【龔成問答信箱】(Q20281-Q20300)
Q20281:
老師你好,我上完你堂後,自己分析隻9618京東,佢之前比較是高pe , 今次佢公佈業績盈利增加時
每股盈利增長同時增加左,導致佢pe低左好多,如果咁講的話,佢現價用呢家pe計
係咪已經變左合理區底部,甚至便宜?相比起9988,9618佢pe更低,那麼現價更正博嗎?
謝謝回覆
龔成老師︰
你可以咁講,但我地唔應該單憑1,2次架數據,就斷定佢係抵左。我地應觀察多年架數據,去了解佢真正潛力。
同時,我地都要仔細去睇翻,佢盈利大升架原因。
2020年全年,京東集團錄得收入人民幣7,458億元(1,143億美元),較2019年全年增加29.3%。
特別留意佢2020年全年盈利大增至人民幣494億,主要係其他非經營利潤為集團貢獻了人民幣326億。這部份是指一些長期投資公允價值變動、處置業務、投資的收益、投資資產減值、政府補助等的非日常業務項目盈收。
故實際主業務上增長係有,但唔係表面數字上咁強勁。
如果用預測市盈率計,這股現時處25倍-30倍。
京東(9618)業務有質素,發展仍是正面,不過現價就唔算平。當然,這股有一定的增長力,之後的市盈率會減。
從質素上,這股不差的,但估值上就不算平,算是合理區中上。現價有投資價值,但由於未到平宜,故要控制注碼。這股可以長線投資的。
------------------------------------------------
Q20282:
龔sir,想請教。除淨日會在正股減去相關的股息
咁其實都只不過係我本身既資產抽出嚟派返俾我自己咋喎,又唔係另外再派,什麼幾多厘股息都係假,你點睇呢?謝
龔成老師:
你未明企業價值的概念。
我地買股票就是買入一盤生意,當生意賺錢時,就會將部分利益分比股東,這就是派息,當派息一刻,由於企業的現金減少,所以企業價值會減。
其實,企業繼續營運,慢慢賺錢,價值就會向上,到一年過去,有盈利,就派息,這情況不斷發生。
而所謂幾多%,就是以上年度的股息,用來比投資者參考有多少的股息回報。
如果企業不派息,就是一直持有這些現金,股東會間接擁有,但無法自由運用,當派息到股東手後,這些利益先真正股東能運用。
另外,你平時買股票,你不是幫企業買的,你只是從一個二手市場,幫另一投資者買貨,所以,股息率的意思,就是你以這刻買入(二手市場),與你收到股息(企業層面)之間的關係。
------------------------------------------------
Q20283:
我有野想問,剛剛我重覆睇完窮爸爸富爸爸,他說能夠產生被動收入才算資產,巴菲特亦講過黃金不帶有任何價值
因為黃金不能產生利息收入,黃金只是人們覺得佢有價值才值呢個價格,那我想問增長類股票通常都沒有股息
但又必須要給銀行股票存倉費,那增長類股票是否應該算是負債嗎?
龔成老師:
黃金不是真資產,因為無現金流,所以,不是資不是負債。
黃金是「終極貨幣」,佢唔能夠為我地帶來經濟效益,不過,有對抗黑天鵝的作用,同時當現金不斷貶值,但就有保值的作用。所以,在財富組合中,可以投資小部分,不用多,小部分就得。
至於股票,存倉費只是少數目,不用理會。你買入股票就是買企業,企業如果不斷賺錢,有正現金流,就是「資產」,所以,你不是從股票層面分析,而是從企業層面分析。
------------------------------------------------
Q20284:
老師你好!我收入兩萬左右 但大部分比哂屋企人 所以完全無閒錢可以用 宜家有兩萬蚊儲蓄 諗住買股票搵小小閒錢可以平時用下(可能一個月多幾千蚊)
暫時無錢去月供股票,同埋買一啲長線投資既股票都唔得,因為就係得果兩萬蚊流動資金
1)請問依個情況下適唔適合開始買股票?或者老師你會有咩建議?
2)最近股價比較高,得兩萬蚊好似好難入手,有無咩股適合買入同短期投資?
thank you!!
龔成老師:
1)如果你每月,無法儲到$2000以上去做月供股票,那暫時不要做月供。
2)由於你現金不多,建議你留現金先。如果真的想投資,可以考慮日後多少少現金先開始,唔好太過心急,你可考慮盈富(2800)及3067。
安碩恒生科技(3067)入場費不高,你可長線。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買可次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
建議你想方法增加收入,兼職,小生意。長遠要尋找更高以入的工作。
------------------------------------------------
Q20285:
Hi,龔sir,想請教買入2359已賺到7成,應該如何部處?
我買了你網上分享,雖然只係短短15分鐘一節,但巳令我有不同想法
不知你會否考慮用zoom上網開班?
以前我放黎放去蝕,但聽你講不是投機
所以一直冇放。最叻今次!
龔成老師:
正!你做得好正確,其實當我地長線投資,往往已有不差的回報!
藥明康德(2359)都有質素。
佢主要從事藥物研發平台業務。係藥物開發過程,主要分為藥物發現、臨床前開發、臨床研究及商業化生產共四個階段。
睇翻佢的資料,佢的服務對應各個階段,可分為以下四個分部:(1)中國區實驗室服務(2)合約生產組織(3)美國區實驗室服務(4)臨床研究服務。
佢的客戶包括美國、中國、歐洲及全球其他地區的製藥公司及及生物技術公司。
業務其實不差的,過往的生意與盈利增長理想。
但這股始終業務有波動,唔建議你過度集中。所以你有貨可持有,但不要加注,去到某個位賣部分是可以,最重要是留有一定的貨在手,長線。
股票班,由於內容太重要,只有實體班,唔會開網上課程。
因為之前實體股票班試過比人偷拍,之後放左上網賣,最後要搞到報海關先處理到,好煩。所以,網上類的教學,都好擔心有偷拍問題,風險太高,因為好多課堂內容,都唔想太公開,只想自己學生知,所以暫時都唔會搞。
------------------------------------------------
Q20286:
龔sir!我想$2000月供 3067,但澳門銀行無得月供呢隻,一手買二千左右,但在市場如每月買一手,每次手續費都成$120
咁我係咪應該每半年買一次,每次買6手?我想長線存股,唔知咁諗岩唔岩,或者啊sir有更好建議
Btw 澳門宏達返貨,一口氣買啊sir啲書
新年可以睇
龔成老師:
安碩恒生科技(3067)可長線。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
不過,現價都唔平,大約在合理區頂至略貴,因此,這刻不能大注投資。最好的策略,就是月供,或自行分注小注慢慢收貨(例如每月買一次、或2個月買可次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
你可以每2、3隻月,每次2、3手,這樣已經有平均買入價的效果。
同時要有現金剩。
多謝支持!你可首先睇:
《80後百萬富翁》
《股票勝經》
《財務自由行》
之後再睇其他。
------------------------------------------------
Q20287:
我見1830佢派息率超過100%, 長遠來說會否有財政問題呢?
龔成老師:
必瘦站(1830)有質素佢業務正面,長遠有發展,有長線投資價值,現金流及財務數據都理想。
佢派高息,主要是現金流強,當中因為一些會計上的因素,令佢出現100%以上的情況,不用擔心。佢無論持有的現金,以及現金流,都強勁。
------------------------------------------------
Q20288:
龔SIR! 本人有些投資問題想請教...
本人現持有股票如下:
(1) #11 恆生銀行 200 股 $188.3 (2017年買入, 小朋友儲錢)
(2) #5 匯豐銀行 800股 $49.1 (2020年3月買入, 原本當收息小朋友儲錢, 買入後先話唔派息)
(3) #3988 中國銀行 39000股 $3 (2020年7月買入, 小朋友儲錢)
(4) #175 吉利 1000股 $15.9 (之前已賣走本金, 呢1000股淨羸, 中線炒)
(5) #1833 平安好醫生 100股 $54.8 (IPO)
(6) #6618 京東健康 50股 $70.58 (IPO)
(7) #3337 安東油田 50000股 $0.44 (2020年11月買入, 短炒)
(8) #717 英皇證券 162000股 $0.155 (1月買入, 短炒)
(9) #670 中國東航 20000股 均價 $3.246 (1月買入, 短炒)
(10) #3690 美團 100股 $379.6 (1月買入, 短炒波幅)
本人疑難如下:
(1) #5 , #11 及 #3988 因為派息問題, 想股價上回少少或現價走轉倉, 可以嗎 ?
(2) 轉倉應如何選擇? 想有一定派息及股價有增長, 有沒有推介建議? 主要想幫小朋友儲錢 及本人有一個習慣, 見有一定現金時候就會買股票紮死D 現金, 免得自己揮霍
(3) #823, #2800, #941, #1398, #883, #386 這些息口都高, 但油價又驚影響, 應怎樣建立投資組合?我見龔SIR推介 #3033, #3067 , 但這些基金是否跟股票一樣玩法?
(4) #1833 及 #6618 應如何? 因為持股數不多, 只有少少利潤
(5) 我所持有短炒股前景又如何?
(6) 本人之前都有幫小朋友儲金粒, 但礙於現在金價太貴, 但本人覺得黃金今年仍會上升, 有沒有相關既投資產品可介紹?
(7)請問 #1988 及 #1658 邊一隻值博?
