(小編)
有問必答的政達,這次全都說了!🤭
謝謝LiTV
👕👖CLUB MONACO
【工作紀實:本尊也太帥惹吧!難怪咖啡店生意興隆☕️💙🈵!】
🉐🔝敲榮幸人氣劇「#女力報到🎬(#小資女上班記、#愛神出任務)」飾演咖啡帥店長的 #勵政達 🙋♂️☕️來 #LiTV 接受專訪💓!
小編覺得他回答問題超誠實,幾個答案都敲意外🎦(訪問關鍵KEY:我都在談戀愛的),以及,我覺得他某幾個角度有一點點、一點點像韓系大神安七炫(勵政達聽到後整個大喊不敢當這美譽,超謙虛捏🥰👍)。
LiTV 勵政達獨家專訪 - https://bit.ly/2UKbw4V
LiTV 勵政達心理糙驗 - https://bit.ly/39sbwvK
LiTV #愛神出任務 跟播看 - https://bit.ly/39tHJTw
LiTV #小資女上班記 全集看 - https://bit.ly/3bzj01n
@LiTV線上影視 女力報到 女力報到-愛神出任務® 女力報到® 女力報到~愛神出任務~粉絲團 女兵日記女力報到小資女上班記愛神出任務 跟鯊魚接吻.美味滿閣.想見你.炮仔聲.女兵日記(小資女上班記) 女兵日記&女力報到&小資女上班記&愛神出任務 女兵日記女力報到 勵政達 Ryan Li 台劇討論社
「炮仔聲全集」的推薦目錄:
- 關於炮仔聲全集 在 勵政達 Ryan Li Facebook 的最讚貼文
- 關於炮仔聲全集 在 有心無默 Facebook 的最讚貼文
- 關於炮仔聲全集 在 有心無默 Facebook 的最佳貼文
- 關於炮仔聲全集 在 炮仔聲第1集The sound of happiness EP01【全】 - YouTube 的評價
- 關於炮仔聲全集 在 「聲youtube」+1 【炮仔聲】全集 - 藥師家 的評價
- 關於炮仔聲全集 在 三立八點檔- 三立台劇炮仔聲【完整版】在這 點一下即可進入觀看 的評價
- 關於炮仔聲全集 在 三立連續劇炮仔聲在PTT/Dcard完整相關資訊 - 萌寵公園 的評價
- 關於炮仔聲全集 在 三立連續劇炮仔聲在PTT/Dcard完整相關資訊 - 萌寵公園 的評價
- 關於炮仔聲全集 在 youtube炮仔聲線上看 的評價
- 關於炮仔聲全集 在 炮仔声更新至413集 - 草莓影院 的評價
炮仔聲全集 在 有心無默 Facebook 的最讚貼文
《無異之地》惡夢島(十)
「喂,你條友瞓夠未?醒喇!」
昏迷咗好一段時間嘅731號因為臉部嘅痛楚總算甦醒過嚟。佢睜開眼,朦朧間見到一臉不爽嘅664號,即刻意識到係佢拍醒自己。
「啊……我點解會暈低咗?」731號撐起身,頭痛到就好似想裂開一樣。
「你頭先俾姓白嗰個女人催眠咗。」664號邊望住電子儀器邊回答。
「吓?」731號大感錯愕,「佢、佢點解要咁做?」
「咁都仲要問?因為佢係怪物囉……我哋啲子彈仲要對佢完全無效。」664號咬牙切齒咁講。
「但……佢殺咗我唔係更簡單咩……」
「係㗎,換轉我係佢肯定殺咗你好過,乾手淨腳……至少我唔洗晒時間搵你。」
731號回想起失去意識之前最後一件事──嗰陣白小姐好奇咁問佢點解會參與呢次行動,佢如實答係唔想辜負老豆嘅期望,當然都希望過程可以救到人……
=========
《惡夢島》連載中:
https://www.facebook.com/pg/Echo.of.Heart/photos/?tab=album&album_id=1861298627335278
《惡夢,藏在門後》全集:
https://www.facebook.com/pg/Echo.of.Heart/photos/?tab=album&album_id=1342167935915019
《極樂謊園》全集:
https://www.facebook.com/pg/Echo.of.Heart/photos/?tab=album&album_id=1736011713197304
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售!
