《死因無可疑》演員可觀,驚悚感強。
電影改編自日本小說家貴志祐介的《黑暗之家》,這小說曾榮獲1997年的「日本恐怖小說大賞」,是部恐怖驚憟加上懸疑緝凶的故事,由於作者曾任職保險公司,懂得行內運作,這作品透過保險詐騙案,反映人的慾望,如何喚起內心黑暗,發展成恐怖慘絕人寰的悲劇。這作品先後有1999年的日本電影版,和2007年的韓國版,有興趣的可以找來比較一下。
這是由廣告導演出身的袁劍偉第二部電影作品,繼《暗色天堂》改編自知名話劇劇本《法吻》,這電影也改編自獲獎日本小說,好處自然是故事紥實吸引,如果已經看過日韓版本,可能會減低興趣,幸好我是任何版本都未看過,不受影響,當新片睇。女主角仍然是導演太座林嘉欣,加上黃秋生、陳家樂、廖啟智、歐錦棠和湯怡,還有Ben sir(歐陽偉豪)演出,演員陣容相當不錯,由於有黃秋生演出,就算是英皇出品,也可以當港產片睇,要加分支持。
故事重心是「地獄之路係由善意鋪成」,保險經紀葉永信(陳家樂)收到客戶要求上門跟進保單,親眼目睹客戶朱重德(黃秋生)兒子吊頸死亡,事發後他認為客戶夫婦朱重德和沈子玲(林嘉欣)有殺子騙保險金嫌疑,因此決心追查到底,誰不知竟然受到接二連三的恐嚇,甚至身邊朋友和自己也惹上殺身之禍⋯。這故事三位主角的演出,可以用「好睇冇可疑」形容,黃秋生和林嘉欣的演技好不用懷疑,他們的眼神經常帶來陰森恐怖的感覺,陳家樂的角色本來是個充滿正能量的人,因今次事件和童年陰影,繼漸變成充滿仇恨和心理有問題,他的演出真是有進步。加上還有歐錦棠和廖啟智,睇演員都應該值回票價。另外值得一提,今次的攝影在營造恐怖氣氛上,確實有不俗的效果,雖然全套電影沒有鬼怪,恐怖氣氛仍然十分濃烈,這都可以說是這電影的優點。
電影還是有些問題,不劇透下說說,首先是太容易估到誰是最後大佬,另外是林嘉欣本來有些掩飾位,偽裝行動不便,又忽然正常翻,這個位劇力不夠,智叔的教授角色也交代得唔夠,還有一犯駁位是個人的人壽保險和公司的工傷保險,無乜可能都是同一個經紀處理。除了這些瑕疵外,整體上是收貨之作,尤其傳緊秋生哥會移民,睇得一部得一部。
#死因無可疑 #英皇電影 #黃秋生 #林嘉欣 #陳家樂 #湯怡 #歐錦棠 #廖啟智
同時也有3部Youtube影片,追蹤數超過22萬的網紅香港花生,也在其Youtube影片中提到,(主持:Grace、Thomas) 第1節: 今集主力兩部本土作品-改編自莊梅岩編劇的舞台劇《法吻》,袁劍豪首部導演作品《暗色天堂》,袁如何在電影版添加本地教會實況,與及事件的真相?除了評論影片的優劣外,主持之一Thomas 更會解說片中出現的聖經詩篇意思。...
法 吻 暗色天堂 在 Hatou 蝦頭 楊詩敏 Facebook 的最佳貼文
謝謝到來欣賞😍
能夠演繹到莊梅岩小姐的劇本
並能與一班非常有才華的演員合作
...幸運是我 ⭐️
想着想着
現在才是真正的開始 💪🏻💪🏻
《短暫的婚姻》- 如果深愛 再長的婚姻也是短暫的
要數到由電視劇去到舞台劇,我 #膠兄 數到有當年收視去到50點嘅《男親女愛》,跟住去到理工大學賽馬會綜藝館一共上演50場舞台劇。而另一套都係同樣地方上演嘅《短暫的婚姻》,一共上演18場
先唔講任何評語,但呢套舞台劇的確係好值得大家入場去支持同觀賞。因為好少香港電視劇可以再搬去舞台劇再做一次,所以如果大家有時間係值得大家入場支持
我 #膠兄 前日睇完一直都諗點樣寫呢一篇文,主要原因係劇情上睇完係沉重,同時又好想睇多次。結果再次喺viutv官網到重溫一次劇集就知道點樣寫。事實上,好多人話唔應該比較或唔好比較舞台劇同電視版。的確係唔好比較,但人往往就係離唔開「比較」。最初 #膠兄 入場前都係抱著冇睇過心態入去,但可惜 中場休息過後,突然腦入面回想返電視版嘅劇情。(只怪我太鍾意呢一套劇)
。但呢一次嘅「比較」係成功,佢哋能夠將電視原有嘅劇情再加上一啲未講嘅劇情,令到整件事情更加立體。
喺唔劇透情況下講︰