龔成老師:
第一,我不建議你短炒,風險高回報低,第二,銀行股不用太過集中。
1)可以,你可以等佢上翻D先轉,質素不是零,但增長力不強,因此不建議持有太過多。
2)如果你你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
小部分潛力股可以:安碩恆生科技ETF(3067)。
如果想幫小朋友儲錢,盈富+小注3067,長期進行,是不差的方法。
3)我地最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
這些收息股,你可以持有,但比例多少,就要睇翻你的年齡與投資目標。
4)這兩股都有潛力,可長線。
5)唔建議再做短炒。
英皇證券(0717)質素不太好。
美團(3690)可持有。
6)可以每年投資小部分資金,不理平貴,保持進行,最重要是控制金額。金粒、SPDR金ETF(2840)都可考慮。
7)郵儲銀行(1658)較有質素,佢業務包括公司銀行、零售銀行及資金業務,以「自營+代理」的營運模式。
佢共有4萬個營業網點,有一定的規模及網絡,過往發展正面,都有增長力,但就未必是高增長型。
現價合理,有收息及增長,都有投資價值。
------------------------------------------------
Q20289:
Ah Sir, 港鐵 (0066) 我39.5 入,我見早一排行生指數跌咗落嚟,佢都有跌咗少少,但係上返去嘅速度好似有啲慢,而且佢嘅股息唔係咁吸引,只有大約2.8%
咁我應唔應該繼續長渣?
我睇佢近年有好多大型商場都係佢管理,而且佢陸續都有好多地產項目,其實佢股價係咪應該可以仲有機會,上返一個新嘅高位?
定係佢股息我之後有機會再上升?
我知道佢嘅核心業務係好穩陣,但係佢上升嘅比率和股息率相對性好似比起其他股票唔係咁吸引
龔成老師:
唔好著重分析短期市況與股價,無意思的。
最重要睇翻該企業的本質。
港鐵(0066)有質素,可長線。佢是全港唯一的鐵路營運商,加上政府會比佢地產方面的優勢。長遠正面。
雖然近年有不利因素,影響了中短期盈利,雖然會扣分,但最核心的本質不變。
睇翻資料,港鐵過往正常年份,一年可以賺$160億,就算扣除物業重估,都有過百億,當中包括了鐵路經營部分,以及物業的發展、物業的租金收入。基本上,每年都過百億的。
物業發展部分,長線正面,收租部分,無問題。
因此,長遠發展仍是正面的。這股可長線投資。
------------------------------------------------
Q20290:
你好,多謝你之前的教導。我已睇完網上課程的lesson,真的很有用,謝謝。
我剛買了約600萬在家附近的樓。預計借8成,月供18000左右。(考慮緊出租,如出租,要俾4成首期)
另外,原本每月放20000月供(已供2年了),因要用俾首期,考慮用依家高位賣出部份股票。另,由月供20000減少至5000.你覺得好嗎?另外,你覺得我需要重整以下股票嗎?
以下是我擁有的股票:
0002,1000股,買入價76.3
0003,4115股,買入價13.3
0005,1600股,買人價39.143
0014,768股,買入價25.9
66,6732股,買入43
659,1000股,買入16.66
778,1000股,買入9.87
823,613股,買入73.38
1113,1000股,買入56.21
1848,4139股,買入7.55
2388,1438股,買入24.625
2800,5383股,買入28.54
謝謝你。
龔成老師:
如果你要資金,處現買樓及令按揭時更安心,你可以賣部分股票的,始終應該處理左買樓部分先。
到你完成整個交收物業過程,資金足夠,就可以買翻D股票。
你現時可以停一停月供先,等之後先加翻,睇下去翻幾多。
至於你上述股,基本上都不差的,賣出那些,要視乎你本身的風險承受程度,如果你本身想財富較有增長力,就減一些收息股,如中電(0002)、煤氣(0003)、匯豐(0005)。
最重要不是睇「賺蝕」,不是睇「買入價」,而是睇質素。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
------------------------------------------------
Q20291:
龔成老師 請問係掌握估值方法之前 應該點買股票 因為唔知幾時算係合理價
判斷唔到目前股價係高估定低估左
另外想問除左佢自己出既年報 係邊可以獲得一間公司比較客觀既數據 例如市佔率 同同行比較既優勢等
謝謝老師
龔成老師:
首先,要選優質股,因為優質股長遠價值向上,就算不幸在貴的價位買入,都有得守。多睇年報、對手年報、企業網站等資料,仔細分析企業質素。
第二,同平均入市法,又或月供,能減少一次過買入的風險。
第三,留意大市的冷熱度,如果這段時間,熱炒某一類股票,就要小心該類。
長遠你要學計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。
簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
如果要深入計算,基本上要好仔細的研究企業,要分析好多財務數據用比率,先至有較完整的答案。
------------------------------------------------
Q20292:
我現時30歲 , 收息股佔自己總資產2/3 , 有穩定工作, 現時的組合好像不太正確. 如果現在轉投資其他股適合嗎?
如果轉股,可以介紹嗎?
謝謝
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:安碩恆生科技ETF(3067),但就要明白波動性比上述會高左,同時風險大左,你要自己平衡。最好分注慢慢買入。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q20293:
龔成,我第一次寫訊息比你,想同你表達謝意。
自從上年疫情期間,朋友介紹你FB pgae比我之後,我成為了你的粉絲。
好欣賞你每日散發正能量的文,我亦買晒你所有的書,現階段努力看「年報勝經」中。
在此期間,發現原來我的思維方式錯了,難怪一直想成為有錢人都做唔到,因為我由細到大都睇唔起有錢人,認為有錢人喺貪心、無良心、唔真誠嘅人,但現在嘅我對有錢人嘅睇法改觀了,亦練習欣賞有錢人的好,並祝福他們。
我亦在上年開始投資在股票,努力存錢中,將現金轉換股票資產,雖然仲未賺到第一桶金,但我相信我五年內會做到的。
最後,無論你有無睇到我訊息,我都要向你表達感恩,多謝你咁無私分享你的知識和能量!
龔成老師:
加油,我18歲時,都是甚麼都不懂,都是憑不斷睇書上堂學知識,到時現算是有少少成就,所以我好明白,所有野都有得學,只要我地用正確的方法努力,就會成功!
你的方向正確,只要保持進行就得,之後努力保持增加知識,一定可以完成你的目標!加油!
------------------------------------------------
Q20294:
老師你好!有一個問題想請教你
假設某股,我$4.5入左10萬股
如果我想$4沽出5萬股、之後跌到$3再入返5萬股、咁請問到時我嘅平均股價會係幾多呢!謝謝你
如果到時升返 $4.5、 我沽晒10萬股、到底我係 賺 定 蝕呢?
龔成老師:
當你$4.5買入10萬股,動用了$45萬。持有10萬股。
$4賣出$5萬股,就是套現了$20萬。
到你$3買入$5萬股,就是動用其中$15萬買翻5萬股。
你到了這一刻,就是持有10萬股,動用了$40萬,所以平均價可理解為$4。
當股價上翻去$4.5,你就賺$5萬。
題外話,唔好太著重這些短期的上落股價,要買入及持有,長線去賺大錢先正確。
------------------------------------------------
Q20295:
你好,我今年 32歲有一個小朋友,自己做生意,一直以嚟都係靠勤力儲錢,但一個疫情乜都無晒。
可幸係生意暫時唔會被淘汰仲有得發展,但想接觸下投資,儲備 多啲, 想問如果我由零開始,應該點去開始?邊本書比較適合?
龔成老師:
現時生意只是中短期情況,最重要是長遠發展。
你要知識先好開始投資,你要學理財及投資的知識,記住,投資並不是坊間的炒炒賣賣,你要從書本或課堂上認真學習。《股票勝經》適合初階者的。
------------------------------------------------
Q20296:
龔成老師,你好。一直有睇開你既書,好實用。改變了思維。多謝你。
另外,有個問題想請教,如果有一筆資金想投入一隻優質股,應該分批入場定月供好?定係有其他方法。多謝你的寶貴意見!
龔成老師:
首先,我地最重要是建立一個長期的「財富組合」,要優質,要平衡,要適合你的年齡與風險承受程度,各類股都要有。
同一行業不能太多,同一股不能太多。要平衡,建立後長期持有,不是買賣賺差價,而是成為你財富組合一部分。
至於怎樣入市,如果你投資知識與經驗不多,最好是慢慢分注買入或月供。同時要留有現金。
相反,如果你有實力,就可以捕捉買賣時機的方法。
------------------------------------------------
Q20297:
你好成哥 睇左你channel都好耐下,一直無問過你問題,有兩個問題想問:
1. 一直見你係FB留言啲comments個個都有求必應咁答,一答就長篇大論,你唔攰咩,點解可以咁有心思咁因為人地求其禁個號碼你就真係幫人分析,哩點細佬真係配服到不得了!
2. 點睇136恆騰,個人分析過覺得唔錯,詳細就唔班門弄斧了。入左兩次貨,平均價3.8。謝謝成哥
龔成老師:
1)盡力而為啦,其實有些都是重覆的答案。
因為我18歲已買股票,最初輸好多,當時已係度想,如果有個人問下就好,可惜完全無,所以,到而家有D知識,我能力就幫下人咁。
2)恒騰網絡(0136)有危有機類。
現時企業盈利不多,但市值高,市場對「前景」有無限幻想,有時炒作會升好多,但跌都可以好勁。
如果長遠業務成功,會爆得好勁,但失敗,會跌得好勁。因此,長線投資不是不可,但只能小注。我會建議你長線,但如果太多貨可減部分。
------------------------------------------------
Q20298:
你好,龔Sir,我同老公七年來一齊做緊Event, design & production生意,一直用心做設計好,亦得到不小客戶賞識,可惜社運 & 疫情受嚴重打擊,蝕過百萬.....
上年三月左右開始接觸股票,設計師一向用右腦思考,數學從來0分,但接觸股票後令我好有興趣,每晚都睇財經睇分析睇YouTube 學兩三個鐘,而且亦睇不小書(當中當然有睇你 & 巴菲特既書)
圖表上大多已理解,但,始終數學唔叻亦無Econ根底,所以對於市值,價格,PE,基本面,財務報表通通唔識睇 & 自行分析,請問應該點樣可以惡補?