=========
「喂,醒返就行喇,仲喺度發呆?」諗到呢度,原來664號已經行咗幾米遠,準備打開前面嘅一道門。
「我哋而家應該去邊?」
「去搵返其他人,」664號小心翼翼咁推開門,「隊長睇嚟已經同399號會合咗,我哋先搵返最近嘅275號,再加入佢哋……」
雖然好想自己冷靜下,但731號都明白時間唔等人(664號更加唔會等佢),所以最後都係跟上去。然而行咗大半個鐘,佢哋都仲係身處喺迂迴曲折嘅迷宮裡面。唔好話熟悉嘅人,連鬼影都見唔到一隻。
「你聽唔聽到有聲?」但越係冇事發生,731號就越感到不安,成日都會擰轉頭睇下有冇古怪。
「唔好疑神疑鬼啦。」664號回應,「我一直有感應住後面,有異樣嘅話我一定注意到。」
「咁前面呢?」
「前面用眼睇咪得囉,我又唔係冇眼!」664號越嚟越唔耐煩,「總之我開槍你就跟住開啦!」
「嗯……」731號點點頭,「但其實我哋係咪應該試下上返地面?話晒都係香港,會比較熟路……」
「鬼唔知咩,但你有見到樓梯咩?行嚟行去都係走廊走廊走廊!」
「或者可以研究下啲房間?」731號提議。
「咪搞,為咗搵你我已經開咗幾十道門,就嚟開到驚。總之跟住275號嘅訊號行就冇錯……咦?」664號突然停低腳步,盯住手上嘅儀器。
「發生咩事?」731號就好似驚弓之鳥一樣即刻舉起槍。
「我哋突然就行過咗……」664號擰返轉身,「275號個訊號就喺呢度附近。」
兩人回頭一望,面前除咗見唔到盡頭嘅走廊,就只有一道門,門旁邊仲有人用紅字寫上「終點」兩個字。
「275號就喺裡面?」731號不安咁問。
「訊號喺裡面,人就唔肯定。」664號回應,然後將佢手上嘅儀器擺喺門前。
幾秒後,儀器嘅螢幕開始出現一堆數據分析。雖然731號未學識晒啲指令,但只要冇出現紅字即係基本上代表係安全。
「道門冇陷阱,而門後面的確係有人……731號,準備好。」
說罷,664號就事不疑遲即刻推開門。房間裡面依然係一片漆黑,肉眼完全睇唔到有幾大。但透過頭盔燈,可以見到五六米以外有個體型粗獷嘅男人背對住佢哋,右手拎住把染血嘅軍刀,而且佢嘅全身連埋地下都沾滿住鮮血……
「275號?」664號只係行入房間兩步就停低,同時高舉起槍,「你點解除咗件裝……」
「殊!咪嘈!」275號怒聲打斷佢,「我喺度等緊……」
等?664號同731號不禁互望一眼,佢哋固然知道275號本身份人就奇奇怪怪。但就算點怪點癲,都冇理由將成套防護裝除落嚟,喺呢個環境下完全係不智嘅做法。
唔通又係扮嘢想試我哋?664號腦海正浮起呢個念頭,但正想開口嘅一刻……
「爸!」一把小朋友嘅聲音忽然喺房間嘅左邊角落傳出,緊隨住係急速嘅腳步聲。
說時遲那時快,一個瘦削矮小嘅男孩喺黑暗之中穿出嚟,睜大雙眼同時伸直雙手直衝向275號。假如係正常嘅情況下,呢個彷彿係小朋友想俾爸爸抱嘅溫馨場面……
但呢刻顯然唔係正常情況,所以睇嚟就零舍詭異。跑到距離剩低三米嘅時候,小男孩突然縱身一躍,而275號並冇張開雙手迎接佢,反而一記直刺將軍刀直插落小男孩嘅頭顱。小男孩中刀後馬上化成灰燼,只有中刀一刻爆出嘅鮮血依然留喺現場……
「第五十七個!」275號大聲咆哮。
其餘兩人正想搞清楚狀況,下一秒右前方又傳出另一聲:「爸!」。隨即展開倒模一樣嘅發展──相同嘅小男孩喺黑暗裡面走出嚟,然後275號毫不留情咁殺死佢……
「第五十八個!你哋繼續嚟喇!嚟幾多個我殺幾多個!」
「爸爸!」
