【龔成問答信箱】(Q22401-Q22420)
Q22401:
Hello 依家溫緊進階班第5堂 notes 你話如果附屬公司多而且比較接近50% or 小數股東股益較大 個純利率會扭曲左
想問下幾多間附屬公司先為之多。同樣 小數股東股益點樣先為之大 例如佔左總盈利既某個%就叫大?
龔成老師︰
我地要估這個調整,主要係因為當集團對附屬公司持股,較接近50%時,即附屬公司盈利中,有不少比重非有集團所有,令計算出來的純利率出現偏差。
所以,我地有時係會唔扣"非控股權益",直接用盈利(而非股東應佔溢利)去除營業額,去計算純利率。
但我地唔需要一見到"非控股權益"有數字,就去做這個調整。因為有時個數字好細,當你調整後,發現純利率其實無明顯變化。
所以,你預"非控股權益"大於"盈利"10%,我地才會對純利率進行調整,令佢數字更能反映真實情況。
------------------------------------------------
Q22402:
你好請教1928,見佢近期弱左,如靠債去還債,賺到的利潤都會被利息蠶食。
派一次中期息都要10億美元,好難想像何時內可以做到。
還未計續牌等政治風險,以你的專業分析點解可以對此企業有咁堅定信心?
龔成老何:
金沙(1928)風險度的確增加左,但投資者分析時,不要將中短期因素太過放大,其實只要澳門疫情穩定翻少少,其實就無事。
睇翻上半年,金沙中期經調整物業EBITDA 2.34億美元,銀娛都是EBITDA有正數的,反映如果唔計會計因素,佢是有錢賺的,除非疫情惡化,否則,佢無問題,而我地從投資,是投資企業的長期,不用將當刻的短期因素太過放大,同時佢持有的資產好有價值,要融資都十分容易。
至於政治因素,的確有少少,但如果從「澳門政府想那些博企續牌的角度」,就是金沙、銀娛,這是從就業、澳門發展等的角度去分析。
------------------------------------------------
Q22403:
你好。想問9926同2878點睇,9926跟人買跌左十元。點算,唉。守唔守好
龔成老師:
康方生物(9926)你預佢上落會較大,不宜持有太多。
主要從事生物製藥業務,專注於腫瘤學及免疫學治療領域。
佢候選藥物例如有AK104:適應症包括子宮頸癌、肝細胞癌、食管鱗狀細胞瘤、胃癌、非小細胞肺癌、黑色素瘤、晚期實體瘤、外周T細胞淋巴瘤;預計於2021年下半年在中國提交治療子宮頸癌的首次NDA(新藥申請/生物製品許可申請),及開始在美國進行治療晚期或轉移性實體瘤的Ib/II期臨床試驗,以
及聯合治療實體瘤的試驗。
這企業現時是投資期,回報要慢慢先見到,不過,這股估值十分難。因為無實在的收入與盈利進行計算。
只可以話,風險較高,是有危有機的類別。投資注碼一定不能大。
如果持貨,小注,長線,不是不可。投資得就一定長線,等佢長期回報。
如黑持貨多,宜減。
晶門半導體(2878)都算有長線投資價值,佢係一間無晶圓廠半導體公司,主要從事設計、開發及銷售專有集成電路晶片產品及系統解決方案業務。
佢的產品及方案可供應用於智能手機、平板電腦、電視╱顯示器、筆記本電腦以及其他智能產品。
雖然都有一定的生意,但多年來都出現虧損,到近年才算好轉。行業需求對佢是利好的。
這企業質素未算好高,因為技術未算好強,這股如果持貨不過多,都可守住先。
------------------------------------------------
Q22404:
我想請教你
2869在11元買入
1313 在 9.9買入需止蝕嗎?
我知3319/1313是優質股可以守,2869是優質股嗎?
多謝阿sir解告令我心態有改變
龔成老師:
綠城服務(2869)仍算有質素的。佢為中國高端住宅物業服務供應商,提供以下三類服務:
(1)物業管理服務:包括保安服務、保潔及園藝服務,以及物業維修及保養服務。
(2)顧問諮詢服務:包括在建物業服務(示範單位管理服務及建築工地保安服務)及管理諮詢服務(於項目設計及開發階段提供物業開發諮詢服務,以及於物業交付後提供各種物業管理諮詢服務)。
(3)園區增值服務:包括園區產品及服務(購物協助、拎包入住服務、交通服務、文化教育服務、房屋返租與置換服務及二手房交易的經紀服務)、家居生活服務(物業維修及保養、家政服務、保健及娛樂),以及園區空間服務(出租廣告空間,並提供廣告設計、製作及出版服務)。
過往發展不差,業務有增長,現價合理區中上部。
這股都可以守,但你預佢中短期會有少少波動。
至於另外兩股,都可持有。但你較集中在內地地產相關行業,小心行業集中風險。
------------------------------------------------
Q22405:
如果我40歲,加按d錢出嚟投資會唔會有風險?謝謝你的意見
龔成老師︰
以你年齡可承受的風險程度(以你年紀,建議總負債,最多只可以佔總資產6成),加上現時仍處低息期,加按是沒有問題的。
關鍵是加按後,將資金買入其他資產,創造更高的回報,由於加按是要支付利息的,所以新資產產生的利息回報一定要比加按的利率高,這樣才值得做。
最好有比較明顯的息差回報,這樣才能抵銷加按後,加大負債為你所帶來的風險。因此,你加按前,最好先計劃如何分配新資金,如何平衡風險,怎樣說服自己獲得理想的回報,即是有充分的理由,而非為加按而按。
若是投資於股市,相信中低風險會較合適,公用股、內銀股、收息股、房託等,都可考慮,策略為長期的增值及收息,期望股息回報大於加按利息,這樣就值得做。但絕不建議炒賣等方式投入股市。
------------------------------------------------
Q22406:
到目前為止,我們現住的村屋政府還沒有任何收地計劃。估計還可以起碼多住十年八載。我想得到一些資料關於鄰近地區政府收地價、土地私人買賣價錢等資料,
從而比較一下地主開出的價錢是否合理。請問以上資料可以從哪裏得知呢?謝謝你的幫忙!祝生活愉快!
除了以上住屋問題之外,從二月至今,已分段買入以下股票合共約200,000。(之前打算用1,000,000投資,其中500,000分注入市及月供股票;
其餘500,000手持現金等大跌市才大力度掃貨),請問暫時這個股票組合是否合適我?分注買入速度又是否過急呢?
66 - 43.50 (12.3%)
1658 - 5.70 (9.6%)
1928 - 29.20 (13.2%)
1972 - 22.90 (12.9%)
2800 - 27.80 (7.8%)
3067 - 17.60 (19.9%)
9633 - 56.80 (12.8%)
9988 - 198 (11.2%)
另外,月供股票方面也開始了兩個月。分別月供以下股票。月供股票因為剛開始,未有計算在以上。
2800 - $3000
27 - $2000
66 - $1000
請問以上我的股票組合是否潛力股方面佔約40%太多呢?之後再分注買入的資金,我會偏向平穩增長股及收息股。請問龔sir有什麼股票建議加入我的組合呢?
以上問題太多,不好意思。希望得到你的抽空回覆。祝身體健康,生活愉快!
龔成老師︰
你可以去田土廳和地政總署,可以睇到交易金額和一些補償計算資料,你可以用來參考。
你現時持股和月供計劃,大致上係可以。但安碩恒生科技(3067)和阿里巴巴(9988)係潛力股,這類股票以你48歲,最多佔2成左右好了。
未來時間,就正如你所講,要偏向平穩增長股及收息股,去慢慢拉低翻潛力股比例,以免風險過高。以下都是一些合適選擇,現價都合理,你可以參考下。
但緊記唔好偏重個別企/行業,個別企業和行業,不要佔組合15%和30%以上,銀行業更加不要高於組合20%,否則會有過度集中性風險。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,不能太過大注)。
現時你投入了1/5資金,這個比例係可以。當再出現多10-15%左右回調,就可以再加下一注。而另外50萬,但等大跌市出現,才分注入貨。
------------------------------------------------
Q22407:
1) 龔sir , 想問一問關於美股TLRY , 持有半年虧損接近40% , 應繼續持有還是止損,能幫手分析一下嗎
2) 龔sir, 6993 係米仲可以持有 ,仲可以守
龔成老師︰
1) Tilray Inc (TLRY)從事是一家從事製藥業務的公司。該公司是一家向藥品分銷商供應大麻產品的供應商。
大麻股過往曾是熱炒對象,過去一年波幅好大,由$5至到$67。上市後,更曾經升至$300,可見這隻股票,有一定投機味道。
我自己無仔細研究過大麻行業和相關股份,但從佢財務數據睇,上市後收入係有明顯上升,但依然未能達至收支平衡。
因此,此股現價不少部份,係來自投資者對"將來"的睇去。只要未來前景稍有偏離,你預佢會有較大幅調整。
此股唔係話無投資價值,但確定性較高,只宜小小注。
2) 藍月亮(6993)不是劣質,但最新業績令人失望,由於上市前的數據幾靚,因此,有可能佢上市前執靚盤數,這亦是我對新股/半新股有保留的原因。
佢最新的中期虧損約$4400萬元,去年同期純利約$3億元。虧損主因是市場上,其他平台出現過剩的較低價產品,導致佢定價策略及產品在市場上的價格體系受到干擾。
為統一產品在市場上的定價,佢向其客戶提供若干折扣以穩定產品的市場價格,此類折扣對其於上半年的毛利率產生約9%的負面影響。
相信中短期未必強,但長遠,其實又不算好差,佢成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一。
整體有質素,不過之前貴,現價算是合理區中上部,如果你小注持有都可以。
------------------------------------------------
Q22408:
龔老師你好,我想聽一下老師的意見.本人可承受高風險。
1. 持有1257,20,000股平均價3.4。現價掉到2.77左右,應否繼續持有或減持?
2. 持有1448,6,000股平均價7.02。現價7.42應否增持?