(暫時仍然時賺時蝕,仍交小小學費中)
望能抽空解答,thanks
龔成老師:
首先你要記住,坊間的投資方法,有正確有錯誤,我20年前學投資,就是因為學錯左方法,用了幾年學技術分析,之後先發現無用,之後發現巴菲特都唔信,所以唔用。
我地學投資,要學,就要跟全球最賺錢的方法,這點你一定要記住。
我建議你睇《股票勝經》,同巴菲特相關書,對你有幫助。如果你行錯路,之後就會一直錯。
------------------------------------------------
Q20299:
呀sir~其實見到1177處於合理區,真係好吸引想買多幾手,因為真係好驚好似比亞迪咁上左去就去唔番個合理區
雖然我呢刻未有工做,不過決定左當有工番後,每個月會加大儲蓄...坦白說疫情真係打亂左我好多野...
之前有工番又未識買股票,依家叫開始學習投資,又突然無收入,世事真係好搞笑...
有時都好迷茫...好擔憂未來,所以每日睇下你寫既野,聽下你講野,令自己得到d安慰...我經常記住你講果句,只要有堅持就可以達到目標...
所以好多謝你,除左教大家認識股票外,仲同大家分享自己感受同人生道理,有時你一句說話真係幫左我好多,令我諗野唔會諗埋一邊,thx so much
龔成老師:
現時你無收入,就一定要先留現金,這始終較為穩健的。
到你有收入,先增加翻股票投資的比例。我地進行財富增值,最重要是睇長期的。
唔好比中短期的因素影響,最重要是長期的,加油!
------------------------------------------------
Q20300:
老師,想問一點小小既問題
目前有兩個工作見緊
1) 邦民既CS ( 13k-14k) + 2 bonus —- average 16000 左右,已通過第一round interview
2) HSBC CCO ( call centre) 16k+ commission—- 未in, 先要 做test 先
想問問其實兩個工作邊一個會比較好, 如果兩邊都順利
因為知道老師以前做過銀行
龔成老師:
從發展上,銀行會較好,加上匯豐始終是大型銀行,長遠會較有利。
不過,其實上述兩個都可以,好多野要試左先知,同時在事業發展上,好多時要轉職位,試不同的野,就會更有機會突破,所以第一下未必最重要。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有71部Youtube影片,追蹤數超過0的網紅alex lam,也在其Youtube影片中提到,------------------------------------------- 最新酒店住宿優惠介紹 https://youtu.be/VAcuWD4MCQc ------------------------------------------- 而家仲係疫情期間,盡量都減少用面對面交收 咁...
「淘寶順豐集運教學」的推薦目錄:
- 關於淘寶順豐集運教學 在 龔成 Facebook 的精選貼文
- 關於淘寶順豐集運教學 在 龔成 Facebook 的最佳貼文
- 關於淘寶順豐集運教學 在 逆嘶亭 Facebook 的最佳解答
- 關於淘寶順豐集運教學 在 alex lam Youtube 的精選貼文
- 關於淘寶順豐集運教學 在 alex lam Youtube 的最佳解答
- 關於淘寶順豐集運教學 在 Bunny's Dressing Table Youtube 的最佳解答
- 關於淘寶順豐集運教學 在 [問題] 淘寶台灣集運直寄問題- 看板e-shopping - 批踢踢實業坊 的評價
- 關於淘寶順豐集運教學 在 台灣順豐速運- 集運教學看這裡 天貓/淘寶集運 - Facebook 的評價
- 關於淘寶順豐集運教學 在 淘寶新手整理教學。如何付款+集運篇 - 網路購物板 | Dcard 的評價
淘寶順豐集運教學 在 龔成 Facebook 的最佳貼文
【龔成問答信箱】(Q17441-Q17460)
Q17441:
龔sir我有一個頗特別的問題,就係好認同你既理念,創富方程式 ,閱讀學習財務知識,不短炒長期持有優質股等等的理念
但身邊沒有朋友跟我「並肩作戰」行呢條致富路,有時想同知己分享/互相監督進度都沒有對象,感到好孤單,身邊大部分朋友都係停留係短炒
財務知識都唔學,什至不儲蓄既階段,我知道時間過左 我同佢地差別會好大,我想有戰友一齊贏,呀sir你有無曾遇過呢個情況
龔成老師:
我過往都有類似的情況,因為坊間的人都只會短炒,但我從過往銀行工作中,知道咁樣唔會賺錢,但朋友唔會聽。
你好難說服到佢地,你只有做好自己。
就算我過往同家人、同朋友講,我一定會日後賺到過千萬,佢地都唔會理你。你講唔到,你只有「做」!
講是無用的,你只有做到比人睇,佢地會會信你,所以,你唔好理其他人,你只有做好自己就得,成功者往往都是獨立去做,有時的確無戰友,但成功人士就是與別不同,你要明白這點。當你的世界觀增大後,就唔會在意這些事。
------------------------------------------------
Q17442:
老師,你最後一堂講自己,講到我眼濕濕,我都係80後,當年家道中落,由私樓轉到板間房,住了7年再搬到公屋,真係一直願望好想有自己一間房,都有埋怨家人點解搞到生活環境咁差,成績一度滑落,最後連大學都入唔到。
好彩之後工作順利,收入穩定,改善家庭生活環境,但卻令我走入另一個漩渦,但因為生活實在太忙,加上有左小朋友,要付出時間照顧佢地,而且開資也大,生活逼人。所以真係好想早日財務自由。
好彩之前有空可以報到你既course。我覺得自己可能掌握到6-7成,市盈率市漲率部分應該無問題,反而年報第七堂未能掌握。我可能要溫習一下先可以再上你進階。
龔成老師:
香港生活環境從來不易,家人好多時已盡佢地最大的努力,有時都無計,我地只有自己努力,這就足夠。
你已經行在正確方向,之後保持進行就得,我相信大家都可以完成到夢想的!
進階班是基礎班的延續,如果你掌握到7成,有信心就可報,如果未得,就遲少少先,反正我會不斷開班,你可以利用這段時,溫翻基礎班的知識,同時試下自己分析年報,實戰,用「企業評估表」。之後先報,遲D見啦!
------------------------------------------------
Q17443:
龔成老師你好,本人54歲,有一物業要供,現欠銀行約180萬,收租可cover供款和雜費。另一車位出租但回報很少,只收2100元。
現持有股票包括:
5:3225股
11:2000股
3988:100,000股
2628: 5000股
現金60萬,每月可儲3萬,請問我這年紀,應如何分佈資金?請請指教。
龔成老師︰
由於你已經接近退休之年,我地策略上會保守一點。我建你3萬用一半作月供股票,比重係50%在平穏增長股,50%在收息股。而餘下一半資金先儲起,等待機會。
平穏增值股︰盈富(2800)、港鐵(0066)、金沙(1928)、煤氣(0003)、恆基(0012)、中銀香港(2388)、長建(1038)、粵海(0270)、領展(0823)、港交所(0388)、深高速(0548)
收息股︰港燈(2638)、香港電訊(6823)、工行(1398)、匯豐(0005)、置富(0778)、陽光(0435)
由於現時大市只在初步平宜區,你60萬資金同樣可以先投入一半,用"分注"形式買入上述股票。餘下一半和每月儲到的1.5萬,就待大市出現較大程度的下跌,才大力度掃貨,然後長線投資。
但有一點你要留意,你現時組合中銀行股佔7成多,出現一個嚴重過度集中的風險。當銀行業出問題,你個組合就會被受重挫。所以,你投入的60萬現金不要買銀行股了,但月供部份就無這個限制。
------------------------------------------------
Q17444:
老師,月供股我都有HSBC 5號,2388,0003 各1千,2800 2千
1手手買嘅就keep有9988,1928,0778
因為來緊要供樓比預期多,所以短期內月供只會維持5千
諗緊cut左5號去去供2800好嗎?
謝謝老師麻煩你給意見了。
龔成老師:
如果你供樓的金額要較多,就要減少小月供股票,同時持有部分現金。
由於上述有兩股都是銀行股,因此減少其中一隻是可以的。如果你想供款匯豐(0005)轉盈富(2800),可以的。
基本上上述的方向可保持,但股市波動,你點都要同時留有現金,等機會入市。
------------------------------------------------
Q17445:
請問老師有無投資其他市場嘅股票 例如美股或者歐洲股 去平衡/分散返係香港市場嘅風險?
另外請問老師會唔會考慮開一啲係週末/網上舉行嘅班?
週中個時間對學生同一啲在職人士比較難遷就
純粹想分享一下我嘅個人意見 麻煩曬老師
龔成老師:
我自己暫時集中在港股,始終自己較熟識港股,集中投資可以有最大回報。
當然,你可以投資其他市場,只要是優質股、你熟識的企業,就可以。這可以令你的組合更環球化,風險可以平衡。如不懂選股,可投資相關的ETF都得。
我年尾應該會開一次星期六班的,你可留意,或whatsapp 55457212 ,打「留位星期六班」,同事有資料就會whatsapp你。
至於網上,就暫時唔會。
因為之前實體班試過比人偷拍,之後放左上網賣,最後要搞到報海關先處理到,好煩。所以,網上類的教學,都好擔心有偷拍問題,風險太高,因為好多課堂內容,都唔想太公開,只想自己學生知,所以暫時都唔會搞。
------------------------------------------------
Q17446:
你好,我最近看了你兩本書,股票勝經同80後的百萬富翁,學到吾小股票基本知識,所講都係尋找優質股票同長線持有,書中所提及到在股市狂熱時先放一部分,咁如何分析股票高出其價值,同埋如何尋找優質?