「275號,夠喇!」殺完第五十九個之後,664號終於釐清狀況,「唔好喺度浪費時間,我哋要去搵返隊長佢哋……任務要緊!」
「你就浪費時間!我殺嘅係怪物呀!」275號顯然唔同意,第六十個小男孩隨即出現,馬上又俾佢手起刀落瞬間解決,「只要一直殺落去,你哋要面對嘅敵人就會越嚟越少……」
「唔好天真喇!啲怪物係你整出嚟,你唔走嘅話只會……」
「嘩!?」731號突然大嗌一聲打斷咗664號嘅說話。
664號即刻望過去,只見佢舉槍對住入口位置,下一秒其實已經撳掣開槍,但結果子彈並冇射到出嚟。再將目光移到門口位置,隨即見到一幕心寒嘅畫面──幾十個四肢不全雙眼被挖空嘅「蝕客」,居然喺佢完全唔為意嘅情況下出現喺門外面。
「係你……」
「點解唔肯放過我……」
「我明明冇做錯……」
「好辛苦……」
664號其實已經冇猶豫即刻開槍,但情況就同731號一樣。迫於無奈之下佢唯有轉用自己嘅異能。利用特製槍作為媒介,將法力轉為一道火炮爆出,一剎那就消滅門前嘅幾位「蝕客」……
但隨即有更多「蝕客」喺牆後面出現,仲要開始轉入房間。佢哋睇落並冇唔心急,而係緩慢咁一步又一步,彷彿眼前嘅仇人已經係佢哋囊中之物……
「可惡啊!」再連發好幾下火炮後,664號感覺到自己嘅法力正迅速下降。
但「蝕客」依然係不斷繼續湧入,只能迫到佢慢慢往後退。而佢事前已經知道呢間房係冇其他出口,所以只可以盡地一鋪……
「點解我會感應唔到呢班怪物……」
「因為,你一直只係留意住後面呀。」一把聲音喺664號頭頂回應。
距離之近,只要一抬頭就可以見到一張熟悉嘅臉孔臉貼臉咁望住佢──係佢由細玩到大嘅一位兄弟。記得兩年前,作為一般人嘅佢無意中發現到664號加入咗白色秩序,仲做過好多污糟事……為咗守住呢個秘密,664號毫不留情咁殺死咗佢。
「而我哋……係一直走喺你嘅前面啊。」語畢,佢嘅『好兄弟』一手按實佢嘅天靈蓋。
「啊啊啊啊啊啊啊啊啊啊啊啊!」
劇烈嘅痛楚令到664號再控制唔住自己嘅法力,結果下一發火炮錯誤咁直轟落地下。雖然佢同埋附近嘅731號因為有裝甲嘅保護所以冇受到傷,但呢發火炮卻令到地板炸出一個大窿。其後,664號連同本來已經準備要包圍佢嘅「蝕客」通通跌落深淵之中……
「嘩啊啊啊啊啊……」親眼睇住同伴跌落下面消失之後,731號狼狽咁連退後幾步,最後唔小心踩到一塊碎石成個人向後訓低。
佢先望返去275號嗰邊,身上冇甲嘅佢當然避唔過頭先嘅火炮。但就算下身已經著火燃燒起嚟,佢都依然係瘋狂咁殺緊不斷出現嘅小男孩……
再望去門口嗰邊,呢班斷肢「蝕客」睇嚟對佢並冇興趣,反而一個又一個咁跌落大窿下面,睇嚟目標從頭到尾都係664號……
若果,肯走嘅話,話唔定係走到──731號心裡面雖然係咁諗,但佢雙腳卻僵硬到冇辦法用力……唔知係因為受傷,抑或係內心嘅恐懼導致……
「嗚……」佢只能用雙手向前爬,嘗試去爬到門口、嘗試擺脫呢個惡夢……
但就喺佢即將爬到門口之際,突然有個著住軍裝嘅「蝕客」注意到佢,邊發出心寒嘅笑聲邊行到嚟佢面前……
「嘻嘻,歡迎嚟到終點。」
萬念俱灰嘅731號佢腰間拎出一把正常嘅手槍,佢唔知呢枝手槍對「蝕客」有冇用。反正,從一開始佢都唔係諗住咁用……
「小朋友呀,你覺得呢個係咪你嘅終點?」
本來,佢已經打開頭盔眼罩,再將手槍對準自己額頭。
「……定其實……仲未係時候?」
但佢喺最後一刻改變咗念頭,將槍頭轉向眼前嘅「蝕客」。但到底呢個舉動係出於勇氣,定係恐懼,佢一時三刻實在無法判斷。
「你……去死喇……」731號用盡最後一口氣講。
呯!
