嘅周凱明還特登帶住律師信，打算即時告爆荔園嘅遊樂設施不合乎安全規格。
然而，李卓榮說明一切來龍去脈之後，周凱明同王敏就驚訝得合不攏嘴，王敏仲忍唔住喊咗出嚟，淚水不受控制咁滑落，明顯佢記返起自己做過嘅惡行，亦估唔到報應會降臨喺自己嘅子女身上。
首先係李卓榮，佢嗰副好似灰熊咁嘅龐大身軀，縮起肩膀跪喺地上，王敏見狀亦完全不顧儀態地跟住跪低。
「唔使旨意我會跪！你呢種行為，只要我報警你就死硬！」周凱明。
「唔好咁啦，唔通警察會幫你捉走上咗婷婷身嗰隻鬼咩…」李卓榮。
「都過咗咁多年，佢以前有不滿嘅咪還手囉！同老師講囉！而家算點先？拎住受害者光環想報復啊？」周凱明。
「你唔好…」潘叔嬲到全身顫抖，緊握嘅拳頭指節都變白：「唔好將責任推卸畀受害者啊！」
被潘叔咁樣喝一喝，周凱明嘅滕蓋亦發軟跪低。
阿公企咗喺一邊睇住，有啲唔耐煩咁搔抓手臂，呢件事佢並無插手，唔到佢管，亦唔想管。
阿公心諗，要佢驅走荔園入面嘅小鬼反而仲好玩。
「咁…你而家想我哋點做？只要你肯放過我哋個仔，我咩都願意做。」李卓榮完全放棄反抗，非常配合。
「係、係啊，求你放過小鈞啦。」王敏。
「……」周凱明垂低頭雙手緊握大腿，佢嘅自尊心不容許佢咁做，但為咗救婷婷只能夠就範。
「你哋互摑，摑到我滿意為止。」潘叔。
「呃…但係…」李卓榮。
「照做啦。」王敏一巴掌摑落李卓榮度。
「你唔好郁手啊！敢打我？！」周凱明都未講完，李卓榮就用佢嘅熊掌一巴打過去，打到佢頭冒星斗。
「頂！當年妳唔係一直慫恿我去蝦佢咩？」周凱明完全無留力打落王敏塊臉度。
「叫你做就要做啊？係你打得佢最傷！」王敏一巴掌打落李卓榮。
「如果我唔咁做，你哋又會話我係臭肥豬…」李卓榮。
三人就係咁互摑起嚟，將心入面嘅屈辱、不忿發洩喺對方身上，巴掌聲響亮得喺遠處都聽得一清二楚。好彩閂門後嘅荔園無太多途人經過。
阿公依舊企喺旁邊食花生。
三人嘅景況，令佢諗起一個名叫「沙特」嘅法國著名哲學家，喺二戰前後推崇存在主義，佢其中一個劇場叫《No Exit》（禁閉）。劇中角色只有三個人，三人死後落到地獄，但呢個地獄只係一個房間，無刑具，亦無任何折磨佢哋嘅手段。
然而，房間入面無鏡子，三人唔能夠瞓覺，亦唔可以眨眼，亦即係話說三人必須喺另一個人嘅眼中，先可以意識到自己嘅存在。唔理做乜嘢都必須喺其他人嘅目光下進行，就算你同其中一人對望或對話，都會有第三者睇住。
人嘅「形象」都係其他人塑造出來嘅，只要唔係單獨一人，人就會好在意其他人點樣看待自己。喺劇嘅某一段，房間門打開咗，但主角唔肯離開，佢必須得到其餘兩人認同自己，先願意離開呢個地方。
劇嘅結局，其中一位主角明白到點解地獄無任何刑具，因為「他人即地獄」。
就喺阿公沉醉喺思考之際，一個小小嘅身影喺佢身後快速掠過，阿公回神定睛一看，身影係一個小女孩。佢走到潘叔身後，大叫一句：
「爸爸！」
本來獰笑緊，不斷嗌「打大力啲！」嘅潘叔見到女兒瑋晴嘅第一個反應，就係即刻收起嗰副猙獰嘅臉容，捂住女兒嘅眼睛。
「唔好睇…唔好望…」潘叔喺剎那間，又變返一個慈父。
仍然處於茫然狀態嘅阿公，又諗起沙特嘅著作《存在與虛無》其中一個廣為人知嘅小故事《注視》，而且，佢諗到一個非常完美嘅解決方法！
下集結局～～～～
2000 like 、200 share有下集！
《阿公講鬼４：魑魅》預售開始！
７月出貨！
https://bluegodzistore.boutir.com/
＊＊＊＊＊＊＊＊＊
＊＊繁中華語版＊＊
＊＊＊＊＊＊＊＊＊
家寶的父親李卓榮，聽從潘叔所說的，打了兩通電話。
「你、你們來一下…」
「關於小鈞和婷婷！趕快來啊！」