還是增加其它平衡增長股?
龔成老師︰
1) 中國光大綠色環保(1257)其實本質不差。
睇翻佢的業務情況,長遠發展其實是一個大方向,但佢近年負債有所上升,加上市場擔心佢之後的增長力有所減慢,因此對這股的評價減少左。的確,負債與發展持續性,是這股的風險因素。
長遠來說,這股仍是有投資價值。但不建議太過大注,始終都有風險,同時可能仍會弱一段時期。你明白這些風險,你照長線持有係可以。
當然,若你持股佔組合較多的話,我比較建議你沽出少少,去平衡翻個風險,咁會較好。
2) 福壽園(1448)有質素,現價算合理區頂,如果你現貨佔組合比重不多,或者資金較充裕,現價可以再加小小注。
否則,你等佢回多10%左右,才再加注會較好。
以下增長股,都適合你30歲年紀,你可以參考下。
平穏增長股︰指數基金、金沙(1928)、恆基(0012)、平安(2318)、中銀(2388)、港鐵(0066)、長建(1038)、領展(0823)、粵海(0270)
潛力股︰安碩恒生科技(3067)、比亞迪(1211)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)、三星FANG ETF(2814)。
平穏增長股,現處於合理水平,可分注入市。但潛力股,部份係略貴。
現時只有安碩恒生科技(3067)、GX中國電車基金(2845)、騰訊(0700)、阿里(9988)、中生製藥(1177)、福壽園(1448)勉強算在合理區中上至頂部,可分注入貨,其餘都略貴,想買就要等一等。
------------------------------------------------
Q22409:
真的衷心感謝,讓我瞓吾著幾日不斷思考過去錯在哪!同時,我並非抗拒買股票,亦十分認同你價值投資的方法。
我從不同category 選了一些之前心儀的和你推薦的選一至两隻,想把台灣現金調回來建立一個組合,比D意見?
銀行-滙豐/恆生/中銀3988(但PE 4倍不到,好似鬼鬼哋)/citibank
地產 - 恒基/新世界/置富
科網-阿里/騰訊/MSFT
手機-小米/舜宇/瑞聲
網絡-電盈/香港電訊/移動
電車-比亞迪/中國電車/雅廸
公共-地鐵
醫療-和黃醫藥/平安好醫生
零售-佐丹奴/六福/周大福
休閒-金沙/銀河
指數或基金-2800或3086華夏納指
建倉用80至100萬,留150萬現金等。
有點長,抱歉!
老實講,我清楚年齡影響可承擔的投資風險,只是希望在還有生產力(10-12年)間,除完成兩個小朋友在外地讀完書和以後照顧到自己已滿足了!
龔成老師︰
以你48歲年紀,我唔建議太進取。你可以用恒基(0012)、地鐵(0066)、金沙(1928)/銀娛(0027)、六福(0590)/周大福(1929)、指數基金作為核心,為組合提供平穏增值能力。
之後,再配以一些收息股,好似滙豐/恆生/中銀3988、置富(0778)、佐丹奴(0709)。
中行(3988)和一些內銀股,你會發現地市盈率都係好低。因為市場覺得佢地壞帳潛在風險大,所以市場唔會比佢地個市盈率太高。
最後,若果你想個增長力強少少,可以加入一些潛力股,例如阿里(9988)、騰訊(0700)、比亞迪(1211 - 但現價偏貴,可先用2845代替)。但由於潛力股風險較高,總額不要高於組合2成。
現時大市只在合理水平,先用80至100萬建倉,再另留150萬現金等大跌市機會,係可以。
若你想加快增值速度(但會承受較高風險),你可以調高少少潛力股和平穏增長股比重。
否則,你這個年紀,我建議按潛力股/平穏增長股/收息股(20/40/40)的比例,會較穏當。
------------------------------------------------
Q22410:
龔成老師, 你好~ 本人35歲, 月入2萬幾, 60萬左右, 買了以下股票~ 月儲萬五至2萬左右~
買了以下股票, 但一直持續跌勢, 雖然以下股票都是有質素的, 但.. 某些股票仍需要賣出先止蝕嗎? 謝謝!
另外, 怎樣可以增加財富呢.. 因有可能10年後便跟小朋友去外國讀書, 相信在外國對於我來說, 不易搵工作… 買那些股票是比較隱陣呢, 謝謝!
700 騰訊 買入: $616 x 400 (現價約: $537)
1211 比亞迪 買入 $157 x 500 (現價約: $218.
388 港交所 買入: $437.5 x 200 (現價約: $531.5)
2800 盈富 買入: $28.43 x 3000 (現價約: $27.72)
3690 美團 買入: $290.30 X 200 (現價約: $268.80)
9988 阿里巴巴 買入: $223.8 X 100 (現價約: $202.60)
1398 工商銀行 買入: $5.33 X 3000 (現價約: $4.39)
1810 小米集團 買入: $24.75 X 400 (現價約: $26.
1972 太古地產 買入 $23.10 X 400 (現價約: $22.95)
1177 中國生物製藥 買入 $7.44 X 1000 (現價約: $6.99)
3067 安碩 買入: $17.12 X 300 (現價約: $15.28)
2638 港燈 SS 買入: $7.61 X 500 (現價約: $7.80)
3088 華夏恆生 買入: $10.34 X 200 (現價約: $9.22)
龔成老師︰
你現時持股都係有質素,你唔好太比個買入價或者大市氣氛影響,令你做出錯誤決定。緊記只要係有質素,長線投資價無轉壞,就算股價下跌,我地都應該照持有。
由於你尚有10年時間,用以上股票去增值,都係可以。
但有個較大問題,你而家太偏重左係潛力股(0700, 1211, 0388, 3690, 9988, 1810, 1177, 3067, 3088),佢地雖然有增長潛力,同時風險都較高,不宜持有過多。
你算年青,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。
但你唔需要減持任何股票,只要未來時間,加大翻平穏增長股部份,令組合慢慢回復平衡,咁就可以。
平穏增長股:指數基金、金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
但到10年後,你要移居外國,你可能會需要穏定現金流,去支援生活,多於財富增值。
那時候,你可以將部份股票,慢慢換成收息股,用股息收入,去減輕你生活負擔。至於比重多少,你就按自己實際情況而定。
------------------------------------------------
Q22411:
龔 sir 您好!又要打擾您!有關一些資產問題希望您可提供一些意見。
本人有一層剛供完的樓,由於預計子女在未來五至八年後會移居外國 (他們已有當地護照),所以我希望在當地置業。但由於疫情關係,
暫時不能往來外地親自考察當地不同區域的環境,而我又不想只靠海外agent 隔山買牛,所以暫時對於將要付出的金額只有很初步的概念。
現在問題是,我應否在此期間先翻按現在的居所,先keep 錢向手,再等時機去用這筆錢於海外買樓(根據疫情,有機會我要兩年左右才真正落實買到,
甚或如果到時樓價因大量移民而飛升, 海外置業計劃亦可能泡湯)
另一考慮是,我自己工作的房屋津貼將會屆滿,人工也已經到了max, 所以翻按的還款能力會降低,我應否take risk 仍然去翻按 (因市場常有消息指高息時代很快重臨)
不好意思,可能說得有些亂。盼龔sir 比D意見
龔成老師︰
你2個問題,都係建基於一些假設性結果(外地樓價大升/環球息口大升),但這些結果,到底會否成真,幾時會成真,無人會知。
我地係投資時,係唔應該用"估"去做策略。我地係因應現時情況,平衡各方利弊,去找出一個較可行方向。
由於你子女尚有5-8年才會移民當地,有一定時間。你而一刻其實唔需要急住買當地物,除非你好有信心,長線當地升幅,一定會跑嬴香港樓,咁就另作別論。
至於翻按,你就要一直支付利息開支成本。但你又未知幾時先買外國樓。如果到時外國樓升幅不多,可能這筆錢跟本用不上,你就白比利息。
我建議你先計劃清楚,如果你擔心到時賣左香港樓,都唔足夠你買外國樓。你可以把握這5-8年,用優質股去增值財富,令自己有更多資金可以動用,減少到時的不確定性。
------------------------------------------------
Q22412:
老師,我上了堂, 計算了00698 通達之估價為
市盈率9-12
保守盈利預測0.05
市值股價約$0.45-0.6
不知道為什麼,00698的估價跌了很多,我之前已經減持了很多,上堂後覺得此公司不優質,但還有少量貨,不知道如何處理剩下少量貨,約40000 股,請老師指導
龔成老師︰
佢過往市盈率大約係9-10.5倍,但由於佢質素唔係咁高,我會再打折扣,下調至6-8倍左右。
而每股盈利,可以用佢過去10年平均,大約HKD0.09。
合理價︰HKD0.54 - 0.72。
但要留意,通達集團(0698),只是不過不失。
佢主要從事電器產品(包括手機、手提電腦及其他電器產品)零部件生產;為電子產品及電器提供金屬外殼及其他五金部件;及提供塑膠機頂盒及生產體育產品。
現價計係偏平,但由於質素只係一般,唔值得持有太多,勉強可長線。若40000股只係佔你成個組合,一個好低的比重,你照持有係可以。否則,當有反彈,就要再沽多少少。
------------------------------------------------
Q22413:
老師,其實etf回報係唔係理應回報多過投資個股? 我見差唔多全部etf股價都係步步向上,好似無邊d係大起大落 或者 長線向下? 想問下呢個係ETF特性?
問題二. 想請問下一我地係咪應該買ETF好過買個股? 一般人理應唔會下下買中倍升股,但係etf就基本上股價係一直向上? 長線好小跌?
