Search
以前每年至少都會飛一次泰國，每次去親都會試resort入面嘅spa💆🏻♀️ 依家無得飛，一得閒就會周圍試吓澳門嘅spa。早排第一次去 Sheraton Grand Macao三樓嘅Shine Spa，原來入面係超級大嫁！一共有15間massage room，其中5間係雙人房，雙人房成間酒店套房咁大，入面仲有個大jacuzzi😍 另外仲有個大人+小朋友salon🎪♥️
我會特別留意每間用嘅按摩產品品牌，Shine Spa用嘅 @elementalherbology 係以五行做概念，根據不同需要選擇合適嘅護理，我身體按摩就做左以排毒為主嘅「金」，治療師仲了解埋我嘅皮膚狀況幫我做左個面部護理，做完真係差足晒電☺️🧡
依家仲有5,000元的炫逸水療非凡禮遇套票 (Relax and Reward), 3個月內享用Elemental Herbology單項水療護理半價優惠包括臉部護理，詳情請參閱尾圖😉
謝謝Sheraton Macao的邀請。
#SheratonGrandMacao
#ShineSpaMacao
【美利酒店優惠】住足30小時 + 包三餐！升級客房 + 早餐 + 晚餐 + 下午茶 + 導賞團$2,805起
🔥🔥🔥激抵優惠！
✅渣打Asia Miles Mastercard：flyformiles.hk/4826 (8月3日至5日經小斯申請毋須簽賬有5,000里，都係免首年年費架)
✅渣打Simply Cash：flyformiles.hk/7975 (8月3日至5日經小斯申請毋須簽賬有$500，都係免首年年費架)
👉詳情：flyformiles.hk/26058
香港美利酒店個住宿酒店又平咗呀！今次係雙人套票包升級住宿、早餐、4道菜晚餐、下午茶、導賞團咁多野，都只係$2,805喳 (已包服務費)！
至於免費客房升級，於星期五及六升級至可以升級N1 Deluxe，星期日至四升級至 N2 Grand！我自己都住過美利，除咗覺得張sofa細咗啲之外，佢既影音設備真心唔錯，喺到睇足一日netflix都勁舒服呀！
值得一提係佢仲可以10am入住，4pm check out，俾你住足30粒鐘！
咁當然最抵就係包個3餐啦！早餐超級豐富，high tea都好好味，至於晚餐，好味雖然係好味但我就覺得唔夠飽，可能要再叫外賣啦！
另外仲有送歡迎飲品，可以揀返少爺啤酒廠為酒店特別釀製既O.V.T.啤酒！
最後仲有有免費參加歷史導賞團 (我就無去啦，因為掛住訓覺haha) 、SPA 享8折優惠同免費泊車！帶埋毛孩一齊住都得架！
但最後溫馨一提，呢個優惠訂咗係無得退架！所以真心要諗諗呀！預訂日期只限8月5日至7日，入住日期由即日起至9月30日！
上個月我同阿媽過咗澳門玩，我哋今次因為行程安排得比較急，所以就決定Join啲唔使煩惱嘅package,今次我哋揀咗「英皇娛樂酒店」嘅秋冬住宿套票，呢一個套票已經包左噴射飛航普通位來回船飛，雙人自助早餐，另外仲有MOP200餐飲禮券一張，MOP200水療現金卷兩張,澳門觀光開篷巴士旅遊券（2日票）每人每晩只需要688起*
平時買來回船飛都差不多$300一人，呢一個套票仲可以有埋住宿，真係超級抵！
第一日落船我哋就先上房擺低行李，因為咁啱我媽咪生日，之前都通知左酒店，酒店仲幫我地間房佈置得好靚😍😍😍，一上房就有驚喜。
之後我哋就用咗餐飲禮券，去咗酒店中餐廳「皇廷閣」飲茶，我哋叫咗最出名嘅「樸葉燒蜜餞叉燒」，賣相已經夠正，樸葉燒是日本飛驒高山在地的傳統特色風味菜，樸葉被熱力烘烤，上面放皇廷閣的招牌蜜汁叉燒，隨著熱度散發出引人垂涎的香味。之前聽人哋讚得多今次第一次試，真係超級好味！連我平時唔鍾意食豬肉嘅人，都食咗幾舊，我媽本身啲牙唔係咁好，所以食唔到好多肉，但佢對呢一個叉燒讚口不絕，佢直情用入口即用嚟形容呢一個叉燒。
另外我哋今次仲有幸試到新菜式， 係未正式推出嘅得獎菜。「紫衣尤物」長崎大尾魷，又名荷包魷，軟絲，日本長崎名物，口感爽脆、彈牙。以紫蘇葉、大葉、干蔥等7種不同顏色的配料，先炒后焗的方法，讓大尾魷吸收香料的特殊味道，味型集咸、鮮、香於一身，加上日本干鮑汁，同炒，使鮮魷結合鮑魚的精華，是2019年亞洲名廚至尊金獎菜式。
*2019亞洲名廚簡介：是由來自香港、澳門、日本、馬來西亞、韓國、台灣、上海、深圳、佛山、三亞共84位亞洲名廚參加的。
我哋開心到係咁拎住呢一款菜式影相。