*
*
*
【無二視角】
「妳準備帶我去邊?」
自從回顧完嗰段「往事」之後,我就一直跟住如初行。行返上地面先意識到自己去到中環,有一刻真係有種方便過坐的士嘅感覺,但隨即又醒起呢度根本就唔係香港。
「好快你就會知道。」如初回應。
不過又老實講,我從頭到尾都冇諗過會同「清理小隊」嘅人失散,所以身上面根本冇任何可以定位嘅裝置。當然,係可以花少少時間同精神去研究之後點做,但與其係咁,不如見步行步好過……
反正,就好似我最一開始所講,眼前嘅如初毫無疑問就係我嘅「引路人」。
「咁其他人呢?點解妳要整走佢哋?既然白笑燭係佢哋嘅老大,我嘅往事應該都唔係咩大秘密……」
由其Match講過話想「親眼見識」,咁睇嚟主要成員應該都知道得非常深入。唔同其他一知半解嘅人,只係得個刻板印象覺得我好犀利,但根本唔知犀利喺邊。
「因為佢哋唔符合資格。」如初行到一座私人大廈面前停低,「『我哋』絕對唔可以俾唔合適嘅人搵到。」
哎呀,照咁聽落,清理小隊嗰班人應該有危險喇。但好遺憾,佢哋只可以自己顧掂自己。不過我估Match同埋399號應該係冇問題,唯一可惜就係731號呢個後生仔,睇得出佢係本性善良,只係太過聽自己老豆話,結果走咗條唔啱自己嘅路……
情況就好似當年嘅我一樣。
行入大廈之後,我哋搭𨋢去到最頂層三十一樓,最後喺八室前面停低。
「希望佢哋已經準備好。」如初先撳咗下門鈴,然後微笑住講。
「等陣!」
幾秒後,有一把男聲喺門嘅另一邊回應。再隔一陣大門就被打開,同一時間有股濃郁嘅蛋糕香味傳過嚟。
「哈,大人物終於到!等陣你好耐喇。」開門嘅係一個滿頭白髮,年約六十歲嘅男人。
而佢,正正就係Abraham博士。
以防大家唔記得,Abraham博士就係研究出「惡夢可以化成現實」,最後俾自己個親生女仲有女婿背叛嘅人。我呢刻之所以身處喺呢個鬼地方,某程度上都係多得佢。
「入嚟入嚟,鞋唔洗除喇,反正都唔需要洗……係嘞,蛋糕就快焗好,一陣我哋可以一齊試味。」Abraham博士滿心期待咁講。
「唔該。」如初禮貌咁講。
我跟住如初入屋,穿過玄關去到大廳,隨即又見到另一個認識嘅人坐咗喺梳化上面。
「無二……先生?」係731號。
呢刻佢並冇著住防護甲,見到我之後即刻狼狽咁抹一抹雙眼,睇落係啱啱喊完嚟?
「齊人!」Abraham博士興奮咁拍一拍手,「我應該由邊到開始講起好?」
「斷估唔係蛋糕落咗咩材料?」我微笑住回應。
「哈哈哈,當然唔係……你哋搵個位坐低,等我慢慢交代返成件事。」Abraham博士隨手搬咗一張藤椅過嚟坐低,「一於……」
「……由我發現個女背叛我嘅一刻講起。」
(待續)
下回:犧牲者
睇完記住幫手留個 LIKE、留言同分享出去呀~下集暫定星期二或三。
===================
【非呃嬲植入式廣告時間】《無異之初》《時間守衡者》《絕命上映》《絕望走廊》《絕無轉機》《無限次告白》《醉後的藍》已經登錄各大書局。
IG: echoofheart
炮仔聲全集 在 有心無默 Facebook 的最佳貼文
《無異之地》惡夢島(九)
就喺黃師父噠著火機嘅一瞬間,佢、愛姐、同埋昏迷緊嘅「我」同一時間轉移咗去第二度。而隨住愛姐嘅消失,警報聲亦都停咗落嚟,成間醫院頓時變到一片死寂。
「跟住呢?」見我冇進一步行動,如初好奇咁問。
「既然我當時暈低咗,梗係唔會知道之後嘅事。」我回應,一直盯住病房起火嘅嗰本書。
「假如真係好似你所講咁,照計呢段『回憶』應該已經結束咗。」如初明顯唔信,一個轉身開始行起嚟,「行啦,佢哋應該喺醫院外面?」
「果然女人都係鍾意尋根究底。」我無奈咁講,但都係慢慢跟上去。
「呵呵,唔好唔記得我都係你想像出嚟。」
=========
《惡夢島》連載中:
https://www.facebook.com/pg/Echo.of.Heart/photos/?tab=album&album_id=1861298627335278
《惡夢,藏在門後》全集:
https://www.facebook.com/pg/Echo.of.Heart/photos/?tab=album&album_id=1342167935915019
《極樂謊園》全集:
https://www.facebook.com/pg/Echo.of.Heart/photos/?tab=album&album_id=1736011713197304
【廣告時間】《無異之初》、《時間守衡者》、《絕命上映》、《絕望走廊》、《絕無轉機》各大書局有售!