謝謝你的寶貴意見
龔成老師︰
1) 唔一定,因為ETF係一籃子優質企業,可以係追蹤一個股票市場、一個行業、或者特定產品(如黃金)。
以盈富(2800)這隻較為人所熟識的ETF為例,佢係追蹤恆生指數,等同買入58間優質企業。
但當中有潛力股,有平穏增長股,也收息股。若你用當中的比亞迪(1211)為例,佢近2年一定係跑嬴盈富(2800)。
但如果你用中國人壽(2628)做比較,佢就明顯係跑輸恆指。所以,ETF唔一定係跑嬴個股。只係佢較有風險分散能力,令個整體回報相對穏定。
2) 如果你係初階投資者,不懂選股,但又睇好個別市場,ETF就會係一個唔錯選擇。
因為佢係一籃子股票,就算當中有些股票,表現未如理想,但只要大市或者相關行業係正面發展,你都會享受到成果。這就是分散風險,有利之處。
當然,如果你係買中一隻較具潛力的企業,升幅係有權優於ETF。但若投資個股時,你選擇錯誤,係可以大市/行業升,但你個隻跌。
------------------------------------------------
Q22414:
龔成 我係你fans 有買你啲書 亦曾經係你股票班學生 不過喺度好想同你講聲對唔住 我覺得自己好似辜負咗你咁 因為你當初教嗰套信念我無好好記住
搞到依家由賺錢變倒輸 初初我齋買港股都好哋哋 後尾學人買美股 賺咗少少之後就開始心雄 再玩埋沽空 結果依家輸到損手爛腳 我好嬲我自己
當初嫌你嗰套賺錢慢 於是就不知不覺好似走咗入賭場咁 仲要唔識走 越賭越大 到依家諗返轉頭 原來你一路教嗰套先係最穩陣 雖然唔會一夜致富
但最終一定有收成 依家我down得好緊要
近排工作 前途 甚至依家股市 無一樣嘢順利 好似時不與我咁 唔知點樣走出呢個困局…
龔成老師︰
其實,有唔少人都會因為短炒成功幾次,就會心雄,只後走上短炒之路。這就是點解我成日Q&A度提讀者,以前做證券行個陣,見短炒個班,可能會短期賺,但長遠都係輸晒架原因。
我地投資要成功,除了要學好一套投資方法外,經驗、自律性和心理素質,都係同樣重要。
有些人,本身心理素質好穏定,可以好好地操作個長線投資計劃。有些人,要好像你有一樣,要有所經歷才會明白。但重點係,這2種人最終都會走到財務自由之路。原因是,他們都"學懂"了。
你現時才34歲,依然很年青,只要你現時開始用正確方法,去創造你財富增值組合,係一D都唔遲。
而且,你比其他人經歷更多,對未來操作"真正"大升大跌市時,你心理上優勢,係會更加明顯,這都對你長線投資有利。
所以,你現時要做,就係收拾心情,做你應該做的事,一切自然慢慢會好。加油!!!
------------------------------------------------
Q22415:
老師,我手持幾隻蟹貨,可唔可以strong hold 牙?
3692 $33.1 2000 shares
2160 $16.7 5000 shares
1913 $55.5 500 shares
873 $24.7 3000 shares
謝謝
龔成老師︰
持有與否,你要睇翻企業本身有無質素。如果無,就算唔係蟹貨,係賺緊錢,都要減持,甚至係沽出。
微創心通醫療科技(2160)和翰森製藥(3692)不確定性較高,近期中央相關政策,令佢地風險高左,故暫時不要再加注。
普拉達(1913)有質素的。
佢係全球時裝及奢侈品集團之一,透過Prada、Miu Miu、Church’s 及Car Shoe品牌,從事設計、生產、推廣及銷售高級皮具用品、成衣及鞋履,以及透過特許協議提供眼鏡及香水。
有一定的品牌價值,但都較受經濟週期情況,你預佢中短期都會較波動,這股有長線投資的價值。
世茂服務(0873)由世茂集團(0813)分拆上市,業務有(1)物業管理服務(2)社區增值服務(3)非業主增值服務。
睇翻佢過往的財務數據,基本上都正面,業務不差同時有增長力,不過上市年期不算耐,因此參考價值會減。
股價上落較大,要注意風險。這股都有質素,有長線投資價值。
------------------------------------------------
Q22416:
龔sir, 睇而家個勢6088同788前景如何。6088坐緊3.48,788坐緊1.44
1858之前40入跌到20放埋一邊冇理到 點知前排彈咗一彈上30 好後悔冇溝 係咪繼續坐吓等
龔成老師︰
唔好用買入價,去決定是否持有一隻股票。我地要睇的是企業質素,只要佢有長線投資價值,中短期帳面虧損,唔係咁重要。
IT HON TENG(6088)質素中等,雖然都有投資價值,但企業不是最高質之列,因為企業的賺錢能力始終唔算好強,每件產品賺錢唔多。
同時業績有回落情況,不過,這股始終不是無質素,但預期長遠的增長力只是中等。若你持貨不多,可以守。
中國鐵塔(0788)質素無大變,但你預佢增長潛力同幾年前相比,會係弱左。整體而言,都有長線投資價值。
春立醫療(1858)長遠有發展的,但本身佢股價和盈利,都係較大上大落。你現貨照持有,只要唔係佔組合太重比例,咁就可以。
------------------------------------------------
Q22417:
老師點睇1024快手?佢差唔多每曰都跌,有投資價值嗎?現價$142是否仲係貴既水平?
問題2,另外今個月開始每月會買1手你書中介紹的潛力股1833(平安好醫生),用老師上堂教的估值計是合理價,現價吸引,會持續1年至2年買入,佢升到咩價位應該停買?
想問請如何操作?老師又覺得e家1833是處於咩水平?
龔成老師︰
1) 快手(1024)之前貴,現價開始合理,大致在合理區中上至頂。近期受大市和中央政策風險所影響,有較大回調,但本質上無太大轉變,有貨可照持有。
2) 平安好醫生(1833)長遠有發展力。
佢係中國領先的一站式醫療健康系統平台,透過「移動醫療+AI」,為每個家庭提供一位家庭醫生,為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者,以平均月活躍客戶,以及在線諮詢量計,是中國最大規模的互聯網醫療健康平台。
企業的業務有潛力,本身有優勢,大環境的配合,都成了這企業的機遇,前景正面,不過財務數據未算好理想。
雖然長遠的企業價值向上,但股價在中短期,可以十分波動,因為市場以「前景」作估值,故此變化必然很大。好難得出平貴的準確數,只能估估下,作參考。
因此,低風險者未必適合投資,若投資者考慮這股,亦不能大注投資,買入後就耐心長線持有,等待這企業改變整個行業的情況,現價算合理區中間位。
但好波動,你每月買1手,去平均個價格,係可以。但此股始終不確定性較高,不宜佔組合太多。
如果一個月買一手,會令佢佔你組合比例過重。你可以更改為月供,或者隔開多少少,例如每2,3個月才買一手,去平衡。
------------------------------------------------
Q22418:
龔sir,我有個理財問題想請教你,我手上有兩個物業出租,一個已經供完每月收租金$11500.00,
另一個仲有20幾年要供,每月租金收入$12500.00,租金可以cover供款和物業管理費等支出。
我的問題係我自己住的單位是租的,每月扣除租金收入後還需要付$20500.00。
我上完你初階股票班後一直思考,我係咪應該把手頭上兩個出租物業賣出,先幫自己買入一個自住用的物業來減底支出呢?
謝謝!
龔成老師︰
其實都唔一定,因為香港買賣樓宇成本唔細,你這個變動,可能要用你唔少錢。你可以主要考慮翻,邊個方法可以令你有更在資金空出,作投資增值之用。
如果你現時置業,反而令你每月投資優質股資金少左,其實係成個配置角度,就未必值得咁做。
當然,長線計你照好都持有一個適合自己長線生活需要的物業,但唔需要過急去進行。
你現時持有2個物業,若都有一定質素,你可以照持有,用佢地來資產追資產,平衡樓市波動的影響。
另一邊,你繼續用優質股去增值,到你可以做到買自住樓之餘,又可以保留一定優質股(最好可保留一間收租物業),才去出手買自住樓都未遲。
------------------------------------------------
Q22419:
1) 也想請問你1093, 《50值博倍升股》中亦提及此股能穩中求勝,請問此股的便宜區是多少?
2) 1297的便宜區是多少?
3) 你的著作《50值博倍升股》中提及1181是穩中求勝之選,請問此股的便宜區是多少?
4) 《50值博倍升股》中提及1458成功打開了一片藍海,請問此股的便宜區在哪?
5) 《50值博倍升股》中提及1373是穩中求勝之選,請問此股的便宜區是多少?
6)《50值博倍升股》中提及868是穩中求勝之選,請問此股的便宜區是多少?
7) 讀完仍的《50值博倍升股了》,但發現很多股票已升了很多,如果現時從書本中選一隻,你會選哪一隻?
8) 想問根據過往數據,本港樓市平均每年會上升多少?(樓價、租金分別上升多少?)我已在書中找到了。
9) 想問現有哪隻優質潛力股已跌至便宜區?
龔成老師︰
1) 石藥集團(1093)現價算合理區上部,要平宜區,要有好大幅回調,接近回一半才到。
2) 中國擎天軟件(1297)規模較細,以及行業存有風險。此股較難做個穏當估值,如你想投資,現價都有投資價值﹐但要控制注碼。
3) 唐宮中國(1181)現價計,你預回多3,4成,會開始到初步平宜區。
4) 周黑鴨(1458)雖然近期回落唔少,但都仲係偏貴,你預佢真係有好大跌幅,去有機會進入平宜區。
同埋,其股都有一定風險,不宜大注。
5) 國際家居零售(1373)你預跌在多2,3成,才算係初步平宜區。
6) 信義玻璃(0868)過往一段時間,累積了不少升幅,就算合理區,都要有一個明顯大回調才會到。所以,暫時唔好入市住。如果真係想入,最好用月供去儲貨。
7) 我會選中生(1177)和信義光能(0968),2隻雖然只在合理區上部,但本身質素較高。故在當中,值博率會係較好的2隻。
但由於現價唔平,只宜小注,等有明顯回調,才正式入市。
8) 過往數據,你可以作為一個參考。但更重要,你應著眼面前轉變、房屋政策、樓市供求問題。未來預期,香港中短期房屋都係維持供不應求。
再加上,近年多國政府都用量化寬鬆政策去救市,令市場資金大量增加。所以,可預見的將來,樓價都會維持上升。
9) 沒有,其實高質素的潛力股,極少跌到平宜區。所以你唔好諗住平宜區先入,要係合理區就開始分注,如果唔係,好機會錯失入市機會。
------------------------------------------------
Q22420:
老師,我睇返中國銀行和中銀香港每年既股息增長率,中國銀行既股息增長比較快,而家中國銀行呢個價位股息有8厘,如果股息再增長股價必定有影響,那投資中國比行不是比中銀香港好嗎?
