(帶翻個頭盔先,呢篇文只係純粹帶出兩地之間文化不同,將自己親身經歷嘅分享俾讀者,並唔係要踩低任何人。)
.
香港同中國究竟有咩文化差異?
.
(一)博物館人多 睇人定睇展品?
中國地大人多就係人都知,親眼見到都算係第一次。西安著名兵馬俑,當然個個都一睹風采。冇諗過嗰日我已經選擇平日去,依然很多人(導遊聲稱已經算少)。人很多但唔係每一個景點都設有人流管制,而且室內通風系統欠佳,被逼吸人哋呼出嚟嘅二氧化碳吸左個幾鐘。個個都想想靚相,而家科技咁先進,連拍幾百張難唔到你啦。企喺同一個位置唔郁,結果人龍就塞曬係同一個地方走唔到。想睇?咪一隻手踭批你囉,包你一定睇到!
.
(二)外賣連湯都用袋裝 容乜易漏到周圍都係?
其實係我鄉下都係,無論買粥定買湯都好鍾意用膠袋裝住走。其實咁樣真係超級唔方便,你諗下個膠袋咁薄,容乜易拎拎下穿咗,漏到周圍都係又要抹?但傳聞佢哋係俾你拎返屋企嗰陣即刻用個碗裝住黎飲。(可能只係for 短途)
.
(三)學校課室嘅門入到出唔到 專治你班遲到鬼
學校課室嘅門有個好奇妙嘅設計,就係入到出唔到。一但門被關上,只有課室裏面的人先可以打開門,外面的人係無法進入。聽講咁樣做就可以防止一啲遲到嘅學生,想呃attendance真係唔係咁易。
.
(四)一支竹籤一份食物 原來仲會循環再用
西安有個特色美食叫串串,就係好似火鍋咁嘅形式,但一支竹籤就插着一份食物。無論雞肉牛肉豬肉,定係生菜金菇木耳,一律都係用一支竹籤插住。最後侍應埋單計數時,就會以食咗幾多支竹籤為準。本身一開始嗰陣就諗,如果啲竹籤用完一次就扔咪好浪費?之後佢哋話原來會循環再用。我再諗如果一啲食客食嘅時候唔係好衛生,咁咪要食佢口水尾?
.
(五)米飯永遠最後先上菜
呢度嘅人大多都會食麵線為主,很少會吃米飯。但對於香港人來說,無飯食真係會好唔慣。呢到上菜米飯永遠最後先上,即係我哋食晒所有菜式嘅時候,其實就無餸可以「撈飯食」啦。
.
(六)溝水溝水再溝水
有一次成班人去食西餐,侍應話送兩杯紅酒。結果原來係紅酒溝水。然後有一次嗌咗杯菠蘿汁,點知變咗菠蘿味嘅水。可能將有味嘅水叫做汁,係潮流之一。
.
(七)辣辣辣全部都係辣
西安人愛吃辣,無辣不歡嘅佢哋幾乎一餐飯都會有辣嘅菜式。例如麻辣燙、麻辣火鍋、麻辣涼皮⋯⋯辣椒就好似榴槤同臭豆腐一樣,愛嘅人超級愛,唔愛嘅人就避之則吉啦。
.
(八)小籠包等於生煎包?
可能係大家對小籠包嘅概念有不同嘅認知,西安小籠包等於生煎包,香港小籠包等於西安的灌湯包/餃。當我地見到小籠包變咗做生煎包嗰陣真係呆左,之後餡料仲要係梅菜扣肉⋯⋯
.
(九)郵局姐姐一人撐起半邊天
可能佢地真係唔會點寄信,郵局位於2樓,其實位置都算幾偏僻,附近無乜路諀,唔講真係唔知佢係郵局。第一次去嗰陣係平日,郵局得一個上咗年紀嘅姐姐工作,佢好緩慢咁係一本殘舊嘅郵票簿裹面撕咗幾個郵票俾我,成間郵局幾乎係無人。到後來有一次再去,多幾個同學去寄明信片,郵局才稍為有點生氣。
.
(十)¥1 坐足一程車
喺香港坐巴士,出轉九龍都要10幾蚊。喺西安搭巴士,搭足成程都係一蚊雞。(當然應該係短程,但就算長途都比香港便宜)雖然價錢好平,俗語有話一分錢一分貨,巴士係無冷氣,而且座位很少,最重要係無安全帶。司機會同你玩極速漂移,曾經見過一個衣着光鮮嘅婦人拎住個行李箱,一上車司機就開行油,搞到個女人行李箱飛咗埋嚟我嗰邊⋯⋯
.