=========
行出醫院大門,映入眼簾嘅係一片猶如置身災難片般嘅景象──本身停泊喺醫院外面嘅汽車全部受到不同程度嘅破壞,其中一架救護車仲起火燃燒緊。再望遠少少,十幾米以外有三個男人正包圍緊愛姐,不斷展開攻勢。
「哈哈!不愧係『血之子』,喺無意識嘅情況下都可以擋晒我預先安排好嘅術法……」
最先講嘢嘅係陸師父,佢全名叫做陸孝虎。佢著住一身深藍色嘅道士服,手握一把桃木劍。正如佢一身打扮,陸師父嘅拿手本領就係斬妖除魔,特別係常見嘅殭屍事件,好多都係由佢親手解決。
「如果俾佢甦醒到真係唔敢想像呀。」陸師父邊講邊抽出一張天師符,先用力一揮,再舉起桃木劍一劍刺穿張符,一道光柱猶如炮彈一樣直衝向飄浮緊嘅愛姐,觸碰瞬間引起一場爆炸……
……但並冇對愛姐造成半點傷害。
「陸師父,睇嚟直接攻擊係傷唔到佢。」接住講嘢嘅係黃師父。
「我知呀,但越難打就越痛快!」
黃師父全名叫做黃天定。假如你夠細心同聰明,大概已經想像到佢就係「我」未來嘅師父。我有近一半以上嘅本領都係喺佢身上學返嚟。而喺尾東樓俾阿聰玩壞嘅打火機,就係師父金盤洗手嘅時候親手交畀我。
雖然睇落冇攻擊動作,但我師父其實係一個極度推崇「無招勝有招」嘅人。短短幾秒間,佢已經用咗幾種攻擊手段去對付愛姐,而同時間佢都保護緊喺佢旁邊昏迷緊嘅「我」。
「精神攻擊都無效。」黃師父講:「佢已經擋咗我三十招。」
「等我嚟。」接住出手嘅白師父。
佢全名叫做白笑燭。一身西裝骨骨嘅佢同另外兩位師父有著強烈對比。而佢正正就係青鹿口中嘅「BOSS」──即係「白色秩序」嘅創立人。雖然一直有出手,但睇得出佢每招都係明顯留力……
「喂,白兄,唔好諗住手下留情喇!」作為老手嘅陸師父當然注意到呢點,「最叻結界嘅司老唔喺度,你唔洗諗住活捉佢喇。」
「嗯。」白師父點點頭,「真係可惜啊……」
至於佢哋口中嘅司老、司師父……冇錯,正正就係我嘅老豆。多年之後我當然有諗過,佢當日之所以缺席,可能就因為知我喺度,唔想同我有任何接觸。
而陸、黃、白、司,呢四位師父,當年係被美譽做「四大天師」。每一位嘅異能等級都上到第八級,都係獨當一面實力非凡嘅大人物。但事過境遷,陸黃兩位師父已經先後金盤洗手,而我老豆就失咗蹤,只係剩低白笑燭依然手執權力唔肯放手。
「睇嚟真係要換個方法啦。」見下一輪攻勢都係無效後,陸師父終於停低落嚟認真思考,而佢隨即注意到『我』,「話時話,黃師父你點解要捉個細路出嚟?留佢喺醫院裡面唔係仲好咩?」
「個細路係隻怪物認識嘅人。」黃師父趁住白師父攻擊嘅空檔迅速咁點煙再放喺嘴邊,「而且,佢暈低嗰陣附近著緊火,留佢喺嗰度會好危險……」
「吓?火?」陸師父反咗下白眼,「黃師父,唔好撚化我喇,白師父咪講咗佢幫會嘅人會入去醫院救人囉……」
「嗯,我記得。」黃師父吸咗一口煙,若有所思咁講:「其實仲有個原因,應該咁講……我有個幻象,覺得呢個細路會係關鍵。」
「哈,又係幻象!」陸師父大笑一聲,「賢弟,我成日都懷疑你係食錯煙,總係喺唔適當嘅時候先嚟發作。」
「各位!唔好傾閒計喇。」白師父打斷佢哋,「佢睇嚟準備醒。」
語畢,佢再度出手,瞬間將旁邊一架的士分割成幾塊鐵片,再控制所有鐵片直飛向愛姐嗰邊,就好似當愛姐係一塊磁鐵咁用力壓實。假如壓住嘅係一般人或者動物,應該一瞬間就可以壓成肉醬……
但結果,下一秒所有鐵片就化成細沙隨風飄走,愛姐依然係成個人完好無缺。唯一唔同嘅,就係佢終於唔係合埋眼。而係好似啱啱訓醒一樣,半睜開眼。
「呢度……係邊度?」愛姐緩緩垂低頭,雖然佢呢刻係凌空飄起接近四五米高,但佢並冇感到驚訝,「地下……好遠……」
「睇嚟可以溝通到?」陸師父低聲同另外兩個人講。