不論舞台劇還是電視版,最重要都係「劇本」。而兩個「舞台」嘅劇本都係由莊梅岩小姐編寫。 #膠兄 一直都好欣賞莊梅岩小姐寫或翻譯嘅劇,05年嘅《法吻》講述牧師與秘書熱吻之後,被控性騷擾。故事更改編為電影《暗色天堂》(由林嘉欣同張學友主演),而12年嘅《野豬》(由黃子華、智叔、林嘉欣、陳敏兒同泰臣飾演嘅舞台劇)講述以為妥協可以相安無事,但到頭來犧牲一樣咁大。而電視方面,相信大家都會有睇過嘅︰《今日睇真D》、《尋找他鄉的故事》都係出自佢手筆。
莊梅岩曾經都係港台《好想藝術》講過︰自己可能因為心理學出身,所以鍾意描繪人性不同面。正正因為呢個原因《短暫的婚姻》更加特顯到4位主角嘅性格。
上面都提及過舞台劇版係幫補咗電視版嘅不足,例如︰Ceci(即係阿Mi嘅同性密友)同Terry之間嘅互動,Terry同佢太太阿Mi之間點樣拆解婚姻嘅「問題」。而舞台劇仲有一個難處就係電視版有時因為陳奕迅嘅歌可以帶動觀眾情緒 (因為呢套劇都係陳奕迅嘅音樂劇集,當時係宣傳佢嘅新碟︰《C'mon in~》),但舞台劇要重新配歌或透過演員嘅對白及表情去表達返當中嘅情感,但佢哋的確做到 (相信台前幕後合作先做得到),所以講到呢到如果你未買飛仲猶豫緊可以嘗試買飛入場。
下面有劇透,所以唔想睇就可以睇完先入返嚟睇
演員方面,4位演員我都好鍾意。但有一個演員我係特別鍾意,就係蝦頭。蝦頭今次飾演Ceci (電視版由蔡潔飾演),呢個角色舞台劇版比起電視版更加高難道演出,因為佢係知得最多「秘密」同最「清楚」嘅人,但係所有事情都唔可以同Terry講又唔可以同佢最好嘅密友阿Mi講。由一開始性格開朗,一出場就已經食住枝煙反應極快去回應阿Mi,並講出初時佢對「婚姻」嘅睇法。而坐喺台下嘅我聽到身邊唔同觀眾講︰「佢真係食緊煙喎」(可能因為大家覺得室內禁煙) 但之後蝦頭嘅角色比起其他3位更加複雜,因為知道佢哋嘅秘密要保護佢哋。由佢知道到最後畀阿Mi講返出嚟個種過山車心情,坐喺台下嘅我都有一刻覺得呢個角色真係好慘,當最後佢出現嘅一幕,坐喺我身邊嘅觀眾都攞起紙巾抹緊眼淚。有一刻我覺得TVB真係有少少浪費咗蝦頭呢個好演員,今次係我劇場上第一次見蝦頭做戲,但就咁樣吸引咗我 #膠兄。如果蝦頭能夠睇到呢篇文,真心 #膠兄 想同你講︰繼續加油!你嘅演技真係可以吸引到好多人去欣賞。
另外三位演員同樣突出,好似有「劇團王子」之稱嘅潘燦良飾演Galen,同陳奕迅所飾演完全係唔同 (我覺得兩個都做Galen呢個角色都好好,所以冇話邊個差啲),潘燦良飾演嘅Galen正正就好似一個「銀行家」,心底裡其實有啲「奸」,但同時好識為人著想,而個種忐忑心情,從佢對白及表情演繹係一流。禤思敏飾演嘅阿Mi,就表達到知道Terry出軌但扮作冇事,最開場時個種溫柔、賢良淑德嘅態度對住Terry透過佢嘅演技表達到出嚟,到後期同Terry嘈交,我自己認為可以激動多啲啲就好 (唔知道係咪我睇個場關係,睇得出大家有啲啲攰,特別嘈交個場林公子同禤禤都係有啲力未去到,但都做得好好)
最後緊係要講林公子,之前已經睇過佢同阿葛演出嘅「笑之大學」,令人留下印象。再到上年同秋生、韋羅莎主演嘅《搞大劇場》,再到今次明顯地林公子演技係進步咗。我幾欣賞係初時Ceci知道咗佢出軌係餐廳(定係酒吧?)個一段戲,由最初想快啲叫Ceci走或者聽佢數苦,到之後知道咗佢出軌個段戲,同埋佢同潘燦良喺天台「傾計」段戲,特別係放低條鎖匙個到,個下真係令全場觀眾笑咗。林公子本身唔係演藝出身,對住另外三位都係做開舞台劇,固然會增添一份「壓力」(可能林公子冇)。但整套劇睇到4位互相補位之餘,亦睇得出佢哋投入套劇,已經加咗好多分。
好演員加好劇本,自然令到觀眾可以欣賞好劇。喺演員、劇本都具備時,台、燈、聲、道具等等都係同樣重要。我 #膠兄 好欣賞設計上個天台,帶畀人感覺佢哋上咗天台就完全放鬆先令到佢哋咩說話都可以講 (如︰Terry講佢爸爸同樣有出軌)。
