《走到懷疑人生-鬼手岩遊記》
一直將鬼手岩放喺 wish list ,一來諗住 fit 啲先去挑戰,二來一聽到行程咁長途又艱辛,好難搵到死士一齊去。琴晚突然有股強烈嘅探險慾望,決定今朝一個人出發。
朝早瞓過籠,10點先出發,由洞梓慢跑3km去水壩當熱身,本來諗住食啲嘢先,但又未有胃口,於是空肚上山😅 袋裡面得幾塊餅同兩包gel,水就帶夠3L。
水壩至鹿湖峒係幾靚,但我跑住上,冇乜打咭。重點來了,鹿湖峒出咀方向,是延綿不斷大約5km茂密刮刮矮樹林,一邊走會一邊瘋狂刮你全身,又會勾實衫褲背囊同襪,我又大件,開入去簡直同破林冇乜分別,仲要個頭不下二十次撞到橫枝,撞到嘭嘭聲⋯開頭都會用手擋,但係你諗吓,5km都係咁嘅境況,我直情放棄對抗,由佢地勾爛曬啲衫褲。最大問題係冇得加速,焗住減速,即係我出返去食下午茶嘅算盤打唔響🤡
沿途跌死狗、鳳凰笏頂地勢險要,有幾段落山要手腳並用,頗考膽色。雖然累積爬升只有1600米左右,但上落非常急,對體能挑戰頗大,不過主要令人崩潰嘅,都係無窮無盡嘅密林,一個人行真係行到懷疑人生⋯
行到20km左右,終於到達咀尖,要喺極斜同鬆散嘅沙地急速下降130米,雖然有繩,但個人唔建議用,因為專心選擇點樣落腳會安全得多。
落到海邊仲要喺大堆大石上搵路去鬼手,大約一、二百米,我興奮得滯唔小心拗咗一下柴,好彩熱曬身,冇事,但大家真係要小心。
潮退時會有路兜過鬼手,但我去到啱啱潮漲,要攀過兩面石牆先過到去,最高嗰度牆有十幾呎,又係要小心。不過石上面有較多裂痕,所以冷靜搵位落手落腳,其實唔難。
終於到達鬼手,比想像中細隻,但潮漲又大浪,十分之有氣勢。鬼手前有個平坦嘅小石灘可以休息,但我怕日落都未落到山,所以只逗留了幾分鐘。
原路折返,又要面對令人崩潰嘅密林,仲要中途行錯路,又拖慢進度。個人開始攰,有幾次俾啲樹枝撞跌,好彩我肉厚,插唔傷,建議大家著返啲防刮衫褲。回程完全唔想影相唔想休息,一心諗住餐蛋麵同可樂,返到鹿湖峒前已經KO晒3L水,沿途完全冇補給,所以真係要慳住飲。
返到烏蛟騰已經天黑,原本路線係跑返洞梓,但精神肉體都頂唔住,又咁啱有的士,所以就喺烏蛟騰以33.67km完結,總共用咗7小時48分鐘,比我預計耐得多,但總算轟烈地解鎖另一個人生成就!
#鬼手岩 #trailrunning #孤獨hike #hiking #考牌路線 @ 鬼手岩
烏 蛟 騰 補給 在 Stella's hea食玩部屋 Facebook 的最佳貼文
⛰行山減肥⛰
近排識咗班行山友,平日約埋行蝴蝶山,行咗2-3星期之後,終於出去挑戰下其他地方!原本諗住少少地,試下行3-4粒鍾,點知最後改改下路線,最後行咗6個半鍾!成17.2公里!
😵😵😵😵😵😵😵😵
當日嘅路線:
照鏡潭>烏蛟騰>三椏灣>犁頭石>荔枝窩>分水凹>谷埔>鳳坑>鹿頸
(17.2公里 。 6.5小時 )
⛰⛰⛰⛰⛰⛰⛰⛰
整體嚟講啲路唔算非常難行,不過最好有對正式嘅行山鞋,因為沿路有好多係碎石路,好易跣腳,我都跣過一兩鑊!
中途其實都會經過好多茶座同村,假設要補給,其實都有地方。厠所就有2-3個,係昆蟲仔多啲,同有個超多蟻!
🐜🐜🐜🐜🐜🐜🐜🐜
水嘅話預每人2升左右,帶定少少糖同Engry Bar就得,係一開始有幾個位比較曬,好多都係樹林位,天氣熱會焗啲。不過有啲地方有山水,可以濕濕塊面同毛巾!
💦💦💦💦💦💦💦💦
打卡位唔算多,都係普通山景、瀑布仔、紅樹林、海灣、日落相,有經過鹽田、蘆薈田,但影落唔算太特別,下次買返對鞋再挑戰其他地方!
💪🏻💪🏻💪🏻💪🏻💪🏻💪🏻💪🏻💪🏻
📍📍📍📍📍📍📍📍
👉🏻想睇更多吃喝玩樂資訊?Follow我啦!
FB:stellasheafoodiary
Ig: stellasheaa
Blog:Stella's hea食玩部屋
YouTube : https://www.youtube.com/channel/UCXPATomyWsZumEe4cT4OBEw
@ 烏蛟騰
烏 蛟 騰 補給 在 拖手仔 去街Guide Facebook 的最佳解答
【🍁紅葉情報🍁】
🎶片片紅葉轉🎶 凝聚了美麗卻苦短🎶
又到12月中,係時候留意紅葉咩環境啦!前日友人前往大棠,即時情報:楓香葉開始紅啦!!
呢個時候,小編就會自自然諗起呢段片~😏(雖然係翻炒,但正好fit曬呢個)
😍特別鳴謝:TERRY 真摯動人友情演出!
😂免責聲明:片中SK的演出係小編M逼佢做㗎,都係劇情需要,哄吓大家一笑~佢真人唔係呢個STYLE,大家唔好恥笑佢呀...雖然係好好笑(可能M笑點低啦!對住個mon真係笑到gap gap聲)
#笑到gapgap聲
#好靚呀⋯⋯啲葉
#買唔到水咪飲水喉水囉
❤️大棠觀葉路線:🤩
黎緊呢幾個星期可能紅曬🍁,預留時間去品~由山腳行至楓香樹小山丘,來回大概要預2.5小時。路上並無補給點,故必須帶備足夠糧水,中途多休息,記得不斷給小朋友打打氣啊。
詳情:http://www.guideguide.hk/?p=1630
🤗烏蛟騰觀葉路線:🤪
小編們最近都無去,唔知現場實況點!但呢度相對隱秘,由小巴站落車向三椏涌方向行,只需步行20、30分鐘,便會發現10多棵拼排的楓樹🍁,不需攀山涉水,輕輕鬆鬆即可看到滿滿的紅楓葉。
詳情:http://www.guideguide.hk/?p=1394
🍁PLS LIKE AND SHARE🍁
#元朗大棠 #楓香林 #紅葉 #小甜健 #愛回家TERRY #親子 #行山 #睇紅葉係近年熱潮 #平日去人少少好啲假日去好似行花巿 #拍拖去啦
顯示更少