在日落前交換日記
星期一至五 5-6 叱咤903
阿檸 - 毒檸王國
8月12日
【Make no sense】
地球防衛隊 NING:
你用make唔make sense嘅角度去睇日本嘅超人片或者動漫，本身已經係好唔make sense嘅行為。點解超人一定要臨到最尾垂死一刻先出死光殺死怪物呢？點解妖魔唔喺美少女戰士變身嘅時候殺死佢哋呢？點解小智捉咗二十年小精靈都未長大呢？點解火箭兵團不停喺高空跌落嚟都唔死得？點解會有人將自己個女改名做do re mi呢？海賊王點解將來都無作奸犯科呢？死神點解從來都唔駛引導死人，淨係負責攻打啲滅卻師呢？點解全職獵人嘅世界有時候會無晒背景嘅呢？你答呀！答啦嘛！答唔答到呀？
答唔到就唔好咁多問題，呢個世界係有咁多嘢唔make sense架啦，你睇吓某個國家啲國民，啲行為Make sense咩？瘋狂逼迫其他國家嘅運動員道歉，make sense咩？喺人哋地頭光天化日四圍屙嘢，make sense咩？去人哋啲地方搶人哋啲學位，搶唔到就喊苦喊忽，make sense咩？唔返工拎人哋啲綜援，make sense咩？然後你又望下另一個地方啲人，明明比人恰到上心口，仲淨係識得坐喺度唱吓K叫下口號，make sense咩？淨係識得唱K叫口號，仲好意思走出嚟叫人支持，而又真係仲有人支持，make sense咩？為自己，為身邊嘅人爭取權利反而被人騷擾，make sense 咩？騷擾人嘅係做報紙嘅所謂傳媒人，make sense咩？
唔make sense。唔make sense，咁又點喎！紫色小便，咁又點喎！I am a loser but I am the new world，咁又點喎！係好多逗號，咁又點喎！中文差過小學雞都可以做作家，咁又點喎！記者收order騷擾市民，咁又點喎！賣菜嘅師奶都想做立法會議員，咁又點喎？冇架喇，冇得點架啦。買啦，你去買唔make sense嘅figure啦。我都係成屋都係唔會作奸犯科嘅海賊啦。
負能量大師 又嚟啦 Oscar
火箭兵團口號 在 火箭隊台詞-1 - YouTube 的推薦與評價
為了防止這個世界被破壞， 為了保護世界的和平， 貫徹愛與真實的邪惡， 可愛又迷人的反派角色， 我是武藏， 我是小次郎， 我們是穿梭在銀河中的 火箭 隊 ... ... <看更多>