【怒屌《#花木蘭》前，有冇人睇過《烽火動物園》】
《花木蘭》喺全球各地上映／上架後，有個幾有趣嘅現象，先唔好講「菲菲」呢單嘢，就單單套戲嘅水準，竟然會有咁鮮明嘅分野。
雖然套戲喺Disney+要俾$29.99睇，美國觀眾似乎好受落，目前爛蕃茄評分有79分，仲高過開始劣評陸續出現嘅《#TENET天能》。有評論指《花木蘭》一如迪士尼「公主片」咁，拍得燦爛悅目，動作特技場面無懈可擊，希望迪士尼喺疫情好返後，重新上過大銀幕，因為《花木蘭》係套為大銀幕而生嘅佳作。最誇張係有評論直頭講到係史上最佳迪士尼公主真人片，連《阿拉丁》同《美女與野獸》都要行埋一邊咁話。
與此同時，台灣網民插到有幾花生，我諗大家都睇到唔駛我多講，更有趣係連大陸網民都怒插，目前豆瓣只得4.8分，直頭係唔合格果隻。先唔講「菲菲」嘅問題，大家怒插套戲投入感勁低、角色嘅內心世界勁平面，仲有搵咗一大班華語影壇巨星，點知全無發揮，而對中國文化拍到勁獵奇，都令大陸網民唔多受落，插「菲菲」就插佢完全冇演技可言。
撇除政治立場，東西觀感差異大到咁，難得一見。到底《花木蘭》背後係邊個揸旗？睇返原來導演係Niki Caro。
都撇除政治立場、「菲菲」呢條友講乜廢話，我唔會冇睇就狂插，但見到導演係Niki Caro都驚驚。雖然佢拍過《對抗性侵犯》，係幾有劇力，都將兩位演員推到上奧斯卡。之但係，前作《烽火動物園》堅失望。將一個納粹暴政下，理應充滿人情味嘅故事拍到咁難睇，完全妄顧情理，都駕馭唔到套戲應具備嘅節奏。睇套咁認真嘅戲，後半段竟然全場恥笑聲連連，係當年最失望嘅戲之一。
當《烽火動物園》成班德國人講英文、拍到個個德軍都好似白癡咁，你話《花木蘭》成班中國人講中文，又完全拍唔出花木蘭內心世界，似乎都好正常？
對於呢單嘢，我表示花生。
《烽火動物園》觀後感可看留言連結。
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
烽火動物園 在 【《烽火動物園》(The Zookeeper's Wife) 正式海報】 ★《鯨騎士 ... 的推薦與評價
《烽火動物園》(The Zookeeper's Wife) 正式海報】 ☆《鯨騎士》《對抗性侵犯》紐西蘭女導演#妮琪卡羅#NikiCaro 細膩動人力作☆ 《槍狂帝國》金球金像提名影后#謝茜嘉 ... ... <看更多>