【用支付寶的女孩】
成點鐘喺深水埗落客後，顫顫巍巍咁穿過縮細咗嘅攤檔之間，凸出嘅支架無聲警告我唔好撞埋去。忽然有個深紅色行李箱自轉住飄出馬路，直飄到路中心，佢嘅主人先搖搖晃晃咁追上黎。
耀眼嘅車頭燈照射下，衣衫單薄嘅行李箱主人玲瓏曲線表露無遺，雙手捉住行李箱，對我大打眼色，似乎係想截車。勾勾手指示意佢上車，點知佢走黎司機位，問我去旺角幾多錢。略略考慮後，我落車睇住佢將行李箱搬入車尾，跟手放好少少個行李箱時，女乘客又搖住去上車。搞笑嘅係佢首先開車頭司機位門，打開門後先柒下柒下行去左邊上車。
開車後我問佢究竟想去旺角邊度，女乘客用帶唔知邊度口音嘅普通話講嘢，十句先明五句。又話去地鐵站，又話要搵人接，叫我去住先。咁都OK嘅，反正去到旺角就趕佢落車，自己搵路都問題不大。來回溝通幾次，先話去旺角站A2出口，考起我。去親旺角都係用E出口多，其他出口都會用，但行慣行熟，唔會記得係咩出口。又地圖又問人，終於搞清楚係砵蘭街嗰邊。
去到附近，女乘客先問我有無得用支付寶俾錢，被拒絕後就大談香港電子支付方法嘅落後：「香港真是麻煩，不能掃一掃就成。」「我哋有八達通啊，你有八達通我可以收啊。」「我只來七天，不買八達通啦，又要額外買，這麼落後。」
我心頭有氣，但係亂屌佢好似唔係咁好，始終人地唔係返緊工，所以我轉個方法：「無關係啦，香港人唔用支付寶唔關方唔方便事。你有聽過，給女孩一個家，就是嫁的口號吧？」講啲好似唔關事嘅嘢，令乘客嘅情緒平復少少後就繼續。「後來延伸，給女孩一張票，就是嫖，那你知道為何女人不應用支付寶了嗎？」女乘客雙眼都幾大，口張開自自然然成正圓形。我停定再加埋行李費後開估：「給女孩一張票，就是嫖；女孩用支付寶，就是妓，所以，不要用吧。」
喺砵蘭街眾多粉紅光管包圍下，女乘客落咗車東顧西盼，等候黎接送嘅人。明明有現金，偏偏要自取其辱，呢啲乘客真係好搞笑。
----------------------------------------------------
廣告時間～
我的你的紅的X全職獵人FullTime Headhunter嘅《夢·想探戈》見面分享交流會已經開始接受報名，12月22號星期六，兩點到五點，十二月前報名有早鳥優惠價，唔收支付寶。報名請到：
https://docs.google.com/…/1cvGYBvvLZ93PItOkxBNvU1xt8HO…/edit
