Search
在銅鑼灣做完 gym, 就順便吃完飯才走；無意中去到這間「大排檔小炒」，價錢很相宜，六七十蚊包湯飯茶，就進去了。
很多人中午時間都往東走，所以四寶祺哥這些都會滿座，但另一邊少人很多，我十二點半來到也有位，而且招呼好，坐得舒服。
餐廳走的是菜館 mode, 又未去到酒樓但又不是茶餐廳，好坐。
叫了咖喱牛腩飯，沒多久就來了。大佬呀，我比七十蚊在銅鑼灣諗住食個茶餐廳牛餐啫，竟然來到一大煲，十人份晚上酒樓小菜咁既樣，仲要煲上熱燙無比，簡直是有無攪錯。
仲有湯，茶，真係仲想點。
食到雪雪聲，冷氣又夠慢慢坐，真開心。
在銅鑼灣返工的朋友，中午飯不妨向灣仔方向行，極有可能不停有意外收獲也未必會咁迫。
又來到灣仔，再到這日本餐廳吃午飯，天氣轉冷，就點了一款燒羊套餐，羊肉不太騷，滾熱湯飯，吃飽身子也暖和些。😊😊😋
[ 香草燒羊肉 ROASTED LAMP WITH HERBS ]
https://www.facebook.com/Maggies-Kitchen-瑪姬煮場-781332731908314/
免費廣告系列回歸，第10彈！
茶記有live gig !!!! 和記餐廳灣仔店
近排大家都少咗出街搵食，我都係，日日都落田，呼吸新鮮空氣又唔使戴口罩。演出取消咗，做全職農夫，其實都實現左多年嘅夢想，所以話世界上有失必有得，大家都要正面啲諗嘢！
不過老實講，唔止表演業界進入冰河時期，餐飲業界呢一排都好唔容易！每日都係啲黃色經濟圈嘅app度，見到啲唔同嘅餐廳食肆告急，都好心痛。點都要出街撐吓場！
今日去呢一間茶餐廳，其實早幾個月已經好想去，嗰陣佢哋搞咗好多音樂會，去嗰度食飯有得聽手足唱歌，而且嗰陣所有收益都會支持場運動，咁你嗰陣反應非常熱烈book 唔到，所以冇機會去食。
今日終於嚟到，灣仔謝斐道嘅和記餐廳！仲認識咗老闆娘Cherry！一個非常支持本地藝術嘅良心老闆，同佢傾計簡直係一拍即合！
原來佢見到好多手足係街busking，又俾人拉又俾人侮辱，但係屯門大媽光天化日有傷風化，又得到保鑣式保護，好心痛，所以就自己暗荷包，請呢一班年青人去佢間餐廳度表演。就成就左呢一個歷史創舉，茶餐廳有live Gig ！之前我想去但係去唔到嘅和理唱就係咁樣出現。連c all star 都喺度表演過！其實依家逢星期六下晝，都仍然有表演，不設最低消費，就算你入嚟食一件西多飲杯奶茶，都一樣有歌聽，不得不佩服呢一種風骨！
不過呢一間餐廳另外一個重點，亦都係最重要嘅一樣野，當然係食物質素！我嗰日叫咗招牌海鮮湯飯，你淨係睇個樣已經夠震撼，原來師傅日日都會去鵝頸橋街市睇下有啲乜嘢時令海鮮，就用omakase 嘅形式放入去個飯度，Cherry話，試過連龍蝦都有！我當日有半隻蟹，幾隻蝦，有蜆，全部大大隻，唔係嗰啲蚊型蝦蟹嬰兒，而且鮮甜到不得了，我諗你睇張相都完全有生理反應。重點黎啦。
$59。
五。十。九。蚊。無加一。
我眼都突埋。點維皮啊！Cherry話，想多啲人食到好嘢，錢唔使賺到盡嘅，如果做啲有意義嘅事，幫到人，自己就已經最開心。下次好想試埋香港特色茶餐廳hi tea !!好得意！
真。香港人典範！
近排疫症，冇咗學生客，生意真係淡左好多。大家捉緊時機，去懲罰下佢！嚟緊可能我會有啲攪作喺度發生，到時多多支持！
星期一至六開朝七晚七，星期六2點至3:30有音樂會，星期日休息！
和記餐廳
灣仔謝斐道392
@ 和記餐廳-灣仔店
禁堂食令殺到，很多冇得home office的打工仔食午飯，想買外賣自取都會驚排隊人多，人多聚集怕受感染，唯一的解決方法就是帶飯。今日記者就跟隨烹飪導師鍾善雯（Kennis）去街市買餸，教大家如何自備健康又耐放的飯盒，亦會分享儲存秘訣。
在選購上，Kennis話其實並不是每樣食材都擺得入飯盒 ，葉菜類例如菜心、通菜易變黃要避免揀。Kennis：「薯仔雖然好吃，但即煮即食就好食，你放入飯盒內改天翻熱就會變成糊狀一灘灘，見到都唔會想食，唔建議放飯盒啊！」反而建議大家吃瓜果類，例如時令的節瓜，節瓜既保存得更耐，且變化多亦不易變黃，而青瓜用作沙律或涼菜都是一個好選擇。南瓜、甘荀烹煮後都不易變色 ，隔夜後再煮都不會腍身，很適合做飯盒。
果籽 ： https://hk.appledaily.com/realtime/lifestyle/
相關影片:
【瑞士最靚學校】30萬一年酒管學校讀啲乜？同總統子女做同學 五星級宿舍有情侶房 （果籽）(https://youtu.be/0fspyD1XI7s)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【肝臟權威】唔使食補肝品 72歲港大教授黎青龍飲酒兼夜瞓 「我個肝仲幾好」(果籽) (https://youtu.be/c3ik8wTN1g8)
【臭豆腐烈女】喪母後拜師成全港唯一女師傅 獨門醃法不授徒：如果佢反骨我點交代 (https://youtu.be/nOnn7uQCxIw)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) (https://youtu.be/vYjGxQtbgxU)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)
#果籽 #堂食 #禁堂食 #外賣 #魚湯 #飯盒 #StayHome #WithMe #跟我一樣 #宅在家
灣仔搵食攻略 千樂燒味餐室 燒味水準高 自家工場出品 仲會送暖派飯善舉關懷長者
灣仔搵食攻略 千樂燒味餐室 燒味水準高 自家工場出品 仲會送暖派飯善舉關懷長者
小店系列,已經寫到過500編
最能代表香港味道之一
燒味,燒鵝,乳豬,油雞,叉燒
遠至海外,也是最有代表性的一種味道
今次走到灣仔,遇上一間新開燒味餐室
家庭式經營,一家人落手落腳做
燒味更加係有水準,指定日子仲會做善事
派暖送飯給長者,作為一個香港人
一定會支持到底!
