喺香港做運動員從來不容易，不論由選材到培訓到支援都係少之又少，究竟有幾多支援真真正正落喺運動員身上呢？
呢排奧運令我諗返起想當年玩田徑嘅時候我都係潛質精英運動員，嗰時細個好開心因為會有體院$500津貼(而家心諗有撚用咩）
最記得教練同我講「阿傑，你而家嘅成績我冇嘢可以教得到你啦！其他嘢就靠你自己領略啦」，然之後我就開始左自己訓練
一星期四日放學後就去灣仔運動場一人練習，有幸可以參加全國大獎賽，就問人借攝影機再搵隊友幫手記錄比賽過程，從而喺其他運動員身上學習技術。
一直都係自學，還記得參加亞洲青少年田徑賽，我主項係擲鐵餅，但係原先參加推鉛球嘅運動員要參加擲標槍，所以叫佢留力
反而叫我走去推鉛球，但係有冇諗過其實我都係要留力擲鐵餅呢？最尾成績不堪入目，6kg 12.5m, 最尾仲要比當時嘅團長話我冇盡力，但係最尾我喺自己主項擲鐵餅上面拎第六。
運動員就係咁，你有心有力都係為咗證明自己係得既，但係仲有其他因素都係喺我哋預期之外。
真心好高興見到而家香港運動員得到咁好嘅成績！衷心多謝每一位係呢一個位置上努力緊嘅人！
香港運動員加油！🇭🇰🤙🏽🤙🏽🤙🏽
#香港運動員唔係垃圾 #hkathlete #olympic2021 #staystrong #hkee