同埋我想問如果我想查返中銀香港10年前既股價可以係邊到查詢?
同我想問通漲對阿里巴巴,騰訊,香港中華煤氣,同中銀香港會唔會有影響,我照你推介已買入呢四隻股票,之後仲想入d香港電訊同置富
龔成老師︰
我地唔可以單憑派息增長力,就去判斷一個企業情況。無錯,當中行(3988)股息再上調,有機會令股價再上。但
但始終中行(3988)本身已經好大間,加上佢業務上發展比中銀香港(2388)細,故增長力預期會較弱。
以你3X歲年紀,應該集中係財富增長上,故中銀香港(2388)會較為適合。
至於你想睇10年前股價,你可以去YAHOO財經,或者睇各個財經網的圖表,都會有。
阿里巴巴(9988),騰訊(0700),香港中華煤氣(0003),同中銀香港(2388)都係有質素的企業,長線都會跑嬴通漲,你長線持有就可以。
至於指數基金都係適合你,但香港電訊(6823)只係收息股,增長力不高,不太適合你這個年紀。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
油 電車 一定 要 回 原 廠 保養 在 龔成 Facebook 的精選貼文
【龔成問答信箱】(Q21201-Q21220)
Q21201:
你好龔Sir , 上完你堂就計一計吉利(175)既估值,麻煩睇下我做成點呀
因汽車界近來有著革命性的改變, 所以只用近5年的數據
主要競爭公司 2016-2020年PE raio
(因比亞迪完全是一間電動車公司而且市盈率太極端所以不用來比較)
以下數據按大小排
吉利(175)8.551 12.58 13.87 14.41 26.97
長城(2333)6.676 7.178 8.777 8.812 11.11
廣汽(2238) 4.22 6.802 8.584 9.454 10.19
北京汽車(1958) 6.236 7.766 8.495 9.402 12.14
(因2018年一次性PE大升,其後回復正常, 所以不用2018年改用2015年)
用你課堂教的調整,再綜合分析,推算行業平均市盈率 : 8.5815 - 10.5195
吉利(175)市值大, 業務規模比其他同業大, 值得調整,大約調整50%。經調整後吉利合理市盈率 : 12.87 - 15.78
吉利5年平均每股盈利 : (0.64 + 1.4 + 1.58 + 1 + 0.61)/5 = 1.046
大行預期2021年每股盈利為 : 0.94
因吉利積極發展電動車品牌及推出新車, 但同樣銷量亦受疫情及芯片短缺帶來一點拖累
所以先假設每股代表盈利是5年的平均數1.046
所以吉利的合理估值為 : 13.46 - 16.51
請問咁計同你計出黎既差得遠嗎? 你計出黎又係幾多呢? 謝謝
龔成老師︰
首先,北京汽車(1958)2018年市盈率大升,並唔係一些會計因素,純粹係當年不少汽車股被炒起。
因為價格大升,所以市盈率就被大幅抽高。將來都有機會出現這種情況,故你都應把這年,計算在內。
吉利(0175)本身的質素不差,擁有一定的銷售網絡及品牌,不錯的市場策略及定位。
佢早前杭州灣新工廠正式發布純電動新品牌新車「極氪(ZEEKR)001」,宣布吉利進軍高端電動車。
這些因素,都值得給予吉利較高評價。加上佢近年加大新能車部份發展,預期會令增長力增加,故市盈率可以比以往,再調升少少,大約17-22倍。
合理估計,你可再上調多D,會較為合理。
其實,你已掌握了估值的方向,你最重要在計算後,明白這計算背後的基礎,當中是考慮了那些環境情況。
有時我在估值時,會同時計幾個情境,例如好景時的EPS會怎樣,如果差的情況估值又會怎樣,去得到更立體的答案。
另外,你要多做練習,為不同企業進行估值,這樣才會更掌握當中的技巧。
------------------------------------------------
Q21202:
龔老師您好,想問下中國鐵建,長遠和短期投資可以嗎,現時pe2-3,點解佢賺到錢,又有股息,但係格價咁低?
龔成老師:
中國鐵建(1186)業務以鐵路及交通相關工程為主,包括高原鐵路、高速鐵路、高速公路、橋樑、隧道和城市軌道交通工程設計及建設。
業務地區包括中國,以及中國以外地區,工程承包業務是這企業的核心業務,例如基礎設施建設,鐵路、公路等。
這企業的發展不過不失,但增長力及賺錢能力都比過往有所減少,從一些財務數據,例如資產回報率、股本回報率、EBITDA利潤率等,都見到這企業的長期財務數據有轉弱情況,反映企業現時每個項目的賺錢能力,不及過往年代,企業質素因而下跌,而市場估值都會因此而減少。
這股的整體質素算是中等,發展力比過往有所減弱,這類股不是不可投資,但就不值得投資太多資金。
至於市盈率較低,並不一定代表吸引的。
第一,每一間企業,每一個行業,都會有其合理的市盈率,雖然數字愈低一般代表愈便宜,但在實質操作時,先要了解每個行業及企業自身的情況。
第二,當一個行業、一間企業的發展前景不及過往年代,賺錢能力減弱,市場就有可能將其合理市盈率的估值調低,投資者要小心解讀數字背後的意思。
第三,近年一帶一路的發展力,並不及之前所預期,部分國家的工程都減少了,這企業的長遠生意都會因此受影響,同時每項工程的賺錢能力都有可能因此而受壓。
第四,當投資者分析企業時,要了解生意的持續性,例如一些從事零售行業、飲食行業,只要大環境無太大變化,生意往往會持續。但若然企業從事工程,投資者就要了解生意持續性的因素,若果一個國家該類建議最大規模發展的時期已過,企業生意可持續發展能力就會轉弱。
在中國鐵路最大規模建設時期已過,以及一帶一路國家對中國興建鐵路的需求,未必及預期的情況下,這企業自然受影響。
若投資者見到這企業長期的市盈率,經常都處於很低的水平,反映市場認為這企業面對上述因素,只是值這個市盈率,因此,並不代表特別便宜(情況與內銀股一樣,長期低市盈率背後是有原因的)。
------------------------------------------------
Q21203:
你好,想問下你有冇長線投資邊隻美股或者ETF?知道你長線投資1211,覺得你好有毅力,
想問下如果我長線投資arkk / arkf好吾好呢?另外你還睇好邊隻港股可以長期持有呢?thanks
龔成老師︰
其實你只要明白,真正最好架財富增值方法,就係長線持有優質股這個道理,你都可以做得到。
美股和ETF,我自已無投資,我都係自行選股,好似比亞迪(1211)、小米(1810)等。
美股我自已無特別研究,所以這些股票比唔倒太多具體建議比你。
但初步睇佢地都有質素和潛力,但你預佢地波動性會較大,緊記投資持要控制注碼。
而港股方面,都有不少優質股,值得長線持有。若你係年青至中年人士,以下股票都適合。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、領展(0823)
潛力股︰安碩恒生科技(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177)、福壽園(1448)、GX中國電車基金(2845)。
但你要留意翻,部份潛力股已有輕微過熱情況。只有安碩恒生科技(3067)、GX中國電車基金(2845)、 阿里(9988)、中生製藥(1177)、福壽園(1448)勉強算在合理區頂部,可分注入貨,其餘要等等。
------------------------------------------------
Q21204:
龔sir,你好👋🏻本人30歲,是全職媽咪,現持有以下組合嘅股票:
1. 01093石藥 (平均價$9.56)持有12800股
2. 2342京信通信 (平均價$2.612),持有16000股,現價跌到兩蚊,請問應唔應該再購入?
3. 941中移動(平均價:44.85 ) ,持有1500股
4. 939建行(平均價$6.41 )持有4253股
請問這些股票是否都是有質素?除了建行外,其他另外三隻都打算長渣,是
否可行?謝謝你抽空解答
龔成老師︰
你以上持股,都係有質素,全部都係可以長線持有。
但選股組合上,京信通信(2342)質素未算好高,唔建議再加注。
現時你除左石藥(1093)外,其餘幾隻增長力都唔高。若果你個人投資取態係較保守,咁都可以。否則,你就你加入多少少有增長力股票,去提升財富增長速度。
另外,有一個較大問題,係你好偏重左係石藥(1093)身上,佔組合比重很高。任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於3成,而單一企業不要高過15%。
長期你需要建立一個更平衡架組合,唔好太集中係幾隻股票。
------------------------------------------------
Q21205:
你好,龔sir 小妹今年28歲,月儲一萬左右,想係30歲前有100-130萬,有可能嗎?現時持股如下
(坐艇中)!!!
匯豐2000股@70元
騰訊100股@662元
美團300股@330元
小米400股@32.7元
安碩恒生科技600股@20.58元
21世紀教育33000股@1.38元
易鑫集團500股(新股上市抽中的)
另外有大約價值6萬港幣的美股(哈,終於系正數😅唔洗負數負到懷疑人生)和30萬左右現金!
龔sir,請問有機會達成目標嗎?有無邊d股票應增加或減持?希望你比小小意見我,多謝解答。
btw報左你股票班,因為你太神秘關係,好想揭開你的面紗!
