Search
自從薯B識行識走之後
我就開始要做「跟得MAMA」陪佢通屋走
撞啱工人姐姐放假真係冇乜時間做家務
廚房成日都有成堆奶樽未洗
見到入面啲奶漬真係頭都痛埋
🤯
好彩急Call到bb威寶救命
佢帶埋支「奶瓶及蔬果濃縮洗劑」上嚟
幫我哋手洗走晒啲奶樽嘅細菌同奶味
仲順便用洗劑洗乾淨埋我哋今日要食嘅生果
❤️❤️❤️
bb威寶臨走之前話仲話我知
佢哋嘅「嬰兒衣物濃縮洗劑」、「消毒搓手泡泡」、「嬰兒用品及玩具清潔消毒噴霧」同埋「有機竹纖維濕巾」都係初生嬰兒家庭嘅清潔好幫手
叫我隨時再搵佢做奶媽
😆
各位湊B湊到踢晒腳嘅BAMA
快啲搵bb威寶啦：https://bit.ly/bb威寶在線等
《懷孕後及早做的五件事》
最近有幾個朋友都不約而同向我秘密透露懷孕消息，諗返我第一胎，岩岩見到驗孕棒上個十字，心情係興奮，但同時都不知所措，原來開心還開心，有啲嘢都真係要做。
第一件事：預約婦產科醫生
雖然驗孕棒既準確度已高達99%，不過都要確認受精卵係適當位置著床。我第二胎係計劃懷孕，所以5週就知道有左，好心急咁book左去睇醫生，但週數太細， #超聲波 照唔到，照埋陰道超聲波都睇唔到受精卵既位置，醫生話 #驗孕棒 呈陽性，即係身體已經有 #孕激素，所以係懷孕，不過因為確認唔到位置，所以未能夠排除 #宮外孕 既機會。聽到佢咁講，返屋企睇左好多宮外孕既資訊，好擔心。第9週再去照超聲波，除左見到位置，仲見到手仔腳仔，終於鬆一口氣。
另外，見完醫生，醫生就可以推算一個 #預產期，之後既事都係跟住呢個預產期做架喇！
第二件事：請陪月
#陪月 有好多，但好既陪月就難搵，就算有通常好早full，所以我5週個時，未知陀唔陀得穩、會唔會宮外孕，就已經book定上一胎個陪月姨姨。生完BB，身體虛弱，休息同調理好重要‼️陪月要照顧虛弱既產婦、軟綿綿既初生BB，要肩負咁大責任，一定要揀岩人。
第三件事：去公立醫院登記
生之前同啲朋友傾開，知道 #公立醫院 非常支持 #順產，而我又好想順產，於是生巧兒時就據當時住處，去左威爾斯。之後先知，原來懷孕11-13週，醫院會安排照超聲波度BB頸皮，呢個階段屬於 #早孕期篩查，可檢測出約90% 的唐氏綜合症的胎兒，如果14週之後，就冇得 #度頸皮。到生細佬，因為疫情關係，公立醫院禁止陪產同探訪，所以一直都計劃去私家生，不過公立都照登記先，比自己有多個選擇，私家醫院反而遲下先落訂都冇問題。
第四件事：安排照顧BB人手
BB需要24小時貼身照顧，呢樣都要計劃好。
第一，如果職場女士打算做 #全職媽媽，可能要考慮家庭財政狀況，如果少一份收入係咪OK。
第二，如果 #請工人 都係要快手，疫情關係，由揀岩工人、批簽證、出發來港、完成隔離，直到真係到屋企開工，成個過程都要好長時間，請既時候要講明湊初生、需唔需要同初生同房等等，如果佢唔接受就一開始唔好take offer，最怕佢話黎，做左一頭半個月話辛苦然後辭職🙈
第三，如果請四大長老幫手湊，佢個人健康狀況、思想開放程度對於順利同佢合作照顧BB都好大影響，一定要考慮清楚。決定左人選之後，可以多啲同佢溝通，又滲透下自己既育兒理念，避免日後因為理念有別而破壞關係。
第四，如果要報 #育嬰園，又係要早。育嬰園既位嚴重供不應求，聽過啲媽媽分享，排到小朋友2-3歲先收到通知話有位，2-3歲已經唔係「嬰」，可以返N / K啦。
第五件事：向公司申請產假
有醫生紙證明預產期之後，就可以向公司申請產假。我公司有因為我懷孕而減輕我既工作量，遇到良心僱主，實在相當感恩！
完左呢五件事，仲有其他預備功夫留待下次分享。準媽媽們唔駛擔心，媽媽們都好願意分享自己經驗，有唔明就問啦，最緊要保持心情輕鬆、心境開朗，媽媽開心定唔開心，BB知道架💕
💡好文回顧💡
《坐月日與夜》
https://www.facebook.com/100043347206086/posts/369586301162940/?d=n
《產後48小時》
