《多功能老婆》翻炒《再見亦是老婆》
舊將回巢，原來只有翻炒，沒有新貢獻。劉家豪的翻炒是《溏心風暴3》和《解決師》(點解阿sir係阿sir2019)，梅小青是《宮心計》和《法證先鋒》，陳寶華回巢重頭戲《多功能老婆》，找來楊千嬅做賣點，但故事也只是翻炒她的其中一套成名劇《再見亦是老婆》(1994年)，主線都係只懂煮飯揍仔的師奶，因為老公出軌，離婚要從入職場，由零開始，幹出成績，又開始第二春有新追求者，之後老公浪子回頭，追番個師奶，為左個仔好，為左劇情需要，觀眾喜好大團圓結局好，總之都係夫妻復合BBQ。楊千嬅是2019的陳秀雯，黃浩然是姜大衛，周柏豪是陳啟泰，陳煒和朱晨麗是鄧萃雯，于焱(顏爺)是周嘉玲。不過，亦有網友留言話似《她她她的少女時代》，似邊套你們決定啦，總之都係翻炒咯。
劇還是針對師奶市場，1994年若妳還是小學生、中學生，而家變晒師奶，仲有個老公响大陸搵食，咁咪啱睇咯。還有由細到大追開楊千嬅的，都應該啱睇，楊千嬅keep得好好，到而家仍然係方麗娟，無變過所以好容易適應。第一集見到陳庭欣就預左佢露背，果然出現，熟悉又親切的感覺翻哂嚟！
放棄大台劇嘅繼續放棄啦，預期會有批唔介意橋舊嘅人支持，收視唔會差咯！
溏心風暴3 35 在 【溏心風暴3】第35集預告乘風成功登上家昌旺CEO - YouTube 的推薦與評價
... <看更多>