龔成老師︰
其實你唔好太著重係股價上,帳面賺定蝕,從來都不是持有一隻股票與否的因素。
關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
假設回報10%計(連股息再投資),你每月投資$10000 + 現有資產約值65萬,2年內增值至100萬,計算上係可以。
但由於2年唔係一個長的時間,就算優質股也有機會出現波動,影響到你最終回報,你要明白有這個風險。
先講你現有持股,都有質素。
但匯控(0005)只係收息股,唔會有太高增長力,唔適合你。
易鑫集團(2858)、21世紀教育(1598)質素中等,而美團(3690)有質素,但不確定性較高,都不宜持有太多。
你現時28歲,較適合用"平穏增長股" + "潛力股"的組合。每月用5成儲蓄,去做月供,其餘先儲起,用一邊月供一邊儲蓄的策略。
現時大市只係合理水平,現金和股票最好各佔一半。餘下30萬和每月儲蓄,就等大跌市出現,才加大力度掃貨。
股票班見!
------------------------------------------------
Q21206:
Hello!請問龔sir你覺得比亞迪電子285 現價可以入嗎?其實我都有啲睇好佢,但知道佢,依家呢個價唔平,要落返去20-30蚊都幾難下!謝謝
同埋阿sir 我想問你依家手上有咩股票同平均咩價位入?
龔成老師︰
比亞迪電子(0285)質素不差的,有潛力。睇佢過往發展都正面,有技術,而前景都唔錯。
考慮到近期的增長,$40左右算係佢合理區頂部,現價略貴。要等回翻才好分注,或者可用月供去儲貨。
至於我的持貨,講其中幾隻啦,比亞迪(1211)、小米(1810)、中生(1177)。
現時比亞迪較貴,唔好考慮住,而小米同中生,算是合理區頂至略貴。相信這3隻股,都會好長線持有。
------------------------------------------------
Q21207:
龔sir,你好!本人45歲,已婚有2個子女讀中學,夫妻有穩定工作及收入共6萬元。
我上年12月在FB follow 你,除了睇完百萬富翁系列書籍,也買齊你的聖經及50系列的書,
真是獲益良多。
今年1月開始月供1萬股票,包括2800$3000, 1810$1500, 9988$1500, 66$1500, 823$1500
及1928$1000。
現手持有股票:
1手2382$175入, 1手9988$222入, 6手3067$17.15入, 1手981$24.5入, 1手2018$43入
1)有10萬資金想在跌市時再買入上述持有的股票,還是買入月供的股票,哪個會比較好?
2)以上股票分布會否太散太多?有否集中某類型?
3)2018及981仍可持有,還是賣出轉換1928或其他會比較好?
懇請龔sir指教分析,謝謝。
龔成老師︰
先多謝你支持,你可以先睇"80後百萬富翁"、"財務自由行"和"股票勝經",由淺入深,咁會較好。
1) 其實2者都可以,除了中芯(0981)較一般,唔建議加注之外。
同時間,你入市架時候,唔好太偏重新經濟股,都要加入部份舊經濟股,令組合更平衡。
2) 不算太散,但有少少偏重天係新經濟類別,會令組合波動性偏高。
3) 瑞聲科技(2018)不差的,本身有一定的規模與技術,長遠發展正面,不過,佢增長力不是好強,只能視為平穩增長類別,你可以長線持有。
中芯國際(0981)業務有增長力,但未必能稱為好優質的股。
睇翻佢過往的業務情況,雖然仍每年的生意都有增長,但盈利就有波動,反映雖然大環境的市場在增長中,但佢的成本與售價,就未必在佢掌握的範圍,最後造成盈利波動的結果。
雖然這股都有前景,但以佢面對的情況,但好難將佢定義為最優質的股票。加上之前熱炒過,股價大上大落,投資要注意風險。現貨1手可持有,但唔建議你再加注了。
------------------------------------------------
Q21208:
龔成老師你好,我今年32歲,其實我已經接觸股票超過十年,在最近開始留意你的fb才發現原來我一直都買錯哂/亂咁買,有一種一言驚醒夢中人的感覺
我已經買了股票勝經,希望重新開始真正學習如何買股票,非常感謝你無私的分享
我現時持有以下股票:
267 - 1000股 @15.48
388 - 100股 @297
745 - 12500股 @2
1733 - 60000股 @0.5
1776 - 1000股 @24.65
1816 - 5000股 @3.71
2382 - 100股 @176
6886 - 200股 @24.8
我知道大部分蟹貨應該賣出,其實我深知積存蟹貨的原因是我買股票後就好少留意股價,到想起來時先發現原來跌咗好多
加上我不知道應該幾時賣出才好,感覺過去十年的時間及金錢都浪費了。
看了老師你的分享後,我才知道月供股票,覺得頗適合我這種很少留意股價,但又想獲得合理投資回報的人,希望老師有時間的話可以對我的投資組合給予寶貴意見。
萬分感激龔成老師,謝謝!
龔成老師︰
你想先更正你一個投資想法,蟹貨與否,唔係一個重點。我地投資最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,賺緊定蝕緊,都要賣。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你今年32歲,建議你先集中做好增值部份。現有持股中,舜宇光學(2382)和港交所(0388)係合適的。
中國國家文化產業(0745)見佢過往有20合一,而且多年出現虧損,好大機會係財技股,建議你盡快沽出。
易大宗(1733),如果有睇佢的企業年報,就會見到核數師,多年來都有「保留意見」或「不表示意見」,這已經賬目「有古怪」。這類股基本上無投資價值,賣出較好。
中信股份(0267)、廣發証券(1776)、中廣核電力(1816)、HTSC華泰證券(6886)質素一般,唔建議你持有太多。
至於月供適合較初學者原因,唔係因為唔洗成日睇住個價。而係佢可以透過拉平均左個買入成本,令你減少買貴貨架風險,從而長線得到較佳回報。
月供策略上,現在你每月用5成儲蓄,去做月供,其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
而何時賣出,基本上企業質素一直無變差,你係唔洗賣。除非個市去到好狂熱,如果你現階段無信心判斷大市平貴,你可以用"升一倍、沽一半"架策略。
先收回成本,餘下一半讓佢自行慢慢增值,咁就可以。
書本上,我建議你先睇埋我寫架"80後百萬富翁"、"財務自由行",咁會較理想。
------------------------------------------------
Q21209:
我爸爸岩岩過身
原本供緊層樓諗住比佢養老
我租左新樓 $12500
但依家舊樓就空左市值300萬左右
我諗緊賣唔賣好
層樓倍升左幾倍
岩岩我公司燉我冬菇
減左20%人工
股票我仲有
比亞迪
盈富
領展
小米
3033
全部小量
想睇下你會點睇
龔成老師︰
每個人都有自住需要,除非間屋已經明顯無乜增值潛力,咁你才考慮沽出。
否則,你可以考慮自已住,可利節省新樓租金,用來投資增值。又或者,放租比人,自己另租地方。大前題係,如果物業依然係有質素,就應留住這個物業。
你現時持有的股票,都係有增長力和質素,適合年青至中年人士。這些股票,你長線持有就可以。
若你將來會再投資恆生科技股ETF,建議你用安碩恒生科技(3067)。
相對南方恒生科技(3033),佢每年收費和追蹤誤差都較低。但由於幾隻恒生科技ETF都係初上市,追蹤誤差只能作參考。實際誤差未必一樣,你要知道這個風險。
------------------------------------------------
Q21210:
龔sir,你好,又要你幫手解答問題了,想問萬國數據值得持有嗎?我知道都有新意網,2隻長遠黎講邊個好?
新意網又持續上升,萬國數據就蝕錢,但又因為覺得中國發展潛力大
另外亦知道美股亦有呢隻股,那麼大家有什麼分別?見佢低過招股價 想入手,那麼我買美股定港股?唔清楚呢d範疇,謝謝。
龔成老師︰
我地持有邊一隻,唔好太著眼係中短期股價走勢,要用翻佢長線質素去做考量。
新意網集團(1686)主要提供數據中心、設施管理、網上應用及增值服務,系統之安裝及保養服務。
行業長遠發展正面,佢已經做到全港最大,加上行業的需求不斷增長,對佢長遠都有正面影響。佢過往生意與盈利保持增長,財務數據正面。
這股有投資價值,不過現價就唔算平,大約在合理區頂。如投資,小注分注都可。
萬國數據(9698)有質素的。
佢的業務為開發及營運數據中心,根據佢公司提供的資料,佢係全中國最大的運營商網絡中立數據中心服務提供商,市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務,包括創新和獨特的託管雲價值主張,機房面積為266,260平方米,有一定的規模。
見佢生意有一定的增長,行業前景正面,只是現價唔算平,投資價值都有,但就唔建議太大注。跌翻10%較合理。
2者都有長線投資價值,規模上,萬國數據(9698)會佔優。但此刻值博率,會係新意網集團(1686)較高。
至於,買港股定美股,其實分別唔大。
------------------------------------------------
Q21211:
龔SIR,我想講你知,我上過你股票班,跟咗你兩年之後,認同你套方法係得!
