文末送禮🎁【屯門新場】Love Baby Play House
10月 Halloween，點可以唔開返個 Halloween Party 🎃今日芊嶠放學，下午就約左幾位媽媽一齊去屯門新場 Love Baby Play House 到開 P 🙆🏻♀️嘩嘩嘩！嶠媽就你鑽石山搭 61X 入去，豐景園落，行去都係7分鐘到，都唔算太遠！你可以話我山長水又遠去屯門，但為左要見朋友仔，你可以去到幾盡？
入去玩之前，一定要先消毒雙手，大人小朋友都要架🤗嶠媽我好喜歡場內設計！入面好似一間屋咁，有個廳，有5間房。廳有架船，其實係個滑梯來嘅，之後又有條蟲蟲，比小朋友爬爬爬❤️仲有個波波池，波波池入面有個大 mon，又有屏幕遊戲玩，小朋友最開心，因為佢地執起波波就掉向屏幕，不用想太多🤣
另外5間房，1間係比大家食野嘅，房內有枱、凳、high chair、雪櫃，可以自己叫野食，場內都有售賣食物，價錢不算貴！最欣賞飲品有冷飲🍹，也有室溫飲，適合不喝冷飲嘅朋友仔😌提提大家，飲食只可在此房間內喔😆第2間房，有跳彈床、韆鞦、彈彈車、搖搖板，簡直係小朋友放電之房，放爆電呀🙂
第3間房就係靜態啲嘅，有個帳篷，可以成班喂喂喂入去玩😆右邊有兩張 LEGO 枱，仲有凳比小朋友坐住來砌！最入就有個書架，仲有坐墊提供，同朋友揀返本書書，坐係到睇書，攤抖一下😌
第4間房，首先講下有張換片墊，IKEA 都係用哩張，係木製，最 sweet 嘅係店主用防撞膠貼住木啡位，怕媽媽幫小朋友換片放佢地落床個陣唔留心就撞到頭🤦🏻♀️之後有個細波波池，不過唔係圓形嘅波波，係心型嘅波波❤️仲有個「叮噹」帳篷，入面有好多錢錢 (籌碼)，仲有提供工具比小朋友「筆」啲錢錢入南瓜🎃兜入面，可以比小朋友訓練小肌肉喔🙆🏻♀️仲有個小籃球🏀，有個球籃，比小朋友投籃🤗房內仲有好幾款嘅樂器，比小朋友玩下，增加對音樂嘅興趣👍🏼
第5間房，有間屋仔，入面有個小廚房，基本上每個小朋友入左去都唔想出來，因為真係好好玩！左邊有個衫架，有好多唔同嘅服飾提供，有護士、醫生、吸血鬼🧛♂️、水手套裝提供，小朋友可以玩角色扮演🤗房內仲有個迷你超市，小朋友可以推住車車去 shopping，之後搵個小朋友做收銀，一個買一個賣，真係好好玩😆買完拎入廚房煮都得喎！
廳內有好多玩具，最正係好多車車，咩車款都有，真係男孩子👦🏼天地。仲有張迷你化妝枱，小朋友互相幫大家化下妝，好可愛❤️仲後，記住影返張大合照呀！今日芊嶠和劻霖都玩得樂開心，一間 Play House 其實可以為左空間感大啲，一間大房放哂啲玩具，但店主就約佢間開幾間房。其實想法好好，因為可以比小朋友唔同嘅體驗，一間一間房咁去玩！動態和靜態活動可以分開，唔洗小朋友受影響，可以全程投入去玩、去體驗🤗
今次好開心，Love Baby Play House 會送出早埸免費名額5個 (每個名額包一大一小，早場10:00 - 12:30，星期一至日適用，有效期至 30/11/2018)。
==================
⭐️參加giveaway方法⭐️
1️⃣「讚好」芊嶠與細佬·雞蛋仔 及 Love Baby Play House 專頁
2⃣「讚好」及「分享」此post (請在 Share 時將Post 設定為公開，以便嶠媽檢查核對)
3⃣ 在【芊嶠與細佬·雞蛋仔】專頁 留言位置回答「最想去 Love Baby Play House 玩啲咩？」，並Tag 3個未讚好芊嶠與細佬·雞蛋仔專頁嘅朋友。
截止日期：2018年10月26日
**得獎者將於10月31日公佈結果，並會收到由芊嶠與細佬·雞蛋仔發送的得獎通知。
**如有任何爭議，芊嶠與細佬·雞蛋仔將保留最終決定權。
#為左玩可以去到幾盡 #全職bb又出動 #LoveBabyPlayHouse #開張一個月 #HalloweenParty #開P #芊嶠與劻霖成長日記 全職bb聯盟
為左玩可以去到幾盡 在 為左玩，可以去到幾盡| By 大少威哥& 二少脾氣王& 三少小霸王 ... 的推薦與評價
Meer van 大少威哥& 二少脾氣王& 三少小霸王 · 沖完涼就即出街跑乾個身 · 傻狗玩扭蛋 · 小霸王您為左玩具可以去到幾盡 ，爬到咁鬼高 · 我家3少第一次的下水禮。。。 ... <看更多>