黯然銷魂飯3.0😍🤩
記錄一下呢個一年一度先有嘅「黯然銷魂飯」，呢味叉燒煎蛋飯由周星馳電影《食神》🎬 搬嚟現實世界，上至酒店下至茶餐廳都有得食，做法、味道卻大不同。
.
六國酒店嘅「黯然銷魂飯3.0終極版」套餐，每年年尾先有嘅，次次出都爆哂Booking，唔係咁易食到㗎！盛惠$388/位，仲要冇得單點咁把炮，今年終於比我試到龍與鳳啦🤣🤣 Yeah 🙌🏻
.
未入正題，先來套餐嘅陳皮椒絲蝦球伴野菌扒白鱈魚球，魚扒薄粉炸香魚肉嫩滑，蝦球爽口彈牙惹味。接着嚟個螺頭燉雪雁湯，呢個天氣有個暖笠笠燉湯最舒服。
.
到主角出場，半肥瘦嘅脢頭蜜汁叉燒有料到，微微燶邊香，煎蛋一篤穿出流心蛋黃🍳 講到最正嘅一定係個飯底，並唔係普通白飯咁hea我，每一粒飯軟熟而粒粒分明，撈勻豬油以及醬油，食到唔停口！精粹食落啖啖洋蔥香，冇得輸🧅 唔會好似平時咁總有啲純白飯無哂味。
.
傳統中式甜品作結，核桃金腿玫瑰酥及大紅袍茶皇糕，以及陳年普洱茶解膩。真係想食嘅，聽講而家延長到1月中，過就得返午市。我就癲到係book咗個staycation，可以in-room dining食呢碗黯然叉燒飯，渡過最黯然嘅2020😭 ($1,180起兩位加一，多咗間房同埋兩杯Processo 以及釀焗鮮響螺，不過staycation promo好似完咗🙈🙈)
.
粵軒
灣仔告士打道72號六國酒店1樓
#灣仔foodsearchers #中式foodsearchers #港式foodsearchers #酒店foodsearchers
滑蛋豬扒飯做法 在 【玉子廚房– 滑蛋豬扒飯Katsudon】 雞蛋同豬扒簡直天生一對 的推薦與評價
Facebook · 1. 洗淨豬扒，用廚房紙吸乾水份。 · 2. 豬扒沾上麵粉 蛋汁 麵包糠。 · 3. 中火燒熱油約300ml，放入豬扒炸約6-8分鐘至兩面金黃，撈起垂直放滴 ... ... <看更多>