每個人身邊都有個基仔，可能我哋自己就係基仔。
介紹返先，基仔係我第一份工嘅舊同事，最初覺得佢好有大志：「我要儲錢開便利店！」
做人最緊要有夢想，否則同條鹹魚有咩分別？過一排我又聽到佢話：「我想開洗衣店，連鎖加盟嗰隻，而家諗住做多份part time儲錢。」
咪住先，究竟係便利店定洗衣店？算喇，無所謂，最緊要畀啲鼓勵佢：「好呀！支持！要幾錢呀？」
基仔：「80幾萬。」
「加油呀！而家差幾多？」
基仔：「80幾萬。」
……明白，後來我仲發現，佢有好多生意諗法，包括賣自己設計嘅T恤、賣雞蛋仔、開cafe、補習社、Playgroup……你數到佢都講過，最經典係話要做租狗生意。
「租咩狗？」
基仔：「女朋友都有得租啦，咁啲人媾女媾仔，好鍾意拎隻狗出嚟賣萌架嘛，租隻狗去拍拖搵另一半，一定好多人租。」
「咁如果想出街嗰日隻狗畀人租咗，咪唔出得或者要租唔同嘅狗囉？次次出街都唔同狗呀？」
基仔：「一個人養幾隻狗好奇咩？何況狗仔差唔多樣之嘛，都認唔到。」
「有冇諗過租嘅人對隻狗唔好，你會有法律責任呢個問題？」
然後基仔就冇再講落去，不過同佢行街嗰陣，經過唔同舖頭都仲係會聽到：「你睇下呢間！我以前都話有得做啦！」
佢乜都諗過，所以乜都話自己錯過，其實佢乜都未做過，甚至八達通佢都話細細個有相同idea：「唔使用碎銀，一拍就得，讀小學嗰陣諗過啦，後來畀八達通搶先做之嘛。」
「我諗呢……八達通唔知你小學諗過要做。」
基仔：「不過咁，人人袋張卡有時都會唔記得，而且千篇一律唔夠個性，我諗過出啲配飾，叫八達通正式授權，有獨立編號同埋可以申請自動增值，喂配飾喎！返工可以襯衫，睇得又用得，再送刻名掛牌，情人節送畀另一半都正啦！」
「下個月已經係情人節，我諗你搞唔切架喇！同埋你講嘅嘢呢，MiMetro已經有，一陣畀個網址你睇啦！順便買埋畀阿嫂。」
每個人身邊都有個基仔，可能我哋自己就係基仔。想做一件事，唔好諗錯過幾多，慢咗幾多，肯做永遠都唔會遲，唔踏出呢一步只能夠一直感嘆，結果係點固然重要，但係得唔得都同自己有個交代更加重要。
基仔：「Whatsapp個網址嚟睇下吖。」
得得得，攞去👉🏻👉🏻 www.mimetro.com.hk
洗衣店連鎖 在 衣博士洗衣連鎖總公司/乾洗店/自助洗衣店加盟 - Facebook 的推薦與評價
衣博士洗衣連鎖總公司/乾洗店/自助洗衣店加盟 · 2 people checked in here · +886 4 2247 1200 · [email protected] · http://www.184.com.tw/ · See Menu. ... <看更多>