其他點心都非常出色，我哋食到好滿足，捧住個肚走。
之後我哋上房休息一陣，就用咗水療現金卷去做Spa ,有邊個女人唔鍾意做Spa，生日嘅梗係要好好享受。我唔係第一次去英皇做Spa，每一次去都覺得服務好好又貼心，而且泰式按摩真係做得好專業，環境又舒服。
做完Spa之後，上房換過衫，又到食晚飯嘅時候😂，我哋今次都係喺酒店「御廚」度食飯，咁岩今次自助餐，係泰式國際美饌，所以我特別開心，認識我嘅朋友都知道我最鍾意食芒果糯米飯，平時喺香港，因為我係生酮，所以又唔食得糖同澱粉質，難得離開香港，就可以放肆自己一下，當日我食咗四個芒果糯米飯。我覺得佢哋嘅自助餐真係好抵食，星期一至五MOP298一位，喺香港真係有D餐廳都唔止呢個價錢，仲要可能我阿媽生日嘅關係，運氣好好，抽中左買一送一嘅禮券，所以我哋當日就係一個人嘅價錢，兩個人食飯。
當日我真係飽到唔想郁，所以我哋就好早返到酒店休息準備瞓覺，點知到10:00嘅時候，突然間有人拍門，原來酒店知道我媽咪生日，所以送咗一個蛋糕俾我哋，連續一日裏面俾咗兩個驚喜我媽咪，我媽咪即刻要換番衫影相留念😂。
第二朝我哋落咗去酒店食免費早餐，早餐都好多選擇，我主攻點心，食咗三round 之後,就想返房執行李，但係我哋個旅程仲未完，我哋用咗酒店送嘅澳門觀光開篷巴士旅遊券遊車河，去遊覽澳門呢一個地方，我哋中途仲落咗車，去地道嘅茶餐廳食午餐，最後再搭返呢一個開篷車，去到觀光塔參加美食節，我屋企人笑我哋，呢一個旅程簡直係美食馬拉松。
今次兩日一夜之旅，我媽好開心，我都好多謝英皇娛樂酒店，咁貼心嘅安排，令到我媽咪呢個生日過得好難忘。
【Facebook 愛食愛玩愛享受】http://www.facebook.com/ilovefood777
【Instagram eddie_ilovefood777】 https://www.instagram.com/eddie_ilovefood777
【YouTube 愛食愛玩愛享受】https://www.youtube.com/channel/UCkndf56tAZkAlbx5mGG3bSg
【#艾迪hea嘆在澳門】離開香港當旅行啊?早排跟朋友去澳門玩2日1夜，今次入住澳門十六浦索菲特酒店，適逢酒店踏入十周年所以好多優惠好抵玩，喺酒店都可嘆足全日，攞完房就去泳池玩水，當日藍天白雲勁好天。
#樂軒華粵菜餐廳 跟住去食新出嘅波士頓龍蝦套餐 $328/位，呢個真係勁抵食，先來三款係以人頭每位上(芒果醬龍蝦沙律、金茹瑤柱龍蝦羹、金銀蒜菜蒲蒸開邊波士頓龍蝦)其餘4款就2人份量(極品醬蒜苔炒豬柳、京蔥黑椒爆牛柳粒、甘筍汁雜菇燜豆腐、菜粒海鮮薑茸炒飯)最後甜品係蜜瓜西米露伴雪糕，想講份量都幾多又好食，游完水肚餓食啱哂。
#SoSPA 上房抖一陣就去做Spa嘆下，呢到水療中心非常有名喺與L'Occitane合作的，並榮獲多個大獎，成個格局同按摩師都好泰式feel，療理間勁大有按摩浴池、蒸汽房等，之後就入房Massage ，房內都會有私人浴池、沖涼等設施，今次我哋2個試了So Summer水療之旅Spa+Facial共1小時30分鐘，按摩師手勢很好又純熟，做完完全唔想出返去，舒服到癲咗啊‼️今次人均都係一千頭左右。
#海風餐廳 做完SPA就去同一層食龍蝦自助晚餐$368，除咗主角龍蝦外，仲有生蠔及多款海鮮，熱盤和甜品，回本無難度，晚上食完飯去景點大三巴牌坊行下都好近，咁就係酒店玩咗成日，工作咁辛苦有時都要獎勵自己，盡情放鬆充充電!!
-
#優惠貼士:
港澳來回船票：上Turbojet網用Visa信用卡買正價船票滿HK$350就減$55，星期六日來回一人都係$306
海風餐廳:首10張訂檯可享全單7折（每檯最多4人）
樂軒華粵菜餐廳:每消費澳門幣500元可獲得現金券100元
So SPA:以澳門幣10元享用自選療程25分鐘，可選腳部、頭部、手部或背部按摩
===============================
餐廳：樂軒華粵菜餐廳 (18樓)
餐廳：海風餐廳 (6樓)
水療中心：So SPA (6樓)
===============================
?FB群組?愛食愛玩愛享受(食玩嘆）可隨心分享食玩嘆好地方
https://goo.gl/WN76Hd
===============================
#澳門十六浦 #澳門索菲特酒店 #澳門 #食玩嘆