有一人套餐,下午茶都有優惠飯餐
單點燒味飯也有,看你想食那種
燒鵝叉燒飯,乳豬油雞飯 ($78,$83)套餐
包括湯,飯,小吃
老火湯,天天不同
當天係粟米豬骨,夠清甜,附有半件粟米,豬骨
不油膩,好喝！
先講油雞乳豬 份量比得好多，烤得夠脆口，皮夠薄
帶點脂肪食起來特別甘香 肉質嫩滑 油雞色澤夠亮，雞肉嫩，肉質細緻有肉汁 加點蔥油就有點綴加分之效
要做到有呢層像果凍，好考功夫
雞既膠原蛋白！
叉燒 燒得入味,不油膩,也夠鬆化 燒鵝
各家有唔同做法,我都食過幾家
千樂做得幾好食
看得到鵝皮夠薄,不會燒得太乾身
仍然有一點油香,不會偏肥,恰到好處
取得肥瘦中間的平衡點
附上一客涼拌
這也是主角之一
由店家自行研發的秘製醬,拌以青瓜
當天胃口不好,吃完就整個味覺喚起來
不太辣,但非常提味,拌麵拌飯都係一流配搭
可以單獨買走一罐醬料 千樂燒味
地址：灣仔軒尼詩道 352-354 號地下 電話：2811 8979 營業時間︰9am-11pm
#千樂燒味 #燒鵝 #灣仔美食
鰂魚涌尋味 鯛魚魚湯專門店 Snapper 極鮮象拔蚌貝柱烏冬 吉列豬排定食 健康有營養不油膩 quarry bay 灣仔 銅鑼灣 外賣
鯛魚魚湯專門店 估唔到有一間小店隱身於鰂魚涌地鐵站附近
今次走過去搵食,以為晚市無咩人唔洗排隊
點知幾乎爆場,大約等位15-20分鐘先入到座,真係失算,不過幸好天氣唔太熱,都可以接受
日頭要排隊就未必會食
以魚湯做主打,配麵烏冬,或湯飯
健康有營養又不油膩
今次有最新店家推介既
極鮮象拔蚌貝柱烏冬 $128
單看圖片份量已經覺得好誇張,份量多,而且用上靚料海鮮
吸引力好大,就點了一個試試看
再來另一個主食就叫了定食套餐,吉列豬扒定食 D2 ($85)
吉豬扒水準極高,幾乎同某日式吉列名店睇齊,但價錢只要佢一半
埋單同老闆傾左幾句,我估有200克豬扒,佢答我唔止,份量認真豪氣
另外仲有吉列廣島蠔定食同樣價錢
大約10分鐘就開始上菜
座位比較細,唔好帶咁多野入座比較好
極鮮象拔蚌貝柱烏冬 $128 我仲加多一隻鮑魚添 $28一隻,另上
用魚湯加蔬菜上面放一隻鮑魚 ,夠彈牙,滷入味
主菜上場,同圖片一樣咁霸氣
有蟹棒2條,豆皮,貝柱廿幾粒,海帶,象拔蚌片
鮮味大爆發,魚湯呈奶白色,鮮香濃郁,一碗麵既靈醜就在於湯底,呢個湯,獨特鮮香,一絕
食起上來完全沒有一絲油膩感~只有鮮味
烏冬吸滿湯汁,嫩滑味美
到我既吉列豬扒定食
配以豬扒醬汁同沙律醬,仲有芝麻醬沙律菜
單看份量配搭,已經覺得非常有誠意,豬排即炸,外衣脆口,肉夠厚身,咬起來肉細緻仍然有肉汁
係一份炸得出色既豬扒,好回味,一樣配有一碗魚湯
#鯛魚魚湯專門店 #鰂魚涌美食 #魚湯烏冬