但就喺佢講完一刻,腳底卻毫無預警咁發生爆炸,就好似陸師父突然原地踩中地雷一樣,成個人瞬間被炸飛。不過呢下爆炸並冇殺死陸師父,唔係因為傷害唔夠(實際威力係可以炸毀一架坦克車),只係三位師父經驗老到,早就做好晒保護措施。
「嘩……」雖然死唔去,但陸師父都係嚇一跳,「當我冇講過喇。」
「你哋……」愛姐一臉哀傷咁講,右眼流出血紅色嘅眼淚,「……點解要傷害我?」
「睇嚟佢頭先唔係冇意識,而係知道晒發生過咩事。」白師父講:「黃師父,你睇『人』最準,佢係咪已經上到第九級?」
「嗯。」黃師父點頭,「兩位師父,睇怕我哋今次真係危險喇。」
「咁又未必。」白師父意味深長咁講,將目光轉向黃師父身後。
「愛姐……?」黃師父身後嘅『我』竟然甦醒過嚟,「點解……咳!」
但只係撐起咗一半身,「我」卻口吐鮮血成個人瞓返落地,表情顯得相當痛苦,可以見到上衣近腰間位置開始被血所沾濕……
黃師父見狀顯得相當意外。佢當然冇諗到「我」會醒,更加冇預過「我」會受傷……但佢馬上就搵出筒中原因。
因為,負責整暈醫院入面所有人以防混亂嘅人,正正就係白師父;
而有能力暗中解開黃師父嘅保護再整傷「我」嘅人,亦只有白師父一個。
「阿義……」愛姐注意到受傷嘅『我』後,馬上激得睜大雙眼,「你哋……啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊啊!」
愛姐嘅痛喊聲響徹整個空間,可以聽到天空傳出猶如雞蛋殼裂開嘅聲音。睇嚟三位師父合力創造嘅結界隨住呢下喊聲開始土崩瓦解起嚟。
冇錯,其實成場戰鬥一直喺結界裡面發生。但如果唔可以喺結界完全破壞前解決成件事,就有可能傷害到真實世界嘅人。
「你點解要咁做!?」黃師父難以置信咁問白師父,「點解傷害一個無辜嘅人?」
「黃師父,你知我同其他人唔同。」白師父終於展露出一個冰冷嘅微笑,「我一直好相信你嘅幻覺……但更加相信我嘅直覺。」
「你……」
「不過,我哋首先要撐得過下次攻擊。」佢重新望向愛姐。
當愛姐嘅喊聲結束後,可以感應到藏喺佢身體裡面接近無窮無盡嘅力量不斷傾湧而出。身上有血根嘅位置開始飄出一滴又一滴鮮血,先係懸浮喺空中,然後喺彈指間裂開成為閃電般嘅形狀,向住四方八面咁延伸開去。
呢刻時間就好似靜止咗一樣,而我都係第一次用呢個角度係睇返成件事,如果你問我呢刻有咩感覺──
心寒。
「白兄,我後悔喇!」陸師父明顯有相同嘅感覺,「我收你呢筆錢係想早啲退休,唔係想早啲升天呀!」
就喺佢講完一刻,其中一道血色閃電迅速擊落地面,隨即觸發強烈嘅地動山搖,可以見到所有汽車、地上面嘅灰塵玻璃,全部通通被震起,遠處嘅樹木亦都一棵棵倒塌落地。
結界遭受到呢一擊之後終於被破壞。當一切暫時平靜落嚟,可以見到整個環境又恢復成原貌──所有汽車完好無缺,醫院嘅玻璃亦都一塊都冇爛到。
至於三位師父,雖然依然屹立不倒,表面睇落冇受到傷。但實際上,為咗抵擋呢下「爆發」,佢哋每一個都受到嚴重嘅內傷。
「咳……咳!」最先忍唔住吐血嘅人係陸師父,佢即刻為自己點穴道試圖止血。
「吐!」接住係黃師父,佢將鮮血連同煙頭一齊吐落地,「白笑燭,今次成功擋住咗喇,但跟住呢?」
白師父睇落係三個人受傷最少嘅一位。之所以咁,因為佢比起另外兩位師父更早預想到會有呢下攻擊。
「跟住,當然係解決呢件事。」佢左手一伸,本來仲瞓喺地下嘅「我」即刻隔空飛到佢手上,然後佢用力握住「我」條頸。
「唔……」『我』痛得睜大雙眼。
「白兄,你唔係想再激多次個怪物嘛?」陸師父大感錯愕,「你再係咁我真係走㗎喇!?」
「你哋望下,頭先呢下『血破』,呢個細路居然係一啲傷都冇。」