想學習填寫企業評估表,希望等待疫情過後
能夠上你的堂
龔成老師:
賣出股票,我地會睇兩個因素,第一,大市或個股已進入了狂熱期,例如全民皆股等等的指標,股票班會詳細教。
第二,進行企業估值,當股價已超過企業價值時,就可以賣出一部分,當然,我地會偏向長線投資,愈優質的股票就會愈偏向持有。但如果真的好貴,賣出部分都是可以的。
我課堂有「企業評估表」提供比學員,6頁紙,十分有用,可以有系統去評估企業的質素。希望遲d在課堂中見到你。
------------------------------------------------
Q17447:
龔Sir ,買左你本50隻潛力股,我想起0002 中電同1038長建中,揀一隻月供,現時我見1038較平,但你書中顯示中電的優質程度5>4長建,所以想問一下你意見
我33歲,想增長同收息同步,其他月供緊有66,12,823,2388,2800,1810,1928 , <-這組合再加0002 或1038
另外都買咗你新作5年買樓4步曲睇緊
龔成老師:
中電(0002)與長建(1038)都是有質素的股票,都可以選。其實好難話選那一隻好。
如果能承受風險,可以長建,佢由於歐洲業務較多,因此中短期會較弱,但值博率反而會高少少,不過就要睇你的風險承受能力。
不過,長建始終只是收息股,業務增長力比過往弱左,只是平穩型。
你現時持有的,都是有質素的股票。
加入中電或長建其實都得,穩健D就中電,想值博率高少少就長建。
《5年買樓4步曲》,記得跟書的指引去做。
------------------------------------------------
Q17448:
1895我在上市時高位接近$4元買入約10萬
經歷到$1.1,到昨天價位升回$3.5,想問這隻股票質素,現時是否合適時機考慮賣出?
龔成老師:
我地最重要是睇佢的業務價值,長遠發展。
鑫苑服務(1895)本質不差的,業務穩定,現金流不差,其實有持有價值。如果你持貨佔你組合比例不過多,可8以守。
如果太多,就要當見到有較大上升時,賣出部分,以平衡你的組合風險。
這企業規模細,股價上落大,這都是風險,加上背景因素不及其他行業較強者,因此投資都唔能夠太大注。
------------------------------------------------
Q17449:
老師你好!本人44歲,去年年尾被裁。但由於幾年前患病,需要經常出入醫院,所以打算明年等環境好轉才開始尋找新工作。
本人有一已供完物業自住,有$120萬現金但並冇任何投資,而現時月支出大概$12000-15000。因為對投資完全冇概念,想請問我嘅投資方向應該點樣分配,月供股票 + 部分直接購買?邊啲股票適合我呢?
由於身體狀況,如果明年再有工作,收入大概會在$15000-20000左右,而我希望55歲以後可以「退休」。多謝指教!
龔成老師:
由於你現時無工作,在理財中應該較為保守。就算有資金,都應該有一半持有現金,只能部分投資股票。
你可以考慮穩健的「平穩增長股」及「收息股」,如果你較保守,就收息股比例較多。
平穏增值股︰盈富(2800)、港鐵(0066)、金沙(1928)、煤氣(0003)、恆基(0012)、中銀香港(2388)、長建(1038)、粵海(0270)、領展(0823)、港交所(0388)、深高速(0548)
收息股︰港燈(2638)、香港電訊(6823)、工行(1398)、匯豐(0005)、置富(0778)、陽光(0435)。
另外,以你的情況,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
至於之後你收入的策略,可以等你有具體工作再分析。
------------------------------------------------
Q17450:
龔成老師你好 請教一下 我今年二月開始月供股票 根據當時你建議既組合2800-$2500、0012-$1500、0027-$1500、1211-$1500
問題1- 比亞迪升左甘多會唔會唔再適合月供 需要停一停?
問題2- 如果想將個組合變得更進取 有何建議?
感激
龔成老師:
1)你現時所月供的,都是有質素的股票,基本上可以保持。長線進行就得。
月供是一個長線策略,就算有時在合理區頂,都可以照供,因為長期會將買入價平均。比亞迪(1211)在$8X你可以停一停,以下的價就可以保持月供。
2)如果你進取,可以加上阿里(9988)、中生製藥(1177)去月供,當然,這些股都唔平,因此注碼唔建議太多,同時你都要明白當中的風險。
------------------------------------------------
Q17451:
老師,請問670,1055近期跌了不少,應否繼續持有或沽出,有否中長線投資價值,感謝
龔成老師:
航空股本身的投資價值不算高,加上經濟與疫情上,都令佢充滿不確定性,就算股價下跌,也不太建議投資。如果你持貨較多,要減,如不多,可以等反彈賣出。
------------------------------------------------
Q17452:
依家舊經濟股系5系已經玩完?地產,房托,銀行,公用股系5系已經沒左投資價值?日日都系咁跌
龔成老師:
傳統經濟點都有價值的,不過增長力就不及新經濟,但新經濟的風險都唔少。
由於疫情對傳統經濟有較大影響,因此市場較負面,不過在長遠計,其實點都會慢慢好轉的,作為投資者,要有長遠的眼光。
------------------------------------------------
Q17453:
我23歲,現時剛剛畢業 搵到一份工月入 16000
沒有任何保險
但要比家用 媽媽要求要比 5000 我想30歲前 達成月現金流。並積蓄望有500,000或以上 ,有什麼方案可以達成?
另外我現時覺得小米 幾好 想入手 應入手多少
5000蚊個個是家用
雷蛇也有興趣
龔成老師:
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,你可以小注潛力股。
建議你每月利用月供,或儲蓄準備投資的方法,每月儲$3000-$5000,你無本金就無可能完成到目標。
之後,可以投資盈富(2800)等較穩健的股。同時,可投資一些潛力股,雷蛇(1337)業務是潛力股類別,不過發展不太好,暫時仍未有太大成績。不過你小注當買佢將來發展,是可以的。
至於小米(1810),都是潛力股類別,現價在合理區中上部,小注都得。
如果要完成目標,你要提高收入,這才是關鍵因素,正職收入的長遠提高、兼職、小生意,都是你要思考的方向,23歲是你的黃金期,你要好好把握。只要你在收入上有突破,30歲有$50萬無問題,可以推目標上$100萬以上。
------------------------------------------------
Q17454:
阿Sir,現在上緊你的堂,獲益良多,多謝!
但想問問我男朋友早年前以$2.4高位買入1508中國再保險,想問應否止蝕或應該如何部署?Thanks!
我男朋友現有股票如下:
[email protected] 買入(ard$50萬)
騰訊@261買入 (ard$50萬)
中國人壽 (打和)
建設@5.x (ard$20萬)
佢現在考慮好唔好一次過清晒倉先當打番(同1508蝕個d)。
但我唔知有無理解錯老師你上堂講優質股升一倍放一半。如果一次過放晒騰訊但其實係優質股而手頭上變晒現金我覺得都好似又唔係好合適?唔知老師你有咩高見?唔該晒!
龔成老師:
首先,你地唔好太著重買入價,這只是一個心理因素。
你要睇翻個股的質素,決定去留,決定持貨多少,較有質素的,佔比可較多。
中國再保險(1508)賺錢能力有向下情況,但不是完無質,但這股佔你地投資組合比例較多,宜減持一半,餘下守住先。
至於騰訊(0700),有質素,其實可持有,在$500以上略貴,你減持小部分可以,但如果本身都打算長線,就算持有都無問題。
中人壽(2628)都有質素,但比過往年代質素略有減,因此都唔建議太集中。
至於建行(0939),只是收息股,唔好對股價有太大期望,你要睇下是否適合你地投資。
另外,建議加入其他優質股建,建立更平衡的組合,唔好太集中在幾隻股票。如無心水,可加盈富(2800)。
------------------------------------------------
Q17455:
我2008年入了些2899紫金@8,我想趁現在金價升便沽出,
換去1830必瘦站
或788鐵塔
請問你有什麼意見?
繼續持有2899?
換馬去1830?788?或其他更有潛力的企業?
6869的合理和便宜價是多少?
謝謝你的回覆
龔成老師:
紫金(2899)始終是商品企業,質素不會是最高類別,賺錢能力會較被動,你賣出是可以的。
至於轉鐵塔(0788),可以,這股有質素,可長線。
而必瘦站(1830),雖然都可轉,但注碼要相對較少,香港因素始終有不確定,股價上落會較大。
長飛光纖光纜(6869)現價合理,不過增長力就不算好強。
------------------------------------------------
Q17456:
你好,成哥,我係你上年年中的股要班同學。感謝您用心的教導,令到我這年財富也增值不少。
見到你出新書,我當然也成為你的捧場客。
關於置業,我也有一個問題,向你請教。
本人為80後,努力工作儲錢及投資,現在約有200萬資產在手,以大量股票及外幣現金為主。
以200萬來置業現在有兩個選擇:
1。用80-90萬左右,買800萬的單位,做9成按揭
2。用200萬,買1000萬的單位,做8成按揭
以上兩個以我現在的人工都可以通過壓力測試的。
當然我明白一分錢一分貨,(800萬其實好難買到市區樓放租)
但同時也是風險的問題。
求指教指教!謝謝
另一方面,我持有的股票都是優質股,例如1177,388,如果要賣出去做首期,如唔係好捨得
應該點樣選擇好呢?
龔成老師:
比較好的策略,是投資$800萬,你可以餘下更多的現金與股票,之後有更大的財富增長,而不是只集中在「物業類」。對你的財富平衡會較好。
我相信$800萬要在市區找優質盤,仍是可以的,只要唔好太新,呎數合理,地點適中就得,並不是無選擇的。
當然,如果你心底好想買$1000萬樓,我認為都可以,但之後要加強翻股票現金方面的部分。
------------------------------------------------
Q17457:
想請教多一隻股票,比亞迪市盈率似乎偏高,是否因為市場比較睇好?8X是偏貴?
如幾十年後其他品牌也轉電動車,如寶馬Benz,會否削弱比亞迪的競爭優勢?
