0729 - 0730 宇宙船 #扭蛋劇場 努力奮鬥加油
N: 我係今日嘅評述員薛晉寧。
F: 我係CHUFUN。
N: 我地今日會同大家重溫一次，喺賽事進行期間，我地一眾香港同事嘅表現嘅。
F: 咁就先睇一睇今朝嘅項目先啦！
N: 今朝呢，喺女子二百米自由泳進行嘅三分鐘之前呢，來自九龍塘嘅elaine，沙田嘅歡姐，新界北嘅Christine已經嘅pantry準備好喇。
F: 嗱值得一提呢，係過往Christine已經三次因為唔專心做錯嘢而收warning letter㗎喇，不過今次佢係選擇咗放低晒手頭上嘅工作。
N: 睇嚟係相當有決心要支持何詩蓓喇。
F: 可以話係不惜一切呀！
N: 支持羽毛球混雙嘅同事都唔簡單呀，佢地同個客夾埋喺會議室開咗projector睇鄧俊文、謝影雪嘅表現呀！
F: 展現香港人嘅合作精神。
N: 通常呢，如果帶飯嘅同事可以發揮返平時一半嘅水準呢，lunchtime後半段應該瞓晒喺枱面㗎喇！
F: 不過今日要為女子滑浪風帆陳晞文打氣呀，大家都搏晒命嘗試唔瞓身呀。
N: 都係想同我地嘅運動員講聲：
F: 我地人事部team head Jackson呢，本來今日好大機會攞牌㗎，但係為咗睇洪詠甄女子賽艇呢，佢放棄咗！
N: 吓？金牌？
F: 車牌呀！佢考車撞咗比賽時間呢，佢冇去考到！
N: 好！下年繼續努力！
N: 而家可以睇到喺外面呢，代表我地睇緊重播嘅同事呢，開咗好大篇word出嚟然後將賽事重溫嘅window縮到好細呀。
F: 哩個都係喺公司入面睇奧運一個幾常見嘅策略嚟，咁樣睇穩陣啲吖嘛！
N: 哎也！
F: 做咩？做咩？唔係重溫嚟㗎咩？
N: 係重溫！但同事大意呀！尖叫咗一聲！
F: 而家唯有希望它細隻眼開隻眼閉啦！
F: 老細今日好似冇返！
N: 老細今日射波！
F: 哇睇重溫都睇到射波！
N: 真心支持！
F: 真心支持！
謝謝聲演 Chu Fun
但最多謝係香港嘅運動員，你地切實地為香港燃起返希望，
多謝你地每一位嘅意志力同努力！
努力奮鬥加油 林海峰Jan Lamb
沙田lunchtime 在 時間剛剛好lunch time 鬆一鬆 沙田友全新菜式款款精緻 的推薦與評價
時間剛剛好lunch time 鬆一鬆 沙田友全新菜式款款精緻 午市精選套餐更奉送 靚湯「送完即止」 這種天氣有什麼比午餐都飲到靚湯幸福 ... ... <看更多>