關於 渣打香港150週年慈善基金 ，我們在網路上蒐集到這些相關的討論、資訊與評價

【 慧惠 X 城市閘誌： 地茂館甜品 】
.
喺地茂館中式傳統甜品店，小妹就品嚐咗用3個鐘燉製嘅 原盅生磨杏仁蓮子百合，濃郁好味，值得推介。於是我就將這碗甜品畫喺鐵閘上面，亦希望大家多多欣賞中式糖水嘅可貴。❤
.
傳統糖水健康養生又滋味，美味背後有賴甜品師傅堅持選材講究、認真炮製食物：例如係白果全部都係親自剝殼去衣挑芯嘅，因為原粒白果比預先去殼去衣嗰啲來貨，味道好好多。由於糖水是自家手製，所以工夫也特別多，從浸豆、磨豆、炒芝麻、炸合桃到切芒果等，就連連隔豆渣、合桃渣所用的網袋，都係親自製作。老師傅對鋪頭多年來着緊守崗位，盡心盡力做好甜品。❤
.
出色甜品店嘅生意亦緣於一份家族生意嘅堅持，現時甜品店第二任老闆Judy，不忍因為無人繼承父親衣缽而要將經營了二十多年的甜品店結束，更希望能夠將中式糖水這個傳統行業傳承下去，見證着兩代人的堅持。
.
最後多謝Judy嘅信任，香港青年藝術協會、城市閘誌嘅安排，渣打香港150週年慈善基金嘅贊助，以及拍檔 Collinfer Collins 嘅協助。
.
城市閘誌2019展覽 :
* 時間：4月9號 - 4月24號
* 地點：九龍城廣場B1樓層大堂
* 費用全免，由香港青年藝術協會主辦、渣打香港150週年慈善基金贊助嘅「城市閘誌」社區藝術計劃 Hong Kong Youth Arts Foundation 城巿閘誌 HK Urban Canvas

【 慧惠 X 城市閘誌：榮記五金 】
.
「由一塊不銹鋼片製成一個盆子，郭兆榮先生不需任何黏貼工具，看起來就像摺紙般。」呢句就係小妹第一次睇住郭生揼不銹鋼片嘅感受。小妹希望將郭生工作過程畫喺鐵閘上面，籍以宣揚正失傳嘅民間工藝。
.
郭生（花名：大口）喺鴨脷洲威咗至少四十多年喇，由佢細細個喺鴨脷洲打交，至成為打鐵師傅，到依家擔任鴨脷洲康樂部主任。郭生為鴨脷洲社區服務數十年，街坊人人都識佢。閒時郭生中意坐喺舖頭門口同人傾計，特別會關心女街坊近況，並望住鴨脷洲小島街道發生嘅一切和人生百態。
.
鴨脷洲係一個有濃郁文化色彩，凝聚力強嘅社區，每年農曆二月十三日舉辦嘅鴨脷洲洪聖傳統文化節，喺2014年被列為「香港非物質文化遺產」，文化節節目包括有：接神儀式、放水燈祈福、傳統龍舟拜廟、賀誕會景巡遊、正誕日(洪聖寶誕)進廟祝壽上香祈福、賀誕神功戲、宴請紅伶晚宴、頒贈旗典禮、綜合表演晚會及送神儀式等。
.
最後多謝郭生嘅信任，香港青年藝術協會、城市閘誌嘅安排，渣打香港150週年慈善基金嘅贊助，以及助手青蛙嘅協助。
.
城市閘誌2019展覽 :
* 時間：4月5號 - 4月23號
* 地點：香港仔海濱公園
* 費用全免，由香港青年藝術協會主辦 Hong Kong Youth Arts Foundation、渣打香港150週年慈善基金贊助嘅「城市閘誌」社區藝術計劃 城巿閘誌 HK Urban Canvas

【 慧惠 X 鴨脷洲水月宮 🎨 】
.
小妹👩🏻‍🎨望住中學生畫畫畫得咁陶醉，自己都心癢手癢畫埋一份！鴨脷洲水月宮(觀音廟)已經有超過一百年的歷史，廟內仍存有清朝光緒十七年(一八九一年)所懸掛的「水月宮」牌匾及重修碑記，顯示本廟早於一八九一年已經存在。而水月宮旁邊嘅榕樹亦伴隨住生得好靚，而小妹就將這片綠油油嘅土地畫出來了❤～
.
香港青年藝術協會主辦、渣打香港150週年慈善基金贊助嘅「城市閘誌」社區藝術計劃作品展覽 :
* 時間：4月5號 - 4月23號
* 地點：香港仔海濱公園