上次提過一個賣好多本土日用品嘅網（www.ztore.com）。其實之前都會有少少concern：下，周街都係日用品啦，洗鬼上網買？但呢個網就係主打啲唔係周街見到嘅本土特色野，又發現原來個網有好多都係自己一路幫襯開嘅野，一路上呢個網，一路：「咦？！竟然有？！」
如圖所見啦，全部都係自己食開。左面果枝，細個勁中意飲嘅綠寶橙汁！！知出面有鋪頭有，但一直搵唔到。個package 唔同，唔係中文，同埋係玻璃樽裝，但陣味一樣，兒時回憶陣味！！！！
中間幾枝橙色唔係橙汁，係辣椒醬黎，由細食到大！！個brand叫余均益。呢隻醬比較難買到，要去到西營盤總店先齊貨。睇過訪問，個老板話曾經搵超市傾上架，但有所謂嘅「霸權主義」，好多上架費，減價又要對分，結果只係比雜貨鋪賣，話寧願比佢地賺。隻醬夠辣，陣味唔化學，點蘿蔔榚、乾炒牛河、煎釀三寶，基本上係無得輸，撈車仔麵食又得。
右面係抹茶同焙茶曲奇，近排只飲焙茶，因為個胃唔好，焙茶咖啡因含量少好多，所以岩飲。前排自己搵到間樓上鋪叫香茶房，日本人經營，幫襯過幾次，ztore 個網又有！今次試下呢款焙茶曲奇餅，甜度岩岩好（本身唔太好甜食），略嫌唔係好夠焙茶香。
嘈左好耐大財團壟斷，其實都仲有選擇嘅。見到好多唔會係超市見到，或者因為種種問題而上唔到架嘅本土製日用品。生活係呢個咁癲嘅城市，多個選擇，總好過無呀？
P.S. 即係備註啦：收到貨嘅時候，見個紙皮箱無ztore個logo，得封箱貼紙，問番佢地公關，原來如果客人無指定要用新紙箱嘅話，ztore 就會用環保紙箱pack 貨。部份環保紙箱會向一個叫「拾易紙長」嘅社企買，呢個社企會用高過市價，去同啲自力更新嘅拾荒婆婆買紙皮，等佢地嘅收入可以好啲。對於一個對紙皮箱咁高需求嘅企業黎講，ztore 抵讚！
#ztore #士多 #多一種選擇 #ThankYouZtore
而家第一次幫襯可以減 $40，落order記住指明用環保紙箱！
https://goo.gl/33jlE1
