《反黑路人甲》和電影《墮落花》撞大橋，咁啱嘅！
～ 早幾個月上的溫碧霞電影《墮落花》，主要劇情是黃錦燊飾演的大佬死後，新上位的關智斌要做大佬，元老艾迪搵番已經失踪廿年的溫碧霞回來做坐館，他在幕後控制，但溫碧霞另一身份又係差人陳煒的卧底…，個大網係咪幾似呢！不過睇番製作時間，肯定雙方都無抄襲對方，只是巧合而矣。另一相似地方係電影賣點是溫碧霞的性感，《反》賣點是張振朗的胴體。
～ 我估王浩信昨晚講大話，佢係蔣世龍。
～ 講過多次個人對於不斷重複玩《喜劇之王》感到煩厭，和王浩信演技無關，但已經開始不喜歡看這個角色了。
～ 張振朗除了繼續放笑彈，仲做埋肉彈，目前最好睇係佢。
～ FYY 肯定係黑警，除了不斷賄賂別人，還建議上司派臥底搞警黑合作，暫時還未入這角色。
～ 昨晚姜大衛同湯怡呢對父女最好睇，姜典型笑騎騎，放毒蛇，陰險到推過女去死，殺人主謀九成係佢，湯怡無啦啦做咗大佬，無辜辜去講數嗰個樣，都相當好睇，暫時係最喜歡嘅女演員。
～ 啲戲中戲其實大部分是八、九十年代經典作品，差李卓別靈更加係二㳄大戰時期，大衛連治的《失憶大道》，肯定好多人同個畫面一樣，滿是問號，係2001年的電影作品，在康城影展榮獲最佳導演，不過並非娛樂片，應該好多人未睇過，包括我。預計九十後和00後兩代人未必會知道晒那些戲中戲，共鳴感應該唔夠七、八十後強。正常嘅，大台劇一向唔係針對年輕觀眾群。
～ 頭兩集節奏尚算爽快，睇吓捱唔捱到一個星期。
#反黑路人甲 #港劇 #TVB #王浩信 #張振朗 #馮盈盈 #湯怡 #高海寧 #傅嘉莉 #姜大衛 ＃徐榮 #賴慰玲 #朱敏瀚 #蔣家旻 #石修 #張國強 #李成昌