《樹大招風》其中一位編劇龍文康先生曾經講過︰「創作上,舞台就是比較著重台詞,電影用鏡頭說故事,電視其實比較著重對白,但是連貫性較強,因為不只90分鐘。三件事很不同。」《短暫的婚姻》能令觀眾喜愛,劇本重要、演員重要、幕後重要,最重要係觀眾能夠投入 (唔咁講代入角色,可能有人會)。
最後,香港嘅創作並唔只係得「膠劇」,學歌神曾經喺叱咤頒獎禮講過︰「好歌有好報」,我 #膠兄 亦覺得「好劇有好報」
P.S. 如果能夠訪問到莊梅岩或者四位演員再出編文就好啦 (發夢Mode)
利申︰膠兄冇收廣告宣傳
#值得大家入場支持呢套劇
#viutv網有得重溫短暫的婚姻套劇
#好想睇多次諗緊睇多場
#有買到短暫的婚姻本書有埋莊小姐簽名
#相個一句喺嚟自舞台劇其中一句台詞
舞台劇 短暫的婚姻 POON Chan-leung 潘燦良 Hatou 蝦頭 楊詩敏 林海峰Jan Lamb ViuTV Chong Mui Ngam
=========================
Instagram:todui9atvshow
Facebook:做乜膠睇電視
法 吻 暗色天堂 在 港唔斷戲 Facebook 的精選貼文
(唔講政治,講吓作品名之《法吻》)
—
唔少人話近期嘅《大樂師為愛配樂》個戲名太長,而且老土,所以引唔起大家對套戲嘅注意。而其實改戲名係一門相當高深嘅學問,亦好難從結果論去講原來出事喺個戲名度(你話《功夫瑜珈》、《機器之血》同《十二生肖》果啲直觀或者九唔搭八嘅戲名除外)。
-
而近年嘅戲名除咗《踏血尋梅》之外,最令我深刻嘅就係下面呢套。我講嘅名並唔係《暗色天堂》,而係佢舞台劇嘅原名《法吻》。有睇過個故事都知,套嘢係講張學友同林嘉欣糾纏一生嘅故事,而糾纏嘅關鍵係林嘉欣對張學友性騷擾嘅控告。究竟當晚喺車度發生嘅,係一個兩情相悅嘅吻,抑或係一個強吻?
—
《法吻》呢個劇名,於此就有兩個含意。第一當然係人所共知嘅FRENCH KISS,「一吻定懲」,兩個人都有伸脷,成就咗一個法式濕吻。而第二重含意就係,「法」唔係「法國」嘅意思,而係「合法」嘅意思,兩情相悅濕吻當然係開心事,但如果強吻就係性騷擾。張學友話林嘉欣都有伸脷,而林嘉欣就話佢只係想用條脷去頂走男人條脷,無人可以確認果個吻係「合法與否」,各有說辭。
—
一個吻可以幫兩個人火速為彼此嘅關係升溫,但一個吻亦可以摧毀兩個人嘅一生,天堂本應色彩繽紛,喺一念之間就變成暗色,《法吻》呢個名真係改得超好!
法 吻 暗色天堂 在 香港花生 Youtube 的最佳貼文
(主持:Grace、Thomas)
第1節: 今集主力兩部本土作品-改編自莊梅岩編劇的舞台劇《法吻》,袁劍豪首部導演作品《暗色天堂》,袁如何在電影版添加本地教會實況,與及事件的真相?除了評論影片的優劣外,主持之一Thomas 更會解說片中出現的聖經詩篇意思。
![post-title](https://i.ytimg.com/vi/UdFh6xeFCUg/hqdefault.jpg)
法 吻 暗色天堂 在 memehongkong Youtube 的最佳解答
即時聊天室:http://goo.gl/ToDqof
謎米香港 www.memehk.com
Facebook:www.facebook.com/memehkdotcom
![post-title](https://i.ytimg.com/vi/avI6ZfpDP78/hqdefault.jpg)
法 吻 暗色天堂 在 memehongkong Youtube 的最佳貼文
《暗色天堂》係正宗教定反宗教〈文人多說話〉2016-03-28 c
即時聊天室:http://goo.gl/ToDqof
謎米香港 www.memehk.com
Facebook:www.facebook.com/memehkdotcom
![post-title](https://i.ytimg.com/vi/-7ruWhOhxmU/hqdefault.jpg)