農曆7月14呈獻,安達臣結界之那年我在陰曹地府中渡過
安達臣以前係一個石礦場,但依家已經發展成兩條公共屋村,你信唔信呢個世界係有結界,如果入左去又出唔出得返黎?
每個人係生活中大大小小都總會有啲煩惱,無論係工作方面,感情方面,抑或親情方面
阿明係巴士公司既一名小小車長,同佢女朋友阿亭搬左出黎住,但平時因爲家中既小事而嘈吵
阿明:你都蠻不講理既,今晚我唔返黎訓,我返我屋企果度訓!
阿亭:隨便你,反正你返黎都唔會做家務!
阿眀:我為左搵錢交租,日日返10幾鐘,有幾攰,你會明?淨係識去玩?
阿明講完呢句說話後就出左門口返工,臉上流出眼淚,因為一個男人係外面捱苦,俾乘客鬧,冒着坐監及生命危險搵錢,呢啲辛酸史,家中果個女人會明白嗎?
係夜晚連場雷陣雨下,阿明仲有一單就收工,此時收到家母既whatsapp
家母:吃左飯未?
阿明:食左
家母:今日巴士
阿明:88
家母:收工未?
阿明:未呀,開車了唔講住
家母:今晚14,緊記小心
阿明:知道了
開車前阿明再收到女朋友的whatsapp
阿亭:今晚等你回來
由阿明駕駛既巴士,準時2245由大圍站開出,佢都諗住揸快啲,收工果陣去買魚肉翅俾阿亭食,但奈何落左成晚雨,都依然無停過,仲越落越大,都無得揸快啲了
進入大老山隧道時啱啱搭正晚上11點,正式搭入子時,農曆7月14來臨,鬼門關大開
唔知受雷雨影響定係農曆7月14既影響,所以今晚呢班車份外少乘客,而帶來既一種寧靜有一種格外恐怖感覺
過左基順學校,下個站就係德望學校,平時呢個站都唔會有上落,但呢個時候有個男人走去司機位問阿明
男人:司機,點去寶林,我頭先訓著左,唔記得係大老山轉798
阿明:咁你係呢個站轉91M吧
去到德望學校站,係滂沱大雨之下竟然有個阿婆係度等車,而且係無遮嫁,到站打開頭尾閘,男人落車後,阿婆都唔願上車,阿明見咁大雨,所以就問下阿婆去邊
阿明:阿婆去邊呀?
阿婆:安達臣果邊,頭先個司機教我呢個站落,我打算行過去,遠唔遠嫁?
阿明:你上車喇,呢個站行撚死你呀!
阿婆上車後:先生,唔該你呀!
阿明:呢個站行撚死你呀,啲人點撚樣教你嫁,你扶住,開車喇
正當阿明望住阿婆慢慢行去關愛座時,後面有一部214啱啱經過,此時有乘客開聲:司機呀,你係度停咁耐做乜?我趕住返屋企!
阿明:你等埋阿婆坐底先!
此時下層既乘客好似明白到一啲野,但佢地又唔可以出聲,加上巴士啱啱離開左巴士站,無得落車,而且就快到安泰邨同安達邨,佢地心諗,應該無事既
係清水灣道,阿明都見返部214,佢啱啱轉入安秀道,佢轉完後都轉紅燈,阿明又要等下一組燈了
話咁快就轉燈,阿明揸住部巴士轉入安秀道,去到安達臣道路口,竟然有個交通警截住左佢
交通警:前面冧山泥封路,你轉上去掉頭(手指安達臣道)
阿明:咁樣得唔得嫁?
交通警:我話ok就ok
咁阿明趕住收工,無可能停係度等督察黎,而且有警察指,應該無死既
轉左上去之後,條路黑嘛嘛,阿明一路揸都一路搵位掉頭,但從後鏡發現有部私家車係後面跟住左佢,無論車速幾快幾慢都好,部私家車都一直跟住佢,正想停車問路時,阿婆行出黎同佢講,司機,你唔好停車,停左無得返轉頭
阿明:咁點算好?
阿婆:俾買路錢佢!
阿明:阿婆你估依家拍緊潘紹聰恐怖熱線咩?
因為潘紹聰仲係新城做恐怖熱線時曾經有聽眾打過電話上去分享屯門公路買路錢既故事
阿婆:你唔好理,叫你做就做,我話你知依家恐怖過恐怖熱線,俾佢扒左頭你就仆街喇,仲有唔好停車,直至部車行唔到為止
乘客:司機,隔離有部私家車想撞埋黎,但車上無人嫁!
