😋是這樣的，一個真材實料嘅盆菜應該跟足商品說明，要足料同唔可以又酸臭魚旦又發霉。仲有話明係「盆」菜，無理由用個手掌噉大嘅6、7吋兜去裝。新年流流「揸兜」真係大吉利是！🙄
利用手足嘅同理心去呃錢過肥年嗰啲不良份子，不如學下整好啲個盆菜先賣俾人食啦，我教埋你哋整又點話。我教煮食從來不分顏色立場，同埋唔想再俾你哋再糟蹋食材去招搖撞騙啦⋯😒
👍🏻盆菜食譜：
http://bonnie.chiba78.com/articles-115061.html
盆菜食譜片：
https://youtu.be/Nyyg9750z64
【富貴盆菜】
盤菜食譜（10人份量）
10隻金蠔或蠔鼓
罐頭鮑魚10粒裝1罐
花膠約4大片
厚身冬菇10隻
豬腩肉1斤半
枝竹1斤
豆卜大約廿幾粒
豬皮一斤
水魷1斤
白蘿蔔兩斤
西蘭花兩大棵
大蝦10隻
炸魚旦廿幾粒
半隻燒鴨（現成）
半隻白切雞（現成）
南乳1磚
磨豉1湯匙
陳皮1塊
桂皮1枝
八角2粒
冰糖3湯匙
蒜頭1個（切碎）
乾蔥2粒（切碎）
薑片8片
蔥段3棵
南乳枝竹炆豬腩肉
1）豬腩肉切塊，出水，再走油。
2）南乳加入4湯匙水壓爛成糊，備用。
3）下油，下4片薑、蒜蓉、乾蔥、蔥段炒香，再下南乳及磨豉醬炒香。
4）加入豬腩肉略炒，再加入2公升水、陳皮、桂皮、八角、兩湯匙冰糖、1湯匙老抽，水滾後轉細火炆1小時。
5）再加入枝竹、豆卜，再炆10分鐘，即成。
蘿蔔豬皮魚蛋魷魚
1）下油，下蒜蓉及乾蔥炒香，加入蘿蔔略炒。
2）再加入400ml雞湯，老抽、蠔油各2湯匙，糖2茶匙，滾起轉小火炆15分鐘。
3）再加入豬皮及炸魚旦，多炆10分鐘。
4）魷魚切塊，出水後抹干。在最後放入煮熟便可。
花膠鮑魚炆冬菇
1）下油，再下幾片薑及蔥段炒香，加入已浸軟的冬菇略炒，圍邊加入1湯匙紹酒略炒。
2）加入整罐罐頭鮑魚（連水），再加約400ml金華火腿雞上湯。加入蠔油1.5湯匙，一湯匙冰糖，1湯匙老抽。滾後轉小火炆30分鐘。
3）加入花膠件，再炆約10分鐘至稔身便可，最後用生粉水埋芡即成。
金蠔
1）洗淨抹乾，加入1湯匙紹酒，半湯匙麻油，1茶匙糖、鹽及生粉醃一會。之後蒸10分鐘即成。
大蝦
1）下油，把蝦煎香至8成熟，倒入2湯匙美極醬油，再略煎至色澤平均便可。
西蘭花
1）可灼熟或蒸3分鐘便可
砌盤菜
1）先放入蘿蔔豬皮魚蛋魷魚，加少許汁。
2）再加入枝竹豆卜豬腩肉及少許汁
3）鋪上切雞及燒鴨
4）圍邊鋪上西蘭花
5）最面鋪上大蝦、金蠔、鮑魚、花膠。中間鋪冬菇。把炆鮑魚芡汁全淋上，即成。
朱庭萱
炆罐頭鮑魚花膠 在 【鮑魚燴花膠】 大廚教路罐頭鮑魚咁樣做又腍又滑 ... - YouTube 的推薦與評價
... 鮑魚水200毫升水100毫升1.5湯匙鮑魚汁蠔油一湯匙糖一茶匙老抽半茶匙埋芡汁部分: 30毫升 罐頭鮑魚 水3茶匙生粉#炆鮑魚#罐頭鮑#炆 花膠 #小廚房煮大餐. ... <看更多>