龔成老師:
比亞迪(1211)是潛力股,在估值時會比較困難,因為市盈率是一個「過往」的數據,而潛力是睇重的是「將來」,所以,當進行估值時,都會考慮較多「將來」的因素。
這股以現時的業務與規模,去到$8X就開始進入貴的水平,不過,潛力股值得長線的,因此在這些水平,可以賣部分,餘下就留作長線。
至於其他車廠,多年後的確會轉電動車,因為好多國家如中國,都定目標長遠會淘汰傳統車。'
而比亞迪的優勢,就是電池的技術,這個技術會令好多無技術的車企,要同比亞迪合作。即是佢是「賣電池」,因此,只要整個電動車市場不斷發展,而佢在這方面擁有領先的技術,佢就會好有價值。
------------------------------------------------
Q17458:
龔sir你好!小弟今年28歲,由2018年8月開始進行月供股票,月供媒氣同盈富各供$2000同$3000,直到4月份加碼,各供$3000!另外5月又供多隻比亞迪月供$3000,但現在發現媒氣不斷虧蝕當中。
現在組合:
煤氣$3000
盈富基金$3000
比亞迪$3000
共$9000
雖然月供係睇長期,但見龔sir你説對於煤氣呢隻股票可以進行調整,所以想有以下方案:
煤氣$1000
盈富基金$5000
比亞迪$4000
共$10000
請問龔sir,調整後的方案會較原先的方案好嗎?對於這個組合有什麼意見呢?還是有其他股票更適合我做月供?
龔成老師:
我地最重要是睇企業的質素、前景、增長力。煤氣(0003)仍有質素,不過增長力的確有所減少,因此,你減金額是可以的。
不過比亞迪(1211)近期都上升有唔少,這刻加大金額未必最好,你可以盈富(2800)供$6000,比亞迪供$3000,如果比亞迪落翻多D,你先加金額。
------------------------------------------------
Q17459:
1:老師想問2840同1787,邊隻會好d,2隻其實係咪都有d潛在成本,如果假設唔想買實金,投資邊隻好d?thanks
2:老師,請問如果物管股,應該點將佢估值,我試過用市盈率計3319,但好似冇機會落到去個合理價位,但佢又真係咁優質,果時出左壞消息都跌得幾%,我37蚊左右有貨在手,係味都唔算買貴左?
龔成老師:
1)SPDR金ETF(2840)同山東黃金(1787)都是同金有關的工具,前者會真正的追蹤金,後者就是一間企業,佢主要於中國從事黃金採礦及加工,以及銷售黃金產品。
如果你目的想追蹤黃金走勢,就投資2840。
2)因為物管股上市時間較短,較難做估值,估值時除了自己的數據,可以用行業作為比較。雅生活服務(3319)有增長力,當我地估值時,會考慮較多前景的因素。
你買入價是合理區中上部,無問題,你長線持有就得。佢現金流強,加上有增長,所以是值得比較高的估值。這股有長線投資價值的。
------------------------------------------------
Q17460:
老師你好,一直有睇開您嘅書,有留意您對1928嘅分析,亦打算將1928加入我月供嘅行列。
請問以現時情況如果打算搵一隻賭業股嚟月供,您會覺得1928同0027邊隻前景比較好?
因宜家中美關係好似唔太穩定,害怕到時金沙如果續賭牌有阻滯就好危險
龔成老師:
金沙(1928)同銀娛(0027)都是有質素的股票,金沙收息方面、穩定性方面較好,銀娛增長力方面就較強。
如果因為中美關係而刻意令佢續唔到個賭牌,相信中美已去到好壞的局面,同時當金沙無牌,對澳門經濟、民生、發展都有影響,金沙係澳門請左全職加兼職員工超過2萬人,當中的褔利及條款等如改變,對佢地的影響都好大。
所以,我這刻又唔太擔心,自己仍長線持有中。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
淘寶順豐集運教學 在 逆嘶亭 Facebook 的最佳解答
遠離華夏食人族,恢復人性共興亞
要發掘何謂香港民族,思考華夏食人族之源起與發展在所難免,而當我想更準確咁解釋華夏之時,我忽然就聯想到過去人在澳洲深入偏遠沼澤尋訪鴨嘴獸之經歷。尋幽探秘嘅結果,雖然係一如預期嘅遍尋不獲,但因為本來就有可遇不可求嘅心理準備,回程感覺既講唔上可惜,亦未見得氣餒。活化石之所以引人入勝,原因在於觀察世間罕見嘅物種,可以親眼見證佢地幾乎絕跡於世嘅形態同習性,而鴨嘴獸作為十九世紀初歐洲科學家一度以為係惡作劇嘅卵生哺乳動物,正與以「四大文明古國」之一自居嘅華夏文化極為相似。以下將探討中國—華夏食人族—儒學鴨嘴獸保守估計已達三個千紀嘅發展停滯,論證香港民族脫離中國方可振興亞洲之道義責任,希望可以刺激民族同胞對於未來世界之和平想像。
華夏死水,寸草不生
世間萬物平等,適生淘汰係物競天擇使然,生物學意義上嘅保育瀕危物種亦應當支持,但香港民族飽受華夏食人族之害,絕對唔應該對近在咫尺嘅惡霸過於寬容,事關香港民族自身亦負有順應世界歷史演化嘅偉大使命。促使老帝國順勢解體、活化石安分退場,責任在於華夏歷史之非歷史,中華帝國之千年如一日,而香港民族為東亞生態系統所做嘅,只不過係呈現自身之求生意志,順勢向鄰國一池死水送出有助人類同胞起死回生嘅氧氣——唯有中國解體,中共治下各個族群方有望恢復人性,繼而步入正途,接上現代化之軌道。所以,相比起香港曾經風行一時嘅大中華主義思想,發揚民族主義,勇於改變受制於人嘅局面,先至係為華夏食人族燃點希望嘅合理路徑。
根據現代考古成果,位於現時伊拉克之兩河流域乃係孕育人類文明嘅豐饒之地,因為人類協作共生,形成部落聚落,大約公元前四千年左右,世界史上首個農業社會應運而生。由於農業社會之形成往往係經過漫長嘅選擇同適應階段嘅成果,活躍當地嘅人類早喺新石器時代已經掌握人工種植穀物技術,因此喺短短幾千年間,農耕技術已經傳遍四方,愛琴海、地中海、黑海以至黃河文明後來之繁榮,亦同蘇美社會文化息息相關。由此可知,華夏以農立國,既非世界農業社會史上唯一演進路徑,更非優異於其他古文明,發展初期嘅大體安定,只不過係因為遠離其他族群,避過激烈競爭——公元前嘅美索不達米亞地區之所以一直經歷各個王朝嘅武力征服,呈現出華夏食人族與一般香港人唔太習慣嘅歷史亂象,正係因為區內各國都無法以閉關自守形式經營。
當人類文明因為劇烈競爭而快速成長,歐亞大陸嘅東面,以黃河流域為根據地嘅儒學鴨嘴獸則因偏安而成為華夏食人歷史敘事中嘅適者。傳說中嘅夏王國稱霸中原地區,改禪讓制為世襲制,反映出武力同資源多寡極大程度上決定歷史走向,但其後商王國直至盤庚定都於殷之前都要不停遷都,則反映縱有共主之名實,當地貴族動亂與外敵入侵卻係從未間斷。商人統治衰落之際,周人以更具道德約束力之社會文化擊敗前朝,周禮於是成為定制。如此興衰交替之現象,其實係歷史上應有之常態,因為人類存在於世,本來就係要保持開放,不斷改革,面對各種天敵同環境轉變,繼而推動世界歷史不斷向前。因此,中國經歷文革之後以改革開放為國策,向世界展示友好姿態,本質上只係扭曲自然然後放開束縛,但瘋狂嘅係,華夏食人族已經習非成是,淪落到視經濟發展自然規律為權威嘅恩賜。中國人喺近乎缺氧嘅鎖國生活之中都可以如同老鼠一樣生生不息,又更無負儒學鴨嘴獸之名——野生鴨嘴獸繁殖能力固然不如儒學鴨嘴獸,但缺乏競爭而演化緩慢則為兩者共享之特性。
而要了解儒學鴨嘴獸到底係缺乏競爭在先,抑或係拒絕競爭在先,研究與華夏密不可分之儒學即可獲得關鍵線索。華夏文化敬鬼神而遠之,以自然解釋人倫,迴避形而上學嘅傾向,眾所周知,而孔子正係其中將形而下之事睇得最重因而成為所謂萬世師表嘅代表人物。無可否認,春秋戰國時期,中原確實出現過百家爭鳴之現象,事關當時儒學尚未具備壓倒一切嘅能力,但天人合一之謬說之所以喺秦漢之後成為主流,絕對唔係單單源於某任皇帝強行推動,真正起決定作用嘅係漢帝國人民已經具有充分思想準備迎接糅合陰陽學與五德終始學之儒教。華夏食人族之精神世界貧弱,易子而食,以至道德殺人嘅文化,就係由儒教所支撐,而儒教之所以歷久不衰,到廿一世紀都有人擁護,現象背後反映嘅正係華夏食人族即使曾經擦出資本主義嘅火花,但一直都未有真正進入近世,係貨真價實嘅人類文明活化石。
精神貧弱,後繼無人
回應世人對秩序嘅需求,本來無可厚非,亦有好處,但喺華夏文化之中,理想同現實逐漸割裂,倫理地位日高,實際道德反而每況愈下。周人趕絕已征服地內之故有文化風俗,由上而下推行官方祭祀儀式,係世界歷史上相當常見之統治策略,但封土建國求安穩之後,始終要面對周天子失去民心之事。春秋時代,各國主體意識亦變得不穩,人人急於發掘治道解決眼前困境,而魯國孔子選擇嘅策略就係上追周公,重塑國家地位以自保。當時魯國歷史悠久,但政經實力皆不敵其他國家,再次從諸侯國林立之背景中突出自身自然成為孔子嘅目標。