阿明即刻係身上既袋攞左幾個銀仔扔出去,部私家車都即刻消失左
此時阿明都唔知點算好,停車又死,唔停又死,而車上既乘客都心知不妙,開始傾起上黎,好景不常,阿明部巴士突然自動死火,停左係路上,呢個時候,全車乘客都係度鬧阿明,阿明只好無奈地道歉同即刻打電話返公司電台
電話接通左,阿明:電台你好
之後電話傳來長嘟聲,好似以前打漫遊時咁樣
阿明試下重打,但發覺電話無任何信號,其他乘客既都係一樣,望望手錶時間,凌晨3時15分,俗稱既三時三刻,原來不知不覺已經過左咁耐時間,明明頭先先至係23點幾,此時阿明心裏好掛住在家中等待佢既女朋友
外面繼續橫風橫雨,仲有幾聲雷聲,而且由遠處傳黎好多狗吠聲,加上農曆7月14,全車人其實都已經好驚,但阿明都要扮鎮定,唯有攞自己袋中既野食出黎安撫下啲乘客,又用部電話播下歌
電話播出周柏豪既男人背後,諗返之前同阿亭啱啱開始既時候,搬出黎同佢住,每日辛苦返工,但直到依家成日鬧交,分歧越來越多,雙方條路彷佛好像越走越遠一樣,但阿明從來無放棄過
歌一播完,一個雷打落黎,部車既車廂燈全部熄曬,阿明係司機位搞極都著唔返,心諗,今晚應該要係度渡過喇,望望外面,點解荒山野嶺會有咁多白影係車外,呢下阿明真係驚喇
阿明硬住頭皮同乘客講:部車都行唔到喇,外面橫風橫雨,唯有係度等人救喇
點知全車數十名乘客又媽又蟹,埋怨阿明揸左部車入黎,最後係橫風橫雨既情況下被乘客迫左落車搵救兵,唯獨阿婆跟左阿明落車
阿明:依家橫風橫雨,你上返車等喇,我去搵救兵,好快返
阿婆:阿婆食鹽多過你食米,你行到呢步,反唔到轉頭,你跟住阿婆行,可能仲有一線生機,記住條路上遇到乜事都唔好出聲
之後阿婆就一支箭行左去,正所謂阿婆走得快一定有古怪,所以阿明就跟住佢行
阿明到底去左一個乜野地方,其實連佢自己都唔知,阿婆係乜人佢都唔知,但呢個時候佢只可以選擇相信阿婆,到最後可唔可以返到屋企?佢相信一定返到的
凌晨1點鐘,安泰站長室內
站長祥仔:個死人阿明,到站又唔打個電話黎,個GPS信號又消失了,都唔知去左邊,打上電台報左佢先
88線係安泰站管理的,由於中秀站拍卡機故障,所以有乜事都係搵安泰站的
電台:電台,有乜事
祥仔:電台你好,我係安泰站長,我有部88 P31,車牌VR415x既GPS信號無左,又收唔到車長電話,打俾佢又無人聽,你可唔可以派人搵搵?
電台:你有無打過去中秀站問?我搵人係廠搵下,打俾佢家人問下喇
收線後祥仔打去中秀站問,當然中秀站都無見過部車
此時係屋企等緊阿明歸家既阿亭電話響起
阿亭:係咪阿明呀?
阿明老母:阿亭呀,阿明返左黎未?
阿亭:未呀阿姨,佢話今晚唔返黎,佢仲未返到你度嗎?
阿明老母:如果佢返黎要即刻打俾我
阿明老母因爲唔想阿亭擔心,所以無將件事話俾佢聽
安泰站長室內電話響起
祥仔:安泰站
電台:電台呀,九龍灣廠搵過唔見部車,打俾佢家人,都話未見到佢,佢部車最後GPS信號係23點幾,由清水灣道轉入安秀道之後就消失左
祥仔:我就係見到咁,又收唔到佢電話,所以先打上黎
一部巴士係暴風雨下連人帶車消失,公司高層最後決定報警處理
翌日既各大媒體爭相報導,一部載客巴士於暴風雨下係安達臣消失,巴士公司報警,警方,飛行服務隊,民安隊都派員到巴士信號消失前位置作大規模搜索
待續,本故事純屬虛構如有雷同實屬巧合
無事坐巴士播出時間 在 無事坐巴士 - YouTube 的推薦與評價
公視台語台第14頻道,每周五晚上10點全球首播周六晚上6點及隔周周一早上7點和下午4點重播歡迎收看喔! ... <看更多>
無事坐巴士播出時間 在 Re: [情報] 無事坐巴士入圍金鐘- 看板Bus - 批踢踢實業坊 的推薦與評價
昨日電視金鐘獎得獎結果出爐,公視
無事坐巴士並未得獎,跟1999年公視
軌道傳奇節目一樣,有入圍未得獎,
公視無事坐巴士在主頻週一至週三晚間
21:00至22:00播出,週二至週四中午
13:00至14:00重播昨日的進度,提供給大家參考....
自10/4起此時段已經停播無事坐巴士的節目,
現在就只能在公視+ OTT與YOUTUBE上可以收看了。
--
※ 發信站: 批踢踢實業坊(ptt.cc), 來自: 180.176.73.65 (臺灣)
※ 文章網址: https://www.ptt.cc/bbs/Bus/M.1633192201.A.204.html
... <看更多>