（轉自 公務員secrets）
藍恤衫又好白恤衫又好，呢兩個月已經聽過幾十次話想解放軍接管香港，到底你地知唔知自己點解值4萬蚊同7萬蚊？就係香港行既普通法，司法獨立，檢控上法庭既程序，全部都係中國無既，依家你地竟然想自貶身價走去同中國睇齊？ 仲要靠14億大陸人支持黎打飛機？到時你連1萬蚊都無呀，問心，聽日開始要你住大灣區講普通話，寫簡體字，用人民幣，同公安敬禮你制唔制先？
各位同事收手啦，仲記唔記得學堂教既武力使用原則PGO29-01(3)係咩呀？ 唔記得返去溫下書啦，在任何情況下警務人員都不應以武力作為懲罰或報復手段呀
醫院打人第一反應唔係譴責羞恥，而係話個伙記點解唔返Base先打？當用俯伏式上鎖後係唔可以跪人條頸， 制服左被拘捕既人士之後，唔可以再打呀，呢兩個月黎有無人遵守過呀？ 幾單開槍中頭真係咁岩？當然noetbook實係話瞄身體瞄大腿，但係事實係乜野你自己知， 跟據朱經緯同七警既定罪標準，呢兩個月黎起碼要拉一百人
可能你話，示威者都有襲擊警察喎，好暴力喎，我企最前線，有盾有頭盔有豬咀有甲，根本就傷唔到，呢兩個月除左新城市個雜差自己鳩衝俾人打之外，有幾多個伙記骨折盲眼重傷？ 有幾多個示威者骨折盲眼重傷？
如果你上過最前線的話，其實隔住佢地個頭盔眼罩口罩都可以睇到，大部分示威者都係十零二十歲，點解你地可以打得落手？
係呀示威者係有犯法，咁黑社會打人， 點解可以放鬆手腳調查？ 我做警察係為左打擊黑社會，唔係為左打學生架
依家社會唔係話你執法有錯，問題係執法不公有錯，721元朗白衫黑社會打人，拉得20個告得2個，荃灣北角斬人，0拘捕，將軍澳斬人要居民自發調查先拉到人，728示威者打警察就拉40幾個仲要即叉暴動，係人都知咩事啦，總之撐警就Hea查，反警既政治Case就重案零記科技罪案CCB總動員，極速上路
老老實實，平時既Case大家有無咁上心先，Hea查，查唔到，NFA大家最叻架啦，點解政治Case特別落力查？咪又係因為做完實有Complement，Annual 有野寫，見Board可以講半個鐘，升職加薪攞宿舍，講到尾跟本都係錢既問題，因為你地無左份工唔會搵得返4萬蚊加宿舍，再深入研究，成個警察部除左個小圈子團契外，都係無神論，淨係識講錢講利益，毫無道德底線，不知民主自由法治精神為何物
好同你講利益，老散DSOA起碼Cliam多成萬蚊，幫辦起碼Cliam多2-3萬蚊，仲有無發覺出街條街少左大陸人，行得舒服左，買野又多鋪頭減價，老散可以屌CSP 屌到佢換過個RRC又得，呢d全部都係平時無可能既事
一直以來做野既手法就係，無人知道就做得，問下你自己，你有邊一日係完成曬你既tasking? 有既我恭喜你， 如無，上級一直教落，做野前記得望清楚有無cctv有無錄音先呀，點解要咁做？根本你自己就知道做緊既野唔岩，如果唔係行得正企得正怕咩錄影錄音？ 又話君子慎其獨？怕咩成立獨立調查委員會？
打開個whatsapp 有幾多抹黑示威者既假消息，個個平時話要調查要求真相，但係睇到呢d訊息又信到十足，仲要幫手檢舉上大陸網，一言堂到完全唔接受其他聲音，反警反政府既就搞到佢無左份工，撐警撐政府，話人曱甴要殺曬佢就無野當睇唔到，
校園欺凌講左幾廿年，依家先成立個關注組？警察子女就係人，反警反政府就係曱甴？仲有伙記問邊間學校正常，我答你啦，正常香港接受教育既學生都會支持自由民主，咁驚就去大灣區讀書啦
白色恐怖，未燒到你身上唔識驚，今日私人公司因為你唔撐中唔撐警解僱你，他日政府就可以因為你撐中撐警撐得唔夠盡力而搞你紀律甚至解僱你
撐警集會一車車旅遊巴運班大陸人黎，報大數，圍爐打飛機，會唔會太核突呀，成個場無一個講得正廣東話架，身為警察要靠班大陸大媽打氣支持，仲以為自己好多人撐緊，醒下啦
各區連農牆處理方法好簡單，貼既告287A 罰款，撕既拉佢刑毀， 打人斬人照行照做送佢上路，D紙濕左水引起衛生問題先搵食環清理，無得失任何人又公平又可以射個波俾食環
想做返起警隊個朵，好簡單，麻煩，真係做返一視同仁，公平公正，黑社會打人斬人，拉！示威者打人，拉！愛國人士掉國旗落垃圾筒，拉！示威者掉國旗落海，拉！（已經俾你地拉左喇） 愛國人士起人底，拉！ 示威者起人底，拉！做返你宣誓時講過既野就得架喇
提交時間：2019/8/27 下午5:47