「周禮盡在魯矣」一說,既反映魯國求助於周禮力量,亦透露孔子以先王聖道描述自己心目中嘅理想國之心,無奈再苦心經營嘅政治理論,到最後都因為缺乏小共同體而歸於塵土——如此發展,同時亦已預示後世所有真心儒者屢試屢敗嘅必然下場。孔子之政治思想,本來或者係有向善演變嘅空間,但魯國自己人唔支持,子弟傳道又力有不逮,久而久之,自然失去進入新時代嘅活力。其實,假如周公理念真係值得魯國上下傾盡全力守護,如此優秀嘅文化又豈會經唔起時代考驗,因為他國入侵而輕易失傳?對比以色列人之堅忍不拔,甚至將地方神想像成至高之神去解釋亡國滅族嘅命運,最後令猶太教釋放出自我救贖之能量,影響其他族群以至成個羅馬世界,孔門子弟嘅傳道意志,可謂相當薄弱。
周人統治早期,前朝文化仍然興盛,重視鬼神意見,事無大小都會問道於天,刻有甲骨文之龜甲出土,正係商人信仰虔誠之象徵。然而,周人之文化有別於前朝,而且對缺乏道德責任感之祖靈天帝都失去耐性,於是佢地開始相信個人意願高於神明指引,自身德行更勝上天欽點(畢竟商人亦曾經係天命所歸),結果就令神明成為政治決定嘅背書者。當神權變得低落而未有惹起嚴重爭議,人道比天道更重要之思想自然慢慢成為主流,華夏過早嘅政教分離,就令後人視人間一切都係人類事務,亦令「未能事人,焉能事鬼」成為後來孔子思想嘅基礎。
孔子死後兩百年左右,秦漢相繼而興,前者焚書坑儒,殘害儒者,後者則借屍還魂,利用儒學,儒學自此已經因應華夏土壤而萎縮變形,再未見昔日曇花一現過嘅茁壯之姿。畢竟,周人已經播好君權先於神權嘅種子,制裁政治由人定斷嘅果實亦係時候加以收割。收割之後,漢武帝以儒學包裝專制,以官俸收編文士,繼位者再興黨錮大獄屠殺少數敢言之輩,種種行為都係以唔敬神嘅周人為榜樣。公元二百年左右,東漢陷入分裂之局,周公理念終告壽終正寢,華夏文化亦正式鴨嘴獸化,而儒學幾經焊接轉化再焊接,就衍生出南宋國之民族主義、明清政權之閉關自守,以至當代中國之自卑自大矛盾心理——當華夷之辨代表排外心態,中華正統則代表自我中心,所謂「孔子學說本身係好」一語已經再無討論價值。
唯古是尚,輕薄自然
漢武帝想將儒學演繹為儒教,唔可能一廂情願推行,因為鞏固權力嘅過程引起太大反彈,就會擦槍走火,觸發動亂。換言之,在上位者收唔收窄到思想自由,係視乎民間接唔接受思想控制嘅準備。而活化石代表人物孔子之政治主張唔主張普世,唔主張反戰,是非對錯觀念含糊,可謂最有利於政權殘民自利,溫水煮蛙。
孔子主張之中,愚民反智首推「為政不因先王之道,可謂智乎」。先王所指,不論係理解成神話傳說中嘅堯舜,定係創立周禮嘅周公旦,其實都唔係完美無瑕嘅人,因為聖人始終係人。有能之人為處身於特定時代同空間中嘅人民建立社會共識,其實即係同英國普通法一樣嘅概念,過度歌頌某個時期嘅聖人,甚至要求往後嘅統治者都要複製聖人王政,簡直係忽略時移世易之自然規律。例如,神話人物神農氏之能力,在於推廣農耕技術,神話人物黃帝嫘祖之能力,在於擊敗蚩尤同推廣養蠶紡織,呢啲所謂為人民謀福祉嘅形象,其實係將人物刻意平面化加隱惡揚善嘅壓縮式造神運動,以聖人稱呼凡人可謂不合情理。雖然基督教信仰之中都有大量先知聖人,但先知聖人永遠唔係上帝,佢地只係負責傳達福音同按神意行事,最後審判之權仍然在於造物主手上,國王都要向上帝交代,人道之外畢竟尚有天道。
然而,儒教世界觀認為聖人有權替天行道,而天理既然要運行於人間,就唯有由最了解聖人之道之開國皇帝定斷。皇帝之所以自動成為聖人,係因為佢獲得五德終始說嘅加冕,咁亦即係話,天理係用於追認獲得江山嘅人間權威,天理可以係少數凡人嘅意志,天理根本同自然意義嘅天毫無關係。眾所周知,中華帝國皇帝概念(Emperor)同歐洲國王概念(King)有異,主要分別就係前者係天人之間溝通嘅中介,即使係貧民出身都一定係天命所歸之聖人,成聖之後就會自動同平民身分徹底割裂,而後者重視貴族血統,繼承領地只因家世顯赫,管治之時都經常要同教廷或教會爭奪權力。明白到兩者分別,兩種發展模式之相異即刻呈現眼前:平民爭奪聖人頭銜,華夏因而自陷於惡性循環,貴族爭奪俗王寶座,歐洲則逐漸走上協商之路,簡而言之,儒教可謂罪魁禍首,但產出儒教之族群亦難辭其咎。
審視返華夏神話,神農氏以身試藥嘅實證主義有貢獻,唔代表佢係仁義之人,黃帝攻打原居於中原地區嘅蚩尤部落,更分明係武力征服,後世儒者咁都可以話「君臣朋友之倫,亦為聖人所立,故人知之」,可見崇拜權威之頑疾已經積重難返。華夏食人族甘心接受統治,儒者更孜孜不倦於以聖人概括古代有能之人,不斷將有能者同有德者混為一談,直接導致嘅結果就係華夏文化總係有陳義過高、厚古薄今嘅傾向,而長遠後遺則係信史非史,真假混集,社會進程不進則退,如同鴨嘴獸一樣停止演化。
因為拒絕面對歷史,拒絕相信聖人非聖,拒絕與時並進,抑制商人同民不聊生最終就成為中國歷史書上最常見嘅兩個四字詞。戰國時代,商鞅入秦推行變法,已經提倡重農抑商,壯大地主階級力量,希望社會經濟停留喺農業主導嘅階段;至漢武帝執政,社會經濟再次興旺,朝廷又以新經濟政策打擊商賈,妨礙商品經濟發展,只為平息紛亂;其後儒者王莽篡漢自立,面對農民賣地,商人買地,土地兼併導致民不聊生之局,新政府嘅對策將儒學發揚光大,參考周禮推行終極復古,以井田制之名充公土地,再次分配,胡適形容佢做「一千九百年嘅社會主義者」,可謂無意幽默而更顯幽默。概而言之,儒學之本質,就係深信只要倒帶歷史加高舉禮教就會改善社會爭逐名利之亂狀,儒者之本質,則係真心推廣從根本上消弭階級生成空間之聖人必聖學說,既然如此,共產主義會同華夏文化無縫對接,自然合乎邏輯。
擁抱階級,拒絕天道
商品經濟係農業社會不斷發展就必然會走向嘅新階段,而唐帝國之所以重視貿易,所謂中國歷史都曾經有過資本主義之說,則係受益於儒教正統地位一度旁落。漢帝國時代,朝廷長期徵用異族士兵對抗異族,久而久之,異族亦定居中原,各族文化因而融和。其後,異族勢力隨時而增加,趁漢帝國崩解之際建立政權,更多異族大舉遷入中原,衝擊原有文化,儒教逐漸不敵佛教,平民精神世界亦因佛教傳入中土而稍為開闊。北朝政權一輪混戰過後,北周成為強國,然後楊堅取而代之,建立隋國,但僅僅經歷兩代君主,即敗於李唐,最後,面向世界之鮮卑文化正式主導中原,舊漢氣象因而大變,中原自由之風可謂空前絕後。故此,唐帝國時代,政權非但無意效法周禮解決經濟問題,更順應社會互信逐漸建立嘅趨勢,開創出前所未見之榮景。究其原因,並唔係君臣相契,而只係在於唐人未受儒教繁文縟節所限,敵視異族文化之心淡薄,亦無法接受只講倫理、盲從古制之落後觀念。
十世紀初,李唐由盛入衰,遊牧民定居日久,節度使手握重兵,地方力量割據,擊碎帝國模型,而以漢人領袖自居之趙宋亦乘機佔地稱王。積弱不振之趙宋定都汴京,再偏安江南,最後都係不敵其他政治力量,根本原因就在於世界秩序層層加疊之結晶品必然會超越華夏疊一層又刮清一層返回起點之墨守成規。丸山真男認為,儒學所呈現嘅世界觀,係從自然現實嘅觀察中演繹社會關係,即係將人間之事反映於自然界,呢種認知模式喺人類思維嘅初級階段其實係屢見不鮮,正正點出點解死守祖宗家法係不可取。研究前人經驗,抽取合乎自然之道加以發揚,係人類一直穩步前進嘅基礎,而因時制宜而精進,從來都唔係易事,任何部落、城邦、民族脫穎而出,都一定係有佢地嘅適生之處。華夏食人族之所以適生而又非適生至今,靠嘅就係閉縮世界一角,始終堅持以力服人,排斥人心善性,以無神論掏空平民對死後世界想像,令平民專注今世之禍福。佢地唔相信天堂地獄,唔相信真主在上,更唔相信八百萬神明時刻存在,就連因果報應之說亦唔會對佢地構成實質心理壓力。終於,仁義禮智倡於市,即演變成虛偽造作,中庸之道行於世,即演變成折衷妥協,三綱五常為定法,即演變成父權壓迫,儒教之流弊,盡見於當代中國社會。
孔子真心相信貴賤有序,君臣有別,佢推崇仁義嘅目標只係想維護社會秩序,而唔係期望小人質地嘅人有朝一日變成聖人。天人相關之世界觀,係孔子理念之核心,即使天人合一同性即理係後人加以發揮,亦唔代表孔子本人係意識到天道但刻意存而不論。而朱熹生逢社會排外心態熾熱之際,主張「聖賢千言萬語,只是教人明天理、滅人慾」,則向下開啟魯迅式精神勝利法。戴震批評朱熹理學,「酷吏以法殺人,後儒以理殺人」,與外儒內法之華夏治國之道相呼應,本居宣長直言「儒者用儒道古聖人之說,佛道用佛之說,以定其理,於儒佛之中選取優劣,名之為道,皆己所私作之道也」,更係一矢中的。假如儒學所倡之君臣父子關係為恆定不變確為千古之法,父對子如同天對地,夫對婦如同陽對陰,階級社會合乎天理,咁古埃及王朝嘅「法老祭司—官吏軍人—商人農民—奴隸」社會制度同印度社會已經廢除但影響猶存嘅「婆羅門—剎帝利—吠舍—首陀羅—賤民」社會制度又有何不當?印度賤民女性生而為高階種姓男性之性器,應當承受施暴,若然理據來自種姓制度規定,又何以於理不合?當今印度社會之所以輕視女性,正正就係因為人類將人為之定制誤奉為金科玉律,唔再與時並進。當法老之墓已經風化,種姓制度亦已廢除,華夏儒教竟然仍然受到無知之徒狂熱吹捧,現代人除咗同情,大概亦只可苦笑。