關乎到自己的孩子，兩人很快就出現了，身為律師的周凱明還特地帶著律師信，打算即時告爆荔園的遊樂設施不合乎安全規格。
然而，李卓榮說明一切來龍去脈之後，周凱明和王敏便訝異得合不攏嘴，王敏還禁不住抽泣，淚水不自控地落下，明顯她記起自己做過的惡行，也沒想到報應會降臨在自己的子女身上。
首先是李卓榮，他像灰熊般龐大的身軀縮起肩膀跪在地上，王敏見狀也完全不顧儀態地跟著跪下。
「休想我會跪！你這種行為，只要我報警你就死定了！」周凱明。
「別這樣，警察才不會幫你捉走附在婷婷身上的鬼…」李卓榮。
「都過了這麼多年，他以前有不滿可以還手！可以告訴老師！現在算怎樣？拿著受害者光環想報復嗎？」周凱明。
「別將…」潘叔憤怒得渾身顫抖，緊握的拳頭指節都白了：「別將責任推卸給受害者啊！」
被這麼一吼，周凱明的滕蓋也發軟跪了下來。
阿公在一旁看著，有點不耐煩地搔抓手臂，他並沒有插手這件事，這種事他管不了，也不想管。要他驅走荔園內的小鬼反而更好玩呢，他心裏。
「那…你現在想我們怎樣？只要你肯放過我們兒子，我什麼都願意做。」李卓榮完全放棄反抗，非常配合。
「對、對啊，求你放過小鈞吧。」王敏。
「……」周凱明雙手緊握大腿，低著頭，他的自尊心不容許他這樣做，可是為了救婷婷，只好就範。
「你們互摑，摑到我滿意為止。」潘叔。
「呃…可是…」李卓榮。
「照做吧。」王敏一巴掌打在李卓榮臉上。
「你別來啊你！你敢打我？！」周凱明還沒說完，李卓榮便以他的熊掌打過去，打得他頭冒星斗。
「幹！當年妳不是一直慫恿我去欺負他嗎？」周凱明完全沒有留力打在王敏臉上。
「叫你就要做啊？是你打得他最傷！」王敏打在李卓榮臉上。
「要是我不敢做，你們會說我是臭肥豬…」李卓榮。
三人就這樣互摑起來，將心裏的屈辱、不忿發洩在對方身上，巴掌聲響亮得在遠處都聽得一清二楚。幸好關門後的荔園沒太多途人經過。
阿公依舊站著旁觀著一切。
三人的景況，讓他想起一個名叫「沙特」的法國著名哲學家，在二戰前後推崇存在主義，他其中一個劇場叫《No Exit》（禁閉）。劇中角色只有三個人，三人死後來到地獄，可是這地獄只是一個房間，沒有刑具，也沒有任何折磨他們的手段。
然而，房間中沒有鏡子，三人不能睡覺，也不能眨眼睛，也就是說三人必須在別人的眼中，才能意識到自己的存在。不論做什麼，都必須在別人的目光下進行，就算你跟其中一人對望或對話，也會有第三者看著。
人的「形象」都是別人塑造出來的，只要不是單獨一人，人就會很在意其他人怎樣看待自己。在劇的某一段，房間門打開了，但主角不願離開，他必須得到其餘兩人認同自己，才願意離開這個地方。
劇的結局，其中一位主角明白到為何這地獄沒有刑具，因為「他人即地獄」。
就在阿公沉醉在思考之際，一個小小的身影在他身後快速掠過，阿公回神定睛一看，身影是一個小女孩。她走到潘叔身後，大喊一句：
「爸爸！」
本來獰笑著，不斷喊著「用力一點！」的潘叔看見女兒瑋晴的第一個反應，馬上收起那副猙獰的臉容，捂住女兒的眼睛。
「不要看…不要看…」潘叔在剎那間，又變回一個慈父。
仍在茫然狀態的阿公，又想起沙特在著作《存在與虛無》其中一個廣為人知的小故事《注視》，而且，他想到了一個非常完美的解決方法！
（待續）
2000 like 、200 share有結局！
沙特禁閉 在 鹽叔：他人即地獄！——沙特《無路可逃》︳已讀不回#22 的推薦與評價
到底人除咗有眼耳口鼻外，仲有啲咩科學角度以外既「特質」？身兼哲學家、劇作家、作家三個身份，三位一體既 沙特 ，通過書寫《無路可逃》﹙No Exit﹚一 ... ... <看更多>