「咁係因為隻怪物識佢!」陸師父反駁,「但佢唔識我哋……」
「唔係,仲有原因。」然而回應佢嘅係黃師父,「因為佢嘅『情況』都係一樣。」
「冇錯。」白師父點頭。
望向愛姐,呢刻佢又重新聚滿能量,隨時又可以進行下一波攻擊。就算強如三位師父,亦都冇能力再擋多一次……
「白師父,你今日叫我哋嚟嘅『真正』目的到底係咩?」黃師父再問。
「一齊見證奇蹟嘅發生。」說罷,白師父喺腰間抽出一把刀,毫不猶豫咁一刀直插落『我』心臟。
呢一刀,將會喺我身上留低永不磨滅嘅傷痕。
「阿義!」
愛姐驚呼一聲,一道血色閃電立即轟落白師父身上,將佢揮刀嘅右手無情咁擊斷,隨即引爆一下震盪波將佢同「我」隔開。白師父足足被震到十幾米以外,而「我」就依然留喺原地,痛苦咁盯住自己嘅心臟……
當時嘅我,就好似發緊一場永遠都唔會醒過嚟嘅惡夢。
但我終歸都係會醒,因為一雙溫暖嘅手總會係我快要跌低之前抱實我。
「愛姐……」由於失血過多,當刻嘅『我』意識已經開始模糊,「我會去搵醫生……佢一定會救到妳……」
「阿義,唔需要喇,你已經好努力。」愛姐用力抱實『我』,本來只要輕輕掂一下就會致死嘅血色閃電,正溫柔咁開始包圍我全身。
然後,萬籟俱寂,身旁所有嘅事物、包括天空在內全部換成為一片黑色。唯獨地下,「我」注意到自己踩咗喺血泊上,而面前只係企咗愛姐一個人。
「我唔鍾意呢度……阿義你呢?」愛姐微笑住問。
「嗯,」『我』點點頭,「就好似返番去細個住嘅嗰間病房咁。」
「咁呢度肯定係有趣得多。」愛姐彎低身,用纖細嘅手輕輕拂過血泊,「我好似,突然理解到好多嘢咁。就好似我哋點解會存在,之所以存在又到底有咩意義咁。」
「吓?」『我』當然無法理解。
「但若果我可以揀,我都係想好似以前咁……只係,已經冇機會喇。」
「冇機會……?愛姐……妳到底講緊咩?」『我』不解,然後終於注意到自己心臟位置受咗傷,「我……係咪已經死咗?」
「本來應該係。」愛姐換個堅定嘅眼神,「但我唔會畀呢件事發生,唔會……俾你死得早過我。」
「吓?」
「阿義,」愛姐行過嚟緊緊攬實我,用最溫柔嘅語氣講:「應承我……」
你要好好讀書、
好好識朋友、
有夢想就努力去追、
一定要注意好身體、
幫我照顧好孤兒院入面嘅兄弟姐妹、
有餘力就盡量去幫下其他人、
啊,仲有……
搵一個好女仔拍拖、
將來同佢組織一個幸福嘅家庭。
唔好成日勉強自己、
盡咗全力就足夠。
我最親愛嘅弟弟,
要聽家姐話……
「……代替我,好好去做一個普通人。」
就喺愛姐講完嘅一刻,佢全身化成為血紅色嘅花瓣,隨住拂過嘅暖風緩緩飄散。
「愛姐……」重新經歷呢一幕,我並冇好似當年咁流眼淚。
因為我知道,為咗回憶而落淚嘅「人」,永遠只配做一個失敗者。
而我嘅眼淚,只會等到成功之後先會流。
「你記得呢段回憶,只係唔想諗起……」如初淡然咁講:「但呢段回憶永遠都存在喺你心裡面,就好似愛姐留畀你嘅『血』一樣。無二先生,就算你點唔想諗起,你喺潛意識入面一直完成緊愛姐所想嘅事──你開咗間公司、表面上係清潔、實際上係暗中幫人……」
「仲有一直努力去扮做一個普通人。」我終於回應:「我一直好怕自己完成唔到愛姐嘅期望。」
呢個,係我第一個惡夢。
「都係嘅,你唯一失敗嘅地方,就係唔聽佢話走去食煙。」如初偷笑一下。
「今次輪到妳想轉移話題。」我笑住講:「我嘅第二個惡夢。」
「嗯,我知你已經忍咗好耐。」如初回應。
「妳呢句嘢千祈唔好俾阿杏聽到,唔係佢肯定會嬲咗我。」
「呵呵,放心……呢個只會係我同你之間嘅秘密。」
如果我話,想要真真正正咁達成愛姐嘅「期望」,需要犧牲白如初嘅話……
……假如你係我,你會點決定?