人類之所以生於人道,在於人道生於天道,所謂天道即世界秩序、自然規律,難以名狀,但世界各地嘅神話同宗教正係人類解釋自身對天道如何理解嘅參考,只要加以比較,就會理解儒學鴨嘴獸原地打轉之演化史既罕見亦唔算罕見之處。希臘神話、北歐神話、日本神話等神話體系之中,諸神品格並非無可挑剔,但正因為諸神各有瑕疵,以天理操縱凡人之事至得以避免,因為人間之上有天神,天神之外有宇宙。漢武帝之後,所謂儒者,僵化大腦之內充斥盲目抵制外國之執念,又堅持凡人必須接受教化方可由惡轉善,所謂人本思想由此更見粗陋。
取締腐儒,遺毒自清
香港歷史自開埠起即與華夏食人族分道揚鑣,儒教思想早已隨年月而淡化,國體安定之後,新政府與學術界亦應以全面否定儒教遺毒為要務。回顧香港歷史,前人對中國革命事業嘅熱情確實高漲,而二戰之後,居於香港但卻心繫故國嘅人亦不在少數,但對香港民族新世代而言,反民主、反自由以致反歷史嘅華夏文化,已經變得陌生。即使中小學一直受到教科書論調洗腦,但大多數香港人都已經從中共暴政同華夏食人族真心擁戴不義政權之驚人現實之中,明白到中國政權同中國人之社會共識你中有我、我中有你嘅恐怖真貌。所以,只有徹底排除儒毒,解構華夏,香港民族至有可能正本清源,堂堂正正步上獨立之路。
二十世紀初,滿清帝國倒台在即,稍有學識之革命人士如梁啟超抄襲西方民族主義,虛構出中華民族概念並加以普及,尚未進入近世嘅中國平民照單全收,忽然就成為炎黃子孫。華夏可與古埃及、巴比倫、古印度並稱「四大文明古國」之荒誕主張,亦係梁啟超得意之作。香港華人定居香港日子尚短,難免關心故地政事,香港歸屬尚未生成,積極參與中華民國內政者不在少數,何東之第三子何世禮放棄英國國籍而加入中國國民黨,戰後按黨指令促成港台貿易,直至1973年返回香港都繼續辦報為國民黨作政治宣傳,正係出名例子。
另一相當熱愛中國代表,則必定要數中大新亞書院創辦人錢穆。余英時形容佢「一生為故國招魂」,可見錢穆終生以所謂國學推廣者自居,完全未有因移居香港而改變舊思想。昔日香港中文大學成立之時,錢穆極力取爭院校首任校長必須係中國人,又認為中文大學應以中文為教學主要語言因而堅持以「香港中文大學」命名,中國認同昭然若揭。佢對自己想像中嘅中國一往而情深,因而流露一種彷彿終生從未接觸西方與東洋思想之固執,重申中國傳統政治唔可以僅僅以西方之君主專制簡單概括,實為「一種自適國情之民主政治」——視唐帝國為一個中國、主張唐之三省制有效制約君權、中國之常態係和多於分等等,都係落伍到無以復加嘅一管之見。而由佢生前曾經講到美國就發狂,指住門口一隻狗當佢係美國前總統杜魯門咁痛罵,更講出狗都比杜魯門有尊嚴呢類軼事觀之,佢嘅生平係完全符合一個愛國儒者嘅典型形象。如此人物,即使對本地大學教育事業有所貢獻,但情緒上狂熱反美反帝,又為中華帝國千年專制辯護,學養實在需要重新評估。
無可否認,大量香港前人視野受時局影響而繼續以中國人自居,但如此現象持續至香港前途談判時期,已經開始生變。香港人雖然尚未完全去除原有認同,但香港文化喺無形之中已經重塑緊大眾嘅心理,只係香港人發現唔到自己一邊做中國人,另一邊又希望維持英殖原狀之精神分裂。呢種精神分裂之下嘅集體意識流動,其實就係香港人成為民族前嘅心路歷程,而一百八十年嘅潛移默化所實現嘅厚積薄發、飛躍進步,非但唔係儒家教化而致,更係完全因為親近西方同時遠離華夏而成。
脫華復性,重新做人
所謂親近西方,更準確嘅講法其實係脫離華夏,恢復人性。儒學本身具有箝制思想之效,自漢武帝獨尊儒術已見一斑,名為推廣文教,實則罷黜各家各派思想體系;南宋朱熹理學號稱重振道學,實際上只係以嚴厲道德批判約束平民,同時助長社會無道德無責任之風;至明之世,統治者為求維持社會穩定,藉科舉制度推動儒教洗腦,應舉者因而受到顧炎武所指之「八股之害」,最終心腦俱殘,民智盡廢。儒學鴨嘴獸分泌之毒液之所以毒,在於人性本有善心,社會發展本有規律,無論任何年紀,都自然會心懷慈愛,無論任何職業,都應該以誠待人,但儒教竟一味高舉聖人之教,無視人類生而擁有之情感與本能,以及可以憑藉強大意志戰勝自身惡念之潛能。結果,華夏食人族因為遺忘人性而更難消滅食人文化,每日猜忌鄰里甚至親人,惶惶終日,最後只可以加入恐懼共同體以求自保;而香港先民因為勇於走出重圍,移居自由天地,最終就喺講究契約精神同市民權利嘅英國殖民地落地生根,開花結果。
〈皇后大道東〉歌詞提及「知己一聲拜拜/遠去這都市」,知己所指正係英國。香港人當時之所以認為知我者莫若英國,其實係因為尚未意識到真正嘅原動力始終來自自身,而非他者。的確,「這個正義朋友面善又友善/因此批準馬匹一周跑兩天」,英國殖民統治為香港先民提供比華夏食人族領域更自由嘅生態系統,但「百姓也自然要鬥快過終點」之「自然」二字,其實只係香港人之自然,並非任何人都可以做到,因為香港人願意為家人付出,亦積極計劃未來,再好逸惡勞都始終希望跟隨社會流動,成為中產。香港人樂天而散漫,靈動而急躁,好食懶飛、輕言放棄者大有人在,然而,大家從未向惡勢力低頭,正係因為心中有愛,是非分明,始終相信只要肯做肯試,凡事皆可能。
香港人開朗樂觀,自覺鴻運當頭,源於香港歷史順風順水,寄居香港,有付出就必定有回報。香港位處東西之交匯處,立於風暴前線,但自開埠至廿一世紀初,城市內部大體風平浪靜,經濟偶有受挫都總係快速復原,貨如輪轉,財源滾滾來,香港人因而難免自覺好彩。加上,香港人長期觀察邊境以北之民間疾苦,對比之下,落戶香港有如抽到上上籤之感,自然油然而生。然而,香港人心中亦一直暗藏惰性,雖然知道不勞而獲只屬幻想,但仍然難以戒除受華夏食人族文化影響之少做少錯僥倖心理。不過,香港人有小聰明,學習能力強,享有相當教育水平,配以外資林立之營商環境以及因自由開放而格外開闊之國際視野,醒目仔女形象相當鮮明,心懷僥倖都一直過到骨。香港人思維靈活,重視規則但絕不死板,生活上體現為擅長與來自世界各地之人溝通,寬容接納各式文化,抗爭時則表現為手段多樣,變化莫測,創意無窮,正係醒目之明證。不過,一般而言,香港人唔係以堅守原則而廣為人知,急功近利與缺乏耐性,常見於日常生活及工作,可以敷衍了事則必然得過且過,節省成本心力,亦係香港人之特點。由此可知,香港人之民族性,與告別華夏食人族之香港歷史緊密相連,全靠一代接一代發揚人性,一點一滴累積而成,香港民族形狀方有今日之清晰可見,後人應當追認珍惜。
華夏毀滅,東亞振興
霍布斯認為,人處於自然狀態難免侵略他人,故此強大政府結合嚴刑峻法,方可防止人類作惡,喺著作之中,佢更以神話中嘅海怪利維坦比喻權力無限膨脹之政權,形象鮮明而震撼。如此思維,正與華夏食人族之認知經驗相似,兇猛海怪與儒學鴨嘴獸之相似,自然亦合理不過。當我回想遠足當日尋覓野生鴨嘴獸,行到設有指示牌之處時之興奮,守候多時而更覺眼前湖景乏善可陳之悵然若失,我突然就諗起黑格爾對中國歷史之精準概述——不停將歷史推倒重建,只不過係「重複終古相同之莊嚴毀滅」。人類文明史上有戰有和,興亡交替,但整體一直係向建立契約、互相約束、互相理解邁進,生活亦因而變得更加美好,無奈華夏食人族一直錯過改革機會,最終就只可以凍結於遠古之世,停留於保護自己免於遇害身亡之原始時期,無法離開every man is enemy to every man之悲慘國度。
中國解體之後,以理殺人之儒教枷鎖將會同時崩潰,滅頂之災會令華夏文化追隨者真正意識到自身信念之不合時宜,而中國治下飽受壓迫嘅大小族群將會經歷西方族群早已經經歷過嘅後帝國時代,呼吸道聽途說已久之自由空氣。建設之路雖然長路漫漫,但天花拆封之後,非你死則我亡之敵對心理自此鬆綁,以日本為秩序維護者之東亞各國將會長久和平共存,而香港建國,既要與日本台灣攜手合作,鞏固東方連繫,亦要促進北方初立諸國與已發展國家之政經交流,扶掖後進。香港深受東西文化薰陶,輝煌歷史已達一百八十年,經驗之豐富絕對不遜色於世上其他喺戰後至按住民自決原則建立嘅國家。只要繼續精進自身,分工合作,堅持到中共主動挑起戰爭之日,香港民族自然會戰勝黑暗,浴火重生。
精進之真義,在於將好戰之意約束於一己體內,以批判他人之態度自我批判,每日反省,每日悔悟,直至重新發現香港民族本已有之嘅人性,成就自己同民族全體。而人性之內,本來就應該有順應天道與愛護他人之心,因為香港民族既然一早已經從華夏食人族之無神論輪迴中自我解放,自然亦等同回歸最初之善良。幾年之後,中國勢將發動戰爭,殘害香港民族,兩國平民難免要兵戎相見,但我相信香港民族大獲全勝之後,絕對唔會重蹈華夏食人族覆轍,冤冤相報,種下更深仇恨。相反,香港民族經歷正義之戰後,將會胸懷促進全人類之道德觀及世界觀差距繼續收窄之美好願景,上承抗爭時期齊上齊落口號,由學識寬容對待民族同胞開始,發揚民族內部應當愛人如己之團結精神,為日後同敵人亦可冰釋前嫌鋪路,成為更成熟嘅民族。只有維持香港文化中一直存在之宗教多元主義,勇於承擔為區域和平竭盡所能之重任,香港民族至會既可確立香港國體,同時再次成為名副其實嘅自由香港、東方之珠。
https://gnimmm.com/2020/06/11/chinese_platypus/
特別鳴謝同道 歪畸 贈圖
淘寶順豐集運教學 在 alex lam Youtube 的精選貼文
