今日在花園BBQ食燒羊肉lamb chop😋 法國人真係極之非常鍾意BBQ，每年夏天，平均每個月都燒幾次...
我都好鍾意BBQ，但鍾意港式燒法，即成枱不同款式的食物，大家圍住個爐一齊燒自己食，感覺好開心😃 法國人的燒法係1-2個人燒，其他人在花園的餐枱等食，通常只燒1-2種食物，另加蔬菜沙律和麵包。比較下，我覺得非常無癮，不如廚房煮...
心底話，我一啲都唔enjoy喺法國燒嘢食，有幾次甚至想即走，原因不是食物種類少，我對食物可以無要求（我從前因工作關係經常食大陸廠飯，試過連續食足半年都照食，冇怨言），難頂的是太熱太多烏蠅。南法的夏天可以是35度或以上，附近總有人養馬/種田等等，所以惹烏蠅。我這個港女，真的很討厭有烏蠅陪食，特別是又熱又要照顧幼兒，真係好攞命🤯基於入鄉隨俗，我仍盡我所能表現得enjoy... 我承認，開頭好多時我好違心好虛偽去迎合我的法式生活...
和法國人相處生活了一段時間，我發現文化差異都幾大，能夠一齊長期生活真的需要很多包容和忍讓和恩典。很多朋友都話我的生活很好很寫意，嫁了給講求享樂和生活質素的法國人，我只能說人鬼始終殊途，與鬼同行不是明智選擇，除非真係好愛好愛好愛，愛到掩蓋了理智... 你可以話就算同一種族的人，相處都會有矛盾，我只能說異族相處矛盾更多。我舉個真實例子，我家的鬼覺得日日食飯會便秘，但我婚前每1-2日至少食一餐飯，我相信我的族人同我差唔多，甚至食得比我多，要是我嫁的是同族人，我不會有食飯爭議。正如我所講，我對食可以冇要求，維持生命就可以，所以在法國的那些年，我大概一個月食1-2餐飯，日日以包代飯，屋企亦慳返，唔使買電飯煲。我喜歡去尋找原因，後來我終於明白點解有法國人話食得飯多會便秘，真係有原因的！這留待下次分享。
生存了三十幾年，我覺得做人真係要睇開啲，不要太多執著，要是事事要如自己所願，最終難過的是自己，當然亦不可過份忍讓，事事違心。正如我唔識enjoy法式BBQ，我而家做法係佢有佢盡情地燒，我在客廳舒舒服服準備好其他和等食，大家開心🤗
另一角度睇，同法國人相處確實好多趣事，令我視野更廣闊，生活多驚喜。盼望可以一一同大家分享，一齊笑下🤭
Btw，我至少10年冇燒過嘢食，希望下次返香港有人約我哋燒嘢食，順便畀某人見識下BBQ的真正樂趣😃
法國人相處 在 为啥我们会觉得法国人工作很懒？ - YouTube - YouTube 的推薦與評價
法国#职场#法国生活不管你是在法国的留学生，或者你刚开始找一份实习， ... 如何和 法国人 工作 相处 | 在法国十多年marketing工作经验的人怎么看| 中法 ... ... <看更多>