事實上,我一直都有機會落手,只係我冇咁做到。
因為,我知道咁做嘅話,愛姐肯定唔會原諒我。
所以,我只好忍、
只好等。
等下一個方法。
明白未?
白如初係我嘅希望,
同時亦係我嘅惡夢。
*
等到一切結束之後,陸、黃、白三位師父先後嚟到「我」同愛姐面前。
呢刻,「我」同愛姐都瞓咗喺地上面一動不動。「我」依然係一臉痛苦,愛姐卻係展露出微笑……而三位師父都感應到,眼前只係剩低一個人仲有心跳。
「白兄,呢個就係你所指嘅奇蹟?」陸師父問。
「冇錯。」白師父露出一個狂熱嘅笑容,「可能你哋會覺得我想害你哋,但我冇……陸師父、黃師父,作為多年嘅對手同朋友,我係真心想同你哋分享呢個時刻,見證真真正正嘅『血之子』誕生。」
陸師父聽完本來都係半信半疑,但可能見白師父係傷得最重嘅一個,為咗呢次瘋狂嘅見證連右手都斷埋,往後實力一定會大打折扣,所以最後只係嘆咗口氣講:
「唔理點都好,三倍報酬。就當係補返我嘅醫藥費。」陸師父伸一伸懶腰,「啊……痛痛痛……」
「呢層當然冇問題。你呢……黃師父?」白師父問。
「我就唔需要啦。」黃師父冷酷咁講:「我對你嘅實驗同臭錢都冇任何興趣。今次之所以嚟幫你,都係怕個怪物會害到外面世界嘅人。」
「但你一定係有嘢想要,話畀我知……我一定盡全力去做。」白師父講,佢彷彿已經洞悉到黃師父嘅心中所想。
「既然係咁,你就答應我一樣嘢。」黃師父指向地上面嘅『我』,「俾呢個細路安安穩穩咁過埋佢嘅少年時代。」
「明白,我同我嘅組織絕對唔會騷擾到佢。」
「細路。」黃師父忍住痛楚抱起『我』,「好好瞓埋呢教,因為瞓醒之後……」
「……將來仲有大把惡夢等緊你。」
(待續)
下回:眾人的下場。
最後三集。呢期開始執緊書啦,希望四月同大家見面。預計實體版《無異之地》會加多一個章節,講無二同阿杏第一次見面嘅情況。記得到時多多支持呀!
睇完記住幫手留個 LIKE、留言同分享出去呀~下集暫定星期五或六。
===================
【非呃嬲植入式廣告時間】《無異之初》《時間守衡者》《絕命上映》《絕望走廊》《絕無轉機》《無限次告白》《醉後的藍》已經登錄各大書局。
IG: echoofheart
炮仔聲全集 在 「聲youtube」+1 【炮仔聲】全集 - 藥師家 的推薦與評價
聲youtube. 【炮仔聲】全集. 三立台劇-炮仔聲The sound of happiness; 534 videos; 3,689,049 views; Updated yesterday. Play all. Share. Loading. ... <看更多>
炮仔聲全集 在 三立八點檔- 三立台劇炮仔聲【完整版】在這 點一下即可進入觀看 的推薦與評價
【炮仔聲】全集- YouTube ... 炮仔聲林至明之粉絲專頁,以上林至明之回覆言論不代表陳冠霖本人立場。 ... <看更多>
炮仔聲全集 在 炮仔聲第1集The sound of happiness EP01【全】 - YouTube 的推薦與評價
... <看更多>