「Hihi『小灣鱷貝貝』，18年冇見啦，你喺濕地公園係咪好開心呢？」
時光倒流到2003年，當時連續幾晚通宵，跟進喺元朗南生圍山貝河出沒的小灣鱷「貝貝」。當年呢單嘢幾轟動，因為出動澳洲專家及大鱷高手，最終係漁護署人員成功捕鱷。之後「貝貝」搬入濕地公園住，環境清幽、鳥語花香、羨煞旁人。當時有朋友話過，做條鱷魚好過做人。
不過，人類又唔洗咁灰心嘅，因為我哋而家有機會同「貝貝」做鄰居，住近濕地公園。呢日我來空中會所參觀，遠眺一片藍天白雲加綠地，真正心曠神怡。最神奇係會所有Leica望遠鏡給住客觀鳥，大人細路都可以認識大自然生態。
喺會所望落樓下，見到有個戶外瑜伽平台。呢度前面係同濕地公園接壤的全綠化緩衝區，後面有各種形態嘅大樹，包括兩棵有「樹王」及「樹后」之稱嘅細葉欖仁，清新空氣伴隨運動，人都醒神啲起勁啲。
好多人話，香港越來越「石屎森林」。我就盼望，發展同保育可以平衡，將來越來越多宜居的「綠化森林」。就好似呢度，人類、鱷魚、候鳥、花草樹木融洽相處，互相欣賞，可持續生活。
#WetlandSeasonsPark
#WetlandWellnessLiving
#WellnessGreenSmART
#BuildingHomeswithHeart
#SHKP
灣鱷貝貝 在 香港動物報- 我是來自南生圍的貝貝😘 ... 的推薦與評價
幾經辛苦，「貝貝」終於被漁護專家捕捉了。轉眼至今已近十五年，小灣鱷貝貝自此棲息於天水圍濕地公園，已由3歲鱷魚BB變身17歲的鱷魚小姐了。 至今仍在不少香港市民專程 ... ... <看更多>