【香港樂壇21歲新星姜濤，被咁多人鍾意係有原因】
每個人單身都有唔同原因，有部分人埋怨自己冇人鍾意...可能要求高？咁冇得講，係你自己揀嚟揀去嘅。可能公司真係好難識異性？亦都冇得講，係你自己唔透過其他方法識人，例如交友app/興趣班/叫fd介紹等。而最大路，同時有好多人唔肯承認嘅原因就係性格問題！性格自大/淨係諗自己/冇上進心就係死穴囉！希望呢篇文畀到大家一啲啟發。
今日我好想講講姜濤呢個性格好好嘅新星：
1. 對人冇機心 有氣量
早前大台搞咗記招宣傳嚟緊嘅綜藝節目，記招裡面有位灰髮男藝人突然扮姜濤出場，之後其他藝人就爭相喊打，話佢踩場，又話要打到佢變薑蓉。事後網民狂話佢哋唔識尊重人，涉事藝人即刻出post解釋同道歉。最精彩係當有傳媒訪問姜濤時，佢竟然話唔介意，仲叫對方唔使道歉：「係無傷大雅嘅玩笑，唔會覺得難受，反而好開心有人識我！紅唔紅好主觀，希望更多人認識 MIRROR。」
睇完真係拍爛手掌！佢大可以喺背後計算人哋，趁機寸番對方，但性格純品冇機心嘅佢冇咁做，佢唔只冇鬧嘲笑、睇唔起佢嘅人，仲答得咁得體，氣量好大👏🏻諗嘢成熟過好多經驗多佢好多嘅前輩。
2. 謙虛唔自大 講嘢貼地
之前姜濤打破叱咤史上最年輕紀錄，連奪我最喜愛的男歌手同歌曲獎。雖然佢上台演出穩定、有台型、音準、冇喘氣，以呢個年紀嚟講實力有目共睹，但佢拎獎仍然惹起網民爭議。佢當時冇幫自己講說話，反而自認不足，態度謙虛👍🏻佢話知道好多人講姜濤值唔值得攞呢啲獎，所以佢以後會用作品代替說話，希望全港市民督促佢哋呢班偶像，睇住佢哋成長。
另外有次姜濤接受訪問，明明大家都知道佢人氣好高，但佢就話自己只不過係個好普通嘅老百姓，以前係肥仔，冇乜朋友 🥺所以內心自卑冇自信。同樣一啲都唔自大驕傲，聽落好貼地，會好想同佢做朋友。
3. 孝順有上進心 唔怕捱
姜濤仲係一個好孝順嘅男仔，原來佢爸爸中風之後唔可以繼續做嘢，媽媽年紀漸大，身體唔似以前咁強壯，所以姜濤得嗰21歲就承擔起養家責任，希望透過參加《全民造星》 入娛樂圈，搵多啲錢令爸爸媽媽生活得好啲。年紀輕輕已經咁有上進心、好懂事。
再講遠少少，姜濤細個曾經重達200磅，成日被人笑佢係「死肥仔」。有啲人聽到人哋咁笑會自怨自艾：「哎我係咁㗎啦...」不過姜濤冇！佢為咗向暗戀嘅女仔表白，決心減肥，由肥仔變瘦仔💪🏻💪🏻💪🏻向大家證明有決心，冇嘢係做唔到㗎！！
p.s.
其實要講佢嘅優點，一篇文應該唔夠，寫到呢度，我都被佢嘅性格吸引到。之前我曾經有幸訪問過Mirror，佢坐我隔籬。我唔知我有執頭髮飛起咗少少，嗰陣就嚟要roll 機，佢竟然話停一停先，叫髮型師幫我整一整。其實個訪問最主要係影佢哋，我係唔重要，所以我都幾驚訝佢會咁做，從心底裡佩服佢，人品的確好好。
加油啊，香港樂壇未來有你哋！
#By懶醒女朋友
#姜濤 #mirror 姜濤 Keung To 姜濤 Fanpage 姜濤
灰髮男 在 男生染頭髮還是不染比較好看？ - 美妝板 | Dcard 的推薦與評價
... 咖啡色或亞麻綠之類的，會有加分的效果嗎？看起來比較年輕吧？？還是男生還是就保持黑髮最好？！，因為個人是有一點點少年白又很注重形象- 染頭髮. ... <看更多>