https://www.facebook.com/111805923718473/posts/274199974145733/?d=n
《疫情下聯合醫院生產記》
https://www.facebook.com/111805923718473/posts/259721718926892/?d=n
《巧生活 — 戒片片》
https://www.facebook.com/111805923718473/posts/192615865637478/?d=n
《巧生活—戒奶咀》bit.ly/byebyedummy
《巧巧成長—Trouble 2 變Lovely 2》bit.ly/trouble2lovely2
《巧巧成長—教出充滿安全感的孩子》bit.ly/nurturesecurity
讀者投稿《超級極品老爺篇》
前文：老爺同奶奶係離左婚嘅，不過老爺行動不便，要用尿片，需要坐輪椅出入，拎政府綜緩。奶奶起大陸做生意，每個月比錢請工人同比錢老爺生活。
正文：今日食飯，老爺話工人有事要返一返鄉下，搵左個人黎替工。個個人好耐以前起度做過（個時我未嫁）老公話哩個工人好貪錢，又偷電話又偷散銀又偷耳機，老公話到時佢黎替工個時叫我自己湊返bb（因為bb手上有帶金器，以防萬一）。之後佢哋講起以前哩個工人偷過咩，點樣呃錢，老公就叫老爺搵過個黎替工啦，點解一定要搵佢，仲要做半個月就要四千蚊。老爺就話，你搵個比我，我咪唔要佢囉！
之後佢哋開始嘈，大概都係老公唔鍾意哩個工人，因為佢偷錢（除左奶奶出工人錢，我地都有比的）。之後老爺話鋒一轉，開始鬧我。同我老公講：“如果你老婆識做家務，拖地洗衫服侍我，我咪唔洗搵佢黎替工咯。”之後問我：“你識唔識拖地呀，你係咪唔識做家務呀，你嫁黎人地屋企，就要做㗎啦。”“識生仔唔識做家務！”諸如此類講非常多難聽說話，我終於忍無可忍：“我起自己屋企，我媽都未捨得叫我做家務，你地比八千蚊禮金，叫我做個樣做個樣，我大住肚個時洗廁所拖地煲湯煮飯你唔講？你個仔個時窮，返工又ot，我陀住七個月自己裝修個房你唔講？”
之後老爺又話：“我係問你識唔識做啫，無話你唔做。”之後我委屈到入廁所抹眼淚，有份比錢請工人，點解仲要我去拖地，我係自己親力親為湊b，bb剛剛出世，咩都要好細心，老爺成日話我好得閒，有時又問我攞錢，老公前排工傷，休息左排，出糧少，我要自己貼生活費。
個日湊完bb訓，已經夜晚十點，餓到手震，即刻叫工人煮嘢我食，筷子未攞起，老爺就叫我比錢佢買電飯煲，我唔係嬲佢要錢買嘢，因為我買咩都會買多份比佢，我係嬲點解我十點未食飯，筷子未拎起就叫我比錢。我比左佢之後，我同老公講返：比左五百蚊你老豆買電飯煲。 我同先生咩都會講，因為要計數過日子，並唔係打小報告。先生當時有啲嬲，因為老爺晚晚賭波，次次賭馬日都賭馬，佢覺得老爺攞啲錢賭曬，而無錢買飯煲，我同佢講：你老豆行動不便，有時候同你講嘢難免有怨氣，你唔好怪佢唔好同佢嘈，電飯煲我地都有份用，我地買都應份。
點知今日老爺鬧我：“你咩都同你老公講做咩先得㗎，唔係叫你唔好講？”當時我老公都有護著我：“佢用我啲錢同我講返有咩問題？”諸如此類。
真係好嬲，點會有咁嘅老爺，我肯同你個仔捱窮，買咩都買埋比你，有咩都諗住你，你點可以咁話我，而且，屋企有工人，點解要我拖地，我湊初生b已經好辛苦，佢仲比說話我聽，話我好得閒。
我有產後抑鬱，要食藥，比佢鬧一鬧，真係忍唔住啲情緒。
＃我的極品四大長老
工人 姐姐要湊一個初生BB加一個Terrible 3小朋友，真係唔容易！在職靚媽唯·悠玩樂blw 就同工人姐姐分工合作，湊掂兩個！ #在職媽媽#一打二#工人姐姐#雙職父母#靚太Club ... ... <看更多>
湊初生工人 在 【工人姐姐湊BB】新僱主必看 入屋前必做幾件事！House ... 的推薦與評價
... 工人 姐姐來臨前尤其是家中有 初生 BB 可以預先準備定嘅嘢畀大家參考每個家庭背景都唔同大家可以因應自己需要再調節~ 或者有其他關於 工人 姐姐的Topic想我 ... ... <看更多>