(十一)¥58唱足一日K
返大陸唱K價錢實惠就係人都知,¥58由朝唱到晚。同香港最大分別嘅就係,呢度係會以一間房作單位而香港就會以人頭作單位。即係話一間房入邊會有3支咪,但不會限你人數。值得一讚嘅係服務員服務態度超好,K房大,有時候去廁所嗰陣真係會蕩失路。服務員會指示你去洗手間,而且非常有禮貌。
.
(十二) gel甲拒絕收小費
我覺得西安的服務業的做得很好,無論修甲飲食還是賣衣服,他們都是非常有禮貌而且親切熱情。朋友推介下去左一間gel甲鋪。其實嗰日已經好晏,再加上我係香港gel完甲,拆甲需時。但係佢哋完全無不耐煩,仲要好熱心咁兩個人幫我整指甲。最重要係價錢實惠,香港整可能要三、四百元,呢度整只需要八十元。加上我令到他們加班,自己有一些不好意思,決定給他們小費。但他們竟然拒絕收小費還由鋪頭追出街口⋯⋯ 我以為他們怕老闆望著,第二日再去gel腳,結果都係唔收⋯⋯ 天啊實在太敬業樂業了。
.
其實仲有好多好搞笑有好新奇嘅嘢想分享,今次就寫到呢度先啦。
灌湯包意思 在 騫毅 (Hazel Chan 陳諺婷) Facebook 的最讚貼文
(七)辣辣辣全部都係辣
西安人愛吃辣,無辣不歡嘅佢哋幾乎一餐飯都會有辣嘅菜式。例如麻辣燙、麻辣火鍋、麻辣涼皮⋯⋯辣椒就好似榴槤同臭豆腐一樣,愛嘅人超級愛,唔愛嘅人就避之則吉啦。
.
(八)小籠包等於生煎包?
可能係大家對小籠包嘅概念有不同嘅認知,西安小籠包等於生煎包,香港小籠包等於西安的灌湯包/餃。當我地見到小籠包變咗做生煎包嗰陣真係呆左,之後餡料仲要係梅菜扣肉⋯⋯
.
(九)郵局姐姐一人撐起半邊天
可能佢地真係唔會點寄信,郵局位於2樓,其實位置都算幾偏僻,附近無乜路諀,唔講真係唔知佢係郵局。第一次去嗰陣係平日,郵局得一個上咗年紀嘅姐姐工作,佢好緩慢咁係一本殘舊嘅郵票簿裹面撕咗幾個郵票俾我,成間郵局幾乎係無人。到後來有一次再去,多幾個同學去寄明信片,郵局才稍為有點生氣。
.
(十)¥1 坐足一程車
喺香港坐巴士,出轉九龍都要10幾蚊。喺西安搭巴士,搭足成程都係一蚊雞。(當然應該係短程,但就算長途都比香港便宜)雖然價錢好平,俗語有話一分錢一分貨,巴士係無冷氣,而且座位很少,最重要係無安全帶。司機會同你玩極速漂移,曾經見過一個衣着光鮮嘅婦人拎住個行李箱,一上車司機就開行油,搞到個女人行李箱飛咗埋嚟我嗰邊⋯⋯
.
(十一)¥58唱足一日K
返大陸唱K價錢實惠就係人都知,¥58由朝唱到晚。同香港最大分別嘅就係,呢度係會以一間房作單位而香港就會以人頭作單位。即係話一間房入邊會有3支咪,但不會限你人數。值得一讚嘅係服務員服務態度超好,K房大,有時候去廁所嗰陣真係會蕩失路。服務員會指示你去洗手間,而且非常有禮貌。
.
(十二) gel甲拒絕收小費
我覺得西安的服務業的做得很好,無論修甲飲食還是賣衣服,他們都是非常有禮貌而且親切熱情。朋友推介下去左一間gel甲鋪。其實嗰日已經好晏,再加上我係香港gel完甲,拆甲需時。但係佢哋完全無不耐煩,仲要好熱心咁兩個人幫我整指甲。最重要係價錢實惠,香港整可能要三、四百元,呢度整只需要八十元。加上我令到他們加班,自己有一些不好意思,決定給他們小費。但他們竟然拒絕收小費還由鋪頭追出街口⋯⋯ 我以為他們怕老闆望著,第二日再去gel腳,結果都係唔收⋯⋯ 天啊實在太敬業樂業了。
.
其實仲有好多好搞笑有好新奇嘅嘢想分享,今次就寫到呢度先啦。
#心情語錄 #心情 #心情小語 #札記
#小品文 #騫毅 #香港 #文化 #飲食 #旅行 #休閒 .
Instagram: @hinngaixxc
Fb: 騫毅 @ Xian, China