第22馬：名古屋女子馬拉松
上年年尾已經報咗名，係為咗賽季目標Sub 340跑嘅一個後備賽（當然仍未跑大阪馬）。聽跑過嘅朋友講，條路好平好好跑，而日本3月天氣多數唔熱，就落左韱去抽，又抽中了，又俾＄了。
3星期前嘅渣馬，因為一時心急拉傷大腿，腳踭一落地就痛。睇咗幾次醫師，休息左兩星期，跑咗一個10K試腳，雖然完成到，但康復到乜嘢程度自己心中有數。
有擔心過跑唔完，但既然報左點都會一試。比賽前一日試腳跑左3K，好似又好返D，至少冇痛了。目標？PB自知之明冇可能，但仍然心存一點希望想Sub 4😅
比賽當日，一如以往嘅搞肚痛，好彩趕得切排隊去廁所，排隊條龍有200幾人🤦🏿♀️寄完行李，C區上線，女全部都係女，感覺好奇妙，個個都係開心嘅好似嘉年華咁，自己都輕鬆好多。一起步，路好窄，守秩序隨人流慢jog，去到2K幾開始冇咁多人，可以用返自己pacing跑。10K前跑得舒服，冇雨但有D熱，一手拎左杯嘢倒落頭散熱，原來係運動飲品🙄
14、5K開始，雨愈落愈大，右腳開始出問題，先係痛，然後好似痺左發唔到力，開始驚，點算好，仲有大半程。我嘗試搵相機位分下心，又望下前面D女仔著乜嘢鞋乜嘢衫分散注意力。每次有朋友叫我加油，對腳又好似醒返D咁。如是者跑到差不多一半，我停低左，好想撤，突然覺得好孤單，流咗幾滴眼淚，覺得好凍，身上都冇＄點撤🤦🏿♀️
濕凍到起雞皮，於是又繼續跑保䐘，Pacing不斷跌，有D心灰，但我又好似開始接受咗對冇力嘅腳。
去到30K左右，一路跑一路覺得自己好冇用，意志呢？拎左部電話出嚟玩咗一陣分散注意力，原來自己內心很軟弱。去到尾段，又好似順返D，沿途又開始有人打氣，我終於笑得返，原來自己有能的做到，係唔需要撤退嘅。
完成一刻，終於唔趕時間㩒錶，笑住衝線。I am proud of myself😭 成績唔係最好，但我靠自己能力完成了。
謝謝禮服男Dennis與我合照，很高興認識你，也謝謝你讚我叻，其實每一句讚美都好感動，特別係心靈最脆弱嘅時候😊
最後想講，女性的意志力很驚人，尾段見大家都攰，但冇步兵吖！
#謝謝擔心我腳傷主動介紹醫生俾我嘅人
#謝謝知道我玩電話不是為玩的人
#謝謝叫我堅持埋佢唔好放棄嘅人
#日本馬係咪完美見仁見智
#我淨係知我自己鍾意跑就夠
#有時間留意人跑乜不如專心D練習啦
