【幸福沒有捷徑只有經營】
由中學已經聽過夫妻呢就應該相敬如賓
嗰時我就覺得痴根,識咗十幾年瞓埋一齊十幾年點如賓?
兩公婆唔係應該世界零距離咩?應該熟到放屁都唔面紅先啱喎⋯⋯
後來後來終於明白相敬如賓真正嘅意義
原來同兩個人嘅身心距離無關,
重點係在於互相尊重,保持感恩嘅心
任何關係都一樣,幾多年幾熟幾好關係,
都唔可以take everything for granted。
呢個世界無人欠咗你,無嘢係必然
你老公你男朋友遷就你縱你錫你唔係必然
你老婆你女朋友照顧你溫柔體貼都唔係必然
做人最緊要識感恩。
無人會一輩子都用熱面貼你冷屁股
一句多謝一句唔該一句感激一句愛都好重要
設身處地諗一諗,你都唔會想對方將你付出當做奉旨
想對方真心為你付出對你好,就請成為一個值得嘅人。
我真係太怕嗰種老婆做哂家務煮飯洗碗係老奉嘅男人
亦好怕嗰啲將男朋友使到盡搾乾搾淨嘅女人
無一種性別應該比另一種性別卑微
無人應該比你付出更多
無一份愛係必然老奉
愛情又好,朋友都好,親情亦係
任何關係最緊要都係互相尊重
愛情真係需要兩個人都努力經營
凍啦~番去攬一攬對方啦~
#攬抱能醫百病耶 (港女友歪理)
/
新書《還是要相信愛情呀!》
不日上市啦~~~~~
Search