-------------------------------------------
最新酒店住宿優惠介紹
https://youtu.be/VAcuWD4MCQc
-------------------------------------------
而家仲係疫情期間,盡量都減少用面對面交收
咁今次改去順豐自取櫃取件 免去等侯送貨員同面交既問題
仲可以24小時自助
早上9點半出貨,第2日早上收到SMS通知可以取件
30小時內要去櫃到取件(短訊寫)
去到智能櫃輸入密碼就會自動彈出對應既櫃號
取件關門就搞掂,十分之方便
順便智能櫃地址
https://www.sf-express.com/hk/tc/other_services/intelligent_cabinet/ef_locker/
#順豐快運 #SFEXPRESS #順豐 #順豐自取 #順豐智能櫃
#HKBLOG
貨件到達順便智能櫃後,必須收到通知30小時內(包括假日)提取
如客人未能於使用時限內取出包裹,將在之後24小時內把未提取的包裹從智能櫃中拿走,將該包裹送回倉庫
地區街拍LIST
https://www.youtube.com/playlist?list=PLMHInmp-ZMmDtsBKwzhey7YJA2FQ_ezO5
![post-title](https://i.ytimg.com/vi/cSMVq-rk18E/hqdefault.jpg)
淘寶順豐集運教學 在 alex lam Youtube 的最佳解答
http://www.mrlamsan.com/2018/11/TAOBO.html
自提櫃自取快捷方便
現在支援店家比以前更多,連國際轉運都可以安排自取
集運意思 例如你有3件貨,如果分開寄就收3次運費
集運就將3件貨寄去貨倉,貨倉將3件包成一件,只收一次運費,而且係比較便宜費用
26號付款,27號到集運貨倉,28號由貨倉出貨,29號就收到了!
運費一般都節省50%以上
自提櫃,輸入收到既SMS 密碼就可以取件,24小時都可以取
#淘寶 #4PX #淘寶教學 #國際轉運
#智能櫃
#集運
#開箱
http://www.alfred.delivery/alfredPc.html
![post-title](https://i.ytimg.com/vi/C0Rgdvrpyiw/hqdefault.jpg)
淘寶順豐集運教學 在 Bunny's Dressing Table Youtube 的最佳解答
#淘寶化妝掃開箱 #淘寶化妝掃 #平價化妝掃
♥ Please give me a thumbs up and subscribe for more videos! ♥
|| FIND ME AT ||
|Instagram| abcdefgnes
|Facebook page| agnesltyx
|Email| [email protected]
- Products Mentioned -
受受狼 | 彩虹Beauty Blender
https://item.taobao.com/item.htm?spm=a1z09.2.0.0.c7562e8dkRKYQ0&id=583081105139&_u=a2dc9kp10f3d
受受狼 | T103 Blush Brush
https://item.taobao.com/item.htm?spm=a1z09.2.0.0.c7562e8dkRKYQ0&id=40547548602&_u=a2dc9kp138c4
MAKE UP FOR EVER | #128 Precision Powder Brush
MAKE UP FOR EVER | #150 Sculpting Brush
Zoeva #227 Luxe Soft Definer
Zoeva | #232 Luxe Classic Shaper
Sigma | #E40 Tapered Blending Brush
Wet n Wild | #Contour Brush
Real Techniques | #Setting Brush
- TAOBAO LIST -
受受狼【桃红长柄15支化妆套刷】新手初学者套刷散粉粉饼刷化妆刷
T103腮红刷 RMB 10.5
T104修容刷 RMB 10.5
T101散粉刷 RMB 21.7
https://item.taobao.com/item.htm?spm=a1z09.2.0.0.40a82e8d5dngoN&id=40547548602&_u=a2dc9kp138c4
受受狼化妆刷清洁盒 眼影刷干洗清洁盒 洗刷海绵不伤刷毛
RMB 10
https://item.taobao.com/item.htm?spm=a1z09.2.0.0.40a82e8d5dngoN&id=547738623398&_u=a2dc9kp11e97
受受狼 虞美人三代13支化妆套刷 散粉刷腮红刷高光刷眼影刷
RMB 99
https://item.taobao.com/item.htm?spm=a1z09.2.0.0.40a82e8d5dngoN&id=577973374037&_u=a2dc9kp1058e
受受狼小彩虹12支化妆套刷仿生纤维毛速干散粉刷眼影刷包邮送刷筒
RMB139
https://item.taobao.com/item.htm?spm=a1z09.2.0.0.40a82e8d5dngoN&id=579835443765&_u=a2dc9kp15a63
FTC: This video is NOT sponsored.
My tags: 淘寶 化妝掃 化妝刷 淘寶化妝掃 淘寶化妝刷 淘寶化妝掃分享 淘寶化妝刷分享 光影掃 眼影掃 胭脂掃 碎粉掃 散粉掃 光影刷 眼影刷 胭脂刷 碎粉刷 散粉刷 淘寶光影掃 淘寶眼影掃 淘寶胭脂掃 淘寶碎粉掃 淘寶散粉掃 淘寶光影刷 淘寶眼影刷 淘寶胭脂刷 淘寶碎粉刷 淘寶散粉刷 分享 購物 試穿 開箱 淘寶購物 淘寶分享 淘寶開箱 淘寶開箱分享 淘寶購物分享 淘寶試穿 淘寶試穿分享 淘寶購物試穿 淘寶購物試穿分享 購物分享 飾物分享 飾物配搭 衣服配搭 推薦 淘寶推薦 飾物推薦 穿搭推薦 淘寶衣服 淘寶衣物 taobao try-on haul taobao clothes 連身裙 淘寶連身裙分享 夏天衫 夏天衣服 外套 大衣 淘寶夏天衫 淘寶夏天衣服 淘寶連身裙 淘寶外套 淘寶大衣 雙11 雙12 雙十一 雙十二 11.11 12.12 1111 1212
![post-title](https://i.ytimg.com/vi/Us7wjpM9Kao/hqdefault.jpg)
淘寶順豐集運教學 在 台灣順豐速運- 集運教學看這裡 天貓/淘寶集運 - Facebook 的推薦與評價
集運教學 看這裡 天貓/淘寶集運,集運就選順豐速運! #台灣順豐#一條龍服務#集運最安心 客服專線:0800-088-830. ... <看更多>
淘寶順豐集運教學 在 淘寶新手整理教學。如何付款+集運篇 - 網路購物板 | Dcard 的推薦與評價
賣家直送選擇第二個"淘寶集運"後會出現以下幾家集運商可以讓你選擇稍微看看運費就知道最便宜的是增利-新竹但原po第一次買時是用順豐評價比較好自己也 ... ... <看更多>
淘寶順豐集運教學 在 [問題] 淘寶台灣集運直寄問題- 看板e-shopping - 批踢踢實業坊 的推薦與評價
最近創了帳號下單碰到了一些問題
我網路購物很少問客服 都直接下單
地址填寫台灣地址 選擇官方順豐集運
選擇用銀行轉帳方式
玉山銀行實名認證後 拿到一組銀行帳號
我就直接付款了
然後我又去買了其他東西一樣的流程 付款
看似很順利 我付款完私訊賣家說我付款了 可以直接寄到台灣吧?
然後然後店家說不行 要自己聯絡集運商
我不會弄得話要我申請退款
我在另外一個賣家也得到同樣答案
是不是我這樣付款完不代表買到了?
我有上網爬一些文 好像有分兩種
一種找私人轉運商 就要填寫他們中國地址
然後他們集貨完再一次轉運到台灣
另一種是填寫台灣地址 官方集運會直接幫你轉運
我地址直接填台灣 順豐也無法幫我轉運嗎?
還是我要去連絡順豐?
抱歉問題很雜 第一次買淘寶請見諒
--
※ 發信站: 批踢踢實業坊(ptt.cc), 來自: 180.176.133.171 (臺灣)
※ 文章網址: https://www.ptt.cc/bbs/e-shopping/M.1564214141.A.FA8.html
也不是違禁品
※ 編輯: thrco (180.176.133.171 臺灣), 07/27/2019 16:13:50
我真的還須爬文
所以我這訂單應該是可通行的吧
尺寸重量都符合標準的話
※ 編輯: thrco (180.176.133.171 臺灣), 07/27/2019 16:41:20
... <看更多>