我今年28歲,成功說服家人賣了住了20年的兩房自住物業,目的一部分資金幫老人家做收息作生活費,還了另一物業的樓貸(因自住物業作抵押)
剩下部分讓我倆兄弟(弟弟22歲)投資增長股,目標是5~10年再運用借貸買兩個物業,一個值300多萬的細價樓,一個過千萬的三房物業。
目標投入潛力股的資金約340萬港元,目標組合:舊經濟股1177, 3319, 1830, 新經濟股 2382, 0636, 2845, 9988
340萬本金的組合,若選擇投資以上的股票,應選幾多隻好呢?建議比例如何?我會留意股價睇值博率
龔成老師︰
你所講的組合,都適合用來做財富增值。
但這個組合中有主要係潛力股,佢地雖然有增長潛力,但同時波動風險都唔細,唔建議全部資金盡用在這些股票身上。
我建議你加入一些平穏增長股,同你上述架潛力股,比例上各佔一半,咁會令到個組合更平衡。
大市現處於合理水平,那340萬資金,你可以先用一半,以"分注"形式慢慢入貨。餘下一半就等大跌市機會出現,才大力度掃貨。
由於你現處於"沽空樓市"狀態,股票增長和樓市增幅未必同步。所以,假若股票升幅跑輸樓市,反而會令你日後買樓成本上升。
你可以在投資組合中,加入多少少房產類股票,去盡量平衡翻這個風險。
至於老人家收息部份,就唔好用以上股票,應以一些優質收息股為主。策略上,都係先用一半資金,分注入市,餘下就等機會。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
(你可睇下我本《50穩健收息股》當中仲有好多)
------------------------------------------------
Q21212:
老師我想請教,其實我等緊2020居屋結果,搞珠號碼好後,本身以為冇機,但又收到信補料,之後仲收到二次急件要我補料,好似比咗個希望我。
現在有現金100 万,覺得而家係買樓時機,唔買冇機會,目標500万樓下,做9 成,其實冇咩實力。
聽講居屋5、6 月𢵧樓,如果到嗰時先知自己原來冇机先再睇返私樓巿場,會唔會太遲,我已經41,買舊樓驚做唔到長年期,500 樓下變得冇乜選擇,好心急,求意見
龔成老師:
你可以等埋居屋果邊先,我相信私樓未必會一下子上得太快,估計1年內上落都唔會太過多。
如果居屋果邊唔成功,到時就睇私樓(當然,現時你久不久睇下私樓先,都無壞的)。
要留意,你的「供款能力」是最重要的考慮因素,唔好太過勉強,如果這方面不足,就寧願調低目標樓價金額。
------------------------------------------------
Q21213:
你好龔老師 關於上次你既解答 我風險過高,除左買3067,如何可以提升組合平衡性? 現持有小米及雅迪,但不是月供
小米有1800股,雅迪4000股; 是否建議買短期股?想每個月都增加$4000以上收入,有可能嗎?
龔成老師:
恆生科指(3067)是一個組合,會比單一股票的風險度較低,當然,由於佢持股都是潛力類股票,因此本身都有一定的波動性,你要留意。
小米(1810)絕對有質素,可長線。
至於雅迪控股(1585),都有潛力,不過要留意股價升左好多。
佢主要係中國以「雅迪」品牌從事電動兩輪車(包括電動踏板車及電動自行車)的開發及銷售,亦銷售電動兩輪車用的電池、充電器及其他零部件(包括電機、車架等)。
睇翻過往財務數據,唔差的,生意的確有增長力,潛力度有。不過現價唔算平,因此唔建議持有太多。
另外,不建議你短炒,全部都要長線投資,不要著重每月賺多少,要睇長線。
------------------------------------------------
Q21214:
龔成老師本人30中,有一自住物業育有一子,供樓等家庭開支全一力負擔,每月可尚餘2-3千元。。。
而儲蓄則由老婆負責,現有100手a50,2手電能,2手中國建築,3-4萬現金。應該如何重新分配令財富有長遠的增長保障退休後的生活?
而5-6年後除去支出本人每月可有8-10k的餘額,50%作月供股票50%用作儲蓄流動資金合適嗎?而40歲才由零開始理財會否太遲?
本人明白財富增值非一朝一夕的事,但人總有貪婪的一面,會引發一些錯誤的想法,所以唔知醜咁希望龔成老師指教一下以滅絕那錯誤的想法!
另外想問問老師的投資初階班學費是多少
龔成老師,我媽媽遲下會退休,強積金大約有50萬左右,我應該以咩比例分配係收息股同平穩增長股,而到左退休年齡可以投資少少係潛力股嗎?
龔成老師:
你現時現金其實不足,以一個家庭來說,加上要供樓,如果只有$4萬現金並不足夠,最好去到$7萬-$10萬作備用現金,餘下的才投資,這會較好。
另外,A50中國可長線的,但要留意,雖然這是組合,但都不能過度集中,宜同時投資其他股,如果不懂選股,就考慮其他ETF。至於電能(0006)及中國建築(3311),質素是有的,但增長力不強,收息為主,以3X歲來說,算是較保守,因此,日後可增持一些有基本增長力的股票。
至於你自己要5-6年後除去支出本人每月可有8-10k的餘額,50%作月供股票50%用作儲蓄,最好當然盡快啟動這計劃,但如果無計,就等5年後啟動,40歲,有心都唔怕遲。
現時你每月可儲$2-3000,都可以盡力投資,月供股票都得。
當然,希望你在收入上更進一步,想想長遠增加收入方法,對你會更有用。
至於你媽,潛力股就唔太建議,如果佢真的好想,就1、2成好了。
佢你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)、高息基金(3110)都可以。
股票班共8堂,暫時優惠價:$8800。
------------------------------------------------
Q21215:
龔成老師你好,我40歲,睇左你FB 一段時間,另外都購買左你先前的網上課程,有得益。希望你能指導下。麻煩曬,長文
因為以前父母系股票輸左好多錢,多年前讀 U 就開始兼職賺錢供父母層樓,也一直都抗拒進入股票投資。
但幾年前開始有剩餘錢就學人抽下新股或短炒賺餐晏仔。
現時還繼續持有幾個蝕本股
3883,1916, 8511, 8313, 6886, 1932, 1227(呢個是父親的)
想問下應該蝕住放甘點?
另外上月開始月供3067, 暫時每月7000
還有1833, 6060, 386, 1786, 1299(都是2至3手)
成40歲最近我被裁,有筆20萬長期服務金。請問應該投資股票定放系供樓的高息戶口等跌市?
我同先生目前有2層樓,一層租萬5(月供5千到2016完), 一層自住(月供2萬8). 另外有150萬現金,股票40萬。我同先生月入8萬(我被裁前人工4萬), 但要供養4大長老同個女,經常性使費都大。
龔成老師:
首先你要明白一個概念,我地持有一隻股票與否,關鍵位是企業質素、前景,不要被買入價影響。買為我地買股票就是買企業。
買入價,你的賺蝕,只是一個心理因素,該企業長遠的發展,才是我地是否值得持有的重點。
如果企業有質素,但股價短期下跌,就不用擔心。
如果企業無質素,但你現時蝕錢中,繼續持有只會令你財富繼續貶值,因此要賣出。
如果企業質素轉差,就有可能要減持,因為這股佔你組合的比例,未必值得太多。
中國奧園(3883)有質素可持有。
江西銀行(1916)質素一般,增長力不強,宜減持。
ZC TECH GP(8511)無乜質素,賣出較好。
杰地集團(8313)無乜質素,賣出較好。
HTSC(質素中等),可守住先,但增長力不強。
中漆集團(1932)質素一般,增長力不強,宜減持。
國盛投資(1227)無乜質素,賣出較好。
至於你「上月開始月供3067, 暫時每月7000
還有1833, 6060, 386, 1786, 1299」
基本上無問題,只是鐵建裝備(1786)質素不太好,宜賣出。
由於你現時有一定的物業資產,反而股票部分很少,因此應增加股票比例。
你$20萬應投資股市,但你投資知識與經驗不多,暫時只建議你月供股票,以及投資平穩增長股。盈富(2800)、港鐵(0066)、領展(0823)都可以。
你可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q21216:
龔sir,有啲野想請教下你
月供基金,我應該要留意啲咩
龔成老師:
首先,要睇翻該基金的投資範疇,投資策略,因為基金有好多種的,你要了解該基金投資的資產類別,是否你睇好的,長遠向好的。
另外,過往回報是否理想,比起大市時否較好或較差。
當確認有質素後,就可以投資,月供是一個方法。如果該基金不是在交易所上市,你就要睇翻有那些條款,會否要求你最少持有幾多年。
------------------------------------------------
Q21217:
老師好!本人50歲持有股票。
公用股:0003 6823 6.51%
REITS:0823 10.96%
醫藥:1177 4.23%
潛力金融:0388 15.54%
石油:0386 1.24%
家電:6690 2%
保險:2318 7.13%
電動車:0175 1211 21.38%
內銀:0939 1398 3988 21.38%
新資訊科技:9888 1.98%
另外以下基金:已供占10.81%
2800 月供$6000
3188 月供$4000
計劃每月買一手3033
已買了一手2845
1. 以上組合是否太亂?有什麼需要加減?
2. 想每月買入一手3069 3109?有咩意見?
3. 手上還有60萬現金,等機會?
多謝
龔成老師︰
1) 都有少少,最好組合數量維持係8-10隻,咁會較理想。
持股方面,都有質素,可長線持有。但你比重上,太偏係潛力股類(1177, 0388, 0175, 1211, 9888)。
佢地雖然有增長潛力,同時風險都較高,不宜持有過多。以你50歲計,潛力股佔組合20%左右好了。
現貨可持有,但未來時間,你要加大翻平穏增長股部份,慢慢令個組合平衡翻。
平穏增長股:金沙(1928)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)、長建(1038)
月供方面,同樣要作出調節。而你想投資恆生科技股ETF,我建議用安碩恒生科技(3067),佢費用成本會較低。
2) 華夏恒生生科(3069)主要係追蹤恒生香港上市生物科技指數之表現。
指數包含51隻成份股,當中有「藥品」、「⽣物技術」等公司。較為人熟識的,有藥明生物(2269)、京東健康(6618)、中生(1177)等等。
隨著人口老化和人均收入增加,對優質醫藥的需求只會有增無減。此股都有質素,可作長線投資。但你預佢會較波動,最好用月供模式儲貨,並長線持有會較好。
南方科創板50(3109)都有投資價值,但成交比較少,會有機會買賣差價偏高。
但你要留意,這2隻都算係潛力型股票,以你年紀,不宜持有太多。
3) 現時大市只係合理水平,現金和股票最好各佔一半。若你持股總值已超過60萬,有手現金就最好等大跌市出現,才加大力度掃貨。
------------------------------------------------
Q21218:
你好,老師
35歲,家庭月入約6萬
每月儲到2萬
2小朋友讀緊幼稚園
持有以下,希望可以盡快儲到200萬作首期,買多層樓收租。不過,我都唔係好清楚當有200萬時,應該購樓收租,還是繼續投資股票?
農行:10萬股$3.38
建行:17000股$6.58
交行:10000股$4.9
9988 阿里:300股$463
快手:200股$402
中移動:1000股$53.8
總成本:70萬
另外可動用多50萬投資股票,請問投資方案應該係點?謝謝你
龔成老師︰
我地做財富增值,係要建立一個有不同優質資產的組合,除了股票,物業都係其中之一。
以你現時情況,由於現時資金較少,應先利用優質股去增值一筆財富,再買入物業。但同時間,必需留有一定數量的股票,作增值之用。
而這物業可以放租,用「以租養樓」架模式去運作。較詳細方法,你可以睇我本<5年買樓4步曲>。
你現時持股,主要有2大問題。首先,農行(1288)、建行(0939)、交行(3288)和中移動(0941)只係收息股,增長力好一般,不宜用來增值之用。
另外,你組合好集中係銀行股。記住,個別行業唔好佔組合3成以上,否則會有過度集中風險。
我建議你用「平穏增長股」 + 「潛力股」作組合,你可以慢慢將部份收息股,換至以下股票。
現在你每月5成儲蓄,去做月供,其餘先儲起,用一邊月供一邊儲蓄的策略。
大市現處於合理水平,那50萬資金和每月儲蓄,就等大跌市機會出現,才大力度掃貨,並長線投資。
------------------------------------------------
Q21219:
Hi 龔sir你好
我今年35歲 穩定職業
想每月供$5000落金沙、阿里、小米或比亞迪
是但兩隻可以嗎?
邊隻會前景好d?
龔成老師︰
4隻股票都係有質素,但我地做配置時候,都要考慮平貴、年紀等因素,去決定成個組合。
以你35歲計,建議你用「平穏增長股」 + 「潛力股」的組合,比例大約各一半。
現時比亞迪(1211)略貴,回到$120才可以月供。
金沙(1928)係「平穏增長股」,而另外阿里(9988)和小米(1810)係「潛力股」,你可以在當中2選1,去創建你月供組合。
現時大市只在合理區,每月儲蓄不要盡用。你要留有部份,等大跌市機會出現時,用來掃貨。
------------------------------------------------
Q21220:
龔sir,你好,我今年大約35歲,現有股票如下:
788@6000股 買入$1.16
1810@1400股 買入$24.59
1922@8000股 買入$5.1
2031@2000股 買入$16.63
3067@400股 買入$17.11
3718@12000股 買入$1.28
1)想問現有股票會唔會太多?同埋有無長遠投資價值?
2)1922,2031,3718可以長遠持有嗎?
3)想問下京東健康,阿里健康同平安好醫生嘅分別?邊個比較有投資價值?同埋長遠發展
邊個比較理想?有月供價值嗎?
謝謝
龔成老師︰
1) + 2) 數量上,唔算太多,長線維持8-10隻就可以。
持股方面,銀城生活服務(1922)上市時間唔算長,不確定性較大。而澳至尊(2031)質素只係好一般,2隻都不宜持有太多。
其餘都有質素,可長線持有。
3) 京東健康(6618)、平安好醫生(1833)和阿里健康(0241)都係有質素和潛力,業務上都非常相近。
但問題係佢地是有危有機的類別,雖然業務增長好快,但這刻仍處於燒銀紙的狀態中。估值上好困難,因為無實質的盈利數據作為基礎,市場只是估估下。
質素和值博率計,平安好醫生(1833)會較為佔優。但始終有一定不確定性,因此,低風險者未必適合投資,若投資者考慮這股,亦不能大注投資,買入後就耐心長線持有,等待這企業改變整個行業的情況。
現價算合理區頂,但好波動。你可以用月供儲貨,如直接買入,就只能小注。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
油 電車 一定 要 回 原 廠 保養 在 鄭龜煮碗麵 Facebook 的最佳解答
我們該如何規範人工智慧 (全文)?
#COMPUTEX,這個跟我一樣歲數的電腦資訊展會,我竟然直到今年才首次踏入。
這次受主辦單位之一的 #外貿協會 ( #TAITRA)邀請,在上週三(5/29)來到位於南港展覽館 2 館4樓的「 #SmarTEX」展區參觀,與多家參展公司交流。我雖然自己經營過科技媒體網站,但我不是擅長採訪會展的記者,也不是好的 3C 部落客,因此我抱著「幫自己正在思考的問題取材」的目標,前往這場大型科技會展。
(先說:因此這篇文章不會有太多展覽展位上產品的細節跟照片,請大家見諒。)
而我最近在想的問題,也就是本篇文章的主題是:進入人工智慧時代,我們該如何規範人工智慧?
或者,我們也可以反過來問:人工智慧該如何規範我們?
自認偏樂觀派的我,其實不希望讓大家覺得「人工智慧的未來真糟糕」,我的個人偏見是:大致來說,我喜歡科技,儘管科技的確會帶來衝擊,但只要我們更願意去思考,就更有機會讓未來往比較好的方向演進。所以談這個議題,目的是要避免要是這樣的狀況真的發生了,我們才懊悔地說「這真糟糕,為何我們沒有早點想到。」
--------------------
關於人工智慧的規範問題,首先,我們來看看 MIT 媒體實驗室做的一個調查「道德機器」(網址:http://moralmachine.mit.edu/hl/zh)。
在這個網頁裡頭,有許多類似「#電車難題」的情境,需要你來回答。每一個參與者,需要回答 13 個題目,每個題目只有兩個選項。在每一個題目的情況中,都有一輛突然煞車失靈的自動駕駛汽車,而你必須做出選擇,要繼續前進,或是轉彎離開。
例如在某個二選一的情況中,你認為這台自動駕駛車該繼續直衝,撞死一個成人男性,還是轉動方向盤,讓車子撞上另一側的護欄,殺死車上四個人,包括兩名兒童?
在另一個二選一的情況中,這台自動駕駛車上只有一隻貓,若繼續直衝,會撞上護欄,讓貓死於非命,但若自駕車往左彎,貓的性命可保,卻會撞死一位正在違規闖紅燈過馬路的遊民。
類似這樣的二元選擇有很多種變化,例如過馬路的可能是動物、可能是罪犯、可能是醫生,嬰兒,或是這些人的綜合隊伍,他們或許是違規過馬路,或許是遵守交通規則但運氣不好。而車子直衝或轉彎,也隱含了道德選擇。推薦各位都上道德機器的網頁去回答看看,看你會不會跟我一樣覺得實在是逼人太甚,到最後根本就放棄思考(XD)。
這個網頁告訴我們一件事:我們不可能對各種狀況產生共識、或得出任何堪稱正確的答案,事實上這個調查也不是要用多數人的意見來決定未來的自駕車要是真的煞車失靈的時候,該做出什麼行動。然而這個調查提醒我們,當越來越多的「人工智慧代理」進入我們的生活,就會產生更多類似的道德難題。
--------------------
舉例來說,若一個 #人工智慧股票交易系統,因為對政治領袖發在社群媒體上的文章產生錯誤的解讀,而決定拋售某一檔股票,造成連鎖反應,讓投資者大賠一筆,這樣的損失該由誰來負責呢?
延伸閱讀:〈AI 機器人害我投資賠錢,我能告他嗎?〉
https://www.techbang.com/posts/70447-ai-robot-made-me-invest-money-can-i-sue-him
舉例來說,若一個 #人工智慧戀愛配對系統,推薦了一位居心不良的對象給另一個使用者,最後使用者被騙財騙色了,誰會受到最多的指責呢?誰「#與惡的距離」最近呢?
再舉一例來說,如果用於門禁或 ATM 的臉部辨識 AI 系統出問題,太過嚴格以至於讓使用者開不了門、領不到錢,或是太過寬鬆使歹徒得以利用,那該怎麼定義問題的範圍,用理性的方式來解決呢?
臉部辨識作為服務升級的關鍵,從智慧零售到智慧家居到智慧服務,都少不了這項技術的身影,也是人工智慧使預測平價化的代表。只要你拿著這一兩年出的新手機,想必也不會陌生。例如我這次參訪的 #訊連科技(CyberLink)展場主打「FaceMe」AI 臉部辨識引擎,他們提供 SDK 與多家科技廠商合作,包括 #宏碁雲端、#奇景光電、#微程式、#凌群、#達碩 等。我也拜訪了同在 SmarTEX 展出的達碩智慧科技,了解他們使用這套臉部辨識引擎,針對銀髮照護、社區管理、企業差勤管理等不同情境設計的解決方案。即使在我與訊連跟達碩的主管談話時,他們自謙還不是目前領先的廠商,但他們的服務也已經非常成熟,可見這樣的軟硬體整合套裝將持續普及到各地,而台灣中堅企業將成為關鍵推手。
美中貿易戰,加上美國可能逐步針對有侵犯人權之虞的監控科技施加圍堵禁令(如 #海康威視、#浙江大華、#商湯科技 等),突顯出台灣提供類似服務的企業所能提供的安全價值,但即使如此,這項科技本身還是帶給社會其他挑戰。訊連科技的連啟民協理跟我說,臉部辨識的準確性不是 0與1 的取捨,他們的 SDK 能夠針對不同情境,讓配合的廠商自行調整精度,掌控風險,例如從一般社區門禁的萬分之一調到 ATM 的十萬分之一,同時使用邊緣運算技術(Edge Computing),讓資料不用都到雲端,降低反應時間及資安疑慮。
我在展場也與 #康訊科技 及 #訊舟科技 兩家公司進行交流。康訊從圖資起家,以地理定位技術切入車載系統設備,扎根台灣30多年來,已經成為全球領先的車隊管理服務商,不管是共享汽機車、物流公司、校園巴士、救護車、消防車都是他們服務的客戶。他們提供的設備就像車上的黑盒子,可以完全掌握車輛的狀況,如透過監測引擎啟動狀態,可以知道司機是否過勞;透過監測燃料消耗情況,可以知道是否有偷油的情形發生。而全球客戶累積的數據也成為重要的資產,可以協助物流業者優化路線。
訊舟作為老牌網通公司,這次展出許多產品,我認為最亮眼的就是他們與中研院陳伶志博士合作推出的「空氣盒子」,我雖然早就知道空氣盒子,卻是第一次看到並且從訊舟的角度聽這個已經是公民科技典範的故事,目前在全台已經有 4,000 多台設備上線,密集監測空氣品質,累積的數據也已經可以做到空品預測。
另外,這次在 SmarTEX,科技部推動的 #GLORIA 國際產學聯盟現場展出 67 項前瞻技術,我也與聯盟中的幾所大學交流,例如 #中國醫藥大學 推出能夠判讀骨齡、癌症等資訊的 AI,節省醫師判讀時間,加速診斷。#國立交通大學 伍紹勳博士則與 #新光醫療團隊 合作,用像是貼在東尼史塔克胸口的智慧貼片,只用3導程就能正確模擬專業醫療設施12導程的ECG心電圖信號,大幅改善病患的行動自由,也顯著降低成本。而具有超過 2,000 例達文西手術經歷的 #臺北醫學大學劉偉民醫師團隊,則在擁有大量醫師第一視角錄影的基礎上,推出手術教學平台,包括 VR 手術直播拍攝,與虛擬手術教學模擬系統。
從訊連、達碩、康訊、訊舟到這三個來自學界的醫療技術案例,可見都與數據分析、人工智慧辨識判讀、虛擬模型建置有關,儘管我相信在台灣醫療與科技、工程多重優勢下,他們都前景可期,但該問的仍然要問:要是出了差錯,怎麼辦?誰負責?各團隊對此問題顯然也都深思熟慮過。而我將他們給我的回答整理,加入我對「人工智慧如何規範」這個問題的答案。
--------------------
#以自駕車為例思考
著名的科幻小說家艾希莫夫,在1942 年的短篇小說 Runaround 以及後來的機器人系列裡頭,提出了機器人三原則(Three Laws of Robotics),很多人可能都會背了,這三原則分別是:第一,機器人不得傷害人類,或坐視人類受到傷害;第二,除非違背第一法則,否則機器人必須服從人類命令;以及第三,除非違背第一或第二法則,否則機器人必須保護自己。
參考:Three Laws of Robotics
https://en.wikipedia.org/wiki/Three_Laws_of_Robotics
這三原則聽起來很周密,但其實並非如此,而且也不太現實。以自動駕駛汽車作為案例吧,自動駕駛汽車是這一波人工智慧發展最受關注的領域,而且因為許多國家政府正在積極制訂法規,自駕車的自動化程度,跟依據自動化程度而制定的責任歸屬,也比較清楚,值得用來舉一反三,幫助我們思考,人工智慧要是進入到每一個領域,會帶來多少該仔細考量的變化。
那麼,到底什麼是自動駕駛汽車呢?你可能聽過什麼 Level 3,Level 5 的,那指的是自動駕駛的自動化程度分級,我們可以用這張表來簡單呈現:
這個分級定義,是由國際汽車工程協會(Society of Automotive Engineers, SAE)所提出的,已經獲得廣泛的共識。從第零級到第五級,共有六個層級。第零級的自動駕駛就是毫無自動化,一直到第二級,都還是以駕駛員為主,機器提供輔助。
但從第三級開始,負責開車的就是機器了。人類駕駛頂多在緊急狀態作為備用選項。第四級之後,就連緊急狀態也是由機器來應對,人類就從駕駛這件事基本退場了。到第五級的情況,就像是有一個超級人工智慧在負責開車,相信到時候,超級人工智慧也不會只用在車上。
目前已經有幾家汽車公司宣稱自己的自駕車達到了第三級,例如 #奧迪、#特斯拉、#現代汽車 等,大部分車廠也都表示在 2020 年就會推出第三級的自駕車。Google 旗下的 Waymo 以及台灣的財團法人車輛研究測試中心 ARTC 則表示都已經有第四級自駕車的技術能力。
日本政府非常積極地花工夫在自動駕駛的規範上,日本的「投資未來委員會」在 2018 年底,便提出了已經研擬多年的自動駕駛汽車指導原則。根據報導,日本首相安倍晉三希望透過採取具體步驟,建立法律框架,讓日本成為率先制定國家級規範的國家。首要處理的就是第三級自動化情況下的監督跟法律方向。我們就來看看,在自駕車的規則上,日本是怎麼想的?
日本的規則是,通常來說車主需要對車輛自主運行時發生的事故負責,並且由政府規定的汽車保險公司承保。如果車輛系統有明顯的缺陷,該負責的就是汽車製造商。強制性保險這一步確定了之後,保險公司也就能夠制定方案,讓車主選擇,要保哪一種。
另外,為了釐清事故的原因,自動駕駛汽車需要完整記錄位置、轉向、人工智慧系統操作狀態的信息,也就是說,得要有像是飛機黑盒子這樣的裝置。
那如果遇到新型態科技犯罪者或駭客呢?只要車主有採取適當的安全措施,例如更新車輛系統或維護保養,那麼若是因為駭客攻擊或入侵造成損害,就視同汽車被偷走了。
除了這幾個大方向以外,還有不少問題待解決。因為剛剛說的都只是民事責任,財產相關的規範,但還沒有碰觸到刑事責任,如果真的因為自駕車的缺陷而造成傷亡,除了車主以外,程式開發者,汽車製造商該負起哪些連帶的責任呢?若不能盡快釐清,程式開發者跟汽車製造商就難以決定是否該正式推出產品。
另外,自動駕駛的操作條件、例如速度限制,運作的時間長短,天氣狀況也都得考量,就像各種已經存在的汽車安全規範一樣,人工智慧控制系統的標準、對網路攻擊抵禦的強度,也都得一一制定。
--------------------
而以自動駕駛為案例,可以幫助我們思考該怎樣規範其他人工智慧的應用情境。歸納我這次到 SmarTEX 參訪交流的心得,我想比起艾希莫夫的機器人三原則,我們該建立的思考原則其實是這四個:
#面對此時此刻的人工智慧該有的思考原則
第一,#釐清主控權。整項任務中,是人類還是機器掌握主控權?能否以清楚的層級概念來劃分人類或機器的掌控程度?就像自駕車這樣呢?另外,在關鍵決策點,人類有沒有介入,是否被要求介入?這些都必須根據不同的應用環境來一個一個釐清。
第二,#損害管理與風險溝通。在發生意外的時候,擁有者、使用者、設計者、販售者、維修者等角色,是否已經明白可能要負的對應責任?這些責任的政府主管機關與相關的法律有哪些?其實每一樣新的科技進入我們的生活,都會有一段學習曲線,我們不太可能在了解所有問題、解開所有疑慮之後才採用新技術,而是必須妥善跟每一個角色溝通風險。
第三,#數據紀錄透明化。為了忠實檢討意外發生的原因,人工智慧系統需要持續紀錄運作狀況,以及感測器所收集到的各種資訊。並且要確保訓練人工智慧的資料也是可受檢驗的,避免造成系統化的偏見。另外也同等重要的是,收集數據的單位,像是企業、保險公司或政府,有義務證明,收集這些資訊,是必要且適當的。例如飛機上機長跟駕駛員的通話可以收集,但車內的通話該不該收集呢?商店內的顧客對話該不該收集呢?
第四,#系統思維。任何意外發生,都要了解,系統總是存在一定的風險,告知風險機率跟可能的狀況類型。以「不責難」的出發點,來面對後續的檢討,才能讓各角色更願意把系統中的臭蟲或不當行為揪出來,最終的目標是讓這個能夠便利更多人、拯救更多人的系統,越來越好。就像醫療一樣,如果每次只要有病人在手術中過世了,醫生都要被告到賠上身家,那還會有醫生願意繼續替病人動手術嗎?當醫療行為中有越來越多具有人工智慧的機器介入,診斷疾病、決定麻醉份量、甚至用機械手動手術,我們就不得不分配信任給更多的角色。
從 COMPUTEX 的 SmarTEX 展區上琳瑯滿目結合了人工智慧的技術,可以肯定人工智慧已經,也即將進入每一個我們可以想像得到的層面,過去的規範將無法適用,而且即使訂出新規範,也會很快過時。我們不可能完全理解我們部署的人工智慧系統的風險。當前的機器學習運行得如此之快,以至於沒有人真正知道機器是如何做出決策,通常連開發人員也不知道。這些系統還會持續從環境中學習並更新他們的函式,這使研究人員更難控制和理解決策過程,在這樣缺乏透明度,也就是常說的黑盒子問題籠罩下,要建立道德準則跟規範,當然就極為困難。
然而若不要大驚小怪,將人工智慧與人肉智慧對等來看,人類花了幾千年建立起的道德準則,同樣漏洞百出,我們卻也習慣了。人類專家有的偏見跟偏誤更是問題層出不窮,而我們也是一直倚賴這樣有缺陷的專家系統在運作。此刻的人工智慧浪潮,正給了我們機會跟動力,檢視我們習以為常的那些想法,我認為以上的四原則,更有助於我們迎向已經到來的未來世界,而開發出這些技術,推出產品與服務的企業,若都能夠率先思考這些問題,也是我們所期待的。就如同我在這次 COMPUTEX SmarTEX 展區上看見的一樣。
--------------------
最後,我雖然只逛了整個 COMPUTEX 的一部份,但很感謝外貿協會,讓我能不只是走馬看花,而是深入與廠商對話跟採訪,非常有收穫。幾乎每一家我逛的展位,都跟數據、AI(起碼是機器學習)有關,並將其結合硬體,整合出具有市場競爭力的方案,雖然我沒有資格替他們的產品背書,但我覺得深入談過之後,他們都對自己的產品與服務非常有自信,或許並非市場的領先者,也已經看見該切入的定位與成長的路徑。
今年的 COMPUTEX 展會已經結束,不過以後若有機會前往類似會展活動,很推薦大家跟我一樣帶著問題意識去逛逛,跟這些未來世界的打造者聊聊,畢竟我們得住在裡面。
--------------------
Medium 版:http://bit.ly/2HLuT8p